პოლიტიკა • 1746113820

ჯეი დი ვენსი: უკრაინასა და რუსეთს შორის ომის დასრულების ხედვასთან დაკავშირებით ძალიან დიდი უფსკრულია - ტრამპის ადმინისტრაცია იმუშავებს მხარეების დასაახლოებლად

აშშ-ის ვიცე-პრეზიდენტმა, დონალდ ტრამპმა განაცხადა, რომ უკრაინასა და რუსეთს შორის ომის დასრულების ხედვასთან დაკავშირებით ძალიან დიდი უფსკრულია, ამიტომ დონალდ ტრამპის ადმინისტრაცია იმუშავებს მხარეების დასაახლოებლად.„რუსეთსა და უკრაინას შორის კონფლიქტის გადაწყვეტის პირველი და აუცილებელი ნაბიჯი არის ის, რომ თითოეულმა მხარემ გააკეთოს სამშვიდობო შეთავაზება“, - აღნიშნა აშშ-ის ვიცე-პრეზიდენტმა.„და ეს უკვე მოხდა. უკრაინელებმა თქვეს: „აი, რა გვინდა ჩვენ“. რუსებმა თქვეს: „აი, რა გვინდა ჩვენ“. და ახლა დიპლომატიის საქმეა ამ ორი მხარის დაახლოების მცდელობა. რადგან იმას შორის, რაც რუსებს უნდათ და რაც უკრაინელებს უნდათ, ძალიან დიდი უფსკრულია“, - განაცხადა მან.მან დასძინა, რომ სამშვიდობო წინადადებები უკვე გაჟღერდა და ტრამპის პრეზიდენტობის მომდევნო 100 დღის განმავლობაში მისი ადმინისტრაცია ძალიან დაჟინებით იმუშავებს ამ მხარეების დაახლოების კუთხით.

მსოფლიო • 1746111594

რუსებისა და უკრაინელების სურვილებს შორის დიდი უფსკრულია, ტრამპის ადმინისტრაცია შემდეგი 100 დღის განმავლობაში გულმოდგინედ იმუშავებს მხარეების პოზიციების დასაახლოებლად - ჯეი დი ვენსი

აშშ-ის ვიცე-პრეზიდენტი ჯეი დი ვენსი აცხადებს, რომ რუსეთისა და უკრაინის პოზიციებს შორის დიდი უფსკრულია. აღნიშნულის შესახებ ჯეი დი ვენსმა „ფოქს ნიუსთან“ ინტერვიუში განაცხადა.ამასთან, ჯეი დი ვენსის თქმით, ტრამპის ადმინისტრაცია იმუშავებს, რათა მხარეების დაახლოება სცადოს. როგორც ჯეი დი ვენსმა აღნიშნა, კონფლიქტის მშვიდობიანი გზით გადაჭრისთვის დღეს უმთავრესი და აუცილებელია, თითოეულმა მხარემ გააკეთოს სამშვიდობო წინადადება.„ეს უკვე მოხდა. უკრაინელებმა უკვე თქვეს: აი, რა გვსურს ჩვენ, რუსებმა თქვეს ის, რაც მათ უნდათ. ახლა დიპლომატიის საქმეა, სცადოს, დააახლოოს ეს ორი მხარე, რადგან რუსებისა და უკრაინელების სურვილებს შორის ძალიან დიდი უფსკრულია“, – განაცხადა ჯეი დი ვენსმა.მისი განცხადებით, ტრამპის ადმინისტრაცია შემდეგი 100 დღის განმავლობაში გულმოდგინედ იმუშავებს მხარეების პოზიციების დასაახლოებლად.

მსოფლიო • 1746039684

უკრაინას სურს ცვლილებები წიაღისეულის შეთანხმებაში, ვაშინგტონი ხელმოწერისთვის მზად არის - სკოტ ბესენტი

უკრაინას სურს ცვლილებები წიაღისეულის შეთანხმებაში, ვაშინგტონი ხელმოწერისთვის მზადაა, – ამის შესახებ აშშ-ის სახაზინო დეპარტამენტის ხელმძღვანელმა, სკოტ ბესენტმა განაცხადა.„ჩვენი მხარე მზადაა ხელმოსაწერად. უკრაინელებმა გუშინ საღამოს გადაწყვიტეს რამდენიმე ცვლილების შეტანა. ჩვენ დარწმუნებულები ვართ, რომ ისინი გადახედავენ ამ გადაწყვეტილებას, და ჩვენ მზად ვართ ხელი მოვაწეროთ დღეს საღამოს, თუ ისინიც მზად არიან“,- განაცხადა ბესენტმა თეთრ სახლში გამართული კაბინეტის სხდომაზე.ჟურნალისტის კითხვაზე, თუ რა ცვლილებაზეა საუბარი, ბესენტმა განაცხადა, რომ აშშ-ის მხრიდან არანაირი ცვლილება არ ყოფილა.„ეს იგივე შეთანხმებაა, რაზეც შევთანხმდით შაბათ-კვირას. ჩვენი მხრიდან არანაირი ცვლილება არ ყოფილა“,- აღნიშნა ბესენტმა.აშშ-ის პრეზიდენტმა, დონალდ ტრამპმა განაცხადა, რომ შეთანხმება უკვე მიღწეულია და ის ვარაუდობს, რომ უკრაინა პატივს სცემს მას.„მე არ მინდოდა რთული შეთანხმების დადება. არ მინდოდა ისეთი შეთანხმების დადება, რომელიც ვერ განხორციელდებოდა, რადგან უკრაინას არ აქვს ბევრი ფული. ისინი ძალიან ცუდ პერიოდს გადიან. მათ აქვთ ძალიან კარგი იშვიათი წიაღისეული. როგორც იცით, ჩვენ ყოველთვის ვეძებთ იშვიათ წიაღისეულს და მათ ბევრი აქვთ. ჩვენ დავდეთ შეთანხმება, სადაც ჩვენი ფული დაცულია. ეს მათთვისაც კარგია, რადგან ადგილზე ეყოლებათ აშშ-ის წარმომადგენლობა. ასე რომ, ჩვენ დავდეთ შეთანხმება, და ვვარაუდობ, რომ ისინი პატივს სცემენ ამ შეთანხმებას. მე სკოტი დავნიშნე პასუხისმგებელ პირად და სკოტმა ეს ბრწყინვალედ გააკეთა, მაგრამ ჩვენ ჯერ არ გვინახავს ამ შეთანხმების ნაყოფი. ვვარაუდობ, რომ ვნახავთ“,- განაცხადა ტრამპმა.

მსოფლიო • 1743841789

შეერთებულმა შტატებმა უნდა იცოდეს, სერიოზულად არის თუ არა რუსეთი განწყობილი მშვიდობისთვის - მარკო რუბიო

უკრაინაში მიმდინარე მოვლენებს ეხმაურებიან ამერიკის შეერთებულ შტატებში. სახელმწიფო მდივანი მარკო რუბიო ამბობს, რომ დროა, რუსეთმა თავისი პოზიცია გამოკვეთოს - სურს თუ არა უკრაინაში ომის დასრულება.მარკო რუბიო საუბრობს იმაზეც, რომ ამერიკის შეერთებული შტატების 47-ე პრეზიდენტი, ახალ ადმინისტრაციასთან ერთად, ომის დასასრულებლად ყველაფერს აკეთებს."პრეზიდენტ ტრამპს სურდა ამ ომის დასრულება, ხელისუფლებაში ხელახლა მოსვლისთანავე, მან შესაძლო სცენარების გამოცდა დაიწყო. აინტერესებდა, შესაძლებელია თუ არა ომის დასრულება ისეთი პირობებით, რომელიც, რა თქმა უნდა, ორივე მხარისთვის მისაღები იქნება. ბუნებრივია, ომს ვერ დაასრულებ - თუ ორივე მხარე არ იქნება თანახმა. სწორედ ამას ვარკვევთ ახლა. მალე, რამდენიმე კვირაში და არა თვეებში, გავიგებთ, სერიოზულად არის თუ არა რუსეთი მშვიდობის მომხრე. იმედი მაქვს, რომ ასეა. მსოფლიოსთვის სასარგებლო იქნებოდა ამ ომის დასრულება, მაგრამ, რა თქმა უნდა, ეს მოსაზრება გამოცდას საჭიროებს. ამ პროცესში ვართ ჩართულნი. გვყავდა სტუმარი — კირილ მისტერი. მქონდა შესაძლებლობა, მასთან ერთად მემსჯელა. ის გარკვეულ გზავნილებს წაიღებს, რომელიც ასეთია: შეერთებულმა შტატებმა უნდა იცოდეს, სერიოზულად არის თუ არა რუსეთი განწყობილი მშვიდობისთვის. საბოლოოდ, ეს გადაწყვეტილება პუტინმა და რუსეთის ფედერაციამ უნდა მიიღოს. ვფიქრობ, უკრაინელებმა გამოავლინეს მზაობა, მაგალითად, სრული ცეცხლის შეწყვეტისთვის, რათა მოლაპარაკებებისთვის სივრცე შეიქმნას. უახლოეს მომავალში და არა ექვსი თვის შემდეგ. რუსებსა და პუტინს მოუწევს გადაწყვიტოს, სერიოზულად არის თუ არა მშვიდობისკენ მიმართული. იმედი მაქვს, ასეა. . რადგან, ვიმეორებ, მსოფლიოსთვის სასარგებლო იქნება ამ ომის დასრულება განცხადებას ავრცელებს ომში მყოფი ქვეყნის პრეზიდენტიც! ევროპელ ლიდერებთან შეხვედრის შემდეგ, ვოლოდიმირ ზელენსკი ამბობს, რომ უკრაინა ცეცხლის შეწყვეტისთვის მზადაა, თუმცა შეთანხმება უპირობო უნდა იყოს", - განაცხადა მარკო რუბიომ. ავტორი: 

მსოფლიო • 1743412798

NYT: უკრაინამ 2022 წელს აშშ-ის დახმარებით რუსეთის 58-ე არმიაზე იერიში მიიტანა და კრეისერი „მოსკოვი“ ჩაძირა

უკრაინულმა ჯარმა ამერიკული მხარის დახმარებით 2022 წელს რუსეთის 58-ე არმიაზე წარმატებული იერიში მიიტანა და შავ ზღვაში რუსული კრეისერი „მოსკოვი“ ჩაძირა. ინფორმაციას The New York Times-ი ავრცელებს.სტატიის ავტორის თანახმად, 2022 წლის ზაფხულში უკრაინულმა მხარემ ამერიკული სადაზვერვო მასალების გამოყენებით ხერსონის ოლქში დისლოცირებულ 58-ე არმიაზე წარმატებული თავდასხმა განახორციელა, რა დროსაც არმიის რამდენიმე მაღალი რანგის სამხედრო დაიღუპა.რუსული არმია და მისი მეთაურები ადგილს იცვლიდნენ, თუმცა ამერიკელები მათ კვალს ადგენდნენ და უკრაინელებს ახალ კოორდინატებს აძლევდნენ. უკრაინელები მათ კვლავ ანადგურებდნენ.გამოცემის თანახმად, სამხრეთით უკრაინელებმა მიზანში სევასტოპოლი ამოიღეს, სადაც რუსეთის შავი ზღვის ფლოტი მდებარეობს. 2022 წელს აშშ-ის ცენტრალური სადაზვერვო სამმართველოს დახმარებით საზღვაო დრონების ჯგუფმა სევასტოპოლის პორტზე იერიში მიიტანა და რამდენიმე სამხედრო გემი დააზიანა, რის გამოც რუსებმა იქიდან ფლოტი გაიყვანეს.გარდა ამისა, როგორც The New York Times-ი წერს, 2022 წლის ზაფხულში, როცა უკრაინელები და ამერიკელები ინფორმაციის მორიგ, რუტინულ გაცვლას აწარმოებდნენ, ამერიკელებმა მოულოდნელად რადარებზე რაღაცა აღმოაჩინეს. ერთ-ერთი ამერიკელი მაღალჩინოსნის თქმით, მაშინ ამერიკელებმა თქვეს: „ო, ეს „მოსკოვია!“. უკრაინელებმა უპასუხეს: „ღმერთო. დიდი მადლობა. ნახვამდის“.ამის შემდეგ უკრაინელებმა „მოსკოვი“, რომელიც შავი ზღვის ფლოტის ფლაგმანი იყო, ჩაძირეს. ამ ფაქტმა ამერიკელები გააბრაზა, ვინაიდან უკრაინელებმა ისინი არც კი გააფრთხილეს.

საზოგადოება • 1742719474

უკრაინაში მოკლეს ოსი ბოევიკი, რომელიც სავარაუდოდ, გიორგი ანწუხელიძის წამებაში მონაწილეობდა

„უკრაინაში მოკლეს ოსი ბოევიკი, რომელიც, არსებული ინფორმაციით, გიორგი ანწუხელიძის წამებაში მონაწილეობდა“, – აღნიშნულის შესახებ ინფორმაციას ანტისაოკუპაციო მოძრაობის „ძალა ერთობაშიას” დამფუძნებელი დავით ქაცარავა სოციალურ ქსელში ავრცელებს.„უკრაინელებმა გაანადგურეს ყაზბეგ ტიმოვი(ოსი სეპარატისტი)- გიორგი ანწუხელიძის უშუალო ჯალათი/მკვლელი. ჩვენს მაგივრად აიღეს სისხლი ჩვენმა ძმებმა! დიდება გმირებს! დიდება უკრაინას! დიდება უკრაინაში მებრძოლ ქართველ და სხვა ეროვნების მეომრებს!“, – წერს დავით ქაცარავა.უმცროსი სერჟანტი ანწუხელიძე 2008 წლის აგვისტოს ომის დროს რუს ოკუპანტებს ტყვედ ჩაუვარდათ. 2008 წლის ნოემბრამდე ანწუხელიძე უგზო-უკვლოდ დაკარგულად ითვლებოდა. თუმცა, მოგვიანებით ოკუპირებული ცხინვალიდან გადმოსვენებული 10 ქართველის ცხედრის გენეტიკური ექსპერტიზის შედეგად დადგინდა, რომ ანწუხელიძე ერთ-ერთი მათგანი იყო.2009 წლის იანვარში ინტერნეტში გავრცელდა ვიდეო მასალა, რომელშიც გიორგი ანწუხელიძე ოკუპანტებს წრეში ჰყავთ მოქცეული და მას რიგრიგობით ურტყამენ ფეხებს კეფასა თუ ზურგზე. ოკუპანტები ანწუხელიძეს აიძულებდნენ, მიწისთვის ეკოცნა, თუმცა 23 წლის გმირის გატეხვა ვერ შეძლეს. საბოლოოდ, ის ოსმა სეპარატისტებმა ცემით მოკლეს და ოკუპირებულ ცხინვალში დატოვეს. 

მსოფლიო • 1741880574

2014 წლიდან ზავი არაერთხელ გამოცხადებულა, ირკვეოდა, რომ გვატყუებენ - ტრამპის ადმინისტრაცია გაერკვევა ყველაფერში - სერგეი ლავროვი

უკრაინაში 2014 წლიდან ზავი არაერთხელ გამოცხადებულა, – ამის შესახებ რუსულ მედიასთან საგარეო საქმეთა მინისტრმა, სერგეი ლავროვმა განაცხადა.„როგორც 2014 წლიდან ისტორია გვაჩვენებს, დროებით ზავი უკვე გამოცხადებულა არაერთხელ. ეს არის მინსკის შეთანხმებებიც და ის შეთანხმებებიც, რომლებიც 2014 წლის პუტჩით დაირღვა, და შეთანხმებები სტამბოლშიც. ყველაფერი ეს ზავის გამოცხადებასთან იყო დაკავშირებული. მუდმივად, ყოველ ჯერზე ასეთი შეთანხმებების მერე ირკვეოდა, რომ ჩვენ გვატყუებდნენ. გვატყუებდნენ უკრაინელები ევროპიდან თავიანთი პარტნიორების მხარდაჭერით“, – თქვა სერგეი ლავროვმა.რუსეთის საგარეო საქმეთა მინისტრმა განაცხადა, რომ რუსეთს სჭირდება მდგრადი, მუდმივი მშვიდობა, რომელიც ეყრდნობა უკრაინაში ამჟამინდელი სიტუაციის გამომწვევი პირველადი მიზეზების აღმოფხვრას.„ახალ ევროპელებს თუ სურთ, გააკეთონ ისე, რომ უკრაინელებმა ამერიკელებიც მოატყუონ, მაშინ, ვფიქრობ, ტრამპის ადმინისტრაციას ყველაფერი მშვენივრად ესმის და ყველაფერში გაერკვევა“, – აღნიშნა სერგეი ლავროვმა.

მსოფლიო • 1741764828

ტრამპმა ზელენსკის თავისი ადგილი მიუჩინა - თეთრი სახლის პრესმდივანი

თეთრი სახლის პრესმდივანმა, კაროლინ ლევიტმა Fox News-ის ეთერში განაცხადა, რომ აშშ-ის პრეზიდენტმა, დონალდ ტრამპმა უკრაინის ლიდერს, ვოლოდიმირ ზელენსკის თავისი ადგილი მიუჩინა.„პრეზიდენტი [ტრამპი] მოლაპარაკებების ხელოვნებას იუმჯობესებს. ის მთავარი მომლაპარაკებელია. მან პრეზიდენტ ზელენსკის თავისი ადგილი მიუჩინა და თქვა, რომ ამერიკელები სერიოზულად ეკიდებიან გრძელვადიან მშვიდობას. ჩვენ ძალიან გვიხარია ის, რასაც მიაღწიეს უკრაინელებმა ცეცხლის შეწყვეტაზე მუშაობისას“, - თქვა ლევიტმა.ცნობისთვის, აშშ-ისა და უკრაინის დელეგაციებმა გუშინ საუდის არაბეთის ქალაქ ჯიდაში მოლაპარაკებები გამართეს. მოლაპარაკებების შედეგად უკრაინა დათანხმდა 30-დღიან დროებით ცეცხლის შეწყვეტის წინადადებას. ამერიკა საპასუხოდ კიევისთვის სამხედრო დახმარებისა და სადაზვერვო ინფორმაციის გადაცემას განაახლებს.

მსოფლიო • 1741761756

„ამერიკელებმა და უკრაინელებმა მშვიდობისკენ მნიშვნელოვანი ნაბიჯი გადადგეს“ - დონალდ ტუსკი

"ამერიკელებმა და უკრაინელებმა მშვიდობისკენ მნიშვნელოვანი ნაბიჯი გადადგეს", - ამის შესახებ პოლონეთის პრემიერ-მინისტრმა განაცხადა, რითაც საუდის არაბეთში უკრაინასა და შეერთებულ შტატებს შორის მიღწეულ შეთანხმებას გამოეხმაურა.დონალდ ტუსკი ამბობს, რომ "ევროპა მზად არის, დაეხმაროს მათ სამართლიანი და მდგრადი მშვიდობის მიღწევაში".საუდის არაბეთში, აშშ-ისა და უკრაინის დელეგაციებს შორის მოლაპარაკება შედეგიანი აღმოჩნდა.უკრაინა დათანხმდა, მიიღოს შეერთებული შტატების წინადადება ცეცხლის 30-დღიანი შეწყვეტის შესახებ. თავის მხრივ, შტატები დაუყოვნებლივ განაახლებს სადაზვერვო ინფორმაციის გაზიარებასა და უკრაინისთვის სამხედრო დახმარების მიწოდებას. მხარეებმა განიხილეს ასევე ცეცხლის შეწყვეტის დროს ჰუმანიტარული ძალისხმევის მნიშვნელობა, მათ შორის სამხედრო ტყვეების გაცვლა, დაკავებული მშვიდობიანი მოსახლეობის გათავისუფლება და იძულებით გადაადგილებული უკრაინელი ბავშვების დაბრუნება.

პოლიტიკა • 1741074830

სხვისი ცრემლით და სხვისი ხელით გულადები რომელი ქვეყნების ხელისუფლებები არიან, ეს, საჯაროდაც კარგად ჩანს - შალვა პაპუაშვილი

საქართველოს პარლამენტის თავმჯდომარე აშშ-ს სახელმწიფო მდივნის მარკო რუბიოს ინტერვიუს სოციალურ ქსელში ეხმიანება, რომელიც მან CNN-ეს მისცა, სადაც აშშ-ის სახელმწიფო მდივანმა განაცხადა, რომ ერთ-ერთი ევროპული ქვეყნის საგარეო საქმეთა მინისტრმა მას უთხრა, აჯობებს უკრაინელებმა ერთი წელი კიდევ იომონ.როგორც პაპუაშვილი აღნიშნავს, სხვისი სისხლით, სხვისი ცრემლით და სხვისი ხელით გულადები რომელი ქვეყნების ხელისუფლებები არიან, ეს, მგონი, საჯაროდაც კარგად ჩანს.,,სანქციებზე და ესტონეთზე გამახსენდა.აშშ-ის სახელმწიფო მდივანი, ამ ინტერვიუში, მართალია, არ ასახელებს, რომელი ევროპული ქვეყნის საგარეო საქმეთა მინისტრმა უთხრა, რომ აჯობებს უკრაინელებმა ერთი წელი კიდევ იომონო, თუმცა, სხვისი სისხლით, სხვისი ცრემლით და სხვისი ხელით გულადები რომელი ქვეყნების ხელისუფლებები არიან, ეს, მგონი, საჯაროდაც კარგად ჩანს“, - წერს პაპუაშვილი.

პოლიტიკა • 1740395540

სერგეი ლავროვი - რუსეთი მზადაა, აწარმოოს მოლაპარაკებები უკრაინის საკითხზე, მაგრამ საბრძოლო მოქმედებებს მხოლოდ მაშინ შეწყვეტს, როცა შედეგი რუსულ მხარეს დააკმაყოფილებს

რუსეთი მზადაა, აწარმოოს მოლაპარაკებები უკრაინის საკითხზე, მაგრამ საბრძოლო მოქმედებებს მხოლოდ მაშინ შეწყვეტს, როცა შედეგი რუსულ მხარეს დააკმაყოფილებს. ამის შესახებ განცხადება რუსეთის საგარეო საქმეთა მინისტრმა, სერგეი ლავროვმა თურქ კოლეგასთან, ჰაკან ფიდანთან მოლაპარაკებების შემდგომ გამართულ პრესკონფერენციაზე გააკეთა.„ჩვენ მზად ვართ, ვაწარმოოთ მოლაპარაკებები როგორც უკრაინასთან, ისე ევროპასთან, ნებისმიერ წარმომადგენელთან, რომელსაც კეთილი ნების სულისკვეთებით სურს, დაეხმაროს მშვიდობის მიღწევას, მაგრამ საბრძოლო მოქმედებებს ჩვენ შევწყვეტთ მხოლოდ მაშინ, როცა ეს მოლაპარაკებები მოგვცემს მყარ და სტაბილურ შედეგს, რომელიც დააკმაყოფილებს რუსეთის ფედერაციას“, – თქვა ლავროვმა.მისივე თქმით, რუსეთი აპირებს, გააგრძელოს კონტაქტები აშშ-თან.„ჩვენ დეტალურად ვაცნობეთ ჩვენს თურქ მეგობრებს რუსულ-ამერიკული მოლაპარაკებების შესახებ, რომელიც 18 თებერვალს ერ-რიადში გაიმართა და რომელმაც საკმაოდ პოზიტიური შეფასება დაიმსახურა იმ თვალსაზრისით, რომ ბოლოსდაბოლოს გაჩნდა შესაძლებლობა, გვქონდეს ნორმალური დიალოგი, მიუხედავად მრავალი წინააღმდეგობისა, რომლებიც, რა თქმა უნდა, რჩება“, – თქვა ლავროვმა.„ნორმალური დიალოგის გარეშე ვერ გავიგებთ, შევძლებთ თუ არა ამ წინააღმდეგობების შერბილებას. ჩვენ გავაგრძელებთ კონტაქტებს ჩვენს ამერიკელ პარტნიორებთან, ამაზე არის შესაბამისი შეთანხმება“, – აღნიშნა რუსეთის საგარეო საქმეთა მინისტრმა.ამასთან, ლავრვის თქმით, „ევროპული ქვეყნების პოზიციის გაგება რთულია, რადგან ის საკმაოდ არასტაბილურია და იცვლება იმის მიხედვით, თუ ვის რა იდეები უჩნდება”. ამის მაგალითად ლავროვმა 2022 წლის აპრილში სტამბოლში გამართული მოლაპარაკებები დაასახელა.„მაშინ მივაღწიეთ შეთანხმებას იმ პრინციპების საფუძველზე, რომლებიც თავად უკრაინელებმა შემოგვთავაზეს. ჩვენ მოგვმართეს თხოვნით, კეთილი ნების ჟესტის სახით შეგვეჩერებინა ჩვენი ჯარის შეტევა და ცოტათი უკანაც კი დავხეულიყავით, რაც ჩვენ გავაკეთეთ კიდეც. თუმცა ამის შემდეგ უკრაინას დასავლეთმა, მაშინდელი ბრიტანეთის პრემიერის, ბორის ჯონსონის სახით, აუკრძალა უკრაინის მიერვე ინიცირებული დოკუმენტის ხელმოწერა, უთხრეს, რომ უკრაინამ უნდა გააგრძელოს რუსეთის შემდგომი დასუსტება, მიიღებს შეიარაღებას, ჩაატარებს მობილიზაციას და იომებს იმდენ ხანს, ვიდრე რუსეთი სტრატეგიულ მარცხს არ განიცდის“, -განაცხადა ლავროვმა.

ომი უკრაინაში • 1735646399

უკრაინელებმა კურსკის ოლქში ერთ-ერთი სოფელი დაიკავეს

უკრაინის სპეციალური ოპერაციული ძალების მეექვსე პოლკის მებრძოლებმა რუსეთის კურსკის ოლქში მდებარე ერთ-ერთი სოფელი დაიკავეს. ინფორმაციას უკრაინის სპეციალური ოპერაციული ძალები „ტელეგრამის“ საკუთარ არხზე ავრცელებს.ინფორმაციის თანახმად, სოფლის აღებას წინ საარტილერიო ცეცხლი უძღოდა, რის შემდეგ მებრძოლები სოფელში შევიდნენ. დაკავებული სოფლის სახელწოდება არ ვრცელდება.„აღმოჩნდა, რომ რუს ჯარისკაცებთან ერთად სოფელს ჩრდილოკორეელი სამხედროები იცავდნენ“, - აღნიშნულია სპეციალური ოპერაციული ძალების ინფორმაციაში.