„ბიჭს მე გავუკეთე გულის მასაჟი“ - რას ამბობს თვითმხილველი, რომელიც შადრევანში ბავშვისთვის დენის დარტყმის ფაქტს შეესწრო

ვაკის პარკში შადრევანში ჩასულ ბავშვებს დენმა დაარტყა. როგორც თვითმხილველები ჰყვებიან, ბავშვები შადრევანში ბურთის ამოსაღებად ჩავიდნენ. ექიმების მისვლამდე ბავშვის გადარჩენას მისი თანაკლასელები ცდილობდნენ.

ერთ-ერთი მოქალაქე, რომელიც ბავშვებს დაეხმარა, ამბობს, რომ ბიჭს გულის მასაჟი თავად გაუკეთა.

„მე აქ ფეხით მოვდიოდი და ბიჭი და გოგონა იყვნენ უკვე წყლიდან ამოყვანილები. ბიჭს მე გავუკეთე გულის მასაჟი და გამოვიდა მდგომაროებიდან, შემდეგ უკვე სასწრაფო მოვიდა. გოგონას სიტუაცია არ ვიცი“,- ამბობს თვითმხილველი „ტვ პირველთან“ საუბრისას.

კლინიკაში დაშავებულების შესახებ ვრცელ კომენტარს ჯერჯერობით ვერ აკეთებენ. ამ დროისთვის ბავშვები შოკის დარბაზში არიან. მათი მდგომარეობა მძიმეა.

როგორც „პრაიმტაიმს“ შსს-ში უთხრეს, მომხდარზე გამოძიება 240 პრიმა მუხლით დაიწყო, რაც ობიექტზე უსაფრთხოების წესის დარღვევას გულისხმობს.