მარნეულში მეუღლის მიმართ ძალადობის, მუქარისა და ადევნების ბრალდებით ერთი პირი დააკავეს

პროკურატურა

მარნეულის მუნიციპალიტეტში მეუღლის მიმართ ოჯახში ძალადობის, იძულების, მუქარის, ადევნებისა და საცხოვრებელი ბინის ხელშეუხებლობის დარღვევის ბრალდებით ერთი პირი დააკავეს. პროკურატურის ინფორმაციით, სავარაუდო დანაშაულები 2024-2026 წლებში იყო ჩადენილი. სასამართლომ ბრალდებულს აღკვეთის ღონისძიების სახით პატიმრობა შეუფარდა.
 
ინფორმაციას პროკურატურა ავრცელებს.

„ქვემო ქართლის საოლქო პროკურატურის საგამოძიებო სამმართველოს თანამშრომლებმა, 2024-2026 წლებში მარნეულის მუნიციპალიტეტში, მეუღლის მიმართ განხორციელებული ოჯახში ძალადობის, იძულების, მუქარის, ადევნებისა და ბინის მფლობელობის ხელშეუხებლობის დარღვევის ფაქტებზე ერთი პირი დააკავეს.

დაკავებულს ბრალდება საქართველოს სისხლის სამართლის კოდექსის 126 პრიმა მუხლის პირველი ნაწილით, 11 პრიმა 150-ე მუხლის პირველი ნაწილით, 11 პრიმა 151-ე მუხლის მე-2 ნაწილის „დ“ ქვეპუნქტით, 11 პრიმა 151 პრიმა მუხლის პირველი ნაწილითა და 11 პრიმა 160-ე მუხლის პირველი ნაწილით წარედგინა.

პროკურატურის შუამდგომლობის საფუძველზე სასამართლომ ბრალდებულს აღკვეთის ღონისძიების სახით პატიმრობა შეუფარდა“, - ნათქვამია გავრცელებულ ინფორმაციაში.

✕