პესკოვის

კრემლში აცხადებენ, რომ რუსეთი განაგრძობს შეერთებულ შტატებთან მუშაობას სამშვიდობო შეთანხმების მისაღწევად

რუსეთი განაგრძობს მუშაობას ამერიკულ მხარესთან, ჩვენ ორიენტირებული ვართ მშვიდობის მიღწევისკენ მიმართული ძალისხმევის გაგრძელებაზე, – ამის შესახებ კრემლის პრესსპიკერმა, დიმიტრი პესკოვმა განაცხადა.„ჩვენ და პრეზიდენტი პუტინი ვემხრობით მშვიდობის მიღწევას ჩვენი ქვეყნის ინტერესების უზრუნველყოფით. ეს სავალდებულო პირობაა. ეს სამუშაო გრძელდება“, – აღნიშნა პესკოვმა.კრემლის სპიკერმა უარყო ის ფაქტიც, რომ რუსეთმა კიევის მიმართულებით თავდასხმა განახორციელა.„არა, ეს სიცრუეა. უკრაინული მხარე განაგრძობს პროპაგანდას. ჩვენი სამხედროები განაგრძობენ „სპეციალურ სამხედრო ოპერაციას“, თავიანთი ამოცანების შესრულებას, რომლებიც მათ დაუსახა უმაღლესმა მთავარსარდალმა და ამ ჩარჩოებში ახორციელებენ დარტყმებს სამხედრო ობიექტებზე“, – დასძინა პესკოვმა.ამასთან, დიმიტრი პესკოვის თქმით, ამერიკის პრეზიდენტის განცხადება, რომ უკრაინამ ყირიმი დიდი ხნის წინ დაკარგა, მათ აზრს შეესაბამება.

მსოფლიო • 1745498044

კრემლი ყირიმის შესახებ ტრამპის განცხადებით კმაყოფილია

კრემლში განაცხადეს, რომ ყირიმის შესახებ აშშ-ის პრეზიდენტ დონალდ ტრამპის განცხადება სრულად შეესაბამება რუსეთის „გაგებას“.რუსეთის სახელმწიფო სააგენტო „ტასის“ ცნობით, ტრამპის განცხადების შესახებ ჟურნალისტებმა მოსკოვში დღეს, 24 აპრილს გამართულ ბრიფინგზე ჰკითხეს პრეზიდენტ პუტინის პრესმდივან დმიტრი პესკოვს.„ეს სრულად კორესპონდირებულია ჩვენს გაგებასთან და იმასთან, რასაც უკვე დიდი ხანია ვამბობთ“, - იყო პესკოვის პასუხი.აშშ-ის პრეზიდენტმა დონალდ ტრამპმა 23 აპრილს განაცხადა, რომ უკრაინამ ყირიმი რუსეთს უბრძოლველად გადასცა 11 წლის წინ, ზელენსკი არ უნდა ტრაბახობდეს, რომ უკრაინა ყირიმის ოკუპაციას იურიდიულად არ აღიარებს და მას შეუძლია ჰქონდეს მშვიდობა ან იომოს კიდევ სამი წლის განმავლობაში ქვეყნის მთლიანად დაკარგვამდე.დასავლეთის მედიასაშუალებების ინფორმაციით, უკრაინაში ომის დასასრულებლად ტრამპის ადმინისტრაციის მიერ მომზადებული სამშვიდობო გეგმის ერთ-ერთი პუნქტი ითვალისწინებს 2014 წლიდან ანექსირებული ყირიმის რუსეთის ტერიტორიად აღიარებას აშშ-ის მხრიდან.პრეზიდენტი ვოლოდიმირ ზელენსკი აცხადებს, რომ უკრაინის ტერიტორიების ოკუპაციას იურიდიულად არასდროს აღიარებენ და ეს ქვეყნის კონსტიტუციითაა განსაზღვრული.

მსოფლიო • 1745395666

პესკოვი: პუტინისა და ვიტკოფის მოლაპარაკებების შესახებ ბევრი ყალბი ინფორმაცია ქვეყნდება

რუსეთის პრეზიდენტის პრესსპიკერის დმიტრი პესკოვის განცხადებით, ბევრი ყალბი ინფორმაცია ქვეყნდება, ამიტომ საჭიროა პირველ წყაროებზე ორიენტირება. ეს განცხადება პესკოვმა, რუსეთის პრეზიდენტ ვლადიმერ პუტინსა და აშშ-ის სპეციალურ წარმომადგენელ სტივ ვიტკოფს შორის საუბრის დეტალების შესახებ დასმულ კითხვაზე საპასუხოდ გააკეთა.„ამჟამად ბევრი არასწორი ინფორმაცია ქვეყნდება, მათ შორის გავლენიანი გამოცემების მიერაც, ამიტომ უნდა მოუსმინოთ მხოლოდ პირველწყაროებს“, - აღნიშნა პესკოვმა.მანამდე Financial Times-ი წყაროებზე დაყრდნობით წერდა, რომ რუსეთის პრეზიდენტმა, ვლადიმერ პუტინმა ამერიკის შეერთებულ შტატებს შესთავაზა უკრაინაში საბრძოლო მოქმედებების შეწყვეტა არსებული ფრონტის ხაზის გასწვრივ.

მსოფლიო • 1745247660

„ვაშინგტონიდან სხვადასხვა დონეზე მოვისმინეთ, რომ უკრაინის NATO-ში გაწევრიანება გამორიცხულია - ეს არის ის, რაც ჩვენ გვაკმაყოფილებს და ჩვენს პოზიციას ემთხვევა“ - პესკოვი

კრემლის პრესმდივნის განცხადებით, რუსეთი კმაყოფილია ტრამპის ადმინისტრაციის წინადადებით, რომელიც უკრაინის ჩრდილოატლანტიკურ ალიანსში გაწევრიანებას გამორიცხავს.დიმიტრი პესკოვის თქმით, უკრაინის NATO-ში გაწევრიანება „რუსეთის ეროვნული ინტერესებისთვის საფრთხეს წარმოადგენს“.„ჩვენ ვაშინგტონიდან სხვადასხვა დონეზე მოვისმინეთ, რომ უკრაინის NATO-ში გაწევრიანება გამორიცხულია. ეს არის ის, რაც ჩვენ გვაკმაყოფილებს და ჩვენს პოზიციას ემთხვევა“, - თქვა პესკოვმა.ცნობისთვის, The Wall Street Journal-მა გამოაქვეყნა სტატია, რომელშიც აღნიშნულია, რომ თეთრმა სახლმა უკრაინულ მხარეს ცეცხლის შეწყვეტის შესახებ დონალდ ტრამპის წინადადებები გადასცა. გამოცემის ცნობით, წინადადებათა შორის არის ყირიმის ანექსიის აღიარება და უარი ჩრდილოატლანტიკურ ალიანსში გაწევრიანებაზე.

მსოფლიო • 1744292914

დიმიტრი პესკოვი: სტამბოლში მოლაპარაკებები ორმხრივი ურთიერთობების დარეგულირებასა და ნორმალიზაციას ეხებოდა, უკრაინის საკითხი დღის წესრიგში არ დაუყენებიათ

სტამბოლში აშშ-რუსეთის მოლაპარაკებები დასრულდა, ამერიკელმა დიპლომატებმა რუსეთის გენერალური საკონსულო დატოვეს.ამის შესახებ ინფორმაციას რუსული მედია ავრცელებს.რუსეთისა და ამერიკის დელეგაციების მოლაპარაკებები დაახლოებით ექვს საათს გაგრძელდა, სადილზე შესვენების ჩათვლით. შეხვედრის დასრულების შემდეგ მონაწილეებს კომენტარები არ გაუკეთებიათ.მოლაპარაკებებზე მოსკოვს აშშ-ში რუსეთის ელჩი ალექსანდრ დარჩიევი წარმოადგენდა, ვაშინგტონს – სახელმწიფო მდივნის თანაშემწის მოადგილე სონატა კოულტერი. დელეგაციების შემადგენლობაში იყვნენ ორი ქვეყნის საგარეო უწყებების თანამშრომლები.როგორც კრემლის პრესმდივანმა, დიმიტრი პესკოვმა განაცხადა, სტამბოლში საგარეო საქმეთა სამინისტროსა და სახელმწიფო დეპარტამენტის ხაზით გამართული მოლაპარაკებები მხოლოდ ორმხრივი ურთიერთობების დარეგულირებასა და ნორმალიზაციას ეხებოდა.დიმიტრი პესკოვის თქმით, უკრაინის საკითხი მოლაპარაკებების დღის წესრიგში არ დაუყენებიათ.მანამდე აშშ-ის სახელმწიფო დეპარტამენტში განაცხადეს, რომ სტამბოლში მოლაპარაკებების დღის წესრიგში არ არის პოლიტიკური და უსაფრთხოების საკითხები ან უკრაინის საკითხი. უწყებაში აღნიშნეს, რომ ეს მოლაპარაკებები მხოლოდ აშშ-რუსეთის საელჩოების ფუნქციონირებას ეხება.

ომი უკრაინაში • 1742984257

რუსეთის შეიარაღებული ძალები იცავენ მორატორიუმს ენერგოობიექტებზე თავდასხმებთან დაკავშირებით - პესკოვი

რუსეთის პრეზიდენტის პრესმდივნის, დიმიტრი პესკოვის განცხადებით, ვლადიმერ პუტინის მიერ გაცემული ბრძანება, რომელიც კრძალავს უკრაინის ენერგოობიექტებზე თავდასხმებს 30-დღიანი მორატორიუმის ფარგლებში, ძალაშია.ჟურნალისტის კითხვაზე, გრძელდება თუ არა მორატორიუმი იმ ფონზე, რომ უკრაინის შეიარაღებულმა ძალებმა 18 მარტიდან უკვე არაერთხელ შეუტია რუსულ ენერგეტიკულ ინფრასტრუქტურას, პესკოვმა უპასუხა, რომ შეთანხმება ძალაშია.„პუტინის ბრძანება მორატორიუმთან დაკავშირებით კვლავ მოქმედებს და სრულდება ჩვენი შეიარაღებული ძალების მხრიდან“, – განაცხადა კრემლის წარმომადგენელმა ბრიფინგზე.შეგახსენებთ, როგორც რუსული მხარე აცხადებს, დროებითი მორატორიუმი 18 მარტიდან 30 დღის განმავლობაში მოქმედებს.უკრაინაში კი ამტკიცებენ, რომ რუსეთმა შეთანხმება იმავე დღეს უკვე დაარღვია.

მსოფლიო • 1742317377

ტრამპსა და პუტინს შორის სატელეფონო საუბარი დასრულდა

თეთრი სახლის ოფიციალურმა წარმომადგენელმა NBC News-ს განუცხადა, რომ ტრამპსა და პუტინს შორის სატელეფონო საუბარი დასრულდა.ოფიციალური პირის თქმით, საუბარი დაახლოებით საათნახევარი გაგრძელდა.რუსეთის სახელმწიფო მედიაც ადასტურებს, რომ საუბარი დასრულდა, კრემლის პრესსპიკერ დიმიტრი პესკოვის განცხადებაზე დაყრდნობით.

მსოფლიო • 1742293492

„იმდენ ხანს ისაუბრებენ, რამდენსაც საჭიროდ ჩათვლიან“ - დიმიტრი პესკოვის ინფორმაციით, დონალდ ტრამპისა და ვლადიმერ პუტინის სატელეფონო საუბარი დღეს გაიმართება

აშშ-ისა და რუსეთის პრეზიდენტების სატელეფონო საუბარი დღეს, 15:00-დან 17:00 საათამდე პერიოდში გაიმართება.ამის შესახებ კრემლის პრესსპიკერმა, დიმიტრი პესკოვმა განაცხადა.მისი თქმით, უცნობია, რამდენ ხანს გაგრძელდება დონალდ ტრამპისა და ვლადიმერ პუტინის საუბარი.„ისინი იმდენ ხანს ისაუბრებენ, რამდენსაც საჭიროდ ჩათვლიან“, – განაცხადა დიმიტრი პესკოვმა.მისი თქმით, განსახილველი საკითხები ბევრია, მათ შორის, ყველაზე მნიშვნელოვანი ორმხრივი ურთიერთობები და უკრაინის კონფლიქტის დარეგულირების საკითხებია.

მსოფლიო • 1741605572

რუსეთსა და აშშ-ს შორის ურთიერთობების აღდგენა ჯერ მხოლოდ საწყის ეტაპზეა - დიმიტრი პესკოვი

რუსეთსა და აშშ-ს შორის ურთიერთობების აღდგენა ჯერ მხოლოდ საწყის ეტაპზეა, – ამის შესახებ რუსეთის პრეზიდენტის პრესსპიკერმა, დიმიტრი პესკოვმა განაცხადა.პესკოვის თქმით, რუსეთსა და აშშ-ს წინ რთული და გრძელი გზა აქვთ.„ჩვენ ვიმყოფებით ორმხრივი ურთიერთობების აღდგენის გზის საწყის ეტაპზე. გზა საკმაოდ გრძელი და რთული იქნება. ორმა პრეზიდენტმა, ვლადიმერ პუტინმა და დონალდ ტრამპმა გამოხატეს პოლიტიკური ნება ამ მიმართულებით“,- განაცხადა კრემლის წარმომადგენელმა.პესკოვის თქმით, დონალდ ტრამპის მიერ თანამდებობის დაკავების შემდეგ, რუსეთის პრეზიდენტს, ვლადიმერ პუტინსა და დონალდ ტრამპს შორის მხოლოდ ერთი სატელეფონო საუბარი გაიმართა.„მათ შორის სატელეფონო კონტაქტები არც ისე ხშირია. ფაქტობრივად, მათ მხოლოდ ერთხელ ჰქონდათ საუბარი“,- განაცხადა პესკოვმა.ამასთან, პესკოვმა უარყო მედიაში გავრცელებული ინფორმაცია იმის შესახებ, რომ მოსკოვისა და ვაშინგტონის წარმომადგენლები მიმდინარე კვირაში საუდის არაბეთში მოლაპარაკებებს გამართავენ.

პოლიტიკა • 1741354050

„ყველაფერია მოსალოდნელი, შეიძლება დრო იმიტომ სჭირდებათ, რომ იქ რაღაც გააყალბონ...მონაცემებს ვერ შეცვლის ვერც "ისფედი" და ვერც 10 "ისფედი“ - გიორგი ვოლსკი

ევროკავშირის მილიტარიზაციის გეგმებზე საპასუხოდ, რუსეთს შესაძლოა, დასჭირდეს მოქმედება საკუთარი უსაფრთხოების უზრუნველსაყოფად, – ამის შესახებ რუსეთის პრეზიდენტის პრესსპიკერმა, დიმიტრი პესკოვმა განაცხადა.კრემლის პრესსპიკერის თქმით, მოსკოვი პროცესს ყურადღებით აკვირდება, რადგან ევროკავშირი რუსეთს თავის მთავარ მეტოქედ წარმოაჩენს.პესკოვის მტკიცებით, ევროკავშირის მილიტარიზაცია უმთავრესად რუსეთის წინააღმდეგ ხდება, რაც ღრმა შეშფოთებას იწვევს.„და, რა თქმა უნდა, ასეთი კონფრონტაციული რიტორიკა და კონფრონტაციული აზროვნება, რომელსაც ახლა ვხედავთ ბრიუსელში და ევროპის დედაქალაქებში, სერიოზულად ეწინააღმდეგება უკრაინის ირგვლივ მშვიდობიანი მოგვარების პოვნის განწყობას“, – აღნიშნა დიმიტრი პესკოვმა.რუსეთის პრეზიდენტის პრესსპიკერმა ასევე თქვა, რომ სტამბოლის 2022 წლის პროექტი შეიძლება იყოს საწყისი წერტილი უკრაინის კრიზისის მშვიდობიანად მოგვარებისთვის.

მსოფლიო • 1741353841

ევროკავშირის მილიტარიზაციის გეგმებზე საპასუხოდ, რუსეთს შესაძლოა, დასჭირდეს მოქმედება საკუთარი უსაფრთხოების უზრუნველსაყოფად - დიმიტრი პესკოვი

მსოფლიო • 1740141839

პესკოვის განცხადებით, კრემლში არ მიაჩნიათ, რომ აშშ-ის ახალმა ადმინისტრაციამ პრორუსული პოზიცია დაიკავა

კრემლში არ მიიჩნევენ, რომ აშშ-ის ახალმა ადმინისტრაციამ პრორუსული პოზიცია დაიკავა.უკრაინასთან დაკავშირებით ვაშინგტონში გაკეთებულ განცხადებებზე კრემლში აღნიშნავენ, რომ „ბევრი მშვიდად ვერ აკვირდება უკრაინის ხელმძღვანელობის სურვილს, ხელი შეუშალოს სამშვიდობო მოლაპარაკებებს“.როგორც რუსეთის პრეზიდენტის პრესმდივანი დიმიტრი პესკოვი აცხადებს, კრემლი ეთანხმება ტრამპის ადმინისტრაციას იმაში, რომ უკრაინაში ომის „მშვიდობიანი გზებით“ დარეგულირება არის სასურველი.„ნათელია, რომ ცოტას შეუძლია, გულგრილი დარჩეს იმ ყველაფრის მიმართ, რაც კიევის რეჟიმის ირგვლივ ხდება, რომელიც გამორიცხავს სამშვიდობო მოლაპარაკებების შესაძლებლობას და არ სურს მშვიდობის უზრუნველყოფაში მონაწილეობის მიღება. რა თქმა უნდა, ვინაიდან ბევრი არ რჩება გულგრილი, ეს აისახება ძალიან ემოციურ განცხადებებში“, – განაცხადა დიმიტრი პესკოვმა.