,,ეს ტკივილი და მწუხარება საერთოა" - შალვა პაპუაშვილი გუდაურის ტრაგედიაზე

საქართველოს პარლამენტის თავმჯდომარე შალვა პაპუაშვილი, გუდაურში მომხდარი ტრაგედიისას დაღუპულთა ოჯახებს სამძიმარს უცხადებს:

,,ღრმა მწუხარებას გამოვთქვამ გუდაურში მომხდარი ტრაგედიის გამო, რომელსაც შინაგან საქმეთა სამინისტროს საგანგებო სიტუაციების მართვის სამსახურის თანამშრომლები და მედიკოსები ემსხვერპლნენ.

ისინი საკუთარი პროფესიული მოვალეობის შესრულებისას - ადამიანების გადარჩენის ოპერაციის დროს დაიღუპნენ. მათი დაღუპვა დიდი დანაკლისია მთელი ქვეყნისთვის. ეს ტკივილი და მწუხარება საერთოა.

საქართველოს პარლამენტის სახელით, ვუსამძიმრებ დაღუპულთა ოჯახებს, ახლობლებს, თანამშრომლებს. ისინი გმირები არიან. ქედს ვიხრი მათი ხსოვნის წინაშე", - აღნიშნულია სამძიმრის ტექსტში.