განათლება • 1774598935

ქუთაისის საერთაშორისო უნივერსიტეტსა და ლევან სამხარაულის სახელობის სასამართლო ექსპერტიზის ეროვნულ ბიუროს შორის თანამშრომლობის მემორანდუმი გაფორმდა

ქუთაისის საერთაშორისო უნივერსიტეტმა (KIU) სსიპ ლევან სამხარაულის სახელობის სასამართლო ექსპერტიზის ეროვნული ბიუროს წარმომადგენლებს უმასპინძლა.შეხვედრის ფარგლებში მხარეებს შორის გაფორმდა თანამშრომლობის მემორანდუმი, რომელსაც ხელი მოაწერეს ქუთაისის საერთაშორისო უნივერსიტეტის რექტორის მოვალეობის შემსრულებელმა ვახტანგ ცაგარელმა და ლევან სამხარაულის სახელობის სასამართლო ექსპერტიზის ეროვნული ბიუროს უფროსმა გიორგი მურვანიძემ.მემორანდუმი მიზნად ისახავს აკადემიური და პროფესიული სივრცეების დაახლოებას, ცოდნისა და პრაქტიკული გამოცდილების ინტეგრაციას, ერთობლივი საგანმანათლებლო და კვლევითი პროექტების განხორციელებას. აღნიშნული თანამშრომლობა, სტაჟირების პროგრამებში მონაწილეობის, პრაქტიკული გამოცდილების მიღებისა და შემდგომი დასაქმების ხელშეწყობის მიზნით, განსაკუთრებით მნიშვნელოვანია KIU-ს სტუდენტებისთვის.ვიზიტის ფარგლებში გაიმართა შეხვედრა უნივერსიტეტის სტუდენტებთან და პროფესორ-მასწავლებლებთან. ბიუროს წარმომადგენლებმა წარადგინეს პრეზენტაციები კომპიუტერული, კრიმინალისტიკური და ფსიქოლოგიური ექსპერტიზის მიმართულებების სპეციფიკისა და პრაქტიკის შესახებ. ისაუბრეს მიმდინარე სიახლეების შესახებ.  სტუდენტებს მიეწოდათ ინფორმაცია სტაჟირების პროგრამების შესახებ.ქუთაისის საერთაშორისო უნივერსიტეტისთვის მნიშვნელოვანია როგორც ადგილობრივ, ისე საერთაშორისო ორგანიზაციებთან თანამშრომლობა, რომელიც KIU-ს სტუდენტების პროფესიულ განვითარებას, სტაჟირებისა და დასაქმების ხელშეწყობას ითვალისწინებს.

განათლება • 1774350660

ქუთაისის საერთაშორისო უნივერსიტეტში (KIU) სამეცნიერო-კვლევითი ცენტრი დაფუძნდა

ქუთაისის საერთაშორისო უნივერსიტეტში (KIU), სამეცნიერო კვლევების განვითარებისა და STEM სფეროებში მულტი-დისციპლინური საქმიანობის მხარდაჭერის მიზნით, გიორგი ნიკოლაძის სახელობის სამეცნიერო-კვლევითი ცენტრი დაფუძნდა. ღონისძიება მისასალმებელი სიტყვით KIU-ს რექტორის მოვალეობის შემსრულებელმა, ქუთაისის საუნივერსიტეტო ქალაქის დირექტორმა ვახტანგ ცაგარელმა გახსნა. ცენტრის პრეზენტაციას მოწვეულ სტუმრებთან ერთად, KIU-ს პროგრამების ხელმძღვანელები, ქართველი და უცხოელი პროფესორები, სტუდენტები და ადმინისტრაციის წარმომადგენლები ესწრებოდნენ.კვლევით ცენტრს ქუთაისის საერთაშორისო უნივერსიტეტის პროფესორი, საქართველოს მეცნიერებათა ეროვნული აკადემიის წევრი ალექსანდრე მესხი უხელმძღვანელებს, რომელმაც შეკრებილ საზოგადოებას ცენტრის მისია და ძირითადი მიზნები გააცნო. განსაკუთრებული ყურადღება დაეთმო ახლად დაფუძნებული ცენტრის სამომავლო გეგმებს, ქუთაისის საერთაშორისო უნივერსიტეტის სამეცნიერო მიღწევებსა და პერსპექტივებს STEM მეცნიერების მიმართულებით.გიორგი ნიკოლაძის სახელობის სამეცნიერო-კვლევითი ცენტრი იქნება სივრცე, სადაც მეცნიერები, ახალგაზრდა მკვლევრები და სტუდენტები გაერთიანდებიან ინოვაციური იდეების გარშემო, ჩაერთვებიან STEM კვლევით პროექტებსა და საერთაშორისო ფორუმებში.ცენტრის ძირითადი მიზნებია: საერთაშორისო კვლევით ცენტრებთან ერთად სამეცნიერო ღონისძიებების ორგანიზება; ახალგაზრდა მეცნიერების პროფესიული განვითარების მხარდაჭერა და მათი ჩართულობის გაზრდა STEAM პროექტების შექმნაში; ქუთაისის საერთაშორისო უნივერსიტეტის სამეცნიერო-კვლევითი შესაძლებლობების პოპულარიზაცია; KIU-ს როლის გაძლიერება საერთაშორისო აკადემიურ და სამეცნიერო სივრცეში.აღსანიშნავია, რომ ქუთაისის საერთაშორისო უნივერსიტეტის ერთ-ერთ პრიორიტეტს წარმოადგენს STEM მეცნიერების მიმართულებით პროგრამების განხორციელება და შესაბამისი სამეცნიერო-კვლევითი საქმიანობის მხარდაჭერა, რაც კიდევ უფრო გააძლიერებს KIU-ს, ჩამოყალიბდეს რეგიონში წამყვან ინოვაციურ, ტექნოლოგიურ და სამეწარმეო ჰაბად.ცნობილი ქართველი მათემატიკოსისა და გამომგონებლის, გიორგი ნიკოლაძის სახელს არაერთი მნიშვნელოვანი მეცნიერული ნაშრომი უკავშირდება. საქართველოში დაარსებულია მისი სახელობის პრემია ტექნიკის დარგში საუკეთესო მეცნიერული ნაშრომისთვის.

ასტროლოგია • 1774273260

„იღბალი თქვენ მხარესაა... წლის განმავლობაში ერთ-ერთი საუკეთესო პერიოდია“ - კვირის ასტროლოგიური პროგნოზი მიხეილ ცაგარელისაგან

„კვირა კარგია ყველასთვის. ახლა არ გაქვთ მიძინების საშუალება, ყველა გამომოცოცხლდება და არ გექნებათ მიძინების საშუალება“ - ამის შესახებ ქვეყნის მთავარი ასტროლოგი მიხეილ ცაგარელი საუბრობს და მიმდინარე კვირის შესახებ რჩევებს გვიზიარებს.მიმდინარე კვირაში 3 გეომაგნიტური დღე გვაქვს - ოთხშაბათი, ხუთშაბათი და კვირა. ორშაბათს და სამშაბათს კარგია მოგზაურობისთვის და კომუნიკაციისთვის. ოთხშაბათს და ხუთშაბათს მატულობს ემოციურობა, ინტუიცია ძლიერდება და ასევე საუკეთესო პერიოდია ნათესავებთან ურთიერთობისთვის.პარასკევ საღამოს, შაბათს და კვირას - ერიდეთ გადაღლას, ნერვიულობაა და არ ასწიოთ სიმძიმეები. გაუფრთხილდით გულს.

ასტროლოგია • 1773646680

„კაცობრიობას ეწყება ახალი, სერიოზული ეტაპი სულიერი განვითარების, განახლებისა“ - მიხეილ ცაგარელი კვირის მთავარ მოვლენებზე

მიმდინარე კვირის (16-22 მარტი) ასტროლოგიურ პროგნოზზე გადაცემაში „იმედის დილა“ ქვეყნის მთავარმა ასტროლოგმა მიხეილ ცაგარელმა ისაუბრა და აღნიშნა, რომ მარტის ყველაზე რთულ დღეებს გავდივართ.კვირა დახუნძლულია ისეთი ასტროლოგიური მოვლენებით, როგორიცაა სელენას ქალწულის ზოდიაქოს ნიშანში გადასვლა, სტელიუმი (გვერდიგვერდ ხვდებიან ერთმანეთს სატურნი, ნეპტუნი, მზე და მთვარე), ახალმთვარეობა, თევზების ზოდიაქოს ნიშანში, მზის ვერძის ნიშანში გადასვლა, დღეღამტოლობა და მერკურის დირექტიული მოძრაობის დაწყება. ასტროლოგი გვირჩევს, არ დავგეგმოთ ახალი, მნიშვნელოვანი საქმეები, არ ავყვეთ პროვოკაციას და შევინარჩუნოთ სიმშვიდე: „წითელი ფერით ვხვდებით ვერძის პერიოდის დაწყებას, ეს თქვენი ფერია. ეს კვირა დახუნძლულია მოვლენებით.დედამიწა 21 რიცხვამდე უარყოფით ენერგოველშია. მარტის პერიოდში ყველაზე რთული რამდენიმე დღე გვაქვს. ყველას ექნება გარკვეული წინაღობები. დღეს, 16 მარტს სელენა (თეთრი მთვარე) 7 თვით გადაინაცვლებს ქალწულში, ეს ნიშნავს, რომ ქალწულებს გამართლება ექნებათ უფრო მეტი, ასევე მიწის ყველა ნიშანს. სელენა ყველა ნიშნისგან მოითხოვს ორგანიზებულობას, შეუპოვრობას, დისციპლინას, მოთმინებას, ნებისყოფა, სისუფთავე. ვისაც ჯანმრთელობის პრობლემა აქვს მისი გამოჯანმრთელების პერიოდი დაიწყება. კოლეგებთან ურთიერთობისთვის, სწავლისთვის, მასმედიისთვის ერთ-ერთი საუკეთესო პერიოდი იწყება.გეომაგნიტური დღეები: ორშაბათი, ოთხშაბათი, ხუთშაბათი, პარასკევი, კვირა. 

ასტროლოგია • 1773493100

რომელ ზოდიაქოს ნიშანს გაუმართლებს სიყვარულში მარტში - ცაგარელის პროგნოზი

რომელ ზოდიაქოს ნიშანს გაუმართლებს სიყვარულში მარტში – ასტროლოგიური პროგნოზიმარტი ბევრ ზოდიაქოს ნიშანს სიყვარულისა და პირადი ურთიერთობების მიმართულებით საინტერესო ცვლილებებს მოუტანს. ასტროლოგიური პროგნოზის მიხედვით, ზოგიერთ ნიშანს განსაკუთრებით აქტიური და ემოციური პერიოდი ელოდება.♈ ვერძივერძებისთვის მარტი სიყვარულის კუთხით ერთ-ერთი საუკეთესო პერიოდია. ეს ნიშანი განსაკუთრებული შარმითა და ენერგიით გამოირჩევა. მატულობს მიზიდულობა და აქტიურდება პირადი ურთიერთობები. თუ ბოლო პერიოდში ემოციურად ჩაკეტილი იყავით, ახლა იგრძნობთ, რომ ენერგია და სიცოცხლის ხალისი გიბრუნდებათ. შთაბეჭდილებებით სავსე პერიოდი გელით. ამასთან, შესაძლოა ფინანსური მდგომარეობაც გაუმჯობესდეს.♉ კუროკუროებისთვის სამყარო თითქოს ახალ ამოცანას აყენებს — მეტი რომანტიკა და ემოციურობა. ხშირად პრაქტიკულები და პრაგმატულები ხართ, თუმცა ახლა დროა გრძნობების გამოხატვა ისწავლოთ. კარგი იქნება პოეზიისა და ხელოვნების სამყაროსთან დაახლოება. საერთო ინტერესები პარტნიორთან ურთიერთობას გააღრმავებს. ასტროლოგები გირჩევენ გაითვალისწინოთ ცნობილი გამოთქმა — „სიყვარულს მალვა უნდა“.♊ ტყუპებიტყუპებისთვის ეს პერიოდი პირად ცხოვრებაში ცვლილებების დროა. შესაძლოა გამოჩნდეს ახალი კავშირები და მოულოდნელი ნაცნობობები. მოგზაურობისთვისაც ხელსაყრელი პერიოდია. არ არის გამორიცხული, საინტერესო ადამიანი მეგობრების დახმარებით გაიცნოთ. ასტროლოგები გირჩევენ, ნუ იჩქარებთ და მოვლენებს ბუნებრივად განვითარების საშუალება მისცეთ.♋ კირჩხიბიკირჩხიბებისთვის მნიშვნელოვანია პასუხისმგებლობის აღება და ურთიერთობების სწორად დაგეგმვა. შესაძლოა ახალი პარტნიორი სწორედ პროფესიულ ან კარიერულ სფეროში გაიცნოთ. საერთო მიზნები და ინტერესები ურთიერთობას კიდევ უფრო გაამყარებს. ამ პერიოდში განსაკუთრებული ყურადღება მიაქციეთ გარეგნობასა და თვითპრეზენტაციას.♌ ლომილომებისთვის სიყვარულთან დაკავშირებული საინტერესო მოვლენები შესაძლოა მოგზაურობასთან იყოს დაკავშირებული. გარემოს შეცვლა დადებით გავლენას მოახდენს პირად ცხოვრებაზე. უცხოეთში ან მოგზაურობისას შესაძლებელია საინტერესო ადამიანთან შეხვედრა. აქტიურობა და მოძრაობა წარმატების შანსებს გაზრდის.♍ ქალწულიქალწულებს შესაძლოა ინტიმური და ემოციურად ძლიერი ურთიერთობა ჩამოუყალიბდეთ. თუმცა ასტროლოგები გირჩევენ, პარტნიორის არჩევისას ყურადღებით იყოთ. ენერგეტიკული კავშირი ძალიან ძლიერი შეიძლება აღმოჩნდეს, ამიტომ მნიშვნელოვანია, ურთიერთობა სტაბილურ და ჯანსაღ საფუძველზე იყოს აგებული. დაეყრდენით ინტუიციას.♎ სასწორისასწორებისთვის მარტი სიყვარულისა და პარტნიორული ურთიერთობების ერთ-ერთი საუკეთესო პერიოდია. იზრდება შარმი და მიმზიდველობა. შესაძლებელია რომანტიკული თავგადასავლები, ახალი კავშირები და ქორწინებაც კი. ფინანსური მდგომარეობაც შესაძლოა გაუმჯობესდეს. კარგი იქნება მეტი კავშირი გქონდეთ ხელოვნებასთან, მოდასთან და სილამაზის სამყაროსთან.♏ მორიელიმორიელებისთვის მნიშვნელოვანია წესრიგი და გარეგნული მოწესრიგებულობა. პაემანზე ან შეხვედრაზე კარგი შთაბეჭდილების მოხდენა დიდ როლს ითამაშებს. ასევე მოსალოდნელია საინტერესო ნაცნობობა მოგზაურობისას. არ არის გამორიცხული, რომანტიკული ურთიერთობა ფინანსურ ინტერესებთანაც იყოს დაკავშირებული.♐ მშვილდოსანიმშვილდოსნებისთვის სიყვარულის კუთხით ძალიან კარგი პერიოდი იწყება. შესაძლებელია ძველი ურთიერთობის განახლება ან ახალი რომანტიკული კავშირის დაწყება. მარტი ემოციურად თბილ და სასიამოვნო გამოცდილებებს მოგიტანთ.♑ თხის რქათხის რქებს ასტროლოგები ურჩევენ, სიყვარული საკუთარ გარემოში ეძებონ. წარმატებული იქნება მოგზაურობა, ლაშქრობები და მეგობრებთან ან ნათესავებთან შეკრებები. სწორედ ასეთ გარემოში შესაძლოა საინტერესო ადამიანი გაიცნოთ.♒ მერწყულიმერწყულებისთვის ეს პერიოდი აქტიური კომუნიკაციების დროა. ახალი ნაცნობობები შესაძლოა ნებისმიერ გარემოში გაჩნდეს — მეგობრებთან, მეზობლებთან ან ყოველდღიურ საქმიანობაში. საერთო ინტერესები და ინფორმაციული ველი ურთიერთობას გააღრმავებს.♓ თევზებითევზებისთვის მარტი ერთ-ერთი ყველაზე წარმატებული პერიოდია. მატულობს შარმი და მიმზიდველობა, რაც საპირისპირო სქესის წარმომადგენლებს განსაკუთრებით იზიდავს. ამასთან, კარგი შესაძლებლობები ჩნდება ფინანსური და პროფესიული წარმატებისთვისაც. პირადი ურთიერთობებისთვის ძალიან ხელსაყრელი დროა. 

ასტროლოგია • 1773063420

„შესაძლებლობებით აღსავსე პერიოდი იწყება“ - კვირის პროგნოზი მიხეილ ცაგარელისაგან

„ეს კვირა კარგია, ამიტომ ეცადეთ ყველამ მაქსიმალურად გამოიყენოთ. დედამიწა არის პოზიტიურ ენერგო ველში, - ამის შესახებ ქვეყნის მთავარი ასტროლოგი მიხეილ ცაგარელი საუბრობს.მისი თქმით ორშაბათი დღე კარგია მანქანის ყიდვა გაყიდვისთვის. ოთხშაბათს იუპიტერი გამარჯვების მმართველი პლანეტა ხდება დირექტიული, მატულობს წარმატების ფაქტორი ყველა სფეროში, ასევე კარგია ამ პერიოდში მგზავრობა მოგზაურობა - შესაძლებლობებით აღსავსე პერიოდი იწყება და შანსი წარმატებისა ყველას ემატება. მიმდინარე კვირაში 3 გეომაგნიტური დღეა - ოთხშაბათი, ხუთშაბათი და პარასკევი.

განათლება • 1773062435

ქუთაისის საერთაშორისო უნივერსიტეტში ღია კარის დღეები დაიწყო

ქუთაისის საერთაშორისო უნივერსიტეტმა (KIU) აბიტურიენტებისთვის პირველი ღია კარის დღე გამართა. შეხვედრას KIU-ს რექტორის მოვალეობის შემსრულებელი, ქუთაისის საუნივერსიტეტო ქალაქის დირექტორი ვახტანგ ცაგარელი, სკოლების ხელმძღვანელებთან და ადმინისტრაციის წარმომადგენლებთან ერთად დაესწრო.შეხვედრის ფარგლებში აბიტურიენტებს შესაძლებლობა ჰქონდათ: პირადად გასაუბრებოდნენ პროგრამების ხელმძღვანელებს; მიეღოთ დეტალური ინფორმაცია ევროპული სტანდარტის საბაკალავრო პროგრამებზე; დაეთვალიერებინათ KIU-ს ულტრათანამედროვე კამპუსი, სადაც სტუმრებს, უშუალოდ, უნივერსიტეტის სტუდენტებმა უმასპინძლეს.KIU მომდევნო ღია კარის დღეებს - 13, 20 და 27 მარტს გამართავს.ქუთაისის საერთაშორისო უნივერსიტეტი 2026-2027 აკადემიურ წელს მნიშვნელოვანი სიახლეებითა და საერთაშორისო დონის საბაკალავრო პროგრამებით ხვდება. პროგრამების უმრავლესობა ევროპის წამყვან უნივერსიტეტებთან მჭიდრო თანამშრომლობით ხორციელდება.ქუთაისის საერთაშორისო უნივერსიტეტში სტუდენტებს დახვდებათ 163 ჰექტარზე გაშლილი ეკოლოგიურად სუფთა საუნივერსიტეტო ქალაქი -  თანამედროვე ლაბორატორიებითა და სასწავლო კორპუსებით, სრულად აღჭურვილი საცხოვრებელი კომპლექსითა და ახალგაზრდების განვითარებაზე მორგებული ინფრასტრუქტურით.KIU-ს საბაკალავრო პროგრამებზე ჩარიცხვა ერთიანი ეროვნული გამოცდების საფუძველზე ხორციელდება (197).ქუთაისის საერთაშორისო უნივერსიტეტი (KIU) ყველაზე მასშტაბური საქველმოქმედო მეგა-პროექტია. საერთაშორისო-საქველმოქმედო ფონდი „ქართუ“ უნივერსიტეტის განვითარების მიზნით, ერთი მილიარდი ევროს ღირებულების ინვესტიციას ახორციელებს.

საზოგადოება • 1772483602

ვის ჯანმრთელობას უქმნის საფრთხეს გეომაგნიტური დღეები და რატომ იმატებს წნევა და თავის ტკივილი - ცაგარელი

ასტროლოგმა მიხეილ ცაგარელმა «პრაიმ ტაიმთან» იმის შესახებ ისაუბრა თუ რა გავლენას ახდენს ადამიანის ჯანმრთელობაზე მაგნიტური დღეები და რატომ. - ბატონო მიხეილ, რატომ ახდენს მაგნიტური დღეები და მზეზე მომხდარი აფეთქებები გავლენას ადამიანის ჯანმრთელობაზე?- მზეზე აფეთქებები და მზის ქარიშხლები მოქმედებს ჩვენს ჯანმრთელობაზე. როცა დედამიწის გეომანტია უარყოფითია და გასავლელი გვაქვს დაბნელების დეოეფნები იმატებს გეომაგნიტური დღეებიც. ამის შესახებ ყოველთვის ვაცნობებ საზოგადოებას ჩემი ჟურნალის მეშვეობით და ცხრილებიც მაქვს. ამ კუთხით მარტი პოზიტიურ ენერგოველშია. გამონაკლისია მხოლოდ 3 მარტი, რომელიც მთვარის დაბნელება და მძიმე დღეა. უარყოფით ენერგოველში როცა არის დედამიწა ადამიანი გაღიზიანებულია, იქმნება ჯანმრთელობის პრობლემები განსაკუთრებით ხანდაზმულებისთვის და გულსისხლძარღვთა პრობლემების მქონეთათვის. რადგან იცვლება წნევა, იმატებს თავის ტკივილი, დისკომფორტი და ა.შ. როცა მაგნიტური ქარიშხლებია ფრთხილად უნდა ვიყოთ. თუ გაქვთ დისკომფორტი გაატარეთ შესაბამისი პროფილაქტიკა. ლოცვა და სიყვარული უნივერსალური მეთოდებია, მაგრამ აქ რადგან ჯანმრთელობაზე მიდის ზეწოლა უნდა დავეხმაროთ ორგანიზმს თუნდაც წამლების მეშვეობით. 

ასტროლოგია • 1772447189

მიმდინარე კვირის პროგნოზი მიხეილ ცაგარელისგან

2-3 მარტს განსაკუთრებული სიფრთხილეა საჭირო. მთავრდება დაბნელებების დერეფანი. მიუხედავად იმისა, რომ დედამიწა პოზიტიურ ენერგოველში შედის და გვაძლევს საშუალებას, პრობლემები შედარებით ადვილად გადავჭრათ, ყურადღება აუცილებელია.4 მარტიდან მოლაპარაკებები, ახალი საქმეები, მგზავრობა, მოგზაურობა, რაც გაგიხარდებათ - ყველაფრისთვის ძალიან კარგი პერიოდი იწყება. 3 მარტს გვაქვს პიკი, სავსემთვარეობა და მთვარის დაბნელება ქალწულის ზოდიაქოს ნიშანში, რაც ჯანმრთელობას მართავს, ამიტომ განსაკუთრებული სიფრთხილე ჯანმრთელობისკენ. შესაძლოა ქრონიკულმა დაავადებებმა თავი იჩინოს, გქონდეთ თავის ტკივილი, ყურადღება მიაქციეთ კუჭ-ნაწლავის ზონას, მოწამვლის ტენდენცია მაღალია. შესაძლოა ტექნიკამაც აურიოს.2 მარტს პლანეტა მარსი (საქმიანობის, ენერგიის, შრომისუნარიანობის მმართველი) 9 აპრილამდე გადაინაცვლებს თევზების ზოდიაქოში. საუკეთესო დროა ქორეოგრაფიული მონაცემების გამოსავლენად. პოეზია, ლიტერატურა, ხელოვნება - საუკეთესო დროა. ძლიერდება ინტუიცია, მაგრამ მოიმატებს მოქეიფეთა რიცხვი, ჩნდება დალევის სურვილი. ოთხშაბათი (4 მარტი) - მოერიდეთ ხალხმრავალ ადგილებს, აურის ენერგოდაბინძურების, თვალის აღების ტენდენცია მაღალია. შაბათ-კვირას კარგია მანქანის ყიდვა.ხვალ (3 მარტს), ხუთშაბათს (5 მარტს), პარასკევს (6 მარტს) გვაქვს გეომაგნიტური დღეები: 

განათლება • 1772263463

გივი მიქანაძემ ქუთაისის საერთაშორისო უნივერსიტეტის აკადემიურ პერსონალთან შეხვედრა გამართა

საქართველოს განათლების, მეცნიერებისა და ახალგაზრდობის მინისტრმა გივი მიქანაძემ ქუთაისის საერთაშორისო უნივერსიტეტის (KIU) წარმომადგენლებთან სამუშაო შეხვედრა გამართა.სამინისტროს ინფორმაციით, მინისტრმა KIU-ს ხელმძღვანელობასთან და პროფესორ-მასწავლებლებთან უმაღლესი განათლების სისტემის რეფორმის ძირითად მიმართულებებზე იმსჯელა.მინისტრმა ქუთაისის საერთაშორისო უნივერსიტეტის მნიშვნელობაზე გაამახვილა ყურადღება და აღნიშნა, რომ ის ინარჩუნებს მრავალპროფილურ დატვირთვას. გივი მიქანაძემ შეხვედრის მონაწილეებთან ერთად განიხილა ისეთი საკითხები, როგორებიცაა: საგანმანათლებლო პროგრამების განვითარება, სწავლების ხარისხის გაუმჯობესება, საგანმანათლებლო პროგრამებზე სტუდენტების მიღების კვოტების გადანაწილება, სტუდენტთა მობილობა და სხვა.შეხვედრა კითხვა-პასუხის რეჟიმში წარიმართა და მონაწილეებმა მათთვის საინტერესო საკითხებთან დაკავშირებით სრული ინფორმაცია მიიღეს.ქუთაისის საერთაშორისო უნივერსიტეტში დამსწრე საზოგადოებას ასევე სიტყვით მიმართეს განათლების, მეცნიერებისა და ახალგაზრდობის მინისტრის მოადგილე ზვიად გაბისონიამ, უნივერსიტეტის რექტორის მოვალეობის შემსრულებელმა ვახტანგ ცაგარელმა და ქუთაისის მუნიციპალიტეტის საკრებულოს თავმჯდომარე გიორგი ჭიღვარიამ.

ასტროლოგია • 1772116620

„სპეციფიკური სუნი, ძალიან ცუდი ფერის აურა...“ - ცაგარელი განმარტავს როგორ ამოვიცნოთ ჯადო და რა შემთხვევაში არ მოქმედებს ის

ასტროლოგი მიხეილ ცაგარელი ერთ-ერთ ინტერვიუში ამბობს, რომ  ყოველი 10 კაციდან ექვსს შავი მაგია აქვს გაკეთებული.მისი განმარტებით, არიან უნიკალური პიროვნებები, პარაფსიქოლოგები და ექსტრასენსები, რომლებსაც შეუძლიათ ადამიანს ეს უარყოფითი ენერგია მოუხსნან.გთავაზობთ ამონარიდს ინტერვიუდან:- ჯადო - ეს იგივე შავი მაგიაა. ეს არის მეთოდი, რომლის დროსაც შავი მაგი იყენებს ხმების ვიბრაციას და ენერგეტიკას - პირველ რიგში, ქონისა და სისხლის ენერგეტიკას, რადგან ამ გზით უარყოფითი ენერგიის გადატანა ადვილად შეიძლება.შავი მაგიის მიმდევრები შელოცვას აწარმოებენ ქონზე, დახოცილი ცხოველების სისხლზე, თმაზე, რომელიც ინფორმაციის კარგი გადამტანია. ეს არის დაბალი რანგის მაგია, მაგრამ არსებობს მაღალი რანგის მაგია, როდესაც ადამიანზე დისტანციური ზეგავლენა ხორციელდება, მაგალითად, ფოტოსურათით. ყველა ვარიანტში, მაგიის პრინციპი ერთია: ადამიანის დაბრკოლება, მისთვის სირთულეების შექმნა და დაღუპვაც კი. ამ დროს შავი მაგი თავისი ენერგეტიკის მეშვეობით ახერხებს შესვლას ადამიანის ენერგოველში და აბინძურებს მის აურას, რომელიც უარყოფითი ენერგიით არის გაჭედილი. ასეთ ადამიანს ეწყება გაუგებრობები, ჯანმრთელობის პრობლემები, პრობლემები პირად ცხოვრებაში, სამსახურში და ვერც კი ხვდება, რატომ აირია მისი ცხოვრება.როგორ უნდა შევატყოთ, რომ ადამიანი უარყოფითი ენერგიით არის შეპყრობილი? - ასეთ ადამიანს თავისი ნიშნები აქვს: სპეციფიკური სუნი, ძალიან ცუდი ფერის აურა და აბსოლუტურად ჩამქრალი თვალები - ეს არის ნიშნები, რომლის მიხედვითაც შეიძლება დავასკვნათ, რომ ვიღაც შავი მაგიის გავლენის ქვეშ იმყოფება.სამწუხაროდ, ყოველი 10 კაციდან ექვსს შავი მაგია აქვს გაკეთებული. ხშირად მეკითხებიან, თუ როგორ შეიძლება ამ ბოროტების დაძლევა - მხოლოდ დადებითი ენერგიის დახმარებით. მაგალითად, მინერალების გამოყენებით (ყველამ ვიცით, რომ გიშერი ადამიანს ავი თვალისაგან იცავს). ასევე კარგია კონტაქტი ბუნებასთან, რომელიც წმენდს და ასუფთავებს ადამიანის ბიოველს, კარგია მიწის, წყლისა და ცეცხლის ენერგია.ამის ნათელი მაგალითია სანთლებისა და ნაკურთხი წყლის გამოყენება ეკლესიის მიერ. აქვე გეტყვით, რომ შემთხვევით შავი მაგია არავისზე მოქმედებს. ადამიანმა რაღაცით დაიმსახურა, რომ შავი მაგიის გავლენის ქვეშ მოექცა, პირველ რიგში, თავისი არასწორი ცხოვრებით. ასეთ დროს მან უნდა იფიქროს, რა დააშავა და თავისი ზრახვები, სურვილები და საქციელი ზედმიწევნით აკონტროლოს.არიან უნიკალური პიროვნებები, პარაფსიქოლოგები და ექსტრასენსები, რომლებსაც შეუძლიათ ადამიანს ეს უარყოფითი ენერგია მოუხსნან. მეც ვიცნობ ასეთ ადამიანებს, რომლებიც ძალიან კარგად წმენდენ და ასუფთავებენ დაბინძურებულ აურას. ოღონდ, როცა აურის გასაწმენდად ვინმესთან მიდიხართ, დარწმუნებული უნდა იყოთ, რომ ის სანდო პიროვნებაა, რომელმაც იცის ცუდი ენერგია როგორ "დაამიწოს". სხვათა შორის, ასეთ განსაცდელში ჩავარდნილ ადამიანს ეკლესიაც კარგად ეხმარება. ჩემი აზრით, თუ ადამიანი სიკეთეს ემსახურება, სწორი გზით მიდის და არავის არაფერს უშავებს, მასზე უარყოფითი ენერგია ნაკლებად მოქმედებს.წყარო

განათლება • 1772105381

KIU-ს ბაზაზე საჯარო მოხელეთა პროფესიული განვითარების სატრენინგო პროგრამები განხორციელდება

ქუთაისის საერთაშორისო უნივერსიტეტსა (KIU) და საქართველოს იუსტიციის სასწავლო ცენტრს შორის თანამშრომლობის მემორანდუმი გაფორმდა. ახალი პარტნიორობის ფარგლებში, KIU-ს ბაზაზე საჯარო მოხელეთა პროფესიული განვითარების სატრენინგო პროგრამები განხორციელდება.მემორანდუმს ხელი მოაწერეს ქუთაისის საერთაშორისო უნივერსიტეტის რექტორის მოვალეობის შემსრულებელმა, ქუთაისის საუნივერსიტეტო ქალაქის დირექტორმა ვახტანგ ცაგარელმა და იუსტიციის სასწავლო ცენტრის დირექტორმა გვანცა ვარამაშვილმა.თანამშრომლობა მიზნად ისახავს საჯარო სექტორში დასაქმებული პირების პროფესიული შესაძლებლობების გაძლიერებას, თანამედროვე ცოდნისა და პრაქტიკული უნარების განვითარებას, საჯარო სამსახურის ეფექტიანობის გაზრდას. აღნიშნული პროგრამა წარმოადგენს შესანიშნავ საშუალებას საჯარო მოხელეებისთვის, მიიღონ ხარისხიანი განათლება კომფორტულ და თანამედროვე გარემოში.პროექტი მოიცავს მსმენელებისთვის სასწავლო რესურსებით უზრუნველყოფას, მაღალკვალიფიციური ტრენერებისა და შესაბამისი დარგის ექსპერტებისგან გამოცდილების გაზიარებას, ასევე ქუთაისის საერთაშორისო უნივერსიტეტის ულტრათანამედროვე კამპუსში სასწავლო პროცესისთვის აუცილებელი ორგანიზაციული და ინფრასტრუქტურული პირობების შეთავაზებას. პროგრამის განხორციელებას იუსტიციის სასწავლო ცენტრი უზრუნველყოფს. განსაკუთრებული ყურადღება დაეთმობა იმერეთის, გურიის, სამეგრელო-ზემო სვანეთისა და რაჭა-ლეჩხუმის რეგიონებში არსებულ საჯარო დაწესებულებებში დასაქმებულ პირთა გადამზადებას.ღონისძიების ფარგლებში უკვე გაიმართა პირველი სამუშაო შეხვედრა აღნიშნული რეგიონების წარმომადგენლებთან, სადაც ტრენინგ-საჭიროებები და სამომავლო გეგმები განიხილეს.მემორანდუმი ასევე ითვალისწინებს განათლებისა და მეცნიერების სფეროებში, მათ შორის საგრანტო პროექტების ფარგლებში, ახალგაზრდა თაობისთვის თანამედროვე სტანდარტების შესაბამისი საგანმანათლებლო და სამეცნიერო საქმიანობის ხელშეწყობას.