ცნობილია ახალგაზრდების ვინაობა, რომლებიც თბილისში მომხდარ ავარიას ემსხვერპლნენ

წუხელ, გვიან ღამით, თბილისში, მტკვრის სანაპიროსთან მომხდარ ავარიას 2 ახალგაზრდა ემსხვერპლა. ავტოსაგზაო შემთხვევის შედეგად სამი ადამიანი დაშავდა. 

როგორც ცნობილი ხდება, გარდაცვლილები არიან ირაკლი ქუთათელაძე და ნოდარ გულიაშვილი. 

ორივე გარდაცვლილი 20 წლის იყო. როგორც ირკვევა, ავტომობილში მყოფი ხუთივე ახალგაზრდა თანაკლასელები არიან. 

როგორც „პრაიმტაიმს“ შინაგან საქმეთა სამინისტროში განუცხადეს, ფაქტზე გამოძიება სსკ-ის 276-ე მუხლით დაიწყო.