მსოფლიო • 1715019578

წყალდიდობა ბრაზილიის სამხრეთ ნაწილში - დაღუპულია 83 ადამიანი

ბრაზილიის სამხრეთ ნაწილში წყალდიდობამ 83 ადამიანის სიცოცხლე იმსხვერპლა. ბოლო მონაცემებით, დაკარგულია 100-ზე მეტი ადამიანი. წყალდიდობამ შტატის რამდენიმე რეგიონში გზები და ხიდები გაანადგურა. დატბორილია ქუჩები.ამ დრომდე, ქვეყნის სამხრეთით მდებარე რიო გრანდე დუ სოლის რეგიონში, მოსახლეობა საკვებისა და წყლის გარეშეა დარჩენილი. შექმნილი სიტუაციის გამო, საჭირო გახდა 115 000-ზე მეტი ადამიანის ევაკუაცია. უხვმა ნალექმა მეწყრული პროცესებიც გამოიწვია. გაირღვა ელექტროსადგურის კაშხალი. დატბორილია რიო გრანდე დუ სოლის შტატის დედაქალაქი - პორტო ალეგრე. გაურკვეველი ვადით შეჩერდა აეროპორტის მუშაობაც.სტიქიის ზონაში ბრაზილიის პრეზიდენტი ჩავიდა და ადგილობრივ ხელისუფლებასთან სამაშველო სამუშაოების მიმდინარეობის პროცესი განიხილა. სამაშველო პროცესში მონაწილეობენ მოხალისეებიც. 　ვარაუდობენ, რომ სტიქიის შედეგად დაღუპულთა რიცხვი კიდევ გაიზრდება. სინოპტიკოსები რეგიონში წვიმას კიდევ პროგნოზირებენ, რის გამოც ხელისუფლება მოქალაქეებს მოუწოდებს, დატოვონ ის დასახლებები, რომლებიც სახიფათო ზონებში მდებარეობს. წყალდიდობამ ურუგვაისა და არგენტინის საზღვართან ახლოს მდებარე შტატის 500 ქალაქის, დაახლოებით, ორ მესამედს მიაყენა ზიანი.

მსოფლიო • 1714987380

ბრაზილიაში წყალდიდობას, სულ მცირე, 78 ადამიანი ემსხვერპლა

ბრაზილიაში, რიუ-გრანდე-დუ-სულის შტატში წყალდიდობას, სულ მცირე, 78 ადამიანი ემსხვერპლა, 115 000-ზე მეტ ადამიანს კი იძულებით გადაადგილება მოუწია.დაღუპულთა რიცხვი შესაძლოა მნიშვნელოვნად გაიზარდოს, რადგან კვირის მონაცემებით დაკარგულად 105 ადამიანი ითვლება, შაბათს კი დაკარგულად 70 მიიჩნეოდა.წყალდიდობებმა რამდენიმე ქალაქში ხიდები და გზები გაანადგურა. ძლიერმა წვიმებმა ასევე მეწყერი გამოიწვია და ჰიდროელექტროსადგურის კაშხალი ჩამოანგრია.ხელისუფლების თქმით, 400 000-ზე მეტი ადამიანი ელექტროენერგიის გარეშე დარჩა, შტატის თითქმის მესამედს კი წყალი აღარ მიეწოდება.ეროვნული გეოლოგიური სამსახურის ცნობით, პორტო ალეგრეში გუაიბას ტბამ დღემდე აღბეჭდილ წყლის უმაღლეს დონეს მიაღწია.პორტო ალეგრეს საერთაშორისო აეროპორტმა ყველა ფრენა გააუქმა."ეს არის ომის სცენარი და ომის შემდგომი ზომები დასჭირდება". - თქვა შტატის გუბერნატორმა.ბრაზილიის პრეზიდენტი, ლუის ინასიო ლულა და სილვა შტატს თავისი კაბინეტის წევრებთან ერთად ეწვია და ადგილობრივ ხელისუფლებასთან ერთად სამძებრო-სამაშველო და რესტავრაციული სამუშაოების შესახებ ისაუბრა. სამაშველო ოპერაციებში ადგილობრივი მოსახლეობაც მონაწილეობს."ბიუროკრატია ხელს ვერ შეგვიშლის შტატის სიდიადის აღდგენაში". - თქვა ლულამ პრესკონფერენციაზე.ვატიკანში კვირეული მიმართვის დროს პაპმა ფრანცისკემ თქვა, რომ რიუ-გრანდე-დუ-სულის მოსახლეობისთვის ლოცულობდა. 

მსოფლიო • 1714979340

ბრაზილიაში წყალდიდობის შედეგად 78 ადამიანი დაიღუპა

ბრაზილიაში უხვი ნალექით გამოწვეული წყალდიდობის შედეგად 78 ადამიანი დაიღუპა. მედიის ცნობით, ამ დრომდე ქვეყნის სამხრეთით მდებარე რიო გრანდე დუ სოლის რეგიონში მოსახლეობა საკვებისა და წყლის გარეშეა დარჩენილი. ამასთან, განხორციელდა 115 000-ზე მეტი ადამიანის ევაკუაცია.„როიტერის“ ინფორმაციით, რეგიონში ჩავიდა ბრაზილიის პრეზიდენტი ლუის ინასიუ ლულა და სილვა, რათა ადგილობრივ ხელისუფლებასთან სამაშველო სამუშოების მიმდინარეობის პროცესი განეხილა. სამაშველო პროცესში ჩართული არიან მოხალისეებიც.ძლიერი წვიმების შედეგად წარმოიქმნა მეწყრული პროცესიც. წყალდიდობის გამო რეგიონებში განადგურებულია საავტომობილო გზები და ხიდები.წყალდიდობამ ურუგვაისა და არგენტინის საზღვართან ახლოს მდებარე შტატის 500 ქალაქის დაახლოებით ორ მესამედს მიაყენა ზიანი. ვარაუდობენ, რომ დაღუპულთა რიცხვი გაიზრდება, რადგან ამ დრომდე 100-ზე მეტი ადამიანი დაკარგულად ითვლება.

მსოფლიო • 1714974657

აშშ-ის დახმარება ხელს შეუწყობს უკრაინის კონტრშეტევას 2025 წელს

თეთრ სახლში მიიჩნევენ, რომ შეერთებული შტატების სამხედრო დახმარება ხელს შეუწყობს უკრაინის კონტრშეტევაზე გადასვლას, რაც 2025 წელს იქნება შესაძლებელი.მედიის ინფორმაციით, აშშ-ის პრეზიდენტის მრჩეველმა ეროვნული უსაფრთხოების საკითხებში, ჯეიკ სალივანმა განაცხადა, რომ შეერთებული შტატების მიერ მიწოდებული ახალი დახმარებით უკრაინა შეძლებს თავდაცვის შენარჩუნებას და სტაბილურობის უზრუნველყოფას 2024 წლის განმავლობაში.მომავალ წელს ომის შესაძლო სცენარზე საუბრისას კი სალივანმა განაცხადა, რომ უკრაინა „წინ წაიწევს იმ ტერიტორიის დასაბრუნებლად, რომელიც რუსებმა წაართვეს".

მსოფლიო • 1714973656

სი ძინპინი, ევროპული ტურნეს ფარგლებში, საფრანგეთში ჩავიდა

ჩინეთის ლიდერი სი ძინპინი, ოფიციალური ვიზიტის ფარგლებში, საფრანგეთში ჩავიდა. ამით სი ძინპინმა ევროპის ქვეყნებში დაგეგმილი ექვსდღიანი ტურნე დაიწყო.ჩინეთის პრეზიდენტს აეროპორტში საფრანგეთის პრემიერ-მინისტრი და სხვა ოფიციალური პირები დახვდნენ.სი ძინპინის განცხადებით, ის გეგმავს საფრანგეთის პრეზიდენტთან, ემანუელ მაკრონთან შეხვედრას, რათა განიხილოს ორმხრივი ურთიერთობები, ჩინეთის ურთიერთობები ევროკავშირთან, ასევე საერთაშორისო და რეგიონული საკითხები. გავრცელებული ინფორმაციით, სი ძინპინი ევროკომისიის პრეზიდენტს, ურსულა ფონ დერ ლაიენსაც შეხვდება.მედიის ცნობით, საფრანგეთი შეეცდება, მიაღწიოს პროგრესს ჩინეთის ბაზრის გახსნასთან დაკავშირებით სოფლის მეურნეობის პროდუქტების ექსპორტისთვის. ამასთან, საფრანგეთს სურს, აიძულოს ჩინეთი, ზეწოლა მოახდინოს მოსკოვზე, რათა შეაჩეროს საბრძოლო მოქმედებები უკრაინაში.ჩინეთის პრეზიდენტი საფრანგეთში ემანუელ მაკრონის მიწვევით იმყოფება. საფრანგეთის შემდეგ სი ძინპინი სერბეთსა და უნგრეთში გაემგზავრება.სი ძინპინი ბოლოს ევროპაში ხუთი წლის წინ, იტალიაში ვიზიტისას იმყოფებოდა.

მსოფლიო • 1714841723

„რუსული სახელმწიფო მანქანისა და პროპაგანდის სასოწარკვეთის მტკიცებულება“ - უკრაინის პასუხი ზელენსკის ძებნილად გამოცხადებაზე

რუსეთის შსს-ს მიერ, უკრაინის პრეზიდენტის ძებნილთა სიაში შეყვანას, უკრაინის საგარეო საქმეთა სამინისტრო განცხადებით ეხმაურება და მას „რუსული სახელმწიფო მანქანისა და პროპაგანდის სასოწარკვეთის მტკიცებულებას" უწოდებს, "რომლებმაც არ იციან რა მოიგონონ ყურადღების მისაქცევად"."ვისარგებლებთ შემთხვევით და შეგახსენებთ, რომ რუსეთის უსარგებლო განცხადებებისგან განსხვავებით, სისხლის სამართლის საერთაშორისო სასამართლოს მიერ რუსეთის დიქტატორის ვლადიმერ პუტინის დაპატიმრების ორდერი ომის დანაშაულების ჩადენისთვის, სავსებით რეალურია და ექვემდებარება აღსრულებას მსოფლიოს 123 ქვეყანაში." ნათქვამია უკრაინის საგარეოს განცხადებაში.შეგახსენებთ, უკრაინის პრეზიდენტი ვოლოდიმირ ზელენსკი და მისი წინამორბედი - პეტრო პოროშენკო რუსეთის შსს-მ დღეს ძებნილთა სიაში შეიყვანა. 

მსოფლიო • 1714831735

რუსეთმა ზელენსკიზე ძებნა გამოაცხადა

რუსეთის შინაგან საქმეთა სამინისტრომ განაცხადა, რომ უკრაინის პრეზიდენტი ვოლოდიმირ ზელენსკი იძებნება.შესაბამისი ინფორმაცია დეპარტამენტის მონაცემთა ბაზაში გამოჩნდა, იუწყება „რია-ნოვოსტი“.ინფორმაციაში აღნიშნულია, რომ 1978 წლის 25 იანვარს კრივოი-როგში დაბადებული ვოლოდიმირ ოლექსანდროვიჩ ზელენსკი რუსეთის ფედერაციის სისხლის სამართლის კოდექსის მუხლით იძებნება.ამასთან, არ არის დაკონკრეტებული, რომელი მუხლის საფუძველზე გამოცხადდა ზელენსკიზე ძებნა

მსოფლიო • 1714829100

რუსეთმა ზელენსკიზე ძებნა გამოაცხადა

რუსეთის შინაგან საქმეთა სამინისტრომ უკრაინის პრეზიდენტზე ძებნა გამოაცხადა.როგორც დეპარტამენტის მონაცემთა ბაზიდან ირკვევა, ვოლოდიმირ ზელენსკი სისხლის სამართლის მუხლით იძებნება, თუმცა რომლით, დაკონკრეტებული არ არის.ძებნილთა სიას დაემატა უკრაინის ყოფილი პრეზიდენტი პეტრო პოროშენკოც.რუსეთის ხელისუფლებას ძებნილთა სიაში არაერთი უკრაინელი მაღალჩინოსანი ჰყავს, მათ შორისაა, დაზვერვის მთავარი სამმართველოს უფროსი კირილ ბუდანოვი, რომელიც სიაში 2023 წლის დეკემბერში შეიყვანეს

პოლიტიკა • 1714800600

ვატო შაქარიშვილი აშშ-ის საელჩოს: რა წარმოდგენა გაქვთ ქართველ ხალხზე? გასულ წელს, თქვენივე კანონის პირდაპირი თარგმანი რუსულად გამოაცხადეთ, ახლა გვეუბნებით, რომ კანონი კრემლისგან არის შთაგონებული. გსურთ, შანტაჟს მიპატიჟება დაარქვათ - ეს აღარ გამოვა!

აშშ-ის საელჩო! რისი მიღწევა გინდათ ამ უტიფარი ტყუილებით? რა წარმოდგენა გაქვთ ქართველ ხალხზე? თვალში ნაცრის შეყრას და შეურაცხყოფას თავს რატომ არ ანებებთ? - წერს საზოგადოებრივი მოძრაობის “საქართველო უპირველეს ყოვლისა” დამფუძნებელი, ვატო შაქარიშვილი, სოციალურ ქსელში.მისი განცხადებით, საელჩომ ჯერ რუსულად შერაცხა FARA-ს ქართული ანალოგი, ახლა კი ცდილობს, იმავე პრინციპებზე დაფუძნებული გამარტივებული კანონი კრემლისგან შთაგონებულად წარმოაჩინოს. შაქარიშვილი მიიჩნევს, რომ სწორედ აშშ-სა და ევროპას აქვს დასამტკიცებელი დასავლური ღირებულებების ერთგულება, ვინაიდან, ორმაგი სტანდარტის და ფარისევლობის არსებული ხარისხი, მათი მიმართ ნდობას ამცირებს. “აშშ-ის საელჩო! რისი მიღწევა გინდათ ამ უტიფარი ტყუილებით? რა წარმოდგენა გაქვთ ქართველ ხალხზე? თვალში ნაცრის შეყრას და შეურაცხყოფას თავს რატომ არ ანებებთ? ჯერ იყო და გასულ წელს, თქვენივე კანონის FARA-ს პირდაპირი თარგმანი რუსულად გამოაცხადეთ.ახლა, გაცილებით უფრო მსუბუქ კანონზე, რომელიც დაფუძნებულია იმავე FARA-ს პრინციპებზე, ევროკომისიის დირექტივაზე, ფრანგულ და სხვა უკვე მოქმედ პრაქტიკებზე, გვეუბნებით, რომ კრემლისგან არის შთაგონებული. გსურთ რომ ზეწოლასა და შანტაჟს, მიპატიჟება დაარქვათ და მორჩილებაზე ნათქვამი უარი, მიწვევაზე უარის თქმად გაასაღოთ! ეს აღარ გამოვა! დღეს, თუ ვინმეს აქვს დასამტკიცებელი დასავლური ღირებულებების ერთგულება ეს სწორედ აშშ-ის მოქმედი ადმინისტრაცია და ევროკავშირის ბიუროკრატიაა! 1500 წელზე მეტია საქართველოს ამ გზიდან არასოდეს გადაუხვევია! ეს თქვენ აცდით აბსოლუტურად ყველა ფასეულობას, რაზეც იდექით და რამაც ძლიერება მოგიტანათ! ვერ ხვდებით, რომ კომიკურად გამოიყურებით, როდესაც თქვენი პრეზიდენტი აცხადებს, რომ საკუთრების განადგურება, ვანდალიზმი, შეღწევა, ფანჯრების ჩამტვრევა, კამპუსების დაკეტვა არ არის მშვიდობიანი პროტესტი, რომ ეს კანონს ეწინააღმდეგება, მისი განკარგულებით სხვადასხვა უნივერსიტეტში მშვიდობიან სტუდენტებს სასტიკად არბევთ, 2000-მდე ადამიანს აკავებთ, ამის პარალელურად კი, საქართველოს პარლამენტზე მრავალსაათიან შტურმს, პოლიციელებზე ქვების სროლას, კერძო და სახელმწიფო ქონების განადგურებას, ქალაქის სრულ პარალიზებას მშვიდობიან პროტესტად ნათლავთ!სწორედ ეს არის ცრუ ნარატივი და არა ის, როდესაც ჩვენ ვლაპარაკობთ თქვენი ხელშეწყობით საქართველოში რევოლუციების არაერთი მცდელობის შესახებ! ორმაგი სტანდარტის და ფარისევლობის ეს ხარისხი, ნულამდე ამცირებს ნდობას თქვენი მისამართით და ყოველი ახალი განცხადება უფრო და უფრო კარგავს ფასს!” - წერს ვატო შაქარიშვილი Facebook-ზე.

პოლიტიკა • 1714768015

ირაკლი კობახიძე - „უცხოური გავლენის გამჭვირვალობის შესახებ“ და „ოჯახურ ღირებულებათა და არასრულწლოვანთა დაცვის შესახებ“ კანონპროექტებზე ვესაუბრე ევროპული საბჭოს პრეზიდენტს, შარლ მიშელს

„უცხოური გავლენის გამჭვირვალობის შესახებ“ და „ოჯახურ ღირებულებათა და არასრულწლოვანთა დაცვის შესახებ“ კანონპროექტებზე ვესაუბრე ევროპული საბჭოს პრეზიდენტს, შარლ მიშელს. გამოვთქვი სინანული იმის გამო, რომ არაერთი შეთავაზების მიუხედავად, პარტნიორები თავს არიდებენ საგნობრივ დისკუსიას გამჭვირვალობის შესახებ კანონპროექტის თაობაზე. გარდა ამისა, აღვნიშნე, რომ დღემდე ვერ მოვისმინეთ ვერცერთი არგუმენტი აღნიშნული კანონპროექტის წინააღმდეგ, რომლის ერთადერთი მიზანი ქართული საზოგადოების მიმართ შესაბამისი ორგანიზაციების გამჭვირვალობისა და ანგარიშვალდებულების უზრუნველყოფაა. ევროპული საბჭოს პრეზიდენტის ყურადღება გავამახვილე იმ გარემოებაზეც, რომ უცხოეთიდან დაფინანსებული ორგანიზაციები 2020-2023 წლებში საქართველოში რევოლუციის მოწყობის ორ მცდელობაში იყვნენ აქტიურად ჩართული. ამასთან დაკავშირებით, აღვნიშნე, რომ გამჭვირვალობის შესახებ კანონის მიღება არის აუცილებელი პირობა ევროკავშირის მთავარი რეკომენდაციის შესრულებისთვის - ე.წ. დეპოლარიზაციის უზრუნველყოფისთვის. - თქვა პრემიერმა.

პოლიტიკა • 1714761946

„დებატები არის ქვაკუთხედი და აუცილებელია გულწრფელი დიალოგის დაწყება, საქართველოს მომავალი ევროკავშირშია - ხელიდან არ გაუშვათ ისტორიული შანსი“ - შარლ მიშელი ირაკლი კობახიძეს ტელეფონით ესაუბრა

კიდევ ერთხელ დავადასტურეთ ევროკავშირის სრული მხარდაჭერა ქართველი საზოგადოების მიმართ, რომელმაც პირველ რიგში დააყენა ქვეყნის ევროპული მომავალი, - ამის შესახებ ევროპული საბჭოს პრეზიდენტი შარლ მიშელი სოციალურ ქსელში წერს.მისი თქმით, საქართველოს მოქალაქეები ითხოვენ, რომ ღია დემოკრატიული და პლურალისტური საზოგადოების აზრი იყოს გათვალისწინებული."საქართველოს პრემიერ-მინისტრთან სატელეფონო საუბარში, ვისაუბრეთ საქართველოში განვითარებულ მოვლენებზე და კიდევ ერთხელ დავადასტურეთ ევროკავშირის სრული მხარდაჭერა ქართველი საზოგადოების მიმართ, რომელმაც პირველ რიგში დააყენა ქვეყნის ევროპული მომავალი.საქართველოს მოქალაქეები ითხოვენ, რომ ღია დემოკრატიული და პლურალისტური საზოგადოების აზრი იყოს გათვალისწინებული. დებატები არის ქვაკუთხედი და აუცილებელია გულწრფელი დიალოგის დაწყება.საქართველოს მომავალი ევროკავშირშია. ხელიდან არ გაუშვათ ისტორიული შანსი" - წერს შარლ მიშელი ფეისბუქის გვერდზე.

პოლიტიკა • 1714754183

სალომე ზურაბიშვილმა შარლ მიშელთან, ქვეყანაში განვითარებულ მოვლენებთან დაკავშირებით, სატელეფონო საუბარი გამართა

სალომე ზურაბიშვილმა, ქვეყანაში განვითარებულ მოვლენებთან დაკავშირებით, ევროპული საბჭოს პრეზიდენტთან, შარლ მიშელთან სატელეფონო საუბარი გამართა.პრეზიდენტის ადმინისტრაციის ცნობით, ზურაბიშვილმა ხაზგასმით აღნიშნა, რომ საქართველო ვერავინ გადაიყვანა ევროპული გზიდან, რაც არანაკლებ მნიშვნელოვანია ევროპისთვის.'საქართველოს პრეზიდენტმა ევროპული საბჭოს პრეზიდენტთან ვრცელი სატელეფონო საუბრისას განიხილა: ქვეყანაში განვითარებული მოვლენები, საქართველოს ევროპული ინტეგრაცია და მისი ხელის შემშლელი ფაქტორები, როგორიცაა საპარლამენტო უმრავლესობის მიერ ხელმეორედ შემობრუნებული "უცხოური გავლენის გამჭვირვალობის შესახებ" კანონპროექტი, ამ კანონპროექტის გამო ორი კვირის განმავლობაში მიმდინარე უწყვეტი სახალხო პროტესტი, საქართველოს პარტნიორებისა და მეგობრების მხარდაჭერის მნიშვნელობა ქვეყნის ევროპული ინტეგრაციის გზაზე“, – აღნიშნულია პრეზიდენტის ადმინისტრაციის მიერ გავრცელებულ ინფორმაციაში.