საწვავი

„ამწუთას, დამწვრობის ცენტრი მთელი დატვირთვით მუშაობს, ჩვენდა სამწუხაროდ...“ - გუგა ქაშიბაშე

ზაფხულის სეზონზე მზით მიღებული დამწვრობის შემთხვევები იმატებს, თუმცა, როგორც დამწვრობის ცენტრის ხელმძღვანელი გუგა ქაშიბაძე „პრაიმტაიმთან“ ამბობს, პაციენტების მომართვიანობა მხოლოდ სეზონურობაზე არ არის დამოკიდებული.მისივე განმარტებით, ზამთარში კლინიკას ძირითადად საწვავი აირისა და სხვადასხვა გამათბობლის აფეთქებით გამოწვეული მძიმე დაზიანებების მქონე პაციენტები მიმართავენ, ხოლო ზაფხულში ამ შემთხვევებს მზით დამწვრობაც ემატება.ქაშიბაძე ასევე აღნიშნავს, რომ ბოლო სამი წელია, ლეღვის ნახარშით დამწვრობის არც ერთი შემთხვევა არ დაფიქსირებულა, თუმცა მზის არასწორი ზემოქმედებით მიღებული ტრავმები, მათ შორის მცირეწლოვნებში, კვლავ აქტუალურ პრობლემად რჩება.– სტატისტიკა თუ არსებობს, ზაფხულში უფრო მეტია მომართვიანობა თუ ზამთარში?– სტატისტიკა არ არსებობს. პაციენტების მომართვიანობა ტალღებად არის ხოლმე და, ჩემი დაკვირვებით, ეს არც სეზონურობაზეა დამოკიდებული და არც სხვა ფაქტორზე. ამჟამად, ჩვენდა სამწუხაროდ, დამწვრობის ცენტრი სრული დატვირთვით მუშაობს, თუმცა ყოველთვის ასეთი გადავსებულები არ ვართ.ზოგადად, გაცილებით უფრო სერიოზული დატვირთვა ზამთრის პერიოდში გვაქვს, როდესაც დამწვრობის ძირითადი მიზეზი საწვავი აირისა და სხვადასხვა გამათბობლის აფეთქებაა. ზაფხულში კი ამ შემთხვევებს მზით მიღებული დამწვრობაც ემატება, რაც ასევე ცენტრის გადატვირთვას იწვევს.– ზაფხული რუჯის სეზონია. წლების წინ ლეღვის ნახარში საკმაოდ აქტუალური იყო, თუმცა, როგორც ჩანს, ეს პრაქტიკა დავიწყებას მიეცა.– ჩვენდა სასიხარულოდ, უკვე მესამე წელია, ლეღვის ნახარშით გამოწვეული დამწვრობის არც ერთი შემთხვევა არ დაფიქსირებულა. მთელი დამწვრობის ცენტრი, მთელი კოლექტივი ველოდებოდით იმ წელს, როდესაც მსგავსი დაზიანებით არც ერთი პაციენტი აღარ გვეყოლებოდა.- წელს რა ვითარებაა, ბევრი მომართვიანობაა მზით დამწვრობაზე?– ასეთი პაციენტები ყოველთვის არიან. ზოგს მზეზე ჩაეძინება, ზოგს კი ერთ დღეში საუკეთესო რუჯის მიღება სურს. ძირითადად, ახალგაზრდები არიან, თუმცა გვყავს ისეთი პაციენტებიც, რომლებსაც სხვადასხვა მიზეზის გამო მზის გულზე დამცავი კრემის გარეშე ყოფნა მოუწიათ და შედეგად დამწვრობა მიიღეს.ასეთი შემთხვევები ყოველთვის გულდასაწყვეტია, რადგან ეს არის ტრავმა, რომლის თავიდან აცილებაც ძალიან მარტივად შეიძლებოდა — მზისგან დამცავი კრემის სწორად შერჩევითა და გამოყენებით.განსაკუთრებით მძიმეა, როდესაც საქმე მცირეწლოვნებს ეხება. ძალიან სამწუხაროა, როცა პატარა ბავშვი მზეზე იწვება, იღებს გადახურებას და ე.წ. მზის დაკვრას.

პოლიტიკა • 1783406844

დავით ქართველიშვილი: რუსეთის გარშემო თანდათან ყალიბდება ახალი საინფორმაციო-პოლიტიკური გარემო, სადაც საკითხები, რომლებიც რამდენიმე წლის წინ ტაბუდ ითვლებოდა, დღეს კრემლის რეაქციის შიშის გარეშე განიხილება

რა შედეგი შეიძლება მოჰყვეს რუსეთზე სხვადასხვა ფორმით განხორციელებულ ზეწოლას, ამ თემაზე საკუთარ ანალიზს აკეთებს სოციალურ ქსელში „ხალხის ძალის“ წევრი დავით ქართველიშვილი. ზეწოლის მაგალითად მას ყარაბაღში გამართულ ფორუმზე გამოთქმული ღია განცხადებები მოჰყავს.დავით ქართველიშვილი მიიჩნევს, რომ სხვადასხვა ფორმით კუთხეში მომწყვდეული რუსეთი ისტორიულად საშიში და სასტიკი ხდება და კრიზისი მყოფი შეიძლება ძალიან სახიფათო ფაზაში შევიდეს.„ყარაბაღში, კერძოდ შუშაში გამართული ფორუმი ერთი შეხედვით, მორიგ საექსპერტო პლატფორმას ჰგავდა, თუმცა იქ გაჟღერებული გზავნილების შინაარსი ბევრად უფრო მნიშვნელოვანი აღმოჩნდა, ვიდრე თავად მონაწილეები. თუმცა, მონაწილეთა სპექტრიც საკმაოდ მრავალფეროვანი იყო: რუსეთში მცხოვრები მუსლიმური და ეთნოუმცირესობების თემების წარმომადგენლები. ამან შეიძლება კვლავ დაძაბოს პოლიტიკური ურთიერთობები მოსკოვსა და ბაქოს შორის, ვინაიდან სწორედ შუშაში გაჟღერდა სეპარატისტული მოწოდებები.როდესაც საერთაშორისო ტრიბუნიდან იწყება საუბარი ჩერქეზების, იაკუტების, ბურიატებისა და რუსეთის ფედერაციის სხვა ხალხების ისტორიულ ბედზე, როდესაც ისმის მოთხოვნები წარსულისა და აწმყოს მოვლენების პოლიტიკური შეფასების შესახებ, ეს უკვე ჰუმანიტარული დისკუსიის ფარგლებს სცდება. ეს იმის ნიშანია, რომ რუსეთის გარშემო თანდათან ყალიბდება ახალი საინფორმაციო-პოლიტიკური გარემო, სადაც საკითხები, რომლებიც სულ რამდენიმე წლის წინ აბსოლუტურ ტაბუდ ითვლებოდა, დღეს საჯაროდ და კრემლის რეაქციის შიშის გარეშე განიხილება. და ეს, ალბათ, შუშის ფორუმის მთავარი შედეგია. კიდევ რამდენიმე წლის წინ, მსგავსი რიტორიკა წარმოუდგენლად მოგვეჩვენებოდა. მაგრამ დღეს რუსეთი მხოლოდ სამხედრო, ეკონომიკურ და სანქციურ გამოწვევებს აღარ აწყდება. იგი სულ უფრო ხშირად იქცევა გლობალური საინფორმაციო კამპანიის ობიექტად, სადაც ნებისმიერი შიდა პრობლემა მყისიერად საერთაშორისო თემად იქცევა. ლოჯისტიკური სირთულეები, ცალკეულ საქონელზე შეფერხებები, საწვავის საკითხი, ყირიმის კრიზისი, სოციალური უკმაყოფილება - ყველაფერი ეს წამებში ვრცელდება სოციალურ ქსელებში და მილიონობით ნახვის მქონე ვიდეოებად, მემებად და დაცინვის ობიექტად იქცევა.თანამედროვე სამყაროში რეპუტაციული დანაკარგები ხშირად არანაკლებ მტკივნეულია, ვიდრე ეკონომიკური ან სამხედრო ზიანი. და მოსკოვისთვის ყველაზე უსიამოვნო ის არის, რომ ასეთი ტალღების შეჩერება უკვე არც აკრძალვებით და არც ადმინისტრაციული მეთოდებით არის შესაძლებელი. შუშა კიდევ ერთი ნიშანია იმისა, რომ ბევრი გარე მოთამაშე უკვე გრძნობს რუსეთის გავლენის შესუსტებას. შესაძლოა რუსეთის მისამართით ეს მცდარი შეხედულება და სახიფათო ილუზია იყოს, მაგრამ პოლიტიკა დაუნდობელია იმ ძალების მიმართ, რომლებსაც სუსტებად აღიქვამენ. სანამ სახელმწიფო ძლიერად გამოიყურება, ბევრი მწვავე თემების წამოწევას ერიდება. მაგრამ როგორც კი ჩნდება შთაბეჭდილება, რომ მისი პოზიციები დასუსტებულია, გუშინდელი ტაბუ ერთმანეთის მიყოლებით ქრება. სწორედ ამიტომ ისმის დღეს სულ უფრო ხშირად ისეთი კითხვები, რომელთა საჯაროდ განხილვას ცოტა ხნის წინ თითქმის ვერავინ ბედავდა. საუბარი აღარ არის მხოლოდ აზერბაიჯანზე. საუბარია ბევრად უფრო ფართო პროცესზეა - იმ ურთიერთობათა სისტემის გადახედვაზე, რომელიც პოსტსაბჭოთა სივრცეში ბოლო სამი ათწლეულის განმავლობაში ჩამოყალიბდა. კრემლისთვის ყველაზე შემაშფოთებელი ტენდენცია ის არის, რომ მის წინააღმდეგ უკვე არა რომელიმე კონკრეტული მოწინააღმდეგე, არამედ თავად დროისა და გარემოს ატმოსფერო იწყებს მუშაობას. საინფორმაციო ომები იშვიათად იგება ტანკებით, დრონებით ან დიპლომატიური ნოტებით. ისინი აღქმების დონეზე იგება ან მარცხდება. და თუ სულ უფრო მეტი ქვეყანა, საზოგადოება და მედია იწყებს იმის დაშვებას, რომ რუსეთი სტრატეგიული შესუსტების ეტაპზე შევიდა, მაშინ ყოველი ახალი მოვლენა - იქნება ეს შუშის ფორუმი თუ TikTok-ში გავრცელებული მორიგი ვირუსული ვიდეო, სწორედ ამ პრიზმიდან იქნება შეფასებული.ასეთ ვითარებაში საფრთხეს უკვე არა ცალკეული განცხადებები ან კონფერენციები, არამედ ავტორიტეტის წინააღმდეგ მიმართული მრავალი მცირე დარტყმის დაგროვება წარმოადგენს, რაც დროთა განმავლობაში შეიძლება გაცილებით სერიოზულ პრობლემად იქცეს, ვიდრე ეს დღეს ჩანს. და რაც ყველაზე მთავარია - ისტორიულად, ასეთ მდგომარებამდე მიყვანილი რუსეთი, განსაკუთრებით საშიში ხდება. მას შეუძლია ბოროდინოს ბრძოლა დათმოს, მოსკოვიც კი გადაწვას - და შემდეგ ფრანგებს ესპანეთამდე შეუტიოს. დიდი სამამულო ომზე რომ არაფერი ვთქვათ. ასე რომ, მიმდინარე კრიზისი შეიძლება ძალიან სახიფათო ფაზაში შევიდეს...“ - წერს დავით ქართველიშვილი.

სამართალი • 1783406305

სომხეთში პარტია ,,აყვავებული სომხეთის” ლიდერი გაგიკ წარუკიანი თაღლითობისა და ფულის გათეთრების ბრალდებით დააკავეს

სომხეთში, პარტია "აყვავებული სომხეთის" ლიდერი გაგიკ წარუკიანი თაღლითობისა და ფულის გათეთრების ბრალდებით დააკავეს.სომხეთის საგამოძიებო კომიტეტის განცხადებით, გამოძიების ფარგლებში მოპოვებულია მონაცემები, რომ 2022–2024 წლებში წარუკიანის მიერ ორგანიზებულმა ჯგუფმა განახორციელა მასშტაბური ფინანსური დანაშაული, რომელიც მოიცავს თაღლითობას, საბაჟო დოკუმენტების გაყალბებას და უკანონო შემოსავლების ლეგალიზაციას.საგამოძიებო კომიტეტის მონაცემებით, სავარაუდო ზარალი, 21 მილიონ დოლარს აღემატება."მათ მიზანმიმართულად გააყალბეს საბაჟო დეკლარაციები და სხვა ოფიციალური დოკუმენტები, მოპარული ქონება გადამალეს", – ნათქვამია განცხადებაში.გამოძიების მიხედვით, ცალკე ეპიზოდში საუბარია საწვავის იმპორტთან დაკავშირებულ თაღლითურ სქემაზეც, რომლის შედეგადაც დაახლოებით 934 000 დოლარის უკანონო შემოსავალი მიიღეს.წარუკიანთან ერთად დაკავებულია კიდევ ერთი პირი, ხოლო კიდევ ერთ ეჭვმიტანილზე ძებნაა გამოცხადებული.

მსოფლიო • 1783405750

კუბაში ელექტროენერგიის მიწოდება სრულიად შეწყდა

კუბაში ელექტროენერგიის მიწოდება სრულიად შეწყდა. ქვეყნის სახელმწიფო ენერგეტიკულმა კომპანიამ სოციალურ ქსელ X-ზე დაადასტურა, რომ ელექტროენერგიის გარეშე თითქმის ათი მილიონი ადამიანია დარჩენილი.უწყების განცხადებით, მასშტაბური გათიშვის მიზეზების დასადგენად გამოძიება უკვე დაწყებულია, ხოლო პარალელურად, კუბის ენერგეტიკის სამინისტროში განმარტავენ, რომ ენერგომომარაგების აღსადგენად სპეციალური სამუშაოები უკვე გააქტიურდა.ცნობისთვის, კუბაში საწვავის კრიტიკული დეფიციტი მას შემდეგ დაიწყო, რაც აშშ-ის პრეზიდენტი დონალდ ტრამპი დაემუქრა ტარიფების დაწესებით ნებისმიერ ქვეყანას, რომელიც კუნძულს ნავთობს მიჰყიდდა ან მიაწვდიდა. ვაშინგტონის ამ ნაბიჯმა კიდევ უფრო გააღრმავა ქვეყანაში არსებული ეკონომიკური და ფინანსური კრიზისი, რამაც ადგილობრივი ელექტროქსელის რღვევა გამოიწვია.

მსოფლიო • 1783358520

სომხეთში პარტია „აყვავებული სომხეთის“ ლიდერი გაგიკ წარუკიანი თაღლითობისა და ფულის გათეთრების ბრალდებით დააკავეს

სომხეთში პარტია „აყვავებული სომხეთის“ ლიდერი გაგიკ წარუკიანი თაღლითობისა და ფულის გათეთრების ბრალდებით დააკავეს.სომხეთის საგამოძიებო კომიტეტის განცხადებით, გამოძიების ფარგლებში მოპოვებულია მონაცემები, რომ 2022–2024 წლებში წარუკიანის მიერ ორგანიზებულმა ჯგუფმა განახორციელა მასშტაბური ფინანსური დანაშაული, რომელიც მოიცავს თაღლითობას, საბაჟო დოკუმენტების გაყალბებასა და უკანონო შემოსავლების ლეგალიზაციას.საგამოძიებო კომიტეტის მონაცემებით, სავარაუდო ზარალი დაახლოებით 21 მილიონ დოლარს აღემატება.„მათ მიზანმიმართულად გააყალბეს საბაჟო დეკლარაციები და სხვა ოფიციალური დოკუმენტები და მოპარული ქონება გადამალეს“, – ნათქვამია განცხადებაში.გამოძიების მიხედვით, ცალკე ეპიზოდში საუბარია საწვავის იმპორტთან დაკავშირებულ თაღლითურ სქემაზეც, რომლის შედეგადაც დაახლოებით 934 000 დოლარის უკანონო შემოსავალი იყო მიღებული. წარუკიანთან ერთად დაკავებულია კიდევ ერთი პირი, ხოლო კიდევ ერთ ეჭვმიტანილზე ძებნაა გამოცხადებული.

საზოგადოება • 1783351037

„თეგეტა მოტორსმა“ Bridgestone-ის საერთაშორისო ღონისძიებას უმასპინძლა, რომელზედაც საბურავების ორი ახალი მოდელი წარადგინეს

„თეგეტა მოტორსის“ მასპინძლობით Bridgestone-ის საერთაშორისო ღონისძიება გაიმართა, რომლის ფარგლებშიც მსოფლიოში საბურავების წამყვანმა მწარმოებელმა პრემიუმ კლასის ორი ახალი მოდელი - Turanza 6 α ENLITEN და Alenza LX200 ENLITEN - ოფიციალურად წარადგინა.Bridgestone ახალი პროდუქტების პრეზენტაციებს მსოფლიოს სხვადასხვა ქვეყანაში მართავს, წელს კი საერთაშორისო ღონისძიებას საქართველომ და Bridgestone-ის ექსკლუზიურმა პარტნიორმა „თეგეტა მოტორსმა“ უმასპინძლა, რაც კომპანიებს შორის მრავალწლიანი თანამშრომლობისა და ძლიერი პარტნიორობის კიდევ ერთი მნიშვნელოვანი დასტურია.თორნიკე ჩახვაშვილი, „თეგეტა რითეილი“, მთავარი ოფიცერი: „Bridgestone-თან მრავალწლიანი თანამშრომლობა „თეგეტასთვის“ მხოლოდ პარტნიორობა არ არის - ეს საერთო ღირებულებებსა და ხარისხის ერთიან ხედვაზე დაფუძნებული ურთიერთობაა. ჩვენთვის დიდი პატივია, რომ სწორედ საქართველომ უმასპინძლა ამ მასშტაბურ საერთაშორისო ღონისძიებას. ეს კიდევ ერთხელ უსვამს ხაზს „თეგეტასა“ და Bridgestone-ს შორის არსებულ ნდობასა და წარმატებულ თანამშრომლობას, რომელიც უკვე 28 წელია, გრძელდება. დარწმუნებულები ვართ, რომ ახალი თაობის პროდუქტები ქართველ მომხმარებლებს პრემიუმ ხარისხისა და თანამედროვე ტექნოლოგიების სრულიად ახალ გამოცდილებას შესთავაზებს“. პრეზენტაციას „თეგეტა ჰოლდინგისა“ და Bridgestone-ის წარმომადგენლები და ინდუსტრიით დაინტერესებული პირები დაესწრნენ. ღონისძიების ფარგლებში სტუმრებმა არა მხოლოდ ახალი საბურავების შესახებ მიიღეს დეტალური ინფორმაცია, არამედ მათი შესაძლებლობების რეალურ საგზაო პირობებში, სპეციალურად ორგანიზებული ტესტდრაივის დროს შეფასებაც შეძლეს.გურჰან ჯევიქელი, Bridgestone-ის მარკეტინგის სამსახურის უფროსი: „საბურავის ორივე ახალი მოდელი ENLITEN ტექნოლოგიაზეა დაფუძნებული, რომლის შექმნის მთავარი მიზანი მომხმარებლისთვის მართვის საუკეთესო გამოცდილების შეთავაზება და, ამავდროულად, მდგრადი განვითარების მიმართულებით წინ მნიშვნელოვანი ნაბიჯის გადადგმა იყო. Turanza 6 α ENLITEN და Alenza LX200 ENLITEN წინამორბედი მოდელების, TURANZA T005A-სა და ALENZA 001-ის, გაუმჯობესებული ვერსიებია. ისინი კიდევ უფრო კომფორტულ, მშვიდ და უსაფრთხო გადაადგილებას უზრუნველყოფს. ახალი მოდელების გაუმჯობესებული მახასიათებლები თანამედროვე ავტომობილების, მათ შორის ელექტრომობილების, მოთხოვნებს სრულად პასუხობს. სწორედ ამიტომ, ENLITEN-ის ხაზი Bridgestone-ის მომავლის ხედვის მნიშვნელოვანი ნაწილია“.ღონისძიებაზე წარმოდგენილი Bridgestone Turanza 6 α ENLITEN ახალი თაობის პრემიუმ საბურავია, რომელიც მაქსიმალური კომფორტის, დაბალი ხმაურის, უსაფრთხოებისა და საწვავის ეფექტიანობის უზრუნველსაყოფად არის შექმნილი. ENLITEN ტექნოლოგიის გამოყენებით საბურავი უფრო მშვიდ და კომფორტულ მგზავრობას, სველ საფარზე გაუმჯობესებულ მოჭიდებას, გაზრდილ ცვეთამედეგობასა და ელექტრომობილებთან სრულ თავსებადობას უზრუნველყოფს.მეორე ახალი პროდუქტი - Bridgestone Alenza LX200 ENLITEN - SUV-ებისთვის შექმნილი პრემიუმ საბურავია, რომელიც ავტომობილის მფლობელებს გადაადგილებისას მაღალი დონის კომფორტს, მართვის დროს სიზუსტესა და ექსპლუატაციის ხანგრძლივ პერიოდს სთავაზობს. ეს მოდელიც ENLITEN ტექნოლოგიაზეა დაფუძნებული, რაც ხმაურის შემცირებას, საწვავის ეკონომიურ მოხმარებასა და უსაფრთხოების გაუმჯობესებულ მაჩვენებელს უზრუნველყოფს. Alenza LX200-ის ვიზუალურ იდენტობას დამატებით გამორჩეულს ხდის LuxBlack Technology, რომელიც საბურავს მუქ შავ ფერსა და პრემიუმ ვიზუალის ეფექტს ანიჭებს.Bridgestone-ის ორივე ახალი მოდელი თანამედროვე ავტომობილების, მათ შორის ელექტრომობილების, მოთხოვნებს პასუხობს და შექმნილია იმისთვის, რომ მძღოლებს მოკლე თუ შორ მანძილზე მგზავრობისას კომფორტული, უსაფრთხო და ეფექტიანი მართვის გამოცდილება შესთავაზოს.„თეგეტა ჰოლდინგში“ შემავალი კომპანია „თეგეტა მოტორსისა“ და Bridgestone-ის პარტნიორობა უკვე 28 წელს ითვლის. თანამშრომლობა 1998 წელს დაიწყო, როდესაც „თეგეტა მოტორსი“ იაპონური ბრენდის ოფიციალური დილერი გახდა, მოგვიანებით კი - ოფიციალური დისტრიბუტორი. დღეს კომპანია მომხმარებელს Bridgestone-ის მსუბუქი, SUV-ის ტიპისა და სატვირთო ავტომობილებისთვის განკუთვნილ საბურავებს სთავაზობს, რომლებიც ინოვაციური ტექნოლოგიებით, მაღალი გამძლეობით, უსაფრთხოებითა და მართვის სტაბილურობით გამოირჩევა.„თეგეტა მოტორსის“ შესახებ: „თეგეტა ჰოლდინგში“ შემავალი კომპანია „თეგეტა მოტორსი“ 1995 წლიდან ოპერირებს ბაზარზე მსუბუქი, სატვირთო და სპეციალური დანიშნულების სერვისის მიმართულებით. ავტოინდუსტრიის ლიდერი კომპანია მომხმარებელს ავტომომსახურების სრულ სპექტრს სთავაზობს, როგორც მსუბუქი და სატვირთო ავტომობილების, ისე ავტობუსებისა და მიკროავტობუსების, ასევე სპეციალური დანიშნულების ტექნიკის მიმართულებით. კომპანიას მთელი ქვეყნის მასშტაბით 28 ფილიალი აქვს, რომლებიც 500 000-მდე საცალო და 35 000-მდე კორპორაციულ მომხმარებელს ემსახურება. „თეგეტა მოტორსი“ არაერთი პრემიუმ ბრენდის ოფიციალური წარმომადგენელია საქართველოში, მათ შორის არის Bridgestone, Michelin, Varta, Shell, Motul, Ate და სხვა.

მსოფლიო • 1783348680

The Kyiv Independent: ტრამპი და ზელენსკი რუსეთზე ზეწოლის სტრატეგიაზე იმსჯელებენ, რათა მოსკოვი მოლაპარაკებებს დათანხმდეს

ვოლოდიმირ ზელენსკი და დონალდ ტრამპი ანკარაში, ნატოს სამიტის ფარგლებში დაგეგმილ შეხვედრაზე განიხილავენ უკრაინის წინააღმდეგ რუსეთის სრულმასშტაბური ომის დასრულების გზებს. ამის შესახებ უკრაინულ გამოცემა The Kyiv Independent-ს ინფორმირებულმა წყაროებმა განუცხადეს.შეხვედრა იმ ფონზე იმართება, როდესაც უკრაინას მიაჩნია, რომ ახლა არსებობს შესაძლებლობა, ვლადიმირ პუტინზე ზეწოლა განხორციელდეს, რათა მან ზელენსკისთან პირდაპირი მოლაპარაკებები დაიწყოს.კიევი იმედოვნებს, რომ ისარგებლებს კრემლზე მზარდი ზეწოლით და, ამავდროულად, მოიპოვებს აშშ-ის გადაუდებელ მხარდაჭერას უკრაინის საჰაერო თავდაცვის გასაძლიერებლად.„ზელენსკის სურს, ტრამპთან გარკვეული იდეები განიხილოს“, - განაცხადა უკრაინის ერთ-ერთმა მაღალჩინოსანმა.„ყველას შეუძლია დაინახოს, რომ ომი იცვლება და ამ ცვლილების ერთ-ერთი მიზეზი რუსეთში მზარდი განწყობებია - ხალხს სურს, რომ პუტინმა ომი დაასრულოს. ამას ემატება ყოველდღიური სირთულეები და საწვავის კრიზისის გამო გაზრდილი ფასების ზეწოლა“.„ზელენსკის სურს, ამ საკითხთან დაკავშირებით რამდენიმე იდეა წარადგინოს“, - დასძინა ოფიციალურმა პირმა.შეხვედრის სამზადისთან დაკავშირებულმა აშშ-ის ერთ-ერთმა ოფიციალურმა პირმა The Kyiv Independent-ს უთხრა, რომ ტრამპი ასევე გეგმავს ზელენსკის გააცნოს საკუთარი ხედვა რუსეთთან სამშვიდობო შეთანხმების შესახებ.მოსალოდნელია, რომ შეხვედრის შემდეგ აშშ-ის პრეზიდენტი პუტინთან სატელეფონო საუბარს გამართავს.

მსოფლიო • 1783147737

უკრაინამ სანკტ-პეტერბურგის ნავთობგადასამუშავებელი ქარხანა დაბომბა

უკრაინელმა სამხედროებმა რუსეთის ქალაქ სანკტ-პეტერბურგში მდებარე ნავთობგადასამუშავებელი ქარხანა დაბომბეს. ინფორმაციას უკრაინული მედია ავრცელებს.სოციალურ მედიაში გავრცელებულ ფოტო და ვიდეომასალაზე ჩანს, თუ როგორ ამოდის შავი კვამლი პეტერბურგის პორტის მიმდებარე ტერიტორიიდან, სადაც ქარხანაა განლაგებული.სანკტ-პეტერბურგში აფეთქებების ხმა ადგილობრივი დროით დილის 06:30 საათზე გაისმა. რუსეთის ოფიციალური პირების განცხადებით, ქალაქს და ლენინგრადის ოლქს ათობით დრონი ერთდროულად უტევდა.ნავთობის ტერმინალი, რომელიც ფინეთის ყურეში მდებარეობს, რუსეთის საწვავის ერთ-ერთი უმსხვილესი საცავია. აღნიშნული ტერმინალის მეშვეობით რუსეთი ზღვით, რკინიგზითა და საავტომობილო გზით ბენზინის ექსპორტს ახდენს. საუბარია წელიწადში დაახლოებით 12,5 მილიონ ტონა ბენზინზე.ნავთობგადასამუშავებელი ქარხნის დაზიანების ხარისხი ჯერჯერობით უცნობია.

საზოგადოება • 1783102528

რუსეთი სავაჭრო კომპანიების მეშვეობით იაპონიიდან საავიაციო საწვავის იმპორტს გეგმავს - „როიტერი“

რუსეთი სავაჭრო კომპანიების მეშვეობით იაპონიიდან საავიაციო საწვავის იმპორტს გეგმავს, – ინფორმაციას „როიტერი“ წყაროებზე დაყრდნობით ავრცელებს.სააგენტოს ცნობით, უკრაინის მიერ რუსეთის ენერგეტიკულ ინფრასტრუქტურაზე თავდასხმების შემდეგ მოსკოვი ქვეყნის მასშტაბით საწვავის კრიზისს ებრძვის.„როიტერის“ წყაროების ინფორმაციით, სავარაუდოდ, ივლისის პირველ ნახევარში იაპონიის ჩიბას პორტიდან, სულ მცირე, 200 000 ბარელი თვითმფრინავის საწვავი ჩაიტვირთება და ჯერ სამხრეთ კორეაში, შემდეგ კი, შუამავალი სავაჭრო კომპანიების მეშვეობით, რუსეთში გაიგზავნება.წყაროების ცნობით, ტვირთი ერთი ტანკერიდან მეორეზე დაიტვირთება და რუსეთში საზღვაო გზით გაიგზავნება.„როიტერი“ წერს, რომ რუსეთის ნავთობგადამმუშავებელ ქარხნებსა და საწყობებზე უკრაინის დრონებით თავდასხმების შედეგად გამოწვეული საწვავის კრიზისის ფონზე, მოსკოვი საწვავის შესყიდვაზე შეზღუდვებს აწესებს. წყაროების განცხადებით, რუსი ფერმერები შიშობენ, რომ, შესაძლოა, წელს მოსავლის აღება ვერ შეძლონ.

მსოფლიო • 1783010309

POLITICO: გამოკითხვის თანახმად, ევროპელებს ეჭვი ეპარებათ, რომ საკუთარი ძალებით თავდაცვა შეუძლიათ

ევროპელებს სულ უფრო მეტად სურთ, თავდაცვის საკითხებში მხოლოდ საკუთარ თავზე და არა აშშ-ზე იყვნენ დამოკიდებულნი, თუმცა, POLITICO-სთვის გაზიარებული ახალი კვლევის თანახმად, არსებობს სერიოზული ეჭვები იმის თაობაზე, არის თუ არა ეს შესაძლებელი.Public First-ის ივნისის კვლევამ, რომელიც ევროკავშირის 24 ქვეყანაში ჩატარდა, აჩვენა, რომ რესპონდენტთა 40 პროცენტი მიიჩნევს, რომ მათი ქვეყნისთვის მისაღები იქნებოდა სამხედრო დახმარების კუთხით ევროპაზე დამოკიდებულება, მაშინ როცა მხოლოდ 14 პროცენტია მომხრე, რომ დახმარება მიიღონ ევროპის ფარგლებს გარეთ არსებული ქვეყნებისგან, მაგალითად, შეერთებული შტატებისგან.„ევროპელები თავს ნაკლებად დაცულად გრძნობენ და მიაჩნიათ, რომ აშშ ნაკლებად საიმედო პარტნიორია. ნიშნავს თუ არა ეს იმას, რომ მათ მზადყოფნა აქვთ, გაუმკლავდნენ იმ მწვავე კომპრომისებს, რასაც უფრო ავტონომიური ევროპული თავდაცვა მოითხოვს - განსაკუთრებით, უფრო მეტი ინვესტიციის საჭიროებას, რომელიც არ იქნება აუცილებლად მიმართული საკუთარი ქვეყნის ფირმებისკენ - ეს კვლავ ღია საკითხად რჩება“, - განაცხადა Public First-ის დირექტორმა, ანანდ მენონმა.თუმცა, ევროკავშირის მოქალაქეებს შორის აზრები გაიყო ევროპის თავდაცვისუნარიანობის შესახებ - 41 პროცენტი მიიჩნევს, რომ ის მზადაა მათ დასაცავად, ხოლო 43 პროცენტი ამბობს, რომ - არა.კიდევ უფრო მეტი ეჭვი არსებობს ეროვნული თავდაცვის საკითხში - რესპონდენტთა 58 პროცენტი თვლის, რომ მათი ქვეყანა არ არის მზად თავის დასაცავად და მხოლოდ 27 პროცენტი ფიქრობს, რომ მზადაა.ეს კვლევა იმ დროს ტარდება, როდესაც დონალდ ტრამპის ადმინისტრაცია ეჭვქვეშ აყენებს ნატოს კოლექტიური თავდაცვის გარანტიებს, იმუქრება დანიის ტერიტორიის - გრენლანდიის - ანექსიით, ამცირებს ნატოსთვის ხელმისაწვდომ ამერიკულ სამხედრო რესურსებს და გაჰყავს სამხედრო ძალების ნაწილი გერმანიიდან.მიუხედავად აშშ-ის ვალდებულებებთან დაკავშირებული ეჭვებისა, ევროპული ქვეყნების უმეტესობა კვლავ ამერიკისგან ყიდულობს თავდაცვის მთავარ სისტემებს და ეყრდნობა აშშ-ის ისეთ საკვანძო შესაძლებლობებს, როგორიცაა დაზვერვა, კოსმოსური აქტივები და ჰაერში საწვავის შევსება. თუმცა, რესპონდენტთა 46 პროცენტი დაეთანხმა მოსაზრებას, რომ ევროპულმა ქვეყნებმა თავდაცვის აღჭურვილობა ადგილობრივად უნდა აწარმოონ, მაშინაც კი, თუ ეს ხარჯების ზრდას გამოიწვევს.რუსეთის მოსაზღვრე ქვეყნების მოსახლეობას, მათ შორის ბალტიისპირეთის ქვეყნებში, რუმინეთსა და ბულგარეთში, ყველაზე მეტად ეპარებათ ეჭვი გარე დახმარების გარეშე თავის დაცვის შესაძლებლობაში.18 ქვეყანაში რესპონდენტთა უმრავლესობამ განაცხადა, რომ მათთვის მისაღებია, მათი ქვეყანა ეყრდნობოდეს ევროპას, რათა უზრუნველყოფილი ჰქონდეს საკმარისად ძლიერი სამხედრო ძალა თავდასხმის მოსაგერიებლად. ფინეთი, საფრანგეთი, პოლონეთი, ბულგარეთი, რუმინეთი და საბერძნეთი ის ქვეყნებია, სადაც უმრავლესობამ აღნიშნა, რომ მათ ქვეყნებს უნდა შეეძლოთ მარტო ბრძოლა.

ომი უკრაინაში • 1782982425

უკრაინის გენერალურ შტაბში აცხადებენ, რომ ქალაქ კსტოვში მდებარე „ლუკოილის“ ნავთობგადამამუშავებელი ქარხანაზე იერიში მიიტანეს

უკრაინის გენერალურ შტაბში აცხადებენ, რომ გასულ ღამეს ნიჟნი-ნოვგოროდის ოლქში, ქალაქ კსტოვში მდებარე „ლუკოილის“ ნავთობგადამამუშავებელი ქარხანაზე იერიში მიიტანეს.„რუსეთის სამხედრო და ეკონომიკური პოტენციალის შემცირების მიზნით უკრაინის თავდაცვის ძალების დანაყოფებმა კსტოვოში (ნიჟნი-ნოვგოროდის ოლქი, რუსეთი) მდებარე „ლუკოილ-ნიჟეგოროდნეფტეორგსინტეზის“ ნავთობგადამამუშავებელ ქარხანას დაარტყეს“, – ნათქვამია განცხადებაში.მედიის ცნობით, თავდასხმას ხანძარი მოჰყვა.„ლუკოილ-ნიჟეგოროდნეფტეორგსინტეზის“ ნავთობგადამამუშავებელი ქარხანა რუსეთში ერთ-ერთი უდიდესი ნავთობგადამამუშავებელი ქარხანაა, რომლის საპროექტო სიმძლავრე წელიწადში დაახლოებით 17 მილიონი ტონა ნავთობია.„როიტერი“ წერს, რომ რუსეთის სამხედრო ობიექტებისა და ენერგეტიკული ობიექტების წინააღმდეგ უკრაინის მიერ განხორციელებულმა დრონების კამპანიამ საწვავის დეფიციტი და რუსეთში მიწოდების ჯაჭვის შეფერხება გამოიწვია. საწვავის დეფიციტი აღიარა რუსეთის პრეზიდენტმა, ვლადიმერ პუტინმაც.

მსოფლიო • 1782811980

Reuters: აშშ-ის ნავთობის სტრატეგიული მარაგი 1983 წლის შემდეგ ყველაზე დაბალ ნიშნულამდე დაეცა

აშშ-ის სტრატეგიულ ნავთობის რეზერვში ნედლი ნავთობის მარაგი 5.5 მილიონი ბარელით შემცირდა და 325,7 მილიონ ბარელს მიაღწია, რაც 1983 წლის მაისის შემდეგ ყველაზე დაბალი მაჩვენებელია. ინფორმაციას Reuters-ი აშშ-ის ენერგეტიკის დეპარტამენტზე დაყრდნობით ავრცელებს.მარაგების შემცირება უკავშირდება აშშ-ის შეთანხმებას, რომლის ფარგლებშიც 172 მილიონი ბარელის გამოშვება ხდება გლობალური მარაგების დეფიციტის შესავსებად ირანის ომის შემდეგ და საწვავის ფასების შემცირების მიზნით.ბოლო კვირებში აშშ-ის ნავთობის მარაგები სწრაფად იკლებს, რაც განპირობებულია ამერიკული ნავთობის მიმართ ძლიერი ექსპორტისა და გადამუშავების მოთხოვნით, წერს სააგენტო.ომის დაწყების შემდეგ, თებერვლის ბოლოდან, აშშ-ის საერთო ნავთობის მარაგები, მათ შორის კომერციული და სტრატეგიული რეზერვები, 111,4 მილიონი ბარელით შემცირდა და 19 ივნისის მდგომარეობით 743,3 მილიონ ბარელს შეადგენს, რაც 1984 წლის შემდეგ ყველაზე დაბალი მაჩვენებელია.