თბილისში, ფურცელაძის ქუჩაზე ხანძარი ლიკვიდირებულია

თბილისში, რუსთაველის გამზირის მიმდებარედ, ფურცელაძის ქუჩაზე ხანძარი იყო.

ცეცხლი იტალიური ტიპის სახლის ერთ-ერთ ოთახში გაჩნდა. ადგილზე მობილიზებულნი იყვნენ სახანძრო-სამაშველო სამსახურის თანამშრომლები. 

როგორც „პრაიმტაიმს“ საგანგებო სიტუაციების მართვის სამსახურში განუცხადეს, ხანძარი ამ დროისთვის ლიკვიდირებულია. მათივე ცნობით, არავინ დაშავებულა. 

ხანძრის გამომწვევი მიზეზი უცნობია. 

ხანძრის გამო, უსაფრთხოების მიზნით, რუსთაველის გამზირზე რამდენი წუთის განმავლობაში გათიშული იყო ელექტროენერგია. აღნიშნულთან დაკავშირებით განცხადება გაავრცელა "თბილსერვის ჯგუფმა".