მსოფლიო • 1766128560

მაკრონი: ჩვენ ვლადიმერ პუტინთან საუბარი დაგვჭირდება. პუტინთან საუბარი სასარგებლო იქნება

საფრანგეთის პრეზიდენტმა ემანუელ მაკრონმა განაცხადა, რომ ევროკავშირს რუსეთის ლიდერთან ვლადიმერ პუტინთან მოლაპარაკებების გამართვა დასჭირდება. ინფორმაციას Politico ავრცელებს.როგორც საფრანგეთის ლიდერმა ევროპული საბჭოს სამიტის დასრულების შემდეგ ჟურნალისტებს განუცხადა, პუტინთან საუბარი „სასარგებლო იქნება“.„ვფიქრობ, რომ ჩვენ, ევროპელებმა და უკრაინელებმა, შესაბამისი დისკუსიის დასაწყებად ჩარჩო უნდა გამოვნახოთ“, - ციტირებს Politico მაკრონს.გამოცემის ცნობით, მაკრონის განცხადებამ უკრაინა-ამერიკისა და აშშ-რუსეთის სამშვიდობო მოლაპარაკებების აქტივიზაციის ფონზე გაიჟღერა. მაკრონის თქმით, ევროპელებმა არ უნდა დაუშვან, რომ დისკუსია მხოლოდ „შუამავლებმა“ აწარმოონ.

მსოფლიო • 1765865308

ურსულა ფონ დერ ლაიენი: ვხედავთ რეალურ და კონკრეტულ პროგრესს, რომელიც შესაძლებელი გახდა უკრაინის, ევროპისა და აშშ-ის გაერთიანების წყალობით

ჩვენ ვხედავთ რეალურ და კონკრეტულ პროგრესს, ეს პროგრესი შესაძლებელი გახდა უკრაინის, ევროპისა და აშშ-ის გაერთიანების წყალობით, – ამის შესახებ ევროკომისიის პრეზიდენტმა, ურსულა ფონ დერ ლაიენმა განაცხადა.„ჩვენ გავაგრძელებთ მჭიდრო თანამშრომლობას პრეზიდენტ ზელენსკისთან და პრეზიდენტ ტრამპთან, რათა მივაღწიოთ იმას, რაც ყველას გვსურს. სამართლიანი და მდგრადი მშვიდობა, რომელიც შეინარჩუნებს უკრაინის სუვერენიტეტს და გააძლიერებს მის უსაფრთხოებას. ჩვენი მიდგომა ნათელია. და ჩვენ ვმუშაობთ ყველა ნაბიჯზე, რომელიც საბოლოოდ დაასრულებს სისხლისღვრას“, – განაცხადა ურსულა ფონ დერ ლაიენმა.მისივე თქმით, პირველი ნაბიჯი არის მდგრადი ცეცხლის შეწყვეტა და მისი მიღწევის გზა ცნობილია.„რუსეთმა უნდა იგრძნოს მუდმივი ზეწოლა, რათა მოლაპარაკებების მაგიდასთან დაჯდეს, არა დემონსტრაციისთვის, არამედ შედეგისთვის. ამ მიზნით, ევროპა გააგრძელებს რუსეთისთვის ომის საფასურის გაზრდას. ჩვენ მზად გვაქვს სანქციების ახალი პაკეტი, ჩვენ გავაჩერეთ რუსული აქტივები ევროკავშირში გრძელვადიან პერსპექტივაში“, – აღნიშნა ურსულა ფონ დერ ლაიენმა.მისივე თქმით, მეორე საკითხი არის უსაფრთხოების ძლიერი გარანტიები.„მშვიდობას სჭირდება ძლიერი და სანდო უსაფრთხოების გარანტიები. მივესალმები, რომ შეერთებული შტატები დადებითად განიხილავს უკრაინისთვის სამხედრო მხარდაჭერის გაწევას. ამას აკეთებს ევროპაც, თავისი შეიარაღებული ძალების გასაძლიერებლად, უკრაინის ტერიტორიის დასაცავად და მომავალი თავდასხმების შესაჩერებლად. და ბოლოს, ერთ-ერთი ყველაზე ძლიერი გრძელვადიანი გარანტია ასევე ყველაზე ნათელია. ესაა უკრაინის გზა ევროკავშირში. ეს უსაფრთხოების გარანტიები უნდა იყოს დაფუძნებული მტკიცე პრინციპებზე. ტერიტორიებთან დაკავშირებული გადაწყვეტილებები მხოლოდ და მხოლოდ უკრაინამ უნდა მიიღოს. ანალოგიურად, ევროკავშირისა და ნატო-ს წევრებს შორის განიხილება ევროკავშირსა და ნატო-ზე მოქმედი საკითხები. მოკლედ: არაფერი უკრაინაზე უკრაინის გარეშე. არაფერი ევროკავშირზე ევროკავშირის გარეშე. არაფერი ნატო-ზე ნატო-ს გარეშე“, – განაცხადა ურსულა ფონ დერ ლაიენმა.მისივე თქმით, მესამე პუნქტი უკრაინის ეკონომიკურ აღდგენას ეხება.„უკრაინის საჭიროებები უზარმაზარი და სასწრაფოა. ჩვენ ერთგულები ვართ უკრაინის რეკონსტრუქციისა და მომავალი კეთილდღეობის. ევროპა დარჩება მის ყველაზე ძლიერ და საიმედო პარტნიორად. ჩვენ შევთავაზეთ უკრაინის დაფინანსების საჭიროებების ორი მესამედის დაფარვა მომდევნო ორი წლის განმავლობაში, დაახლოებით 90 მილიარდი ევრო. ჩვენ მხარს დავუჭერთ მათ ბრძოლას გადარჩენისთვის იმდენ ხანს, რამდენიც საჭირო იქნება. მათი ქვეყნისთვის, მათი ტერიტორიისთვის და შიშისგან თავისუფალი ცხოვრების უფლებისთვის. 34 წლის წინ, ამ თვეში, უკრაინელებმა დიდი უპირატესობით მისცეს ხმა რუსეთისგან დამოუკიდებლობას. მათ ხმა მისცეს უკრაინის უკრაინად ქცევას. ეს არჩევანი ურყევი რჩება. უკრაინელები მას ყოველდღე შესანიშნავად იცავენ ბრძოლის ველზე. ისინი იმსახურებენ მშვიდობას, რომელიც მათი გამბედაობის შესაბამისი იქნება“, – აღნიშნა ურსულა ფონ დერ ლაიენმა.

მსოფლიო • 1765429720

Axios: უკრაინამ აშშ-ს სამშვიდობო გეგმის საკუთარი ვერსია გადასცა

უკრაინამ ამერიკულ მხარეს სამშვიდობო გეგმის საკუთარი ვერსია გადასცა. ინფორმაციას Axios-ის კორესპონდენტი ბარაკ რავიდი სოციალურ ქსელ X-ის საკუთარ გვერდზე ავრცელებს.„უკრაინამ ოთხშაბათს ტრამპის ადმინისტრაციას აშშ-ის სამშვიდობო გეგმის უკანასკნელ პროექტს პასუხი გასცა. ამის შესახებ უკრაინელმა და ამერიკელმა ჩინოვნიკებმა მითხრეს“, - დაწერა მან.ჟურნალისტს არ გაუმხელია, თუ რა მისწერეს უკრაინელებმა ამერიკელებს

პოლიტიკა • 1765271902

შალვა პაპუაშვილი: საქართველომ ნატო-ში წევრობისთვის ყველაფერი გააკეთა, მათ ომებში მივიღეთ მონაწილეობა, ალიანსის 7-8 ქვეყანას ვჯობნით ინსტიტუციური განვითარებით, ბურთი ნატო-ს მოედანზეა

საქართველომ უნდა იზრუნოს საკუთარ უსაფრთხოებაზე, საკუთარი ტერიტორიული მთლიანობის აღდგენაზე, ჩვენი მთავარი ამოცანაა, არ განხორციელდეს ის მავნე ინტერესები, რომლებიც სხვადასხვა ქვეყანას, თუ გარეპოლიტიკურ ძალებს ჰქონდათ საქართველოს წინააღმდეგ, – ამის შესახებ პარლამენტის თავმჯდომარემ შალვა პაპუაშვილმა განაცხადა.მისი თქმით, ამისთვის არსებობს სხვადასხვა ინსტრუმენტები, როგორც სხვადასხვა საერთაშორისო ორგანიზაციების გამოყენებით, ისე სხვადასხვა ალიანსებთან დაკავშირებით.„რაც შეეხება აშშ-ის პოზიციას, რომელიც უსაფრთხოების ახალ დოკუმენტში ვნახეთ, მათ შორის ნატო-სთან დაკავშირებით, ეს ის საკითხია, რომელიც დიდი ხანია, ნატო-ს წინაშე ვაყენებთ. დიდი ხანია, ვამბობთ, რომ ბურთი სრულად არის ნატო-ს მოედანზე. დიდი ხანია, ველოდებით პასუხს, ბოლოს და ბოლოს, რას ნიშნავს ეს გაღებული კარი. ეს კითხვა ჯერ კიდევ ედუარდ შევარდნაძემ დასვა – „რას ნიშნავს ღია კარი“. ღია კარი თუ ნიშნავს, რომ იქ უსაშველოდ უნდა ვიდგეთ, რისკია, ორპირ ქარში გაცივდეს და შეეყაროს რამე ადამიანს, იგივე ეხება სახელმწიფოსაც, რომელსაც ასეთ დროს რისკები შეიძლება, პირიქით, გაეზარდოს. სამწუხაროდ, ვხედავთ გარკვეულ განცხადებებს, რომ არ არსებობს კონსენსუსი გაფართოებასთნ დაკავშირებით, ამავე დროს, განცხადებებს, მათ შორის, უკრაინასთან დაკავშირებით, რომ აუცილებლად გახდება ნატო-ს წევრი, მაგრამ სად არის ქმედებები? ვერ ვხედავთ ამ ქმედებებს“, – განაცხადა შალვა პაპუაშვილმა.მისი თქმით, უკრაინელი ხალხი სამ წელზე მეტია, საკუთარი უფლებისთვის იბრძვის, რომ იყოს ნატო-ს წევრი, სისხლს ღვრის და ნორმალურ პასუხსაც არ აკადრებენ, რომ უთხრან ან კი, ან – არა.„უკრაინელებმა ხომ უნდა გაიგონ, რისთვის დაღვარეს სისხლი. მნიშვნელოვანია, გვქონდეს მკაფიო პასუხები. საქართველომ ნატო-ში წევრობისთვის ყველაფერი გააკეთა, როგორც ინსტიტუციურად, ასევე იმით, რომ ვიყავით ომში, ნატო-ს ომებში მივიღეთ მონაწილეობა, როდესაც ნატო-ს წევრი ქვეყნები ამ ომებს ემალებოდნენ. ნატო-ს 7-8 ქვეყანას ვჯობნით ინსტიტუციური განვითარებით იქნება ეს კორუფციის სიმცირე, კანონის უზენაესობა, თუ სხვა მსგავსი ინდიკატორები. დიდი ხანია, ბურთი არის ნატო-ს მოედანზე, გასცენ პასუხი, უპირველეს ყოვლისა, უკრაინელ ხალხს“, – განაცხადა პარლამენტის თავმჯდომარემ.

მსოფლიო • 1764314820

ეუთოში ბრიტანეთის წარმომადგენლობა: სამშვიდობო შეთანხმება უკრაინისთვის უსაფრთხოების სანდო მექანიზმებს უნდა ითვალისწინებდეს

ეუთოში ბრიტანეთის წარმომადგენლობა აცხადებს, რომ სამშვიდობო შეთანხმება უკრაინას უსაფრთხოების სანდო გარანტიებს უნდა აძლევდეს და ქვეყნის მომავალი თავად უკრაინელებმა უნდა გადაწყვიტონ.ორგანიზაციაში ბრიტანეთის მუდმივი წარმომადგენელი ნილ ჰოლანდი ჟენევაში გამართული მოლაპარაკებების შემდეგ უკრაინა-შეერთებული შტატების განცხადებას მიესალმა და აღნიშნა, რომ შეთანხმება უნდა იცავდეს პრინციპს, რომლის მიხედვითაც საზღვრების ძალით შეცვლა დაუშვებელია.„დიდი ბრიტანეთის პოზიცია გასაგებია. ჩვენ მივიჩნევთ, რომ უკრაინის მომავალი თავად უკრაინელებმა უნდა განსაზღვრონ. ნებისმიერმა შეთანხმებამ სამართლიანო და ხანგრძლივი მშვიდობის უზრუნველსაყოფად უკრაინის სუვერენიტეტის და უსაფრთხოება უნდა დაიცავს და ამტკიცებდეს პრინცის, რომ საზღვრების ძალის გამოყენებით შეცვლა არ შეიძლება და იყოს უსაფრთხოების სანდო მექანიზმების გარანტი, რათა თავიდან რუსეთის მომავალი აგრესია აიცილოს“, - განაცხადა ჰოლანდმა.

მსოფლიო • 1763120117

რადისლავ სიკორსკი: უკრაინა კორუფციას თუ მოითმენს, ევროკავშირში ვერ შევა, ევროკავშირი სამართლიანობას და პროცედურების გამოყენებას მოითხოვს

უკრაინა კორუფციას თუ მოითმენს, ევროკავშირში ვერ შევა. ევროკავშირი სამართლიანობას და პროცედურების გამოყენებას მოითხოვს, – ამის შესახებ პოლონეთის საგარეო საქმეთა მინისტრმა, რადოსლავ სიკორსკიმ განაცხადა.პოლონეთის საგარეო უწყების ხელმძღვანელის თქმით, გადამწყვეტი იქნება, თუ როგორი რეაგირება ექნება უკრაინის მთავრობას კორუფციის საკითხზე.კითხვაზე, უნდა იმოქმედოს თუ არა უკრაინაში კორუფციულმა სკანდალმა პოლონეთის მიერ უკრაინისადმი მხარდაჭერაზე, სიკორსკიმ უპასუხა, რომ დასავლეთის მხარდაჭერის დაკარგვის ყველაზე მარტივი გზა უკრაინაში კორუფციის მიმართ შემრიგებლობაა.„ჩვენთვის უკრაინა ფუნქციონალური ბუფერია, თავდაცვა რუსული აგრესიისგან. უკრაინა მამაცურად იბრძვის. ჩვენი საზღვრებიდან რამდენიმე ასეული კილომეტრის დაშორებით კილომეტრობით სიგრძის მამაცი უკრაინელების სასაფლაოებია, რომლებიც დაიღუპნენ ომში, რომელმაც პუტინის არმია ჩვენი საზღვრებიდან უკან დააბრუნეს. გავიხსენოთ ეს, გავიხსენოთ ეს სოლიდარობა უკრაინასთან. რა თქმა უნდა, უკრაინელებმა უნდა დაიცვან ჩვენი კანონები, რა თქმა უნდა, ჩვენ ველით, რომ მათი უმეტესობა ომის შემდეგ თავის ქვეყანაში დაბრუნდება, მაგრამ დღეს მოდით, გამოვიჩინოთ სიბრძნე და სოლიდარობა“, – განაცხადა რადოსლავ სიკორსკიმ.

მსოფლიო • 1763057865

WELT: გერმანიის კანცლერი მოითხოვს, რომ უკრაინელები გერმანიაში ჩასვლის ნაცვლად საკუთარ ქვეყანაში დარჩნენ

გერმანიის კანცლერმა ფრიდრიხ მერცმა ზელენსკისთან საუბარში მოითხოვა, რომ უკრაინელებმა, განსაკუთრებით ახალგაზრდა მამაკაცებმა, გერმანიაში წასვლის ნაცვლად „სამხედრო სამსახური საკუთარ ქვეყანაში მოიხადონ“- ამის შესახებ გამოცემა welt წერს. მისივე განცხადებით, მან ამის უზრუნველყოფა პრეზიდენტ ზელენსკის მოსთხოვა. მერცის თქმით, გერმანია დაიღალა ათიათასობით ახალი ლტოლვილის მიღებით, ხოლო უკრაინას ფრონტზე პერსონალის დეფიციტი აქვს. „მე ვთხოვე უკრაინის პრეზიდენტს, უზრუნველყოს, რომ უკრაინელი ახალგაზრდები დიდი რაოდენობით არ ჩამოვიდნენ გერმანიაში და სამშობლოში იმსახურონ.ისინი იქ საჭირონი არიან“, - განაცხადა კანცლერმა ბერლინში გამართულ კონგრესზე სიტყვით გამოსვლისას. გარდა ამისა, მერცმა მოუწოდა კიევს, „განახორციელოს დამატებითი რეფორმები განსაკუთრებით, კანონის უზენაესობის სფეროში და გააძლიეროს ბრძოლა კორუფციის წინააღმდეგ“ ენერგეტიკის სექტორში გახმაურებული სკანდალის შემდეგ, რამაც რამდენიმე მინისტრის გადადგომა გამოიწვია და უკრაინასა და მის ევროპელ სპონსორებს შორის ნდობის საკითხები წამოჭრა. 

მსოფლიო • 1761678126

იტალიის თავდაცვის მინისტრი: დაღუპულ უკრაინელთა რიცხვი შეადგენს 520 ათასს, რუსების კი - ერთ მილიონზე მეტს

დაღუპულ უკრაინელთა რიცხვი შეადგენს 520 ათასს, რუსების კი - ერთ მილიონზე მეტს, - განაცხადა იტალიის თავდაცვის მინისტრმა, გვიდო კროზეტომ. ინფორმაციას ამის შესახებ იტალიური გამოცემა La Repubblica ავრცელებს.მინისტრმა ასევე ისაუბრა რუსეთის მიერ ოკუპირებულ უკრაინის ტერიტორიებზე და აღნიშნა, რომ „2014 წელს და 2022 წლის თებერვლის შემდეგ უკრაინის დაკარგული ტერიტორიების დაბრუნება დღეს ყველასთვის შეუძლებლად მიიჩნევა“.„რუსეთი მათ არასდროს დათმობს, ხოლო უკრაინას არ ეყოფა ძალა, რომ ისინი თავად დაიბრუნოს - თუნდაც ჩვენი დახმარებით“, - აღნიშნა იტალიის თავდაცვის უწყების ხელმძღვანელმა.„პუტინს უკან დახევა იმიტომაც არ შეუძლია, რადგან მან შეცვალა კონსტიტუცია და ოკუპირებული ტერიტორიები „რუსულ“ ტერიტორიებად აქცია, რის შედეგადაც მან თავი ისეთ მდგომარეობაში ჩააყენა, რომ მოლაპარაკებების წარმოება აღარ შეუძლია“, - დასძინა მან.კითხვაზე - მზად არის თუ არა აშშ-ის პრეზიდენტი, დონალდ ტრამპი ხელი მოაწეროს ყველა ტერიტორიის დათმობას? - იტალიელმა მინისტრმა უპასუხა: „შეერთებული შტატების პრეზიდენტის პირველი ვარაუდი სწორედ დათმობების შესახებ საუბარი იყო…“.კითხვაზე - შეძლებს თუ არა უკრაინა ოკუპირებული ოთხი პროვინციის დათმობის აღიარებას? - კროზეტომ უპასუხა, რომ „მხოლოდ უკრაინელებმა უნდა გადაწყვიტონ, უფრო დიდი მსხვერპლია ტერიტორიების დათმობა თუ სისხლისმღვრელი ომის გაგრძელება, რომელიც შესაძლოა კიდევ უფრო გაუარესდეს“.„დაღუპულ უკრაინელთა რიცხვი შეადგენს 520 ათასს, რუსების კი - ერთ მილიონზე მეტს. განსხვავება ის არის, რომ უკრაინელებმა იციან თავიანთი დანაკარგები, რუს ხალხს კი ამაზე წარმოდგენაც არ აქვს“, - დასძინა მან.

მსოფლიო • 1761673402

იტალიის თავდაცვის მინისტრი: უკრაინის დაკარგული ტერიტორიების დაბრუნება დღეს ყველასთვის შეუძლებლად მიიჩნევა - რუსეთი მათ არასდროს დათმობს, ხოლო უკრაინას არ ეყოფა ძალა, რომ ისინი თავად დაიბრუნოს, თუნდაც ჩვენი დახმარებით

2014 წელს და 2022 წლის თებერვლის შემდეგ უკრაინის დაკარგული ტერიტორიების დაბრუნება დღეს ყველასთვის შეუძლებლად მიიჩნევა, - განაცხადა იტალიის თავდაცვის მინისტრმა, გვიდო კროზეტომ. ინფორმაციას ამის შესახებ იტალიური გამოცემა La Repubblica ავრცელებს.„რუსეთი მათ არასდროს დათმობს, ხოლო უკრაინას არ ეყოფა ძალა, რომ ისინი თავად დაიბრუნოს - თუნდაც ჩვენი დახმარებით“, - აღნიშნა იტალიის თავდაცვის უწყების ხელმძღვანელმა.„პუტინს უკან დახევა იმიტომაც არ შეუძლია, რადგან მან შეცვალა კონსტიტუცია და ოკუპირებული ტერიტორიები „რუსულ“ ტერიტორიებად აქცია, რის შედეგადაც მან თავი ისეთ მდგომარეობაში ჩააყენა, რომ მოლაპარაკებების წარმოება აღარ შეუძლია“, - დასძინა მან.კითხვაზე - მზად არის თუ არა აშშ-ის პრეზიდენტი, დონალდ ტრამპი ხელი მოაწეროს ყველა ტერიტორიის დათმობას? - იტალიელმა მინისტრმა უპასუხა: „შეერთებული შტატების პრეზიდენტის პირველი ვარაუდი სწორედ დათმობების შესახებ საუბარი იყო…“.კითხვაზე - შეძლებს თუ არა უკრაინა ოკუპირებული ოთხი პროვინციის დათმობის აღიარებას? - კროზეტომ უპასუხა, რომ „მხოლოდ უკრაინელებმა უნდა გადაწყვიტონ, უფრო დიდი მსხვერპლია ტერიტორიების დათმობა თუ სისხლისმღვრელი ომის გაგრძელება, რომელიც შესაძლოა კიდევ უფრო გაუარესდეს“.„დაღუპულ უკრაინელთა რიცხვი შეადგენს 520 ათასს, რუსების კი - ერთ მილიონზე მეტს. განსხვავება ის არის, რომ უკრაინელებმა იციან თავიანთი დანაკარგები, რუს ხალხს კი ამაზე წარმოდგენაც არ აქვს“, - დასძინა მან.

პოლიტიკა • 1759075260

4 ოქტომბერს უნდა შევიკრიბოთ და ისეთი სიურპრიზი შევთავაზოთ ე.წ. ხელისუფლებას, როგორიც უკრაინელებმა ჩაუტარეს რუსებს "აბლაბუდას" სახით - გიორგი ახობაძე

"რეალურად ახლა ჩვენც იგივე დაბომბვის ქვეშ ვიმყოფებით, როგორი დაბომბვის ქვეშაც იმყოფება უკრაინა. მინდა ყველას გავახსენო, რომ ცოტა ხნის წინ უკრაინამ რუსებს სერიოზული სიურპრიზი შესთავაზა "აბლაბუდას" სახით და მგონია, რომ ჩვენც რაღაც მსგავსი სიურპრიზი უნდა შევთავაზოთ. განსხვავებული, რომელსაც არ ელოდებიან და აქამდე არასდროს გვიქნია,"- ამის შესახებ ოპოზიციის აქტივისტმა გიორგი ახობაძემ "დღის ამბებში" განაცხადა."ისეთი რამე, რომ გარდატეხა შევიტანოთ. უკრაინამაც ამის შემდეგ ისეთი გარდატეხა შეიტანა, მოტივაციის თვალსაზრისით იმხელა ნახტომი იყო უკრაინელი მებრძოლებისთვის ის ოპერაცია, რაც ჩატარდა და დღემდე ვუყურებთ წერტილოვან დარტყმებს იმ არტერიებზე, რომლებიც ასაზრდოებს რუსულ სამხედრო მანქანას, იქნება ეს ნავთობგადამამუშავებელი ქარხნები, სამხედრო ინფრასტრუქტურა, თუ ასე შემდეგ. ჩვენც რაღაც „აბლაბუდას“ მსგავსი უნდა გამოგვივიდეს. 4-ში ყველა ერთად უნდა შევიკრიბოთ, თუ არ შევიკრიბეთ, ვერაფერს დავიწყებთ. 4 რიცხვი ამიტომ არის მნიშვნელოვანი, რომ უნდა შევიკრიბოთ და ისეთი სიურპრიზი უნდა შევთავაზოთ რუსული გავლენების გამტარებელ ე.წ. ხელისუფლებას, როგორიც ჩაუტარეს უკრაინელებმა რუსებს „აბლაბუდას“ სახით. ისეთი რაღაც უნდა ვქნათ, რაც აქამდე არ გვიქნია და ეგ რაღაც ჩემი გადმოსახედიდან არის პერმანენტული პროცესი, რომელიც იქნება ქუჩაში და დილით, მოქალაქეები რომ გაიღვიძებენ და სამსახურში წასვლას რომ დააპირებენ დახვდებათ ქუჩაში“- განაცხადა გიორგი ახობაძემ.

პოლიტიკა • 1758726841

ზაალ ანჯაფარიძე ზელენსკის განცხადებაზე: ეტყობა ვერა და ვერ მოინელა ბოღმა, იმის გამო რომ ომში ვერ შეგვითრია

ანალიტიკოსი, ზაალ ანჯაფარიძე, სოციალურ ქსელში ეხმიანება უკრაინის პრეზიდენტ ზელენკის მიერ გაკეთებულ განცხადებას საქართველოსთან დაკავშირებით, რომლის თქმითაც, “საქართველოში ადამიანთა უფლებები და სახელმწიფო სისტემის ევროპული ბუნება მხოლოდ სუსტდება”.ანჯაფარიძის განცხადებით, აშკარაა, რომ ზელენსკიმ ვერ მოინელა ის ფაქტი, რომ საქართველო ომში ვერ ჩაითრია. “ამ ყველა გაგებით ლილიპუტმა საკუთარი ქვეყანა რომ თავზე ემხობა, საქართველოსთვის "მოიცალა." ეტყობა ვერა და ვერ მოინელა ბოღმა, იმის გამო რომ ომში ვერ შეგვითრია. როდესაც ჩვენს ერს და ქვეყანას, ასეთები ენას შეაჩვევენ, მათ გაეროს ტრიბუნიდანვე უნდა გაეცეს საკადრისი პასუხი, როგორც მინიმუმ. იმედია ჩვენი პრეზიდენტი ამას გააკეთებს. საერთოდ, უკრაინელებმა, ვინც არ უნდა იყვნენ, პირში ვარდის წყალი გამოივლონ, როდესაც საქართველოზე საუბრობენ”,- წერს ანჯაფარიძე.

პოლიტიკა • 1758521854

სოზარ სუბარი: დავიცვათ ჩვენი დამოუკიდებლობა, ჩვენი სუვერენიტეტი და ღირებულებები, ეს არის ყველაზე მთავარი. ეს არის მშვიდობის შენარჩუნების და განვითარების ერთადერთი გზა

„ვიზალიბერალიზაცია არის ძალიან დიდი მიღწევა ჩვენი ქვეყნის, ჩვენი ხელისუფლების. ეს არის დიდი კომფორტი ჩვენი მოსახლეობისთვის და მე იმედი მაქვს, რომ ვერ მოხერხდება მისი შეჩერება, რადგან ევროპაში გვყავს ძალიან ბევრი მეგობარი, ვინც იცავს ჩვენს სიმართლეს“, - განაცხადა მედიასთან საუბარში პარლამენტის ვიცე-სპიკერმა, „ხალხის ძალის“ თავმჯდომარე სოზარ სუბარმა.მისი თქმით, რომც მოხდეს ვიზალიბერალიზაციის შეჩერება, ეს არის მხოლოდ 9-თვიანი პროცედურა და ამ თვეების გასვლის შემდეგ ბევრი რამ შეიცვლება საქართველოსთან მიმართებაში, რადგან ევროპის ქვეყნებში ხელისუფლებაში კონსერვატიული ძალები მოდიან, რომლებისთვისაც იგივე ღირებულებებია მთავარი, რაც აქვს საქართველოს.„ისეც რომ მოხდეს, რომ ქართულმა რადიკალურმა ოპოზიციამ და მათმა უცხოელმა მფარველებმა მიზანს მიაღწიონ, ვიზალიბერალიზაციის შეჩერება მაინც დროებითი, 9-თვიანი პროცედურაა, ამ შეჩერების გაგრძელება კი გაცილებით ძნელი იქნება, რადგან ევროპის პოლიტიკური ლანდშაფტი ძალიან სწრაფად იცვლება და ბევრ ქვეყანაში კონსერვატიული ძალები იმარჯვებენ.ვიზალიბერალიზაციის შეჩერების მცდელობებს ერთადერთი მიზანი აქვს - გამოიწვიონ მასობრივი სახალხო პროტესტი ხელისუფლების წინააღმდეგ. ქართული საზოგადოება მარტივი არჩევანის წინაშე დგას: სასწორის ერთ პინაზე დევს ვიზალიბერალიზაციის 9 თვით შეჩერების საფრთხე, ხოლო მეორეზე - ომში ჩართვის საფრთხე; ერთი მხრივ გვემუქრებიან ვიზალიბერალიზაციის ცხრათვიანი შეჩერებით და, მეორე მხრივ, არსებობს საფრთხე, რომ ჩვენთანაც იგივე მოხდეს, რაც მოხდა სირიაში, ლიბიასა და რამდენიმე სხვა ქვეყანაში „არაბულ გაზაფხულად“ წოდებული სახელმწიფო გადატრიალებების შედეგად. ამ თავიდან თითქოს „მშვიდობიან სამოქალაქო ამბოხებებს“ შედეგად მოჰყვა ასეულობით ათასი ადამიანის სიკვდილი, მილიონობით ადამიანის ლტოლვილად ქცევა, ამ ქვეყნების ეკონომიკების განადგურება და სახელმწიფოებრიობის რღვევა.ევრობიუროკრატებმა არაერთხელ განაცხადეს, რომ საქართველოს ომში ჩართვისკენ არავინ მოუწოდებდა და ეს თემა თითქოს ჩვენი გამოვიგონეთ. დავუშვათ, ჩვენ რაღაცას ვიგონებდით და ვაბრალებდით ჩვენს დასავლელ თუ უკრაინელ მეგობრებს, თითქოს მათ ჩვენი ომში ჩათრევა სურდათ, მაგრამ რას უპასუხებენ პოლონეთის აწ უკვე ყოფილ პრეზიდენტს ანდჟეი დუდას, რომელმაც სულ რაღაც 3 კვირის წინ განაცხადა, რომ უკრაინის ხელისუფლების მხრიდან იყო უამრავი მცდელობა და ძალიან დიდი ზეწოლა პოლონეთზე, რომ ისიც ჩართულიყო რუსეთ-უკრაინის ომში. ანუ, ქვეყანაზე, რომელიც ევროკავშირის და ნატოს წევრია, რომლის მშპ-მ ერთ ტრილიონ აშშ დოლარს მიაღწია და 40 მილიონამდე მოსახლეობა ჰყავს, იყო ზეწოლა და ვინმეს უკვირს, რომ საქართველოზეც იყო მსგავსი ზეწოლა სხვადასხვა ძალების მხრიდან?თანაც, პოლონეთი არც კი ესაზღვრება რუსეთს, საქართველოს კი ყველაზე დიდი საზღვარი სწორედ რუსეთთან აქვს. ჩვენი ტერიტორიების 20% ოკუპირებულია და თან გეოგრაფიულად ორ სხვადასხვა ადგილას. ამ ყველაფრიდან გამომდინარე ძალიან ადვილად გასაწირი ქვეყანა ვიყავით. როდესაც მსოფლიოში არსებული წესრიგი ფაქტობრივად მორღვეულია და მსოფლიოს ხელახალი გადანაწილება მიმდინარეობს, დიდი სახელმწიფოები ნაკლებად ფიქრობენ პატარა ქვეყნების ბედზე და ადვილად სწირავენ მათ თავიანთი ინტერესებისთვის.ჩვენ კარგად გვახსოვს ბაიდენის ადმინისტრაციის სახელმწიფო მდივნის, ენტონი ბლინკენის და თავდაცვის მდივნის, ლოიდ ოსტინის განცხადებები, რომლებმაც კრიტიკის პასუხად - თუ რატომ უნდა იხარჯებოდეს აშშ-ს გადასახადის გადამხდელთა ფული უკრაინის დასახმარებლად, პირდაპირ განაცხადეს - ამ ფულს ისევ ამერიკის თავდაცვის მრეწველობაში ვხარჯავთ და ამერიკის ეკონომიკას ვაძლიერებთ, სამაგიეროდ, ამით ჩვენს მტერს, რუსეთს ვასუსტებთ და უკრაინელები კვდებიანო. ეს არის ცინიკური დამოკიდებულება ადამიანების სიცოცხლისა და იმ სახელმწიფოს ბედის მიმართ, რომელიც ამერიკის ერთგული მოკავშირეა.სამწუხაროდ, ასეთი დამოკიდებულება დიდად არ შეცვლილა ტრამპის ადმინისტრაციის პირობებშიც. მართალია, ერთი მხრივ პრეზიდენტი ტრამპი ცდილობს მშვიდობის დამყარებას, მაგრამ, მეორე მხრივ, რადგან ჯერჯერობით ეს არ გამოსდის, ის პირდაპირ ამბობს, რომ სანამ ომი გრძელდება, ამერიკამ ფული უნდა გააკეთოს: რადგან ომი არის ევროპის კონტინენტზე, შესაბამისად, მისი დაფინანსება თავის თავზე სწორედ ევროპულმა ქვეყნებმა უნდა აიღონ - ჩვენ იარაღს მივყიდით და უკრაინელებმა იომონო.როდესაც ადამიანების სიცოცხლისა და სახელმწიფოების მომავლის მიმართ არსებობს ასეთი ცინიკური დამოკიდებულება, რატომ უკვირს ვინმეს, რომ საქართველოზე იყო ზეწოლა, რომ ომში ჩავრთულიყავით? ეს საფრთხე არსებობდა და ავიცილეთ, თუმცა უნდა გვახსოვდეს, რომ სანამ ომი გრძელდება, საფრთხე ბოლომდე აცილებული არ არის. ამიტომ, მთელი ერი უნდა ვიყოთ ფხიზლად, შევკავშირდეთ და არჩევნებზე ვაჩვენოთ საერთაშორისო საზოგადოებას, თუ როგორი მხარდაჭერა აქვს მშვიდობის პოლიტიკას საქართველოში“, - განაცხადა სოზარ სუბარმა.