მსოფლიო • 1788677811

უიტკოფი პუტინთან შეხვედრაზე: „ეს პენსიაზე გასვლის შემდეგაც მემახსოვრება“

რუსული მედიის ცნობით, რუსეთის პრეზიდენტის, ვლადიმერ პუტინის შეხვედრა დონალდ ტრამპის მომლაპარაკებლებთან სტივ უიტკოფსა და ჯარედ კუშნერთან ერთ საათზე მეტხანს გაგრძელდა.მათივე ცნობით, შეხვედრისას პუტინმა განაცხადა, რომ მოსკოვი კიევთან ცეცხლის სრულად შეწყვეტას ამ ეტაპზე არ განიხილავს.„უკრაინის ხელისუფლებამ უფრო ფართო სამდღიანი ცეცხლის შეწყვეტისკენ მოგვიწოდა, თუმცა ჩვენ ამაზე მათთან არასდროს შევთანხმებულვართ“, – განაცხადა რუსეთის პრეზიდენტმა.ამასთან, რუსული მედიის ცნობით, სტივ უიტკოფმა აღნიშნა, რომ ვლადიმერ პუტინთან მისი საუბარი საინტერესო იყო და ის პენსიაზე გასვლის შემდეგაც ემახსოვრება.„მადლობას გიხდით, ბატონო პრეზიდენტო, დღეს აქ მასპინძლობისთვის. ჩვენ მოუთმენლად ველოდებოდით ამ შეხვედრას. ჩვენ ჯარედ კუშნერთან, კირილ დმიტრიევთან ერთად ვსხედვართ, შემდეგ იური უშაკოვი შემოგვიერთდა და ყველამ ვისაუბრეთ იმაზე, თუ როგორ გვექნება პენსიაზე გასვლისას ეს შესანიშნავი ისტორიები და მოგონებები. ჩვენი საუბრები თქვენთან ერთ-ერთი ყველაზე დასამახსოვრებელი იქნება“, – განაცხადა უიტკოფმა.ამასთან, რუსული მედიის ინფორმაციით, სტივ უიტკოფმა პუტინს მადლობა გადაუხადა აშშ-ის საზღვაო ქვეითის, რობერტ გილმანის გათავისუფლებისთვის, რომელიც რუსეთში 2022 წელს დააკავეს.„გილმანის ოჯახი წარმოუდგენლად მადლიერია თქვენი დახმარებისა და მისი სამშობლოში დაბრუნებისთვის“, – განაცხადა სტივ უიტკოფმა.

მსოფლიო • 1788604920

უიტკოფი და კუშნერი მოსკოვში ჩავიდნენ

აშშ-ის პრეზიდენტის დონალდ ტრამპის სპეციალური წარმომადგენლები სტივ უიტკოფი და ჯარედ კუშნერი მოსკოვში ჩავიდნენ. ინფორმაციას რუსული მედია ავრცელებს.სპეციალური ბორტი ამერიკიდან მოსკოვის ვნუკოვოს აეროპორტში ცოტა ხნის წინ დაეშვა. უიტკოფს და კუშნერს აეროპორტში რუსეთის პრეზიდენტის ვლადიმერ პუტინის სპეციალური წარმომადგენელი კირილ დმიტრიევი დახვდა.ჯერჯერობით უცნობია, თუ ვისთან გამართავენ მოლაპარაკებებს ტრამპის წარმომადგენლები.მედიაში გავრცელებული ინფორმაციის თანახმად, მოსკოვში მოლაპარაკებების შემდეგ უიტკოფი და კუშნერი კიევში გაემგზავრებიან.

პოლიტიკა • 1788598225

„რა დონემდე უნდა მოაბეზრო თავი შენსავე ამომრჩეველს, შენივე პარტიის დამფუძნებლებს თუ ლიდერებს, რომ ციხეში გაგინებენ“ - გურამ მაჭარაშვილი მიხეილ სააკაშვილზე

საპარლამენტო პოლიტიკური ჯგუფის, "ხალხის ძალის" თავმჯდომარის მოადგილის, გურამ მაჭარაშვილის შეფასებით, მიხეილ სააკაშვილსა და ნიკა მელიას შორის ციხეში მიმდინარე დაპირისპირება კიდევ ერთხელ ადასტურებს, რომ "ნაციონალური მოძრაობა" პოლიტიკური ორგანიზაცია აღარ არის. მისი თქმით, ყოფილი პრეზიდენტის მიმართ თანაგუნდელების მხრიდან გამოხატული აგრესია მისივე ქმედებების შედეგია, რაც საკონსტიტუციო სასამართლოსთვის პარტიის ასაკრძალად დამატებითი მტკიცებულებაა."მე ვფიქრობ, რომ ამ შემთხვევაში თავად სააკაშვილი უნდა დაფიქრდეს ალბათ იმაზე, რომ რა დონემდე უნდა მოაბეზრო თავი შენსავე ამომრჩეველს, შენივე პარტიის დამფუძნებლებს თუ ლიდერებს, თუ ყოფილ თავმჯდომარეს, რომ ციხეში გაგინებენ. ამაზეც ხომ უნდა დაფიქრდე, იმიტომ, რომ როდესაც სააკაშვილს თავი მიაჩნია ფარაონად, ანუ რელიგიის ხელმძღვანელიც ის არის, სახელმწიფოში მეფეც ის არის და ყველაფერი, ამიტომ არის ზუსტად, რომ "ნაცმოძრაობას" და მის ფილიალებს ეს ბუნება შეექმნათ.ის, რომ სააკაშვილი აგინებს თავის ლიდერებს, თავმჯდომარეებს, არსებულ თავმჯდომარეს ერთი ხელის დაწკაპუნებით გადააყენებს, მეორე უნდა რომ დააყენოს; ასევე, ყოფილი თავმჯდომარე აგინებს სააკაშვილს და თან მიზეზს არ ეუბნება - ეს ზუსტად ნიშნავს იმას, რომ "ნაცმოძრაობა", უკვე დიდი ხანია, აღარ არის პოლიტიკური ორგანიზაცია და, შესაბამისად, საკონსტიტუციო სასამართლოს მორიგი მტკიცებულებები აქვს იმისათვის, რომ რაც შეიძლება დროზე ჩამოსცილდეს ეს ეგრეთ წოდებული პოლიტიკური ორგანიზაცია ქართულ პოლიტიკას," - აცხადებს გურამ მაჭარაშვილი.ცნობისთვის: საქართველოს მესამე პრეზიდენტმა, მიხეილ სააკაშვილმა სოციალურ ქსელში გაავრცელა წერილი, სადაც აღნიშნავდა, რომ რუსთავის ციხეში, დერეფანში გავლისას, "ნაციონალური მოძრაობის" ყოფილი თავმჯდომარე ნიკა მელია მას უშვერი სიტყვებით აგინებს. მმართველი გუნდის წარმომადგენლები ყოფილ თანაგუნდელებს შორის მიმდინარე დაპირისპირებას აქტიურად ეხმაურებიან და მიიჩნევენ, რომ მსგავსი ქმედებები ოპოზიციის რეალურ სახეს აჩვენებს, რაც სამომავლოდ მათი პოლიტიკური ველიდან ჩამოშორების სამართლებრივი საფუძველი უნდა გახდეს.

პოლიტიკა • 1788596680

"ის მელია, რომელიც ერთ დროს ჩემს მზეს ფიცულობდა, ახლა დერეფანში ჩემს ყოველ ჩავლაზე მთელი ხმით უშვერ დედის გინებებს აღავლენს ხოლმე ჩემი მიმართულებით" - მიხეილ სააკაშვილი

პატიმრობაში მყოფი საქართველოს მესამე პრეზიდენტი მიხეილ სააკაშვილი პარტია "ნაციონალური მოძრაობის" ყოფილ თავმჯდომარეს, ნიკა მელიას სიტყვიერ შეურაცხყოფაში ადანაშაულებს.რუსთავის პენიტენციური დაწესებულებიდან გავრცელებულ წერილში სააკაშვილი აღნიშნავს, რომ ყოფილი თანაგუნდელი დერეფანში ყოველი ჩავლის დროს საკნიდან უშვერი სიტყვებით იგინება."ნიკანორ მელია, დიახ, ის მელია, რომელიც ერთ დროს ჩემს მზეს რომ ფიცულობდა, ახლა ის დერეფანში ჩემს ყოველ ჩავლაზე მთელი ხმით უშვერ დედის გინებებს აღავლენს ხოლმე ჩემი მიმართულებით საკნიდან (ზუსტად ისე, გლდანში კრიმინალები რომ მაგინებდნენ), ვინაიდან გინების გარდა სხვა ბგერებს არ გამოსცემს, ვერ გეტყვით ზუსტად, რა უნდა," - წერს მიხეილ სააკაშვილი.

ომი უკრაინაში • 1788585394

ზელენსკის განცხადებით, უკრაინა უიტკოფისა და კუშნერის ვიზიტის გამო რუსეთის საჰაერო დაბომბვას დროებით წყვეტს

უკრაინის პრეზიდენტის ვოლოდიმირ ზელენსკის განცხადებით, აშშ-ის პრეზიდენტის დონალდ ტრამპის სპეციალური წარმომადგენლების სტივ უიტკოფისა და ჯარედ კუშნერის ვიზიტის გამო კიევი რუსეთის საჰაერო დაბომბვას დროებით წყვეტს.როგორც ზელენსკიმ ტრადიციული ვიდეომიმართვის დროს აღნიშნა, უკრაინულმა მხარემ აღნიშნული გადაწყვეტილება სამშვიდობო მოლაპარაკებების ნორმალურ ვითარებაში წარმართვის გამო მიიღო.„ვემზადებით ვიზიტისთვის. შედგა შეხვედრა საზღვარგარეთ მომუშავე ჩვენს დიპლომატიურ გუნდთან, განსაკუთრებით მათთან, ვინც შეერთებულ შტატებთან მუშაობს. როგორც ადრე ამერიკული მხარის დიპლომატიური ვიზიტის დროს, ისე ახლა უზრუნველყოთ, რომ რუსეთის საჰაერო სივრცე ნორმალურად ფუნქციონირებდეს, რათა მომლაპარაკებლებს ჩამოსვლა უსაფრთხოდ შეეძლოთ“, - განაცხადა ზელენსკიმ.უკრაინული მხარე ანალოგიური ნაბიჯის გადადგმას რუსეთისგანაც ელის, დასძინა ზელენსკიმ.მანამდე გავრცელდა ინფორმაცია, რომ უიტკოფი და კუშნერი 5-6 სექტემბერს ჯერ მოსკოვს ეწვევიან, ხოლო შემდეგ კიევში ჩავლენ.

მსოფლიო • 1788584732

მე ვესაუბრები პუტინს, ძალიან კარგად ვიცნობ... - ტრამპი რუსეთის პრეზიდენტის გეგმებზე საუბრობს

აშშ-ის პრეზიდენტი დონალდ ტრამპი აცხადებს, რომ რუსეთის პრეზიდენტი ვლადიმერ პუტინი არ აპირებს ნატო-ზე თავდასხმას, მიუხედავად გერმანიის მიერ რუსეთის მიმართ გაჟღერებული ბრალდებებისა, რომელიც აეროპორტზე დრონებით თავდასხმებს მოჰყვა.თეთრ სახლში მედიასთან შეხვედრისას „ფრანს პრესის“ წარმომადგენელმა სწორედ აღნიშნულ საკითხთან დაკავშირებით დაუსვა შეკითხვა აშშ-ის პრეზიდენტს. ტრამპმა აღნიშნა, რომ პუტინს ესაუბრება და მას კარგად იცნობს.„მე ვესაუბრები მას. ძალიან კარგად ვიცნობ. პუტინი არ აპირებს ნატო-ს ტერიტორიაზე თავდასხმას“, – განაცხადა დონალდ ტრამპმა.მისი თქმით, სპეციალურ წარმომადგენლებს, ჯარედ კუშნერსა და სტივ უიტკოფს მოსკოვში „ომის დასასრულებლად წინადადება მიაქვთ“.

მსოფლიო • 1788534981

რუსული დრონი უსაფრთხოების სამსახურის შენობას შეეჯახა, ალექსანდრ პოკლადს დავავალე, როდესაც ყველაფერი მზად იქნება, რუსეთს შესაბამისად უპასუხონ - ზელენსკი

კიევში უკრაინის უსაფრთხოების სამსახურის შენობას რუსული დრონი შეეჯახა. ინფორმაციას „უკრაინსკაია პრავდა“ თვითმხილველებსა და დედაქალაქის მერ ვიტალი კლიჩკოზე დაყრდნობით ავრცელებს. მედიის ცნობით, შემთხვევა ადგილობრივი დროით 15:30-ზე მოხდა.კიევის მერმა, ვიტალი კლიჩკომ განაცხადა, რომ აფეთქების შედეგად დაშავდა ერთი პირი. მისი თქმით, დაშავებული მამაკაცი მედიკოსებმა საავადმყოფოში გადაიყვანეს.მომხდარს მალევე გამოეხმაურა უკრაინის პრეზიდენტი ვოლოდიმირ ზელენსკი. მისი თქმით, რუსული დრონი უსაფრთხოების სამსახურის ცენტრალურ შენობას, წმინდა სოფიას ტაძრის მოპირდაპირე მხარეს მოხვდა. ზელენსკიმ აღნიშნა, რომ ადგილზე სასწრაფო დახმარების სამსახურებია მობილიზებული.„ყველა დაზარალებული მიიღებს საჭირო დახმარებას. დრონი პირდაპირ უსაფრთხოების სამსახურის უფროსის კაბინეტისკენ იყო მიმართული“, – წერს უკრაინის პრეზიდენტი.ვოლოდიმირ ზელენსკის თქმით, მან უკრაინის უსაფრთხოების სამსახურის უფროსს, ოლექსანდრ პოკლადს დაავალა, რომ როდესაც ყველაფერი მზად იქნება, რუსეთს შესაბამისად უპასუხოს.ცნობისთვის, შემთხვევა 4 სექტემბერს, უკრაინის დროით 15:30-ზე მოხდა. ამას წინ უძღოდა უკრაინელთა იერიშები ოკუპირებულ ქალაქებზე, რომლებსაც რუსეთი უკრაინაზე თავდასხმისთვის იყენებდა.

პოლიტიკა • 1788529260

მიხეილ სააკაშვილი: ნიკანორ მელია, რომელიც ერთ დროს ჩემს მზეს ფიცულობდა, ახლა დერეფანში ჩემს ყოველ ჩავლაზე მთელი ხმით უშვერ დედის გინებებს აღავლენს ხოლმე საკნიდან ჩემი მიმართულებით

ყოფილი მინისტრი, „მაფიის მამხილებელ-ჩამშვები“ ბურჭულაძე ციხის თანამშრომლებთან ხმამაღლა მაქებს, იძახის რომ მე ვარ „გენიოსი“, თავს იწონებს, რომ მარტო მე და მიშა ვართ პარაშუტით გადმომხტარი მინისტრებად მუშაობის დროსო, – ამის შესახებ საქართველოს ყოფილი პრეზიდენტი მიხეილ სააკაშვილი სოციალურ ქსელში წერს.როგორც ყოფილი პრეზიდენტი აღნიშნავს, დერეფანში ჩავლისას საკნიდან ნიკა მელია მისი მისამართით უშვერ სიტყვებს იყენებს.„მინდა ვაღიარო, რომ როგორც ამ ციხის მაყურებელი, უკვე ხუთი წელია, დიახ, ქართველებო, უკვე ხუთი წელია, უდრტვინველად იტანთ ჩემს აქ ყოფნას. ისე აირია ყველაფერი ვეღარ ვიცნობ აქაურობას.„პრემიერ-მინისტრი“, იგივე „საფრანგეთის აგენტი“, ტრიტრი ანტუან ღარიბაშვილი ივანიშვილის ეხვეწება საკნიდან, არ მომკლაო. მასთან ოჯახის წევრებს არ უშვებენ. საშინლად ნანობს, რომ ლონდა თოლორაიას სამსახური გააუქმა თავის დროზე (ჩემს გამო) და ოცნებობს, რომ სახალხო დამცველი ისევ ნინო ლომჯარია იყოს და არა – მისი ხელდასმული იოსელიანი.ლილუაშვილიც ასევე შეშინებულია, ვინაიდან ზუსტად იცის, თუ როგორ ხდება ციხის ამ კორპუსში საკვებში მძიმე მეტალების საწამლავის შერევა. ყოფილი მინისტრი, „მაფიის მამხილებელ-ჩამშვები“ ბურჭულაძე, რომელიც ციხის თანამშრომლებთან ხმამაღლა მაქებს, იძახის რომ მე ვარ „გენიოსი“ და საქართველოს უკეთესი მმართველი არ ჰყოლია და ყველანაირად მითვლის მოკითხვებს, რომ თავის ნაცვლად კომპიუტერი მაქვს. თავს იწონებს, რომ მარტო მე და მიშა ვართ პარაშუტით გადმომხტარი მინისტრებად მუშაობის დროსო.დაბოლოს, ნიკანორ მელია, დიახ, ის მელია, რომელიც ერთ დროს ჩემს მზეს რომ ფიცულობდა, ახლა დერეფანში ჩემს ყოველ ჩავლაზე მთელი ხმით უშვერ დედის გინებებს აღავლენს ხოლმე ჩემი მიმართულებით საკნიდან (ზუსტად ისე, გლდანში კრიმინალები რომ მაგინებდნენ ), ვინაიდან გინების გარდა სხვა ბგერებს არ გამოსცემს, ვერ გეტყვით ზუსტად, რა უნდა. ამაზე აქაური ბადრაგებიც დაუფარავად ბრაზდებიან და სხვადასხვა არასასიამოვნო ტერმინებით მოიხსენიებენ.დაბოლოს, მე, რომელმაც საკუთარ თავს პოლიტინფორმატორის ფუნქცია გამოვუნახე – ყოველ მეორე საღამოს ეზოში შეკრებილ ბადრაგებს და მეზობელი კორპუსის პატიმრებს საკნის სარკმლიდან სკამზე ამძვრალი ლექციას ვუკითხავ რუსეთ-საქართველოს ურთიერთობებზე და ისინიც დიდი ყურადღებით მისმენენ. დაამატეთ, ყოველი საღამოს, რატომღაც ზუსტად 6 საათზე, ყვავების შეკრება და ისტერიული ჩხავილი, როცა ნამდვილი ბულბული პაატა ბურჭულაძე გაჩუმებული ჰყავთ გისოსებს მიღმა. ხოდა, ზუსტად „ვიღაცამ გუგულის ბუდეს გადაუფრინა“ (flying over the cuckoo’s nest) სიტუაციაა და რა გასაკვირია, რომ ადრე ფსიქიატრი ათასში ერთხელ თუ შემოივლიდა ხოლმე, ახლა პრაქტიკულად მორიგეობს ამ კორპუსში. გამოწერილი „აბი გლუკოზები“ მე მგონი ვეღარავის შველის. ამასობაში მგონი, წყალსადენიც გაიფიცა და ციხეში მე-3 დღეა, წყალი არ მოდის“, – წერს სააკაშვილი.

საზოგადოება • 1788515357

მნიშვნელოვანი ინფორმაცია პირადობის მოწმობებთან დაკავშირებით

საქართველოს მოქალაქე, რომელსაც შეუსრულდება 14 წელი, ვალდებულია 6 თვის ვადაში აიღოს პირადობის მოწმობა. პირადობის მოწმობის გაცემა ასევე შესაძლებელია 14 წლამდე ასაკის საქართველოს მოქალაქეზე. ვალდებულება არ ვრცელდება საზღვარგარეთ მყოფ საქართველოს მოქალაქეებზე.პირადობის ელექტრონული  მოწმობის მისაღებად  მიმართეთ სახელმწიფო სერვისების განვითარების სააგენტოს ტერიტორიულ სამსახურს,  იუსტიციის სახლს ან ისარგებლეთ დისტანციური მომსახურებით.იმ შემთხვევაში, თუ დოკუმენტის გაცემასთან ერთად ხდება მისამართზე რეგისტრაცია, მიმართეთ სააგენტოს ტერიტორიულ სამსახურს ან იუსტიციის სახლის იმ ფილიალს,  რომლის სამოქმედო ტერიტორიასაც განეკუთვნება საცხოვრებელი მისამართი.პირადობის ელექტრონული მოწმობა 18 წლამდე პირზე გაიცემა 4 წლის ვადით, 18 წელს მიღწეულ პირზე – 10 წლის ვადით.პირადობის  მოწმობის საფასურის გადახდისაგან თავისუფლდებიან:სოციალურად დაუცველი ოჯახის წევრები , რომელთა სარეიტინგო ქულა არ აღემატება 70 001–ს – სრულად,  აგრეთვე ფოტოსურათის საფასურის გადახდისაგან – სრულად;მეორე მსოფლიო ომის, აგრეთვე საქართველოს ტერიტორიული მთლიანობის, თავისუფლებისა და დამოუკიდებლობისათვის საბრძოლო მოქმედებებში მონაწილე პირები – სრულად, აგრეთვე ფოტოსურათის საფასურის გადახდისაგან – სრულად;პირები, რომელთაც საქართველოს მოქალაქეობა მიენიჭათ საქართველოს პრეზიდენტის ინიციატივით – სრულად, აგრეთვე ფოტოსურათის საფასურის გადახდისაგან – სრულად;სტუდენტები, რომლებიც სწავლობენ ავტორიზებულ უმაღლეს საგანმანათლებლო დაწესებულებებში და რომელთა სტატუსის გადამოწმება შესაძლებელია სააგენტოს მონაცემთა ბაზის მეშვეობით, პირადობის ელექტრონული მოწმობის აღნიშნული სტატუსით პირველად აღების შემთხვევაში – 10 ლარით, განმეორებით – 10 % (6 ლარით), ხოლო ფოტოსურათის საფასურის გადახდისაგან – სრულად;პირები, რომლებზეც შესაძლებელია გაიცეს პირადობის ელექტრონული მოწმობა მკვეთრად ან მნიშვნელოვნად გამოხატული შეზღუდული შესაძლებლობის მქონე პირის სტატუსით, დაწესებული მომსახურების საფასურისგან – 50%-ით;შეზღუდული შესაძლებლობის სტატუსის მქონე არასრულწლოვნები – 50%-ით.

პოლიტიკა • 1788507271

ირაკლი კირცხალია: როგორც კი საუბარი იწყება ქართველებისა და აფხაზების შერიგებაზე და საერთო მომავალზე, მაშინვე აქტიურდება აგენტურული ქსელი

არასოდეს შევეგუებით აზრს, რომ ქართველებსა და აფხაზებს ერთმანეთი „გვეზიზღება“ და ამას „არაფერი ეშველება“. ჩვენ გვჯერა, რომ ათწლეულების განმავლობაში დაგროვილი ტკივილის, ომისა და ხელოვნურად გაღრმავებული გაუცხოების მიუხედავად, შერიგება შესაძლებელია, - წერს სოციალურ ქსელში საპარლამენტო უმრავლესობის ლიდერი ირაკლი კირცხალია.მისივე თქმით, როგორც კი საუბარი იწყება მშვიდობაზე, ქართველებისა და აფხაზების შერიგებაზე და ერთიან სახელმწიფოში საერთო მომავალზე, მაშინვე აქტიურდება ის ე.წ. პოლიტიკური ძალა და მასთან დაკავშირებული აგენტურული ქსელი, რომლისთვისაც მუდმივი დაპირისპირება არსებობის ერთადერთი ფორმაა.როგორც ირაკლი კირცხალია აღნიშნავს, ქართველებს, აფხაზებსა და ოსებს საერთო სამშობლო და საერთო მომავალი გვაქვს."უსამშობლო ნაც-აგენტურას და სახელმწიფოებრივად მოაზროვნე ხელისუფლებას შორის განსხვავება სწორედ ასეთ განცხადებებში ჩანს ყველაზე მკაფიოდ. "აფხაზებს ჩვენ ვეზიზღებით და ამას არაფერი ეშველება", - ამას ამბობს მსჯავრდებული ყოფილი პრეზიდენტი, რომელმაც უცხო ქვეყანაში თანამდებობის დაკავების გამო საქართველოს მოქალაქეობა დათმო და რომელიც დღემდე არ ამბობს უარს იმ პოლიტიკურ რიტორიკაზე, რამაც ჩვენს ქვეყანას არაერთხელ მოუტანა დაპირისპირება, შუღლი და უმძიმესი შედეგები.ეს ერთი ფრაზა არ არის. ეს არის პოლიტიკური აზროვნება, რომლის მიხედვითაც ქართველებსა და აფხაზებს შორის გაუცხოება თითქოს საბოლოო მოცემულობაა.ჩვენ არასოდეს შევეგუებით აზრს, რომ ქართველებსა და აფხაზებს ერთმანეთი "გვეზიზღება" და ამას "არაფერი ეშველება“. ჩვენ გვჯერა, რომ ათწლეულების განმავლობაში დაგროვილი ტკივილის, ომისა და ხელოვნურად გაღრმავებული გაუცხოების მიუხედავად, შერიგება შესაძლებელია. მეტიც - საქართველოს მშვიდობიანი გამთლიანების სხვა გზა არც არსებობს.საშემოდგომო სესიის გახსნაზე სწორედ ამის შესახებ ვისაუბრე - მშვიდობაზე, დეოკუპაციაზე, ქვეყნის გამთლიანებასა და იმ პასუხისმგებლობაზე, რომელიც ხელისუფლებას საკუთარი ხალხისა და მომავალი თაობების წინაშე აქვს. და რას ვხედავთ პასუხად?როგორც კი საუბარი იწყება მშვიდობაზე, ქართველებისა და აფხაზების შერიგებაზე და ერთიან სახელმწიფოში საერთო მომავალზე, მაშინვე აქტიურდება ის ე.წ. პოლიტიკური ძალა და მასთან დაკავშირებული აგენტურული ქსელი, რომლისთვისაც მუდმივი დაპირისპირება არსებობის ერთადერთი ფორმაა.სწორედ ასეთ საკითხებზე ხდება ყველაზე კარგად აგენტურის პოლიტიკური ლუსტრაცია, როდესაც ერთ მხარეს დგას სახელმწიფო, რომელიც საკუთარ მომავალს მშვიდობაზე, ეროვნულ ინტერესებსა და გაერთიანებაზე აშენებს, ხოლო მეორე მხარეს არიან ადამიანები, რომლებიც საზოგადოებას უმტკიცებენ, რომ ქართველებისა და აფხაზების შერიგება შეუძლებელია და ერთმანეთის სიძულვილი სამუდამო განაჩენია. ჩვენ ამ განაჩენს არ მივიღებთ.ქართველებს, აფხაზებსა და ოსებს საერთო სამშობლო და საერთო მომავალი გვაქვს. ჩვენ ერთობით უნდა ავაშენოთ ძლიერი, სუვერენული და მშვიდობიანი სახელმწიფო, სადაც ვერც შიდა და ვერც გარე ძალა ვეღარ შეძლებს ჩვენს შორის შუღლის, სიძულვილისა და დაპირისპირების გაღვივებას.ამ მიზანს ემსახურება ჩვენი სამშვიდობო პოლიტიკა, ჩვენი ყველა ნაბიჯი და ჩვენი ქვეყნის დეოკუპაციისა და გამთლიანების ხედვა.მათ შეუძლიათ ილაპარაკონ სიძულვილზე. ჩვენ ვიმუშავებთ შერიგებისთვის. მათ შეუძლიათ ქართველებსა და აფხაზებს შორის კედლების აშენება მოინდომონ. ჩვენ ამ კედლებს მშვიდობით, განვითარებითა და ერთობით დავანგრევთ.ეს არის განსხვავება მათ პოლიტიკასა და ჩვენს სახელმწიფოებრივ ხედვას შორის“, - წერს ირაკლი კირცხალია.

მსოფლიო • 1788504912

უკრაინაში ფულის გათეთრების საქმეში ზელენსკის ადმინისტრაციის უფროსის, კირილო ბუდანოვის სახელიც ფიგურირებს - საქმეში დევს ფარული ჩანაწერები

უკრაინაში ფულის გათეთრების საქმეში ზელენსკის ადმინისტრაციის უფროსის, კირილო ბუდანოვის სახელიც ფიგურირებს.ბუდანოვმა პირველად ისაუბრა აუდიოჩანაწერებზე, რომლებიც მის შესაძლო მონაწილეობაზე მიუთითებს.უკრაინის პრეზიდენტის ადმინისტრაციის ხელმძღვანელმა განაცხადა, რომ აუდიოჩანაწერების მნიშვნელობა და მათი შინაარსი სასამართლომ უნდა დაადგინოს. ჩანაწერებმა კითხვები გააჩინა მის შესაძლო მონაწილეობასთან დაკავშირებით 3.3 მილიონი დოლარის გათეთრების სავარაუდო სქემაში, რომლის მიზანიც ფართომასშტაბიანი ენერგეტიკული კორუფციის საქმეზე დაკავებული ყოფილი მინისტრისთვის გირაოს უზრუნველყოფა იყო.ოფიციალურ უწყებებს კირილო ბუდანოვი საჯაროდ არ დაუსახელებიათ და მისთვის ბრალი არ წაუყენებიათ. თუმცა, უკრაინული გამოცემა Hromadske-ის მიერ მოპოვებული სასამართლო დოკუმენტები, სავარაუდოდ, მიუთითებს, რომ ბუდანოვი მონაწილეობდა ფულის გათეთრებასთან დაკავშირებულ საუბარში.ჩანაწერებთან დაკავშირებით დასმულ კითხვებზე პასუხად ბუდანოვმა Hromadske-ს განუცხადა, რომ ჩანაწერებთან დაკავშირებით ნებისმიერი დასკვნა მოსამართლემ უნდა გააკეთოს. „სასამართლომ დაადგინოს, ვინ სად ფიგურირებს“, - განაცხადა მან.ბრალდებები ე.წ. „მიდასის“ საქმეს უკავშირდება ფართომასშტაბიან კორუფციულ გამოძიებას, რომელიც უკრაინის ენერგეტიკის სექტორში სავარაუდო ქრთამის აღებას, თანხების მითვისებასა და უკანონო ფინანსურ კონტროლს ეხება. გამომძიებლების ვარაუდით, სქემის ორგანიზატორი ბიზნესმენი ტიმურ მინდიჩია, რომლის ქსელთან კავშირშიც რამდენიმე მაღალჩინოსანი ფიგურირებს.

მსოფლიო • 1788502860

დონალდ ტრამპი: ესპანეთი მიგრაციული კრიზისის გამო განადგურდება

აშშ-ის პრეზიდენტმა, დონალდ ტრამპმა GB News-თან ინტერვიუში სეუტაში მიმდინარე მოვლენებთან დაკავშირებით ისაუბრა და აღნიშნა, რომ ამის გამო ესპანეთს განადგურება ემუქრება.„ესპანეთი განადგურდება. ესპანეთთან დაკავშირებით მეც მქონდა პრობლემები, რადგან ესპანეთი ნატო-სთან დაკავშირებით კარგად არ იქცევა. ისინი არ იხდიან იმდენს, რამდენიც უნდა გადაიხადონ. ეს ძალიან სამწუხაროა. სხვა ქვეყნები იხდიან, ისინი კი – არა. თუმცა, რაც იქ ხდება, ამის ყურება ძალიან სამწუხაროა“, – აღნიშნა ტრამპმა.ამასთან, აშშ-ის პრეზიდენტის თქმით, მიგრაციული კრიზისის წინაშე გაერთიანებული სამეფოც დგას, თუმცა ვითარება, სეუტაში განვითარებულ მოვლენებთან შედარებით, ნაკლებად თვალსაჩინოა.„სხვა ქვეყნებსაც, მაგალითად, გაერთიანებულ სამეფოს, თქვენც გაქვთ საკუთარი პრობლემები, თუმცა ის ისეთი თვალსაჩინო არ არის, როგორც იქ. იცით, თქვენს ქვეყანაში ათასობით ადამიანი უბრალოდ ძალით არ შემოდის. მსგავსი რამ არასდროს მინახავს“, – აღნიშნა ტრამპმა.ტრამპმა ბრიტანეთზე საუბრისას კიდევ ერთხელ გამოხატა აღფრთოვანება მეფე ჩარლზის მიმართ და აღნიშნა, რომ მას ბრიტანეთი, როგორც ქვეყანა, უყვარს. თუმცა, მისი თქმით, პრემიერ-მინისტრ ენდი ბერნემის მთავრობას სერიოზული პრობლემების გადაჭრა მოუწევს.„თქვენს ქვეყანას პრობლემები აქვს. თქვენ კატასტროფის ზღვარზე ხართ. თქვენ გაქვთ ძალიან სერიოზული მიგრაციული პრობლემა და ძალიან სერიოზული ენერგეტიკული პრობლემა. თქვენი ენერგიის ფასი სამჯერ, ოთხჯერ უფრო მაღალია, ვიდრე უნდა იყოს“, – განაცხადა ტრამპმა.აშშ-ის პრეზიდენტმა ასევე აღნიშნა, რომ მასობრივი მიგრაცია ბრიტანეთის იერსახეს ცვლის.„თუ არ შეაჩერებთ მთელი მსოფლიოდან ადამიანების თქვენს ქვეყანაში შემოდინებას, საბოლოოდ ქვეყანა აღარ დაგრჩებათ“, – განაცხადა აშშ-ის პრეზიდენტმა.