ჩერგოლეიშვილი

თამარ ჩერგოლეიშვილი: ჯოჯოხეთის ცეცხლში დაიწვებით ყველა, ვინც წლების განმავლობაში პოლიტიკური დებატები და კონკურენცია შანტაჟით აკრძალეთ, ასე დააჩლუნგეთ პოლიტიკური სპექტრი

ჯოჯოხეთის ცეცხლში დაიწვებით ყველა, ვინც წლების განმავლობაში პოლიტიკური დებატები და პოლიტიკური კონკურენცია შანტაჟით აკრძალეთ, ასე დააჩლუნგეთ პოლიტიკური სპექტრი. ეს რა დღეშია სპექტრი, სად ფორთხავს, ეს რანაირად გვეკადრება ილია ჭავჭავაძის და პირველი რესპუბლიკის მემკვიდრეებს – ამის შესახებ პარტია „ფედერალისტების“ ლიდერი თამარ ჩერგოლეიშვილი სოციალურ ქსელში წერს.როგორც ჩერგოლეიშვილი აღნიშნავს, „ახლის“ ერთ-ერთი ლიდერი თეიმურაზ პაპასქირი გიგა ბოკერიას აბრალებს, რომ გვარამიას ინტერვიუ დაუჩეხა და იტყუება.თამარ ჩერგოლეიშვილის თქმით, ამასთან დაკავშირებით თეიმურაზ პაპასქირს დებატები შესთავაზეს.„გუშინ ღამიდან, „ახლის“ ერთ-ერთი ლიდერი, თეიმურაზ პაპასქირი, გიგას აბრალებს, რომ ბოკერიამ გვარამიას ინტერვიუ დაუჩეხა და იტყუება.უკიდურესად დელუზიური არიფი უნდა იყო, ბოკერიას რომ სიზუსტის ღალატი დააბრალო, მაგრამ არ იცნობს და დავიკიდოთ ეგ ფაქტი.1. შევთავაზეთ დებატები, სადაც გვამხელს ტყუილებში.2. შევთავაზეთ, თავად დაჭრას გვარამიას ინტერვიუ ისე, რომ ის ნაწილები აჩვენოს, რაც ჩვენ დავამახინჯეთ და გვამხილოს.3. შევთავაზეთ, უბრალოდ არგუმენტებად ჩამოწეროს, რა დააბრალა ბოკერიამ გვარამიას – რომ მივხვდეთ, რას გვემართლება.არა უბრალოდ გაიძახის „ყველამ იცის, რო ვიტყუებით“.ხოდა, ის მინდა გითხრათ, რომ ჯოჯოხეთის ცეცხლში დაიწვებით ყველა, ვინც წლების განმავლობაში პოლიტიკური დებატები და პოლიტიკური კონკურენცია შანტაჟით აკრძალეთ და ასე დააჩლუნგეთ პოლიტიკური სპექტრი.ყველა ხართ იმიერი ჯოჯოხეთის მგზავრი და აქ მე უზრუნველვყოფ, რომ მოსვენება არ მოგეცეთ.ეს რა დღეშია სპექტრი უბრალოდ, სად ფორთხავს, ეს რანაირად გვეკადრება ილია ჭავჭავაძის და პირველი რესპუბლიკის მემკვიდრეებს“, – წერს თამარ ჩერგოლეიშვილი.

პოლიტიკა • 1787943120

თაკო ჩარკვიანი ჩერგოლეიშვილზე: ეს ფეიკ “ოპო”-ბოკერიას ცოლი, თავად გაზპრომს რომ ბიზნესი მიჰყიდა და პირდაპირ პუტინის “მაყუთით гулян-კობს”, ბედავს და ახალგაზრდებს ამუნათებს- მთელი ცხოვრება გაჰკივიან დასავლეთი გვინდაო და მუდამ რუსულ საქმეს აკეთებენ

ჩერგოლეიშვილი, ახალგაზრდებს ამუნათებს- შეწყალებაზე რომ დათანხმდენენ ეს ოცნებას გაუხარდებაო, ანუ თავად “ეს “გაზპრომს რომ ბიზნესი მიჰყიდა და პირდაპირ პუტინის “მაყუთით гулян-კობს”, ეს “საბოტაჟნიკი” ცოლ-ქმარი- წერს ოპოზიციონერი პოლიტიკოსი თაკო ჩარკვიანი სოციალურ ქსელში.ჩარკვიანი ჩერგოლეიშილი-ბოკერიაზე ამბობს, რომ სინამდვილეში ისინი მუდამ რუსულ საქმეს აკეთებენ.„ტფუჰ ეს ამაზრზენი ლექსიკით დედაკაცი , ჩერგოლეიშვილი, ახალგაზრდებს ამუნათებს- შეწყალებაზე რომ დათანხმდენენ ,ეს ოცნებას გაუხარდებაო, ანუ თავად “ეს “,გაზპრომს რომ ბიზნესი მიჰყიდა და პირდაპირ პუტინის “მაყუთით гулян-კობს”, ეს “საბოტაჟნიკი” ცოლ-ქმარი, 2026 წელია გარეთ და მისი ( პრეზიდენტ სააკაშვილის დროს), მაღალთანამდებობაზე მყოფი ,უშიშროების მდივანი ქმარი დაკითხულიც არ არის, არც წულუკიანის კომისიაზე რომ არ მიუწვევიათ ბოკერია და ახლა ეს ფეიკ “ოპო”-ბოკერიას ცოლი, უბინძურესიპოლიტბეგრაუნდით ბედავს და ახალგაზრდა პოლიტპატიმრებს ამუნათებს ,”ქართულ ოცნებას გაუხარდა თქვენი შეწყალებაო”. დიახ, ყველა პოლიტპატიმარი სასწრაფოდ გარეთ უნდა იყოს, არა თქვენმა მზემახალგაზრდები ციხეში და შენ და ბოკერია “გაზპრომის” ანუ პუტინის “მაყუთით”გარეთ უნდა გრიალებდეთ და ანადგურებდეთ ნებისმიერ ოპოზიციურ გაერთიანებას!მთელი ცხოვრება გაკივიან დასავლეთი გვინდაო და მუდამ რუსულ საქმეს აკეთებენ, გადახედეთ, პირდაპირ ფაქტები მეტყველებენ !!!!!“- წერს ჩარკვიანი.

პოლიტიკა • 1787920192

ნიკა ობოლაძე: ჩერგოლეიშვილი 20 წლის ახალგაზრდებს მოუწოდებს, პრეზიდენტი და ამ ქვეყნის შაჰი სალომე ზურაბიშვილია, ყაველაშვილს ნუ აღიარებთო. ოღონდ, თვითონ საარჩევნო კამპანია აქვს, ყაველაშვილის დანიშნულ არჩევნებში რომ მიიღოს მონაწილეობა

ოპოზიციონერი პოლიტიკოსი ნიკა ობოლაძე “ფედერალისტებს” აკრიტიკებს და კიდევ ერთხელ ამბობს, რომ უტიფრობაᲨი, არათანმიმდევრულობაᲨი და ტყუილᲨი ჩემპიონები არიან.“ჩერგომ, 2024 წლის არᲩევნები მოვიგეთო, ისე რომ თვითონ არჩევნებში მონაწილეობაც არ მიუღია. ანუ არᲩევნები მოიგო: მიᲨამ, ხაზარაძემ, გვარამიამ და გახარამ. ეს არის 9-იანი, ეს არის ბიძინას დამარცხების ფორმულაო.მერე, 2024 წლის არᲩევნები ვინც მოიგო, ოთხივე გამარჯვებული ოპოზიციური პოლიტიკური პარტია - რუსად, არადემოკრატად, ოლიგარქიულად, სიტყვის თავისუფლების მტრად და ბიძინას დეკორაციად შერაცხა. ჩასარეცხია ეს ოპოზიციაო (ვინაა ჩასარეცხი, მოგებული ოპოზიცია?) მანამდე კამპანია ჰქონდა - ჯარიმებით გავჭედოთ სისტემაო.ახლა 20 წლის ახალგაზრდებს მოუწოდებს, პრეზიდენტი და ამ ქვეყნის შაჰი სალომე ზურაბიშვილია, ყაველაშვილს ნუ აღიარებთო. ოღონდ თვითონ საარჩევნო კამპანია აქვს, ყაველაშვილის დანიᲨნულ არჩევნებში რომ მიიღოს მონაწილეობა.კიდევ ერთხელ: უტიფრობაᲨი, არათანმიმდევრულობაᲨი და ტყუილᲨი, ჩემპიონები არიან ფედერალისტები.” - წერს ობოლაძე.

პოლიტიკა • 1787821601

თამარ ჩერგოლეიშვილი დავით ზურაბიშვილზე: ამ ჭორიკანა ცილისმწამებელ ცვედანთან ბიძინაც მართალია და მიშაც - გავლენა მაქვს ყოველთვის და ყველგან, საბავშვო ბაღიდან მოყოლებული - ზურაბიშვილად არ დავბადებულვარ და იმიტომ

„ფედერალისტების“ ერთ-ერთი ლიდერი, თამარ ჩერგოლეიშვილი, დავით ზურაბიშვილის მიერ დაწერილ კომენტარს ეხმიანება, რომლის თანხმად, „არაფორმალურ დონეზე მისი ძალაუფლება იყო გაცილებით მეტი, ვიდრე მინისტრთა კაბინეტის აბსოლუტური უმრავლესობის. ახლა აბოლებს ახალგაზრდებს, თითქოს ერთი ფრილანსერი იდეალისტი იყო წარსულში“.ჩერგოლეიშვილი ზურაბიშვილს ჭორიკანა ცილისმწამებელს უწოდებს და აცხადებს, რომ გავლენები ყოველთვის ჰქონდა, რადგან დავით ზურაბიშვილად არ დაბადებულა.„აი, ამ ჭორიკანა ცილისმწამებელ ცვედანთან ბიძინაც მართალია და მიშაც.ცოტა მწყინს, რომ ვერტალიოტებიდან ავტობუსებზე ჩამომაქვეითეს ამ სუნიანებმა, მაგრამ ავტობუსების ისტორიას მინდა მოვყვე, იმიტომ რომ მაგ დროს ზურაბიშვილი რეჟიმის ლაქია იყო და ბიძინასას ტლეკდა - პირიდან ვერ გლეჯდნენ.საქმე ეხება 2013 წლის 17 მაისს.როცა დავინახე, რომ ვითარება იძაბება და პუშკინის სკვერთან შეკრებილი 50 კაცი შეიძლება რუსთაველზე შეკრებილ აგრესიულ ბრბოს ბრდღვნად არ ეყოს, ვაჭარაძეს შევეხმიანე, უსაფრთხოებას როგორ იცავთ-მეთქი და ღარიბაშვილმა (შს მინისტრი იყო მაშინ) გვითხრა, მეტროთი დაიშალეთო - ასე მომახსენა.ცხადია, სიგიჟედ ჩავთვალე დევნისას მიწისქვეშ ჩასვლა და გიგი უგულავას დავურეკე, რომელიც მაშინ ჯერ კიდევ მერი იყო, ასეთი ვითარებაა და ეგებ ალტერნატიული გზა მოვიფიქროთ, არ მოკლან ვინმე-მეთქი.გიგიმ დაურეკა ღარიბაშვილს და მასთან შეთანხმებით, ყვითელი ავტობუსები მიაყენა პუშკინის სკვერს (აი, სხვებთან ერთად, შალვა რამიშვილის ორი ყვერი რითიც გაიყვანეს).ანუ ჩავერიე, რომ ხალხი დასისხლიანებას გადამერჩინა მაშინ, როცა ეს ცვედანი ბიძინას უწუწნიდა.რაც შეეხება გავლენას, გავლენა მაქვს ყოველთვის და ყველგან, საბავშვო ბაღიდან მოყოლებული - ზურაბიშვილად არ დავბადებულვარ და იმიტომ.მაგ გავლენის დამსახურებაცაა ნაფიც მსაჯულთა ინსტიტუტის ამოქმედება“, - წერს ჩერგოლეიშვილი სოციალურ ქსელში.

პოლიტიკა • 1787820896

დავით ზურაბიშვილი: არაფორმალურ დონეზე ჩერგოლეიშვილის ძალაუფლება იყო გაცილებით მეტი, ვიდრე მინისტრთა კაბინეტის აბსოლუტური უმრავლესობის. ხანდახან თვითონაც წამოსცდება ხოლმე უნებურად, იტყვის: „შევედი მიშასთან და ვუთხარი“ ან „გიგის დავურეკე და გამოვართვი ავტობუსები“. ახლა აბოლებს ახალგაზრდებს, თითქოს ერთი ფრილანსერი იდეალისტი იყო წარსულში

თამარა ჩერგოლეიშვილი მიშას დროს მართლა ჟურნალის რედაქტორი კი არ იყო ან მანამდე საერთაშორისო ორგანიზაციაში მომუშავე კლერკი. ის გახლდათ ერთ-ერთი ყველაზე გავლენიანი პერსონა ქართულ პოლიტიკაში, - წერს დავით ზურაბიშვილი.მისი განცხადებით, არაფორმალურ დონეზე, ჩერგოლეიშვილის ძალაუფლება მინისტრთა კაბინეტის უმრავლესობის ძალაუფლებაზე გაცილებით მეტი იყო და ის „ნაციონალური მოძრაობის“ ერთ-ერთი წამყვანი ფიგურა იყო. ზურაბიშვილი აღნიშნავს იმასაც, რომ „ფედერალისტების“ ერთ-ერთი ლიდერი, ახლა ახალგაზრდებს „აბოლებს“, თითქოს, წარსულში ფრილანსერი იდეალისტი იყო.„არაფორმალურ დონეზე მისი ძალაუფლება იყო გაცილებით მეტი, ვიდრე მინისტრთა კაბინეტის აბსოლუტური უმრავლესობის. ხანდახან თვითონაც წამოსცდება ხოლმე უნებურად, ვთქვათ იტყვის: „შევედი მიშასთან და ვუთხარი“ (ამ დროს „მიშასთან შესვლა“ ბარე ორ მინისტრს ან დეპუტატს არ შეეძლო წინასწარი შეთანხმების გარეშე), ან „გიგის დავურეკე და გამოვართვი ავტობუსები“, (გეცადათ აბა თბილისის მერისთვის ტრანსპორტის გამორთმევა) და ა. შ. თამარა იყო მმართველი ძალის ერთ-ერთი ტოპ-ფიგურა და არა უბრალოდ პროსახელისუფლო ჟურნალისტი ან აქტივისტი. სხვათა შორის, ბოკერიას ცოლობა აქ არაფერ შუაშია. მიშას მასზე ყოველთვის ძალიან მაღალი წარმოდგენა ჰქონდა. ეს ახლა აბოლებს ახალგაზრდებს, თითქოს ერთი ფრილანსერი იდეალისტი იყო წარსულში“, - წერს დავით ზურაბიშვილი სოციალურ ქსელში.

პოლიტიკა • 1787667996

რატი იონათამიშვილი: ბელადი სააკაშვილისგან განსხვავებით, რომელიც, ფაქტობრივად, საქართველოს დაარსებას იჩემებს, არც ბიძინა ივანიშვილი და არც “ქართული ოცნების” რომელიმე წარმომადგენელი არ ამბობს, თითქოს, აბასთუმანი ბიძინა ივანიშვილმა დააფუძნა, თუმცა ვერავინ უარყოფს, რომ მიტოვებული და მივიწყებული უნიკალური კურორტისთვის ახალი სიცოცხლის შთაბერვა სწორედ მისი დამსახურებაა

“ბიძინა ივანიშვილის ქველმოქმედებაზე შეტევა და სიცრუის გავრცელება გარე ძალების აგენტებით დაკომპლექტებული ადგილობრივი რადიკალური ოპოზიციის საქმიანობის მნიშვნელოვანი კომპონენტია.”-წერს სოციალურ ქსელში ადამიანის უფლებათა დაცვისა და სამოქალაქო ინტეგრაციის საპარლამენტო კომიტეტის თავმჯდომარე რატი იონათამიშვილი.იონათამიშვილი თამარ ჩერგოლეიშვილის მიერ აბასთუმნის რეაბილიტაციისა და ბიძინა ივანიშვილის საქველმოქმედო პროექტების შესახებ გაკეთებულ განცხადებებს ეხმაურება და მას „მტკნარ სიცრუესა და აბსურდს“ უწოდებს.დეპუტატმა აბასთუმანში განხორციელებულ პროექტებთან დაკავშირებით ფაქტები მოიყვანა და აღნიშნა, რომ “ბიძინა ივანიშვილი კურორტზე უნიკალურ სასტუმროს აშენებს, რომლის ღირებულება 100 მილიონ დოლარს აღემატება და რომელიც თავიდან ბოლომდე საქველმოქმედო პროექტია, რამე თუ თითოეული თეთრი, რომელიც სასტუმროს მშენებლობის დასრულების შემდეგ იქნება ამონაგები, სწორედ საქველმოქმედო ფონდში გადაირიცხება და სრულად ქველმოქმედებას მოხმარდება.”“როგორც ჩანს, ამჯერად თამარ ჩერგოლეიშვილმა გადაწყვიტა შენება ნგრევად, ქველმოქმედება კი პირად ინტერესებზე ზრუნვად წარმოაჩინოს და თავს დაესხას აბასთუმნის აღდგენის პროექტს, რომელმაც განადგურების პირას მყოფ მსოფლიოს ერთ-ერთ უნიკალურ კურორტს ახალი სიცოცხლე უნდა შთაბეროს.ჩერგოლეიშვილმა საკუთარ მიმართვაში უამრავი სისულელე და ტყუილი ილაპარაკა, რის საილუსტრაციოდაც მხოლოდ ის მტკნარი სიცრუეც კმარა, თითქოს, ბიძინა ივანიშვილმა აბასთუმანში “ხრიოკზე” ფილტვის ცენტრის აშენების სანაცვლოდ, ისტორიულ “ტუბსაავადმყოფოს” ტერიტორია მიიღო. აუცილებლად უნდა აღინიშნოს ისიც, რომ ხელისუფლებაში “ქართული ოცნების” მოსვლის შემდეგ, სწორედ ამგვარი პირობებით ცდილობდნენ ინვესტორის მოძებნას, თუმცა, არავინ დაინტერესდა, რადგანაც მსგავსი ინვესტიცია ყველამ, ვისაც მისი განხორციელება შეეძლო, წაგებიანად მიიჩნია.მოდი, ვნახოთ, რა მოხდა რეალურად - ბატონმა ბიძინამ საკუთარი ფულით არა “ხრიოკზე”, არამედ უნიკალურ ტერიტორიაზე, სადაც სამი სხვადასხვა ხეობის ჰაერი ცირკულირებს, მართლაც ააშენა ულტრათანამედროვე, უახლესი ტექნოლოგიით აღჭურვილი ფილტვის ცენტრი, თუმცა, ამის სანაცვლოდ არაფერი მიუღია. მან მხოლოდ მოგვიანებით, აუქციონის წესით კონკურენტულ პირობებში დაახლოებით 4 მილიონად შეიძინა ის ტერიტორია, რომელზედაც ამორტიზებული, დანგრევის პირას მისული, პაციენტებისა და პერსონალის სიცოცხლისთვის საშიში, ხეობისა და მისი მცხოვრებლებისთვის კი სიბინძურისა და არაერთი პრობლემის წყაროდ ქცეული ძველი საავადმყოფო მდებარეობდა. ისიც არაერთხელ აღინიშნა, რომ “ტუბდისპანსერის” აღდგენა ფაქტობრივად შეუძლებელი იყო და მისი რეაბილიტაციის პროცესში ჩართვაზე არამხოლოდ ადგილობრივი, არამედ უცხოური და საკმაოდ გამოცდილი კომპანიები ამბობდნენ უარს. ამასთან ერთად, სწორედ ბატონმა ბიძინამ გაარემონტა და თანამედროვე აპარატურით აღჭურვა აბასთუმნის ამბულატორია, სადაც პაციენტებისთვის დღესაც კომფორტული პირობებია შექმნილი და ღირსეულადაც ემსახურებიან.რაც შეეხება “ტუბდისპანსერის” ისტორიულობის საკითხს, რადიკალებმა კარგად უნდა იცოდნენ, რომ აღნიშნულ ტერიტორიაზე საავადმყოფო, წესით, არც უნდა აშენებულიყო, რადგან იქ რომანოვების მართლაც ისტორიული სასახლე მდებარეობდა, რომელსაც სწორედ ბიძინა ივანიშვილის ძალისხმევით დაუბრუნდა პირვანდელი სახე.კარგი იქნებოდა, ქალბატონ თამარს, რომელმაც აბასთუმანზე ვრცლად ისაუბრა, იმის შესახებაც მოეძიებინა ინფორმაცია, რომ ბიძინა ივანიშვილი კურორტზე უნიკალურ სასტუმროს აშენებს, რომლის ღირებულება 100 მილიონ დოლარს აღემატება და რომელიც თავიდან ბოლომდე საქველმოქმედო პროექტია, რამე თუ თითოეული თეთრი, რომელიც სასტუმროს მშენებლობის დასრულების შემდეგ იქნება ამონაგები, სწორედ საქველმოქმედო ფონდში გადაირიცხება და სრულად ქველმოქმედებას მოხმარდება. ქველმოქმედების პარალელურად - გრძელვადიან პერსპექტივაში ახალი სასტუმრო ხელს შეუწყობს ადგილზე სხვა ბიზნესის განვითარებას, შექმნის დამატებით სამუშაო ადგილებს, ადგილობრივებს დაეხმარება მეტი შემოსავლის გაჩენაში და აბასთუმნის ქართველ თუ უცხოელ სტუმრებს შესთავაზებს მეტ არჩევანს, რაც, თავის მხრივ, პირდაპირ და დადებითად აისახება ტურისტების რაოდენობისა და კურორტის საერთაშორისო ცნობადობის ზრდაზე.აგენტურულ ოპოზიციას მინდა ისიც შევახსენო, რომ მათი ბელადი სააკაშვილისგან განსხვავებით, რომელიც, ფაქტობრივად, საქართველოს დაარსებას იჩემებს, არც ბიძინა ივანიშვილი და არც “ქართული ოცნების” რომელიმე წარმომადგენელი არ ამბობს, თითქოს, აბასთუმანი ბატონმა ბიძინამ დააფუძნა, თუმცა ვერავინ უარყოფს, რომ მიტოვებული და მივიწყებული უნიკალური კურორტისთვის ახალი სიცოცხლის შთაბერვა სწორედ მისი დამსახურებაა, რაც კიდევ უფრო უკეთ სარეაბილიტაციო სამუშაოების საბოლოოდ დასრულების შემდეგ გამოჩნდება.თუ კარგად დავაკვირდებით, ბიძინა ივანიშვილის ქველმოქმედებასთან დაკავშირებით რადიკალების დამოკიდებულებასაც ადვილად შევამჩნევთ. - მაშინ, როდესაც სახელმწიფოს სახსრები არ გააჩნდა და ბიძინა ივანიშვილმა საჩხერე - გომის დანგრეული და კიდევ უფრო მეტად დაზიანებული საჩხერე - ზესტაფონის საავტომობილო გზები ხელახლა ააშენა, ერთ-ერთმა მათმა თანაგუნდელმა, დღესდღეობით გარდაცვლილმა ადამიანმა აღნიშნა, თითქოს, ბატონმა ბიძინამ ეს გზები იმიტომ აღადგინა, რომ მათზე თავად გადაადგილდებოდა, შესაბამისად, ეს არც ქველმოქმედებაა და არც მადლობას იმსახურებს. მცირეოდენი მარგინალებისგან სწორედ ამგვარ ლოგიკას ვხვდებით აბასთუმანთან დაკავშირებითაც, თუმცა, საბედნიეროდ, საზოგადოების უმრავლესობა კარგად ამჩნევს სიმართლეს და სიკეთის მასშტაბს, რომელსაც უკვე სამი ათეული წელია ბიძინა ივანიშვილი საქართველოში სჩადის. მათი აზრით, საზოგადოებისთვის საკეთილდღეო თითოეული ის საქმე, რომელიც მან ჩვენს ქვეყანაში გააკეთა, არათუ მადლობას, არამედ კრიტიკას იმსახურებს, რადგან ის თავადაც აქ ცხოვრობს. ამ ლოგიკით, იმის დასამტკიცებლად, რომ ის საქართველოსა და ქართველებისთვის მართლაც უანგარო ქველმოქმედია, საკუთარი სამშობლოდან საერთოდ უნდა გადაიხვეწოს და მნიშვნელოვანი საქმეები ქვეყნის გარედან უნდა აკეთოს.სწორედ ამგვარ აბსურდში არიან შესული რადიკალი აგენტები და ამის კიდევ ერთი დასტური აბასთუმანში ბიძინა ივანიშვილის განხორციელებული საქველმოქმედო პროექტების შესახებ ჩერგოლეიშვილის მოსაზრებებია. ამ დროს, თავად ისინიც ცხოვრობენ საქართველოში და შეუძლიათ რაიმე კარგი გააკეთონ, თუმცა, ამ ქვეყნისთვის არათუ არანაირი პირადი ძალისხმევა არ გაუღიათ, არამედ საქართველოს ნგრევისა და დაზიანებისკენ არიან მიმართული, პარალელურად კი იმ საჯარო სიკეთეებით - გზებით, მუზეუმებით, უნიკალური სივრცეებით და ა.შ. სარგებლობენ, რომლებიც ბატონმა ბიძინამ საქართველოს აჩუქა.”- წერს იონათამიშვილი.

პოლიტიკა • 1787500043

მიხეილ სააკაშვილი არავის არ უპირისპირდება, საუბრობს მხოლოდ ფაქტებზე - ლაშა ფარულავა

პოლიტიკა • 1787494420

დავით მათიკაშვილი ოპოზიციის დაპირისპირებაზე: საბოლოო დაპირისპირება და სახის დაკარგვა... აი, ასე დავარქვათ ამ მოვლენებს - რასაც ერთმანეთს ეძახიან, სიმართლეა და ეს საზოგადოებამ კარგად იცის

ოპოზიციაში დაპირისპირება კიდევ უფრო მწვავდება. "მანიპულატორი ნარცისი, რომელიც ოპოზიციური ფლანგის მოსანელებლად იბრძვის" - თამარ ჩერგოლეიშვილი მიხეილ სააკაშვილს მორიგ პოსტს უძღვნის.ფედერალისტების ლიდერი აცხადებს, რომ სააკაშვილი კოალიცია „ახალს“ ოპოზიციურ ველზე დაკარგული დომინაციის დასაბრუნებლად ურტყამს, თუმცა მსჯავრდებული პრეზიდენტის ეს მცდელობები მარცხისთვისაა განწირული.რაც შეეხება "ნაციონალურ მოძრაობას", აქ დანარჩენ ოპოზიციას კვლავ ფინანსური მოგების სანაცვლოდ ინტერესების დათმობაში ადანაშაულებენ და აცხადებენ, რომ სააკაშვილი ფაქტებით საუბრობს.მმართველი გუნდისთვის კი, ოპოზიციაში არსებული დაუსრულებელი დაპირისპირება თვითლუსტრაციის კიდევე ერთი მაგალითია."საბოლოო დაპირისპირება და სახის დაკარგვა, აი, ასე დავარქვათ ამ მოვლენებს. საზოგადოების წინაშე რეალური მათი მოცემულობის ჩვენება, კიდევ ერთხელ იძლევა იმის საფუძველს, პირდაპირ და არაორაზროვნად ვთქვათ, თუ რა მოღალატეობრივ და ანტისახელმწიფოებრივ ძალებთან გვაქვს საქმე, როდესაც "ნაცმოძრაობას" და მათ გარშემო არსებულ შვილობილ პარტიებზეა საუბარი. ახლა ისინი პრაქტიკულად სიმართლეს ლაპარაკობენ. ის, რასაც ერთმანეთს ეძახიან, სიმართლეა, ეს საზოგადოებამ კარგად იცის. ერთის მხრივ, ტელევიზიების ქურდი, მეორეს მხრივ, ყოფილი პრეზიდენტი, რომელმაც საკუთარი დანაშაულით ქვეყანა გაწირა, ქვეყანა უბედურ დღეში ჩააგდო, ხოცა ახალგაზრდები ქუჩაში და ასე შემდეგ... და ამ ყველაფრის ფონზე, კიდევ ერთი რეალური და თვალსაჩინო, მკაფიო სურათი, რომელიც მათ დადეს საზოგადოების წინაშე, ჩვენს ხალხს, საქართველოს, კიდევ უფრო მეტად არწმუნებს, თუ რატომ არ შეიძლება მეხუთე კოლონის და მოღალატეობრივი აგენტურული ოპოზიციის მიშვება ხელისუფლებასთან", - განაცხადა დავით მათიკაშვილმა.

პოლიტიკა • 1787489312

თამარ ჩერგოლეიშვილი – სააკაშვილი „ახლის“ კოალიციას ურტყამს იმ ამოცანით, რომ ევსაქებივით გააპარტახებს, ამაოდ იბრძვის, სააკაშვილთან და მის მფრინავ მაიმუნებთან თავის მართლებას შეეშვით

სააკაშვილი „ახლის“ კოალიციას ურტყამს იმ ამოცანით, რომ იგივენაირად გააპარტახებს, როგორც 2019-2021 წლების განმავლობაში ევსაქები გააპარტახა – დაღლის, გამოფიტავს, არაავთენტური სიმრავლის ილუზიით წააქცევს სათითაოდ და უკან შეირწყავს, ნაწილს მაინც, – ამის შესახებ პარტია „ფედერალისტების“ ლიდერი თამარ ჩერგოლეიშვილი სოციალურ ქსელში წერს.როგორც ჩერგოლეიშვილი აღნიშნავს, ეს ხდება არა ბიძინა ივანიშვილზე გამარჯვებისთვის, არამედ ოპოზიციურ ველზე დაკარგული დომინაციის მოსაპოვებლად.„ცხადია, ამაოდ იბრძვის – ევსაქებისგან განსხვავებით, ახლის კოალიციაში ცოტასთან აკავშირებს საერთო წარსული, ცოტა ჰყავს ჭიპლარით მიბმული და, მაქსიმუმ, იმას მიაღწიოს, რომ ახლის კოალიცია დაშალოს, თავად ამ ავანტიურისგან ვერაფერს მიიღებს – არ არის პირობითი ბუტიკაშვილი, პირობითი ჭიაბერაშვილი და რო რამე, სახლში წავა, მიშასთან არ მივა.მაგრამ ამის სათქმელად არ დამიწყია წერა. იმის სათქმელად დავიწყე, რომ შეეშვით, ხალხო, სააკაშვილთან და მის მფრინავ მაიმუნებთან თავის მართლებას და არგუმენტებით საუბარს, პირდაპირ ფერთხეთ. თქვენ გგონიათ, ეგ არგუმენტები არ იციან? მანიპულატორი ნარცისია სააკაშვილი! მისი გაღმერთების იძულებას ცდილობს, ფაქტებში გარკვევა კი არ აინტერესებს! არგუმენტებით მასთან საუბარი მის მოედანზე გადასვლაა! მაგასაც ეგ უნდა, რომ თავი გამართლებინოთ მის წინაშე და ამით საკუთარი დომინაციის განცდა შექმნას! ფერთხეთ (რიტორიკულად ცხადია) მეთქი პირდაპირ – ეგაა მის მავნებლურ ამოცანებში ხელის შეშლა და არა თავის მართლება და არგუმენტირებული მსჯელობა.ჩემი თუ არ გჯერათ, მანიპულატორ ნარცისზე დაგუგლეთ“, – წერს თამარ ჩერგოლეიშვილი.

პოლიტიკა • 1786950284

თამარ ჩერგოლეიშვილი: ყარაბაღი სომხეთს ჰქონდა წაღებული, აფხაზეთი რუსეთმა წაიღო, რა შუაშია ფაშინიანთან პარალელი, თქვენ ხომ არ აფრენთ? საკუთარ ისტორიას რატომ აყალბებთ?

ყარაბაღი სომხეთს ჰქონდა წაღებული. აფხაზეთი რუსეთმა წაიღო. რა შუაშია ფაშინიანთან პარალელი, თქვენ ხომ არ აფრენთ? საკუთარ ისტორიას რატომ აყალბებთ? – ამის შესახებ პარტია „ფედერალისტების“ ლიდერი თამარ ჩერგოლეიშვილი სოციალურ ქსელში წერს.„ქართულ საზოგადოებას რატომ ანადგურებთ ისტორიის გაყალბების გზით?! რუსები ხართ? თუ თეიმურაზ ხევისთავები? ან ამ თვითგამოცხადებულ „მშვიდობის მაშენებლებთან“ ვულგარული ფლირტი რა ზედაპირული უბედურებაა?P.S. ფაშინიანი რა შუაშია საერთოდ? აზერბაიჯანმა დაიბრუნა სომხეთის მიერ რუსეთის დახმარებით ოკუპირებული ტერიტორია. რუსეთმა და ოდეკაბემ ფაშინიანს ვერ უშველეს – მიატოვეს, როგორც მეფე ერეკლე, როგორც სირია, როგორც ირანი… რა უნდა ექნა ფაშინიანს ბედთან შეგუების და დასავლეთისკენ მიტრიალების გარდა? ფაშინიანმა რაც ქნა – ანუ ბედთან შეგუება, მოუწევს აფხაზეთის მარიონეტულ მთავრობას, როცა რუსეთი მაგათაც მიატოვებს და 200 ათასზე მეტი დევნილი საკუთარ მიწაზე დაბრუნდება. და ასეც მოხდება. ოკუპირებული აფხაზეთის მარიონეტულ მთავრობას მოუწევს ტრავმის მოშუშება, ეგაა ფაშინიანის პარალელი და არა – საქართველო“, – წერს თამარ ჩერგოლეიშვილი.ცნობისთვის, ოპოზიციის ალიანსის“ ერთ-ერთმა ლიდერმა, ნიკა გვარამიამ „ფორმულას“ ეთერში განაცხადა: „ფაშინიანით სინამდვილეში მაგიტომ ვარ აღფრთოვანებული, რომ მან შეძლო ტრავმების დამარცხება, რეალურად, ყარაბაღი ხომ ჩაბარება იყო? იყო ომი, გასაგებია, მაგრამ, საბოლოო ჯამში, სომხეთმა თქვა, რომ მომაშორეთ, წაიღეთ“.

პოლიტიკა • 1785327056

თამარ ჩერგოლეიშვილი: მგონი, მიხეილ სააკაშვილი უფრო ადმირალ ნელსონად გამოვა, ნილოსის ომში წავა და ნაპოლეონს დაამარცხებს

პარტია „ფედერალისტების“ ლიდერი თამარ ჩერგოლეიშვილი საქართველოს ყოფილი პრეზიდენტის, მიხეილ სააკაშვილის მიერ დღევანდელ სასამართლო პროცესზე გაკეთებულ განცხადებას ეხმაურება, სადაც სააკაშვილი ციხიდან გამოსვლასთან დაკავშირებით საუბრობს.„მგონი, უფრო ადმირალ ნელსონად გამოხვალ, ნილოსის ომში წახვალ და ნაპოლეონს დაამარცხებ, გამარჯვებულო მთავარსარდალო“, – წერს თამარ ჩერგოლეიშვილი სოციალურ ქსელში.საქართველოს ყოფილმა პრეზიდენტმა, მიხეილ სააკაშვილმა სასამართლო პროცესზე განაცხადა: „ჩამკეტეთ, რამდენიც გინდათ, მე გამოვალ ციხიდან, როგორც ნელსონ მანდელა ციხიდან პირდაპირ მოვიდა ხელისუფლებაში, თქვენ მოიტანთ „ვარდების რევოლუცია ორის“ ფუნქციას“.

პოლიტიკა • 1785175866

ჩერგოლეიშვილი: ჟიჟილაშვილს ჩემთან სახლში ეძინა, სტრასბურგში რომ ჩამოდიოდა, ფული რომ დაეზოგა და სასტუმროში არ დარჩენილიყო. მოსვლა რომ დაიწყო ხმებმა - ხაზარაძეს გაეშვას, თორემ ეთერში დავბლოკავ, სააკაშვილს გაეშვას, თორემ ეთერი დაებლოკება - მაშინ შევდექი

მე მაგ ჟურნალისტებს საერთოდ არც ერთს არ ვიცნობდი და ჟიჟილაშვილს ჩემთან სახლში ეძინა, სტრასბურგში რომ ჩამოდიოდა ხოლმე, იმიტომ, რომ დაეზოგა ფული და სასტუმროში არ დარჩენილიყო, PACE-ზე გასაშუქებლად რომ გამოჰყავდათ-ხოლმე, - ამის შესახებ "ფედერალისტების" ერთ-ერთმა ლიდერმა, თამარ ჩერგოლეიშვილმა, "ფორმულას" ჟურნალისტ ნინო ჟიჟილაშვილის შესახებ "Palitra News"-ის ეთერში განაცხადა.ჩერგოლეიშვილის განცხადებით, ის მას შემდეგ "შედგა" ჟიჟილაშვილს, რაც მიუვიდა ხმები იმის შესახებ, რომ კონკრეტულ ოპოზიციონერ პოლიტიკოსებს თუ არ ჩამოსცილდებოდა, ეთერი დაებლოკებოდა."ძალიან ცუდია, როდესაც ჟურნალისტი ისე ისვრის შეფასებებს, რომ არ აქვს შესწავლილი პროცესი. რამეს კი არ ვერჩოდი მაგ ჟურნალისტებს - ჩემთან მოსვლა რომ დაიწყო ხმებმა, ხაზარაძეს გაეშვას, თორემ, ეთერში დავბლოკავ, მიშა სააკაშვილს გაეშვას, თორემ, ეთერი დაებლოკება, კეზერაშვილს გაეშვას, თორემ, ეთერი დაებლოკება - მაშინ შევდექი, იმიტომ, რომ ეს არის პრინციპის საკითხი. ჟურნალისტი უნდა ემსახურებოდეს საჯარო ინტერესს, ზუსტად ისე, როგორც სახელმწიფო მოხელე უნდა ემსახურებოდეს საჯარო ინტერესს," - განაცხადა ჩერგოლეიშვილმა.