კახეთში ერთმანეთს მიკროავტობუსი და მსუბუქი ავტომობილი შეეჯახნენ - დაშავებულია 6 ადამიანი

კახეთში ავტოსაგზაო შემთხვევის შედეგად, 6 ადამიანი დაშავდა. შემთხვევა ცოტა ხნის წინ, საგარეჯოს მუნიციპალიტეტის სოფელ თოხლიაურთან მოხდა.

თვითმხილველების ინფორმაციით, ერთმანეთს ლაგოდეხი- თბილისის მიმართულებით მოძრავი სამარშრუტო მიკროავტობუსი და მერსედესის მარკის ავტომანქანა შეეჯახა. ძლიერი შეჯახების შედეგად, 6 ადამიანი დაშავდა.

ყველა მათგანი საგარეჯოს საავადმყოფოში სასწრაფო- სამედიცინო დახმარების ბრიგადებმა გადაიყვანეს.
დაშავებულებს გამოკვლევები უტარდებათ.

შემთხვევის ადგილზე მობილიზებული იყო საპატრულო პოლიცია. ავარიის გამომწვევ ერთ-ერთ სავარაუდო მიზეზად, უამინდობის გამო გაძნელებული ხილვადობა სახელდება. მომხდარ ფაქტზე დაწყებულია გამოძიება.

ასევე ნახეთ:

„ჩემო ბუთქუჩა თოკო... ბავშვი ღვარცოფმა მამას ხელიდან გასტაცა“ - ახლობლები ტრაგიკულად დაღუპულ ბავშვს გლოვობენ

სტიქიის ზონაში კიდევ ერთი ცხედარი იპოვეს

VIDEO: „3 შვილთან ერთად ვარ, ეზოში ვერ გავათენებთ...“ - სოფელ ხორეთიდან მოქალაქე დახმარებას ითხოვს