საზოგადოება • 1744408080

„დედა გაჰყვა ცოლად წარმოშობით თურქს... მამამ შეუცვალა დაბადების მოწმობა“ - რა ვიდეოს აქვეყნებს თამუნა მუსერიძე

ტელეწამყვანი და ჟურნალისტი თამუნა მუსერიძე  სოციალურ ქსელში ვიდეომიმართვას ავრცელებს, სადაც ამბობს, რომ თურქეთიდან ჩამოვიდა კაცი, რომელიც ბიოლოგიურ დედას ეძებს:„ბათუმიდან დამიკავშირდა ქალბატონი დალი მამულაძე, რომელმაც მითხრა, რომ მის სასტუმროში სტუმრად არის მოსული ბიჭი, რომელიც ჩამოვიდა თურქეთიდან და ეძებს დედას. ამ ბიჭის ისტორია არის ასეთი - 1996 წელს არის დაბადებული ეს ადამიანი საქართველოში. დედა გაჰყვა ცოლად წარმოშობით თურქს და წავიდა თურქეთში. რამდენიმე წლის შემდეგ ცოლ-ქმარი ერთმანეთს დაშორდა. მამამ შვილი არ გამოატანა საქართველოში. ეს შვილი ჰყვება რომ მამამ შეუცვალა დაბადების მოწმობა, მეურვედ მისი შემდგომი მეუღლე ანუ მეორე ცოლი ჩაწერა დედად. მისამართიც შევიცვალეთ, რომ დედას არ ვეპოვეო“, - ამბობს ვიდეოში თამუნა მუსერიძე.

საზოგადოება • 1744403768

VIDEO: „შეხვედრა დედასთან" - თამუნა მუსერიძე ემოციურ ვიდეოს აქვეყნებს

ტელეწამყვანი და ჟურნალისტი სოციალურ ქსელში დედის და შვილის ემოციური შეხვედრის კადრებს ავრცელებს. ქართველმა დედამ და თურქეთში მცხოვრებმა შვილმა წლების შემდეგ იპოვეს ერთმანეთი. ნახეთ ემოციური კადრები ⇓ 

პოლიტიკა • 1744294758

ნოდარ მუსერიძე - გაუსაძლისი სიტუაცია იყო ჩემთვის, მქონდა წყლულიდან სისხლდენა, ჰეპატიტი მაქვს ქრონიკული, ღვიძლის დაავადება. 3 თვე ვიკვებებოდი პურის ქერქით, 85 კილო ვიყავი რომ დამიჭირეს და 63 კილო გამოვედი, ვეღარ დავდიოდი

3 თვე მომიწია იქ ყოფნა. გაუსაძლისი სიტუაცია იყო ჩემთვის, მე მქონდა წყლულიდან სისხლდენა. ჰეპატიტი მაქვს ქრონიკული, ღვიძლის დაავადება. პირველად რომ შემიყვანეს და ექიმმა ნახა ჩემი დაავადების ნუსხა შენ აქ რა უნდა ქნაო, შენ აქ ვერაფერს ვერ შეჭამო, 3 თვე ვიკვებებოდი პურის ქერქით. 85 კილო ვიყავი, რომ დამიჭირეს და 63 კილო გამოვედი, ვეღარ დავდიოდი,- ასე იხსენებს საქართველოს პარლამენტის დროებითი საგამოძიებო კომისიის სხდომაზე, სადაც ერთ-ერთ თემად საქართველოს ტექნიკური უნივერსიტეტის ქონებრივი უფლებების ხელყოფის საქმე განიხილება, ნოდარ მუსერიძე ციხეში ყოფნის პერიოდს, რომელიც საქართველოს ტექნიკური უნივერსიტეტში ახალგაზრდობის მიმართულების ხელმძღვანელი იყო 2006 წელს. ნოდარ მუსერიძის თქმით, მასთან ერთად იჯდა 18 წლის ბიჭი, რომელსაც 3 თვის განმავლობაში ყურიდან სისხლდენა ჰქონდა, ექიმი ყურადღებას არ აქცევდა. „გარშემო რა საძაგლობაც ხდებოდა ჩემს თვალწინ ხდებოდა, ვუყურებდი. მანდ ადამიანი ყოველთვის ფიქრობ, რომ თუ დღეს იმას ასე ექცევიან დიდი შანსია, რომ ხვალ შენც ასე მოგექცნენ. საწოლზე მატრასი არ გვქონდა, ნაჭერი ეფინა, ტანისამოსის დაფენის უფლებას არ გვაძლევდნენ, მას შემდეგ ნერვის ქრონიკული ანთება მაქვს და მიჭირს სიარული. 

პოლიტიკა • 1744294736

ნოდარ მუსერიძე: მე და ლევან ჯაფარიძე დაგვაკავეს. ჩვენ მეგობრებს პირდაპირ ეუბნებოდნენ, რომ ხმას ამოიღებთ, რამე ინიციატივას გამოიჩენთ - ორი ადამიანი თქვენი მეგობრები ხომ გვყავს ციხეში დაჭერილი, ხომ იცით ციხეში არ არის კარგი სიტუაცია და ამიტომ პრობლემებს ნუ შეუქმნითო

საქართველოს პარლამენტის დროებითი საგამოძიებო კომისიის სხდომაზე, სადაც ერთ-ერთ თემად საქართველოს ტექნიკური უნივერსიტეტის ქონებრივი უფლებების ხელყოფის საქმე განიხილება, 2006 წელს ტექნიკურ უნივერსიტეტში ახალგაზრდობის მიმართულების ხელმძღვანელმა ნოდარ მუსერიძემ ისაუბრა. მან მისი და ლევან ჯაფარიძის დაკავების ეპიზოდი გაიხსენა და აღნიშნა, რომ მისთვის გაუგებარი იყო დაკავების მიზეზი. მისივე თქმით, საქართველოს ტექნიკური უნივერსიტეტის სტუდენტებს პირდაპირ ეუბნებოდნენ არ გამოეჩინათ რაიმე ინიციატივა და მათი მეგობრებისთვის ციხეში არ შეექმნათ პრობლემა. „მე და ლევან ჯაფარიძე დაგვაკავეს, მე მოქმედი კომისიის წევრი ვიყავი ცესკოსი და ლევან ჯაფარიძე მაშინ უკვე მემარჯვენეების წევრი იყო. დაკავების მიზეზი ჩვენთვის გაუგებარი იყო. მიზეზი რა გვითხრეს, რომ 2007 წელს ჩატარდა რაღაც პრივატიზაცია, სადაც ჩვენ ვითომ ინტერესი გვქონდა და მერე 2007-ში ის არასწორად ჩატარდა და 2008-ში დაგვიჭირეს, ერთი წლის შემდეგ და რომ მიჭერდნენ, მაგას გეპეისთან ვაკავშირებ და გეტყვით რატომ, მე ვეკითხები 3 საათი იყვნენ შემოსული, 60 კაცი შემოვიდა დასაჭერად და მეუბნება მუხლებს, გავიგე მეთქი ეს და მე რა შუაში ვარ-თქო რაც მომიყევი მეთქი და გამომძიებელი მეუბნება, რომ სად მუშაობდიო? მე ვუთხარი გეპეიში - ახლა სად მუშაობო? ცესკოშითქო. ხომ ხვდები რატომაც გიჭერთო? მე ვუთხარი ვერ ვხვდები, მაგრამ კაი მეთქი და დაგვიჭირეს. რომ დაგვიჭირეს მეორე დღეს ერთი ღამე გავატანეთ კუდ-ის შენობაში, მერე გლდანის ციხეში გადაგვიყვანეს და საღამოს გლდანის ციხის დირექტორი მელაძე იყო, თუ არ მეშლება და მანდ მოვიდნენ გამომძიებელი და კუდის თანამშრომელი, სამნი ვიყავით დაჭერილი, აგვიყვანეს და იმათ არაფერს არ ეუბნებოდნენ, მე ორ ქონებას მეუბნებოდნენ, სადაც მე ვფიქსირდებოდი. ჩათვალეთ 30 კაცში 30-ე ვიყავი და მითხრეს რომ ეგ დაგვიბრუნეო სახელმწიფოსო და გაგიშვებთო. მე ვუთხარი ჯერ ერთი ეს ქონება მე არ მეკუთვნის სრულად, დიდ თანხიანი ქონება იყო, რომლის პრივატიზაცია ოფიციალურად, კანონით მოხდა, ვერავინ ვერაფერს ვერ შეედავა და მე ვერ დაგიბრუნებთ და სხვანაირად ვისაუბროთ მეთქი, თუ რამეში დამნაშავე ვარ, მითხარით რაში ვარ და ჯარიმას გადავიხდი მეთქი. ორ წუთში ეს საუბარი მორჩა, მერე 10 წუთი ზოგადი საუბარი იყო და მერე წასვლის დროს მომიტრიალდა კუდ-ის თანამშრომელი და მეუბნება, რომ კაი შენი ქონება არ არის რასაც ჩვენ ვფიქრობდითო, მაგრამ ისეო სხვის ქონებებთან დაკავშირებით მაინც ინიციატივებს ნუ გამოიჩენო. მე მაშინ ვერ მივხვდი ეს რა იყო, მაგრამ მერე დავფიქრდი და რამდენიმე დღით ადრე კერძო საუბარში, ერთ-ერთ პიროვნებასთან ვთქვი ასეთი რაღაც, რომ გეპეის ქონებებს რომ ისაკუთრებენ ესე ადვილად არ მოხდება მეთქი მანდ და მაგაზე ადრე თუ გვიან ყველა პასუხს აგებს მეთქი და ეს აკრედიტაციის გაჩერებაც ჩათვალეთ რომ არის იმ ხალხის დაღუპვა ვისაც ეს გაუკეთეთ მეთქი. ალბათ ეს თემა იყო და გარეთ ჩვენი მეგობრები ვინც იყვნენ, იმათაც პირდაპირი ტექსტით ეუბნებოდნენ, რომ ხმას ამოიღებთ, რამე ინიციატივას გამოიჩენთ, ორი ადამიანი თქვენი მეგობრები ხომ გვყავს ციხეში დაჭერილი, ხომ იცით ციხეში არ არის კარგი სიტუაცია და ამიტომ პრობლემებს ნუ შეუქმნით. ეს იყო პირდაპირი მესიჯი“, - განაცხადა ნოდარ მუსერიძემ. მისივე თქმით, ციხეში გატარებული პერიოდის გამო, მას და ლევან ჯაფარიძეს ფიზიკური და მენტალური პრობლემები შეექმნათ გარკვეული დროით. „მერე ჩვენ რომ გამოვედით, დიდი ძალისხმევა დაგვჭირდა, სამი თვე ვისხედით და ჩვენი მეგობრები დაგვეხმარნენ და საპროცესო გადავიხადეთ, 200 ათასს ითხოვდნენ და 60 ათას დოლარამდე დიდი ვაჭრობით გადავიხადეთ, ისიც რა თქმა უნდა ვალით და რომ გამოვედით, მე და ლევანი ისე ვიყავით ფიზიკურად, ერთი წელი დეპრესიაში ვიყავით და სახლიდან ვერ გამოვდიოდი წესიერად“, - აღნიშნა ნოდარ მუსერიძემ.

პოლიტიკა • 1744260339

დღეს დროებითი საგამოძიებო კომისიის მორიგი სხდომა გაიმართება

 დღეს დროებითი საგამოძიებო კომისიის მორიგი სხდომა გაიმართება. სხდომაზე როინ შავაძის საქმეს და ტექნიკური უნივერსიტეტის ქონების ხელყოფის საკითხს განიხილავენ.სხდომაზე მიწვეული არიან ციცინო შავაძე, დავით გურგენიძე, კარლო კოპალიანი და ნოდარ მუსერიძე.პარლამენტის დროებითი საგამოძიებო კომისია 2003-2012 წლებში მოქმედი რეჟიმის, ამ რეჟიმის პოლიტიკური თანამდებობის პირებისა და პოლიტიკურ პარტიებში გაერთიანებული მოქმედი და ყოფილი თანამდებობის პირების საქმიანობას შეისწავლის.

faceამბები • 1743769954

VIDEO: „ერთხელ და სამუდამოდ ავპინავ და პირდაპირ ნახავთ...“ - თამუნა მუსერიძე ვიდეომიმართვას ავრცელებს

თამუნა მუსერიძე, რომელიც ასევე გახლავთ ჯგუფის „ვეძებ“ დამფუძნებელი, აქვეყნებს ვიდეომიმართვას, სადაც აღწერს, თუ რა ნაბიჯები უნდა გადადგან იმ ადამიანებმა, ვინც ბიოლოგიურ მშობლებს ეძებს:„ერთხელ და სამუდამოდ ავპინავ და პირდაპირ ნახავთ თქვენ კითხვებზე პასუხს📣📣თუ ბიოლოგიურ მშობელს ეძებთ: მიდიხართ ტრეფიკინგის სააგენტოში, საბურთალოზე, ასათიანის 9 ნომერში. მიგაქვთ პირადობა და ითხოვთ დაბადების სააქტო ჩანაწერში მითითებულ პირველად სახელს და გვარს. მშობლის ნებართვა არ გჭირდებათ. თუ ეძებთ შვილს: სამშობიაროდან ითხოვთ სიმართლის წიგნის ამონაწერს, იუსტიციიდან კი , ბავშვის დაბადების და გარდაცვალების ცნობას. თუ გარდაცვალების ცნობა მოიძებნა, მაშინ გარდაცვალების აქტის ამონაწერს“,- წერს თამუნა ვიდეოს აღწერაში.            View this post on Instagram                       A post shared by Tamuna Museridze (@tamuna_museridze)

faceამბები • 1742929586

„ღმერთო ვკანკალებ !!!! ასეთი უღმერთობა და არაადამიანობა დიდი ხანია, არ მინახავს“ - თამუნა მუსერიძე მიმართვას ავრცელებს

ჟურნალისტი, თამუნა მუსერიდზე სოციალურ ქსელში პოსტს აქვეყნებს, რომელიც მის მიერ შექმნილ ჯგუფში "ვეძებ“ ადმინისტრატორს ეხება.როგორც თამუნა მუსერიძის მიერ გავრცელებული პოსტიდან ირკვევა, ერთ-ერთ მოქალაქე „დნმ“ -ის ტესტის ჩატარების მიზნით დაუკავშირდა."ღმერთო ვკანკალებ ! ესეთი უღმერთობა და არაადამიანობა დიდი ხანია, არ მინახავს. ამ ქალს ვინც იცნობთ, გადაეცით, რომ ცხოვრება ბუმერანგია და ფრთხილად იყოს !სოფი აა ღმერთმა გადაგარჩინა საქართველოში რომ არ ხარ!ალბათ ყველამ იცით ჩვენი ადმინის ნინო მინდიაშვილი მინდუშას პრობლემა.მას თვალები გადანერგილი აქვს და მაინც დღე და ღამე ხელში ტელეფონი უჭირავს, თქვენ რომ გემესიჯოთ.აი ეს ნაგავი ქალი ასეთ მესიჯს წერს ნინოს!მიუხედავად იმისა, რომ ვუხსნით, ფასდაკლების დროს ტესტი 200 ლარი ღირსთქო, მაინც იწყევლება.49 ევრო ღირს საიტზე, ამას ემატება "შიპინგის" 10 ევრო ანუ უკვე 178 ლარზე ავედით, დავუმატოთ გადამზიდი კომპანიის წონის 10 ლარი , ანუ 188 ლარი და დეკლარაციის ხარჯები.ეს არაქალი კიდევ ამ ყველაფერს არ ითვალისწინებს და უკანასკნელი სიტყვებით წყევლის ჩვენ მინდუშას.სამტრედიელი არავინ ხართ, ამ გოგოს ოჯახი რომ მომაძებნინოთ?" - წერს თამუნა მუსერიძე სოციალურ ქსელში. 

საზოგადოება • 1734813716

„52 წლის მერე რომ პოულობ მოპარულ შვილს - ეს ემოცია როგორ უნდა გადმოსცე?“ - თამუნა მუსერიძე ემოციურ კადრებს აქვეყნებს

ჟურნალისტი თამუნა მუსერიძე სოციალურ ქსელში ემოციურ კადრებს აქვეყნებს, სადაც დედა 52 წლის წინ მოპარულ შვილს პირველად შეხვდა. „52 წლის მერე რომ პოულობ მოპარულ შვილს - ეს ემოცია როგორ უნდა გადმოსცე? “, - წერს თამუნა მუსერიძე. 

საზოგადოება • 1732050038

„ვიდეო რომ დაიდო, შოკში ვიყავი...“ - როგორ გაიგო დამ თამუნა მუსერიძის შესახებ 

პროექტის „ვეძებ“ ავტორი, ჟურნალისტი თამუნა მუსერიძე, სოციალურ ქსელში ავრცელებს ვიდეოს, სადაც რუსუდან ხორავა ჰყვება, თუ რა რეაქცია ჰქონდა, როდესაც გაიგო, რომ და ჰყავდა.„ღამის 2 საათია, შემოდის გიო და მეუბნება: დედა, გაიღვიძე, მუსერიძემ მამა იპოვაო. - იცი, ვინ არისო? - მამაშენიო. წამოვჯექი, ვუყურებ (ვიდეოს) და არ მჯერა. ცოტა ხანი ვერ მოვედი აზრზე, შოკში ვიყავი... მთელი ღამე ვერ დავიძინე, ვბორგავდი, დავდიოდი... მერე იყო ის, რაც იყო - ძალიან სასიამოვნო და კარგი ამბავი. სულ მინდოდა და მყოლოდა", - ამბობს რუსუდან ხორავა.

საზოგადოება • 1731935625

„გადავწყვიტე, ერთხელ და სამუდამოდ წერტილი დამესვა...“ – თამუნა მუსერიძე

ტელეწამყვანმა თამუნა მუსერიძემ გადაცემაში „როგორ გადავრჩი“, ბიოლოგიურ დედასთან შეხვედრის დეტალებზე ისაუბრა.თამუნამ გადაცემაში სტუმრობის ვიდეო სოციალურ ქსელში გააზიარა და დაწერა:„იმდენად დავიღალე სხვადასხვა, გამოგონილი ისტორიების მოსმენით, გადავწყვიტე, ერთხელ და სამუდამოდ წერტილი დამესვა და თავად მომეყოლა ის, რაც მოხდა.ამ საკითხზე არცერთ გადაცემაში აღარ მივალ და არცერთ ჟურნალისტს არ მივცემ ინტერვიუს. გთხოვთ, ყურადღებით წაიკითხეთ და გაიაზრეთ. საკუთარ აზრებს ნუ მოაფრქვევთ“. – წერს თამუნა მუსერიძე.ნახეთ, ვიდეო:

საზოგადოება • 1731790351

„სამარცხვინოა, რომ ჩემი შვილი ხარო...“- თამუნა მუსერიძე დედასთან საუბრის დეტალებზე

თამუნა მუსერიძე დედასთან საუბრის დეტალებს იხსენებს.„შენი გამოჩენიდან დღემდე ვლოცულობდი, რომ ჩემი შვილი არ ყოფილიყავიო. სამარცხვინოა, რომ ჩემი შვილი ხარო. მას რცხვენოდა, რომ შვილი ჰყავდა გაშვილებული. არ არის საქართველოში ადვილი ბავშვი გაჩენა, შემდეგ გაშვილება და გამოაშკარავება. მან იცოდა ჩემს შესახებ, „ფეისბუკზე“ ვყავდი „დაფოლოვებული“, ჩემს პოსტებს აზიარებდა...“, - ამბობს თამუნა მუსერიძე.

საზოგადოება • 1729539942

“ჩემი ბიოლოგიური დედა ჩემს პოსტებს აზიარებდა, მაგრამ არ იცოდა, რომ მისი შვილი ვიყავი...“ - თამუნა მუსერიძე

ჟურნალისტი, თამუნა მუსერიძე, რომელმაც რამდენიმეწლიანი ძებნის შემდეგ ბიოლოგიური მშობლები იპოვა, საზოგადოებას ახალ ვიდეოს უზიარებს:თამუნა მუსერიძე ბიოლოგიურ დედასთან შეხვედრის შემდეგ სოციალურ ქსელში გამომწერების კითხვებს პასუხობს.„მთელი ეს დრო, ბიოლოგიურმა დედამ არ იცოდა, რომ ვეძებდი, ანუ მე რომ ვეძებდი მშობელს იცოდა, მაგრამ მე რომ მისი შვილი ვიყავი ეს არ იცოდა, თუმცა მე „დაფოლოვებული“ ვყავდი და ჩემს პოსტებს აზიარებდა“,- ამბობს თამუნა. ნახეთ, ვიდეო: