„დედის კივილი ცას წვდებოდა... გაუსაძლისი ტკივილია“ - რას წერს მასწავლებელი ტრაგიკულად დაღუპულ მოსწავლეზე

მარტვილის სოფელ სალხინოში, ჭადრების ხეივნის მიმდებარედ გუშინ საღამოს ველოსიპედით მოძრავ 15 წლის მოზარდს მანქანა დაეჯახა. ადგილზე მისულ სასწრაფო დახმარების ბრიგადას მოზარდი გარდაცვლილი დახვდა.

არსებული ინფორმაციით, მძღოლი არაფხიზელ მდგომარეობაში იმყოფებოდა.

სამართალდამცველების მიერ დაკავებულია ავტომობილის მძღოლი. გამოძიება სისხლის სამართლის კოდექსის 276-ე მუხლით მიმდინარეობს.

„ტკივილი... ტკივილი გაუსაძლისი... ტკივილი უსაშველო... კიდევ ერთხელ ახდილი ცა დედის კივილით... კიდევ ერთი ტრაგედია... კიდევ ერთი ავტოსაგზაო შემთხვევა ჭადრების ხეივანში და მსხვერპლი ჩვენი სკოლის მეცხრე კლასის მოსწავლე აკო ჯაიანი.

აკო მორიდებული, ზრდილობიანი, სწავლის მოყვარე კონკურსებში გამარჯვებული, გარშემომყოფთა პატივისმცემელი, ბესიკ ხულორდავას სახელობის სტეპენდიანტი და კიდევ უამრავი რამ, რაც მას ღირსებას მატებდა.

ძალიან ძნელია წარსულ დროში აკოზე საუბარი, ძნელზე ძნელია...- ასეთ ემოციურ პოსტს უძღვნის ავტოსაგზაო შემთხვევის შედეგად დაღუპულ მოზარდს აკო ჯაიანს სკოლის პედაგოგი ნუნუ სილაგავა.

შსს-ს ცნობით, სამართალდამცველების მიერ დაკავებულია ავტომობილის მძღოლი. გამოძიება სისხლის სამართლის კოდექსის 276-ე მუხლით მიმდინარეობს.

ასევე ნახეთ:

საშინელი ტრაგედია - ველოსიპედით მოძრავ მოზარდს მანქანა დაეჯახა. ბიჭი ადგილზე დაიღუპა

„მძღოლი არაფხიზელ მდგომარეობაში იყო“ - 15 წლის მოზარდი შემზარავ ავარიას ემსხვერპლა

ძლიერი წვიმა, სეტყვა და ქარი - სინოპტიკოსები მოსახლეობას აფრთხილებენ

VIDEO: 83 წლის ასაკში პირველად ნახა ზღვა - ემოციური კადრები ქობულეთის სანაპიროდან

„პირველ ადგილზე ტოპ ხუთეულში!“ - ნინი შერმადინის ემოციური მიმართვა

„თუ ვინმეს გეცნობათ ისტორია, გთხოვთ შეგვეხმიანეთ“ - ახალგაზრდა კაცი მიმართვას ავრცელებს