მარიტა

რას ნიშნავს ბანკის დასიზმრება - ეზოთერიკოსების და ფსიქოლოგების ახსნა

ფროიდის მიხედვით, სიზმრები გამოხატავენ გაუცნობიერებელ სურვილებსა და კონფლიქტებს. ხოლო, ფსიქოლოგი რეევსონსუს თეორიის მიხედვით, სიზმრები ხშირად არის მეტაფორიული ბრძოლების მოქმედება, რომელიც ადამიანს ეხმარება ემოციურ გამოწვევებთან ჭეშმარიტად გამკლავებაში.ბანკის დასიზმრებაბანკში უსაქმურად მყოფი მოლარეების დასიზმრება ნიშნავს, რომ გელით დანაკარგი, იმედგაცრუება და ჩავარდნა საქმეში.ბანკი ოქროს მონეტების ჩაბარება - გაუფრთხილებლობას, დაკვირვების გარეშე მოქმედებას ნიშნავს; მათი მიღება - დიდი შემოსავლის და აყვავების ნიშანია;სიზმარში ვერცხლისა და ბანკნოტების ნახვა დიდი რაოდენობით - წარმატებას და პატივისცემის მოპოვებას ნიშნავს საზოგადოების ყველა ფენაში.სეიფის დასიზმრებასიზმარში ნანახი სეიფი, მოწმობს თქვენს სასიყვარულო და სამსახურებრივ საქმეებში საიმედოობას. სეიფის გახსნის მცდელობა მიანიშნებს, რომ იმედგაცრუება გელით, გეგმები ჩაგეშლებათ ისე, რომ ვერაფრის რეალიზებას ვერ შეძლებთ.თუ სეიფი გახსენით და ცარიელია - უბედურებაა მოსალოდნელი.

ტაბლოიდი • 1777663827

„მთელს პლანეტაზე საუკეთესოა...“ - მატილდა გვარლიანი ახალ კადრებს აქვეყნებს

მატილდა გვარლიანი პირველი ქართველი მოდელია, რომელმაც Victoria's secret-ის შოუში მიიღო მონაწილეობა. იგი უკვე მსოფლიოს წამყვანი ბრენდების ამბასადორიამატილდა ამჯერად სოციალურ ქსელში ახალ კადრებს გვიზიარებს, რასაც დიდი გამოხმაურება მოჰყვა:„მთელს პლანეტაზე საუკეთესოა“„სიყვარული ხარ მარიტა“ - წერენ კომენტარებში.

მსოფლიო • 1777436192

მეფე ჩარლზი: უკრაინას ჩვენი ურყევი მხარდაჭერა სჭირდება

აშშ-ის კონგრესის წინაშე სიტყვით გამოსვლისას, დიდი ბრიტანეთის მეფე ჩარლზ III-მ ხაზი გაუსვა უკრაინის „გადამწყვეტი მხარდაჭერის“ აუცილებლობას გლობალური არასტაბილურობის ფონზე.მისი თქმით, მსოფლიო დიდი გაურკვევლობის პერიოდს გადის - ევროპიდან ახლო აღმოსავლეთამდე.მონარქი მიიჩნევს, რომ ეს საერთაშორისო თანამეგობრობის წინაშე სერიოზულ გამოწვევებს ქმნის და პირდაპირ გავლენას ახდენს სხვადასხვა ქვეყნის მოქალაქეთა ცხოვრებაზე.„დღეს ეს ურყევი ნებისყოფაა საჭირო უკრაინისა და მისი უმამაცესი ხალხის დასაცავად. ეს აუცილებელია ჭეშმარიტად სამართლიანი და ხანგრძლივი მშვიდობის უზრუნველსაყოფად“, - განაცხადა მან.

ასტროლოგია • 1777409470

ზოდიაქოს 3 ნიშანი, რომლებსაც 2026 წლის მაისში დიდი ცვლილებები ელოდება

ზოდიაქოს სამი ნიშნისათვის 2026 წლის მაისი ისეთი თვე იქნება, რომელიც შეუმჩნევლად ნამდვილად არ ჩაივლის. როგორც ასტროლოგები ამბობენ, მათ წინ სერიოზული ცვლილებები ელით. მოვლენები ერთმანეთს სწრაფად შეცვლის და არასტანდარტული გადაწყვეტილებების მიღებაც მოგიწევთ.მომავალ ფუნდამენტურ ცვლილებებში უკიდურესად მნიშვნელოვანია არა მხოლოდ დაფარული აზრის, არამედ იმ პოტენციალის დანახვა, რომელიც, ნამდვილად დიდი იქნება. ასე რომ, თუ თქვენი ზოდიაქოს ნიშანი ამ სიაში აღმოჩნდა, ძალების მოკრების დრო დადგა - სულ მალე მოგიწევთ იმასთან დამშვიდობება, რაც მუდმივი გეგონათ, რათა თქვენს ცხოვრებაში ადგილი რაღაც ახლისთვის, გამორჩეულისა და ჭეშმარიტად ღირებულისთვის გათავისუფლდეს:ლომილომებისთვის გაბედული ნაბიჯების გადადგმის დრო დადგა. დიახ, სავარაუდოდ, შეგეშინდებათ, თუმცა შედეგი სასიამოვნოდ გაგაოცებთ და გაგახარებთ. ცვლილებები შეეხება როგორც პროფესიულ, ისე პირად სფეროს, სადაც დიდი ხნის განმავლობაში ერთგვარი სტაგნაცია შეინიშნებოდა. შესაძლოა გეჩვენებოდათ, რომ ჭაობში იძირებოდით, მაისი კი სწორედ ის დრო გახდება, როდესაც იქიდან თავის დაღწევას შეძლებთ. თუმცა, გადაწყვეტილებების მიღება დაუყოვნებლივ, ზედმეტი განსჯის გარეშე მოგიწევთ.თუ დიდი ხანია საცხოვრებელი ადგილის შეცვლაზე ფიქრობდით, 2026 წლის გაზაფხულის ბოლო თვეს ამის განხორციელებას გასაოცარი სიმსუბუქით შეძლებთ. იგივე ეხება სამსახურის შეცვლას, ხელფასის მატებას (დიახ, თქვენს პერსპექტივებზე ხელმძღვანელობასთან საუბარი სწორედ ახლა გმართებთ) და ურთიერთობებში იმგვარ ცვლილებებს, რომლებიც თქვენს კეთილდღეობას ემსახურება. ახლა მნიშვნელოვანია, რისკზე წასვლის არ შეგეშინდეთ, რადგან ამის გარეშე მიზნების მიღწევას ვერ შეძლებთ. მშვილდოსანირაც შეეხება მშვილდოსნის ნიშნის წარმომადგენლებს, სერიოზული ცვლილებები მათ პირად ცხოვრებაზე აისახება. შესაძლოა, ამჟამინდელ პარტნიორთან ურთიერთობის ღირებულ კავშირად გადაქცევის მცდელობებში ხართ ჩაფლული, თუმცა თქვენი ძალისხმევა სწრაფად იმსხვრევა. თუ ეს ასეა, მომხდარისადმი თქვენი დამოკიდებულების გადახედვის დრო დადგა.განშორება ყოველთვის რთულია, თუმცა ზოგჯერ ეს აუცილებელია. ხდება ისე, რომ ადამიანები ცხოვრების გარკვეულ ეტაპზე ერთმანეთს შეეფერებიან, შემდეგ კი მათი გზები უნდა გაიყაროს და ეს ბუნებრივი მოვლენაა. გადაწყვეტილების მიღებისას ნუ იჩქარებთ, ყველაფერი კარგად მოიფიქრეთ. თქვენს შემთხვევაში ზედმეტმა სიჩქარემ, რომლითაც ისედაც ცნობილი ხართ, შესაძლოა სავალალო შედეგები გამოიწვიოს.ზოგიერთ მშვილდოსანს ურთიერთობის სიმტკიცის გამოცდა ელის. თუმცა, ნებისმიერ შემთხვევაში, ეს თვე ცხადად გაჩვენებთ, ვისთან უნდა დარჩეთ და რაზე უნდა თქვათ საბოლოოდ უარი...ვრცლად

საზოგადოება • 1777010733

"ბოლოს ნუგეშის სიტყვა დაუტოვებია..." - მოგონებები მამა ვიტალის შესახებ

1992 წელს, როცა საქართველოში ძმა ძმას ტყვიას ესროდა, როცა ცოდვა იყო გამრავლებული და მადლი - არ გარდამეტებული, თბილისში ერთმა სქემარქიმანდრიტმა დიდი ღვაწლი აიღო: მთელ დღეებს მდუმარებასა და ლოცვაში ატარებდა, ისედაც მცირედი საკვების მიმღები პურსა და წყალზე გადავიდა, ხოლო როცა მოსაღამოვდებოდა, ანთებდა უამრავ სანთელს, მუხლს მოიდრეკდა ცივ ქვაზე, რომელიც საგანგებოდ ლოცვისათვის შეეტანა სენაკში და უფალს ავედრებდა საქართველოს, შესთხოვდა, სიმშვიდის სული გარდამოევლინა ქართველთა ზედა. იგი არ გახლდათ ხორციელი ნათესავი ქართლოსიანთა, რუსი იყო, მაგრამ ჭეშმარიტად დიდი მოყვასი ივერიისა.მამა ვიტალი (სიდორენკო) კრასნოდარის მხარეში დაიბადა 1928 წელს. როცა მისი დედა, ალექსანდრა (შემდგომში - მონაზონი ანდრონიკა), ორსულად იყო მასზე, უფალს ევედრებოდა: „ღმერთო, ისეთი შვილი მომეცი, შენც სათნო გეყოს და ხალხსაცო“. ერთხელ ძილში ორი მზე უხილავს და ხმაც გაუგია: „ერთი მზე შენს წიაღშიაო“. დაიბადა ყრმა. მერვე დღეს, ტაძრად მიყვანისას, მოძღვარმა, წესისამებრ, საკურთხეველში შეიყვანა იგი. საოცარი მადლი გარდამოვიდა ჩვილისგან. შეშინებულმა მოძღვარმა ბავშვი წმიდა ტრაპეზზე დააწვინა, მერე კი, გონს რომ მოვიდა, მშობლებს დაუბრუნა და უთხრა, დიდი ადამიანი გახდებაო. გადმოგვცემენ, ნათლობისას ყრმა ემბაზში ფეხზე იდგა და იღიმებოდაო, ხორცის ჭამა სულ პატარას აღუკრძალავს, ხოლო ოთხშაბათ-პარასკევს რძესაც არ აკარებდა პირს. კითხვა რომ უსწავლია, მისი საყვარელი წიგნი წმინდა სახარება გამხდარა. ზარების რეკას რომ გაიგებდა, სამუშაოს მიატოვებდა და ტაძრისკენ გარბოდა.მეშვიდე კლასში ყოფილა. ნეკრასოვის „რკინიგზის“ წაკითხვა უთხოვიათ, მას კი ასე წაუკითხავს: „სამყაროს მართავს მეფე დაუნდობელი. ეს მეფე სტალინიაო“. მის რელიგიურ „დანაშაულს“ პოლიტიკურიც მიემატა და სკოლიდან გარიცხეს.16 წლის ვიტალიმ საბჭოთა პასპორტი დახია, რადგან მხოლოდ ზეცის მოქალაქეობა სურდა. ბერობის სურვილი მტკიცედ ჩაწვნოდა სულში.ერთხანს წმიდა სერგის ლავრაში ცხოვრობდა, ომის შემდეგ რომ გაიხსნა, მაგრამ იქ მისი უსაბუთოდ გაჩერება არ მოხერხდებოდა, ამიტომ მამებმა გლინის უდაბნოში წასვლა ურჩიეს. იმხანად იქ დიდი მამები სერაფიმე რომანცევი, სერაფიმე ამელინი, ანდრონიკე ლუკაში და სხვანი მოღვაწეობდნენ. მათგან ისწავლა ვიტალიმ სიმდაბლე, მორჩილება, ღვთისა და მოყვასის სიყვარული. „რაში ჩანს სულიერი წარმატება? - სიმდაბლეში. ვინც რარიგად დამდაბლდება, ისევე წარემატება სულიერად“, - ასწავლიდა მამა ანდრონიკე და ვიტალიც საქმით აღასრულებდა. მერე და მერე მისი გლინის უდაბნოში დამალვაც გაჭირდა და მოძღვრის კურთხევით ტაგანროგში გადავიდა. იქ გარს შემოიკრიბა მორწმუნენი, რომლებიც მერე მისი სულიერი შვილები გახდნენ. მათთან ერთად ფეხით მოივლიდა და მოილოცავდა ხოლმე რუსეთის სიწმინდეებს. ხშირად იჭერდნენ, სცემდნენ, შეურაცხყოფნენ. ამ შეჭირვებაში ტუბერკულოზი დამართნია. საავადმყოფოში ღამღამობით წამოდგებოდა თურმე და მძიმე ავადმყოფებისთვის ლოცულობდა, მის გვერდით რომ იწვნენ.მოხდა სასწაული - ვიტალი გადარჩა.ხრუშჩოვის პერიოდი იდგა. ჩანდა, გლინის უდაბნოს მალე დახურავდნენ, ამიტომ მამებმა ვიტალი ბერად აღკვეცეს და აფხაზეთის მთებში გაუშვეს. იმხანად იქ მრავალი ბერი მოღვაწეობდა. ძალზე შეუყვარდათ ძმებს ვიტალი, მაგრამო, - ამბობდნენ მასზე - ერთი ნაკლი აქვს - ყველაფრის გაცემა უყვარსო. ეს იყო ის „ნაკლი“, სიცოცხლის ბოლომდე რომ არ მოსცილებია.ისეთ სიმდაბლეს მიაღწია, ყველაფრისთვის უღირსად მიიჩნევდა თავს, ამიტომ საჭმელს, სასმელს, საწოლს, სამოსს ყველაზე უბრალოსა და შეურაცხს ეტანებოდა.დიდი იყო ძმათა მიმართ მისი სიყვარულიც. ერთხელ ერთ ძმას, ძალზე მოშორებით რომ ცხოვრობდა, პურის გამოცხობა უთხოვია. მამა ვიტალის პური გამოუცხვია, მაგრამ ფეხსაცმელი ვერ უპოვია - ძმებს ჩაეცვათ და სოფელში წასულიყვნენ საქმეზე. ფეხები ნავთით დაუზელია და რამდენიმე კილომეტრი ქვიანი და თოვლიანი გზა ფეხით გაუვლია. მაგრამ ძმას უუკადრისებია მისი მიტანილი პური. მამა ვიტალი ხმაამოუღებლად დაბრუნებულა უკან. თანამესენაკენი აღშფოთდნენ თურმე: „აღარ მიხვიდე მასთანო“. „ჩემს მამებს ასე არ უსწავლებიათო“, - მიუგია. მთებში უკვე სახიფათო იყო დარჩენა - მილიციამ რამდენჯერმე დაარბია იქაურობა. ბერებმა აკურთხეს მამა ვიტალი და ისიც თბილისში გადმოვიდა საცხოვრებლად, სადაც იმხანად მიტროპოლიტი ზინობი მაჟუგა მოღვაწეობდა (მეუფე ზინობის აღკვეცილია ბერად უწმიდესი და უნეტარესი, პატრიარქი ილია II). ვიტალიმ ალექსანდრე ნეველის ტაძარში დაიწყო მსახურება. 1976 წელს მღვლად აკურთხეს. თუმცა არ უნდოდა, მაგრამ მეუფე ზინობის კურთხევით მოიხსნა ჯაჭვები, რომელსაც ჩვიდმეტი წელი ფარულად ატარებდა და მოძღვრობის ჯვარი აღიღო.გაძნელდა მისი უსაბუთოდ დაფარვა: „აირჩიე - ან ციხე, ან პასპორტიო“. რა იყო მისთვის ციხე, მაგრამ მოყვასის სიყვარულმა სძლია...დიდუბეში, ერთ პატარა ქოხში დასახლდა. მიტროპოლიტ ზინობის კურთხევით, შეეძლო აქვე შეეწირა უსისხლო მსხვერპლი ან მონაზვნები აღეკვეცა. მალე მისი სახლი მონასტრად იქცა.საქართველოს სიყვარული მამა ვიტალის მეუფე ზინობისგან გადაედო - გარდაცვალების წინ უხმო და აკურთხა თურმე, უწმინდესის გვერდით ყოფილიყო და არასოდეს დაეტოვებინა საქართველო...ძალზე ჰყვარებია მამა ვიტალის ქართული ღვთისმსახურება, გალობა, დიდად აფასებდა თურმე ქართველ წმინდანებს. დიდი სინოდიკი ჰქონია და ყოველ წირვას ქართველების მოხსენიებით იწყებდა, რუსებს კი ამის მერეღა მოიხსენიებდა ხოლმე. ძალზე უხაროდა საქართველოში რწმენის აღორძინება, „რუსეთს კი სძინავსო“, - იტყოდა სინანულით. მისთვის საქართველო ყოველთვის „წმინდა ივერია“ იყო.ბოლოს ნუგეშის სიტყვა დაუტოვებია: „მოდით ჩემს საფლავთან, თქვენს გასაჭირზე მომიყევით, როგორც ცოცხალს და დაგეხმარებითო“, - ამიტომაც არის, რომ ალექსანდრე ნეველის ტაძრის ეზოში, საკურთხევლის წინ, მის საფლავზე არასოდეს წყდება მლოცველთა დენა. ისიც მრავალს შეეწევა, მრავალსაც გამოცხადებია და ნუგეში უცია. ერთ ეპისკოპოსს ეჭვი შეჰპარვია, ნუთუ მართლა ასეთი მოღვაწეაო, და ზეცაში, იოანე ნათლისმცემელსა და სერაფიმე საროველთან ერთად უფლის ტრაპეზის წინ მომსახურე უხილავს.წიგნის „მამა ვიტალის ცხოვრების“ მიხედვითჟურნალი „კარიბჭე“, №11, 2004 წ.***მამა ვიტალი სიდორენკოს რჩევა, ლოცვითი კანონის შესახებ:„დილით სახლიდან გასვლის წინ წავიკითხოთ 26-ე, 50-ე და 90-ე ფსალმუნები, მათ შორის კი დასაწყისში და დასასრულს წარმოვთქვათ – „ღვთისმშობელო ქალწულო, გიხაროდენ…“.„თუნდაც ახლოს ყუმბარა აფეთქდეს, ტყვია გავარდეს ან ხანძარი გაჩნდეს,- ვერანაირი უბედურება შენ ვერ შეგეხება…"

პოლიტიკა • 1776937629

გიორგი სოსიაშვილი ივანე ჯავახიშვილის 150 წლისადმი მიძღვნილ საიუბილეო ღონისძიებაზე სიტყვით გამოვიდა

თბილისის სახელმწიფო უნივერსიტეტში ივანე ჯავახიშვილის 150 წლისადმი მიძღვნილი საიუბილეო ღონისძიება გაიმართა.ღონისძიებაზე მისასალმებელი სიტყვით წარსდგა პარლამენტის განათლების, მეცნიერებისა და ახალგაზრდულ საქმეთა კომიტეტის თავმჯდომარის მოადგილე გიორგი სოსიაშვილი. „გილოცავთ ჩვენი სათაყვანებელი მამულიშვილის, დიდი ივანე ჯავახიშვილის დღეს. ეს გასაოცარი დღეა, ზეიმია თითოეული ქართველისთვის. ივანე ჯავახიშვილმა ილია ჭავჭავაძის სულიერი მემკვიდრეობა გადაიბარა. ილიამ შექმნა საქართველო, ხოლო ამ ახალ საქართველოს ივანე ჯავახიშვილმა მეცნიერული სული, სუნთქვა შთაბერა. გავიხსენოთ მისი სიტყვები - „საჭიროა ხალხმა იცოდეს ჭეშმარიტი ისტორია და არა გაზვიადებული ყალბი ამბები“. ეს მიანიშნებდა, რომ ის საქართველოს ისტორიის ახალი მესაძირკვლე ხდებოდა და მართლაც, ის ჩვენი ისტორიოგრაფიის პატრიარქი გახდა. ივანე ჯავახიშვილი ჭეშმარიტად მარტვილი იყო. მან მოწამეობრივი გზა გაიარა, წარმოუდგენლად დიდი წნეხის მიუხედავად, თავისი წილი ჯვარი ღირსეულად ზიდა და ბოლომდე მიიყვანა თავისი საქმე“, - განაცხადა განათლების, მეცნიერებისა და ახალგაზრდულ საქმეთა კომიტეტის თავმჯდომარის მოადგილემ.გიორგი სოსიაშვილმა ღონისძიებაზე დამსწრე საზოგადოებას, განათლების, მეცნიერებისა და ახალგაზრდულ საქმეთა კომიტეტის სახელით, ივანე ჯავახიშვილის დაბადებიდან 150 წლის იუბილე მიულოცა და წარმატებები უსურვა.დიდი ქართველი ისტორიკოსისა და საზოგადო მოღვაწის, თბილისის სახელმწიფო უნივერსიტეტის დამაარსებლის ივანე ჯავახიშვილის 150 წლისადმი მიძღვნილ საიუბილეო ღონისძიებაზე სიტყვით უნივერსიტეტის რექტორი ჯაბა სამუშია, განათლების, მეცნიერებისა და ახალგაზრდობის მინისტრი გივი მიქანაძე, საპატრიარქო ტახტის მოსაყდრე მეუფე შიო, საგანმანათლებლო და სამეცნიერო სფეროს წარმომადგენლები წარსდგნენ.

საზოგადოება • 1776583145

მორწმუნეები მას განსაცდელის, სულიერი და ხორციელი უძლურების დროს იღებენ... - რა რიტუალი სრულდება ტაძრებში კვირაცხოვლობას

აღდგომის ბრწყინვალე შვიდეული გვირგვინდება კვირიაკით, რომელსაც ეწოდება კვირაცხოვლობა, ანუ ახალი კვირა, იგივე აღდგომის განახლება. ამ დღიდან მოყოლებული, ყოველი კვირა დღე აღდგომის დღესასწაულია.იცვლება მისალმების წესიც: აღდგომიდან 40 დღის განმავლობაში ქრისტიანები შეხვედრისას „გამარჯობის“ ნაცვლად ერთმანეთს ახარებენ: „ქრისტე აღსდგა“ — „ჭეშმარიტად!“ „ჭეშმარიტად აღსდგა!“ „ჭეშმარიტად აღსდგა ქრისტე!“კვირაცხოვლობას ტაძრებში დაჭრილი არტოსი – საგანგებოდ გამომცხვარი პური რიგდება, რომელიც აღდგომის დღიდან მთელი ბრწყინვალე შვიდეულის მანძილზე ეკლესიებში კანკელის წინ პატარა მაგიდაზე დევს და დიდი მადლით იმოსება. მორწმუნეები მას განსაცდელისას, სულიერი და ხორციელი უძლურების დროს იღებენ.

პოლიტიკა • 1776514287

„ქართული ოცნების“ ახალგაზრდული ორგანიზაციის რეგიონული კონფერენციები აქტიურ ფაზაში მიმდინარეობს. ფოტოგალერია

„ქართული ოცნების“ ახალგაზრდული ორგანიზაციის რეგიონული კონფერენციები აქტიურ ფაზაში მიმდინარეობს.სასტუმრო „პარაგრაფში“ რიგით მესამე კონფერენცია გურიის რეგიონის ახალგაზრდებთან გაიმართა. შეხვედრას ცოტნე ივანიშვილი დაესწრო, რომელმაც ახალგაზრდებს საკუთარი ხედვები გაუზიარა და მათ მიერ დასმულ კითხვებს უპასუხა.„ქართული ოცნების“ ახალგაზრდული ორგანიზაციის ხელმძღვანელმა, ვარლამ ლიპარტელიანმა და გამგეობის წევრებმა გურიის ახალგაზრდებთან შეხვედრისას სტუდენტებთან ერთად მათთვის საინტერესო და აქტუალურ თემებზე იმსჯელეს.კონფერენცია კითხვა-პასუხის რეჟიმში წარიმართა. სტუდენტებს შესაძლებლობა ჰქონდათ, დაესვათ კითხვები, რომლებზეც შესაბამისი პასუხები მიიღეს. შეხვედრაზე განსაკუთრებული ყურადღება გამახვილდა ქვეყანაში მიმდინარე პროცესებზე, განათლებაზე, დასაქმებაზე და რეგიონში არსებულ გამოწვევებსა თუ საჭიროებებზე.„ყველას გვტკივა, მე პირადად ძალიან განვიცდი ამ ფაქტებს, რა თქმა უნდა, ვგმობ ძალადობას და ჩემი აზრით, ეს ყველაფერი ასე არ უნდა მომხდარიყო. მგონია, რომ პოლარიზაციიდან საუკეთესო გამოსავალი არის დისკუსია. თუ ორი ადამიანი ჭეშმარიტად ზრუნავს თავის სამშობლოზე, როგორც არ უნდა განსხვავდებოდეს მათი აზრი, ჩემი აზრით, საუბარს, დისკუსიას, დებატს, უკვე ძალიან ბევრი კარგის მოცემა შეუძლია. არასწორია, ადამიანი განსაჯო მისი თეზისიდან გამომდინარე და არა მისი არგუმენტიდან გამომდინარე. ეს შეხვედრაც ემსახურება იმას, რომ მეტი საუბარი არსებობდეს ახალგაზრდებს შორის. დარწმუნებული ვარ, რომ სამშობლოს სიყვარული ძალიან ბევრს აერთიანებს ჩვენს ქვეყანაში და შესაბამისად, მოვახერხებთ იმას, რომ მეტი საუბარი დაინერგოს და ეს პოლარიზაცია ჩანაცვლდეს დებატით, რომელიც მიმაჩნია უალტერნატივოდ. ძალიან მიხარია დღესაც აქ ყოფნა, მიხარია, რომ მოგვეცა იდეების გაცვლის შანსი და ძალიან დიდი იმედი მაქვს, რომ მეტი მსგავსი ტიპის შეხვედრა ჩატარდება, ეს იქნება "ქართული ოცნების" თუ ნებისმიერი სხვა ახალგაზრდების მხრიდან. ძალიან დიდი იმედი მაქვს, რომ დიალოგი გახშირდება ჩვენს ქვეყანაში და შესაბამისად, ოპტიმისტურად ვუყურებ ამ ყველაფერს, იმიტომ, რომ მგონია, დებატი, დისკუსია, ნამდვილად კარგი გამოსავალია პოლარიზაციის, რომელიც ხელოვნურად არის შექმნილი“- ცოტნე ივანიშვილი.„შეხვედრის მიზანია მეტი კომუნიკაცია იყოს ახალგაზრდებთან, რადგან მათი როლი უმნიშვნელოვანესია ჩვენი ქვეყნის განვითარებაში და წინსვლაში”- ვარლამ ლიპარტელიანი.„გურიაში დიდი ყურადღება ექცევა ახალგაზრდული, სპორტული და საგანმანათლებლო პროექტების განხორციელებას. დღევანდელი შეხვედრაც სწორედ იგივე სულისკვეთების გაგრძელება იქნება, რომ დღევანდელ შეხვედრაზე მოსმენილი იდეები სამუშაო რეჟიმში გადავა“- მარიამ გრიგოლიშვილი.„იზრდება ინტერესი ჩვენი კონფერენციების მიმართ, რაც გულისხმობს იმას, რომ ჩვენს მიმართ ახალგაზრდებში იზრდება ნდობა და თანამშრომლობის სურვილი“- თეკლა თიკანაშვილი.„ქართული ოცნების“ ახალგაზრდული ორგანიზაციის შეხვედრები რეგიონებში 28 მარტს დაიწყო. გურიის გარდა, შეხვედრები გაიმართა სამეგრელო-ზემო სვანეთსა და აჭარაში.ახალგაზრდული ორგანიზაციის შეხვედრები 2-3 თვის განმავლობაში გაგრძელდება, რაც საქართველოს 10 რეგიონს მოიცავს. ორგანიზაციის წარმომადგენლები სტუდენტებს თითოეული მუნიციპალიტეტის ცენტრალურ ქალაქებში შეხვდებიან.ინფორმაციას „ქართული ოცნების“ ახალგაზრდული ორგანიზაცია ავრცელებს.

პოლიტიკა • 1776500880

ცოტნე ივანიშვილი: თუ ორი ადამიანი ჭეშმარიტად ზრუნავს თავის სამშობლოზე, როგორც არ უნდა განსხვავდებოდეს მათი აზრი, საუბარს, დისკუსიას, დებატს, უკვე ძალიან ბევრი კარგის მოცემა შეუძლია, როდესაც პირიქით - ადამიანს ქვეყანაში მომხდარი ცუდი მოვლენა ახარებს და ქვეყნის კარგი აუბედურებს, ასეთ ადამიანთან საუბარს, სამწუხაროდ, აზრი არ აქვს

ძალადობაზე საუბრით მინდა დავიწყო. ჩემი აზრით, ყველას გვტკივა, მე პირადად ძალიან განვიცდი ამ ფაქტებს, რა თქმა უნდა, ვგმობ ძალადობას და ჩემი აზრით, ეს ყველაფერი ასე არ უნდა მომხდარიყო, - განაცხადა ცოტნე ივანიშვილმა, „ქართული ოცნების“ ახალგაზრდული ორგანიზაციის კონფერენციაზე, სადაც უპასუხა ერთ-ერთი დამსწრე ახალგაზრდის შეკითხვას, ძალადობრივი აქციების შედეგად დაკავებული "პოლიტპატიმრებისა და სინდისის პატიმრების" შესახებ. რაც შეეხება პოლარიზაციას, ცოტნე ივანიშვილის თქმით, საუკეთესო გამოსავალია დისკუსია, დებატი და განსხვავებული აზრის მოსმენა. თუმცა, მისივე განცხადებით, მნიშვნელოვანია, რომ დებატში მონაწილე მეორე მხარესთან გვაერთიანებდეს სამშობლოს რეალური სიყვარული, სხვა შემთხვევაში კი, როდესაც ადამიანს საქართველოს ცუდი ახარებს და კარგი აუბედურებს, მასთან დისკუსიას აზრი არ აქვს."მგონია, რომ პოლარიზაციის საუკეთესო გამოსავალი არის დისკუსია, დებატი და ერთმანეთის განსხვავებული აზრის მოსმენა, მაგრამ, ძალიან მნიშვნელოვანია, რომ იმ ადამიანს, რომელსაც ვესაუბრებით, ანუ მეორე მხარეს, გვაერთიანებდეს ერთი საერთო პოსტულატი, ერთი საერთო ღირებულება, რომელსაც, ჩემი აზრით, სამშობლოს რეალური სიყვარული ჰქვია. თუ ორი ადამიანი ჭეშმარიტად ზრუნავს თავის სამშობლოზე, როგორც არ უნდა განსხვავდებოდეს მათი აზრი, ჩემი აზრით, საუბარს, დისკუსიას, დებატს, უკვე ძალიან ბევრი კარგის მოცემა შეუძლია. როდესაც პირიქით - ადამიანს ქვეყანაში მომხდარი ცუდი მოვლენა ახარებს და ქვეყნის კარგი აუბედურებს, ასეთ ადამიანთან საუბარს, სამწუხაროდ, აზრი არ აქვს.აქედან გამომდინარე, თუ გვაერთიანებს ის საერთო ღირებულება - ჩვენი საყვარელი საქართველოს, სამშობლოს სიყვარული, ძალიან სამწუხაროდ მიმაჩნია, რომ დისკუსია ან დებატი, რომელიც შეიძლება დაწყებულიც არ იყოს, დასრულდეს "ქოცი", "რუსი", "აკაცუკი", "ნაცის" ძახილით, ერთმანეთის არგუმენტის მოსმენის, ლოგიკური ჯაჭვის ჩამოყალიბების ნაცვლად. ჩემი აზრით, არასწორია, ადამიანი განსაჯო მისი თეზისიდან გამომდინარე და არა მისი არგუმენტიდან გამომდინარე, ისევე როგორც, არ უნდა გააკრიტიკო წიგნი, რომელიც არ გაქვს წაკითხული. შესაბამისად, მე პირადად, ამ თემას საკმაოდ ოპტიმისტურად ვუყურებ იქიდან გამომდინარე, რომ თუნდაც ეს შეხვედრაც ემსახურება იმას, რომ მეტი საუბარი არსებობდეს ახალგაზრდებს შორის. დარწმუნებული ვარ, რომ სამშობლოს სიყვარული ძალიან ბევრს აერთიანებს ჩვენს ქვეყანაში და შესაბამისად, მოვახერხებთ იმას, რომ მეტი საუბარი დაინერგოს და ეს პოლარიზაცია, რომელიც არის ხელოვნურად შექმნილი, ჩანაცვლდეს დებატით, რომელიც მიმაჩნია უალტერნატივოდ.ძალიან მიხარია დღესაც აქ ყოფნა, მიხარია, რომ მოგვეცა იდეების გაცვლის შანსი და ძალიან დიდი იმედი მაქვს, რომ მეტი მსგავსი ტიპის შეხვედრა, საუბარი ჩატარდება,ეს იქნება "ქართული ოცნების" თუ ნებისმიერი სხვა ახალგაზრდების მხრიდან. ძალიან დიდი იმედი მაქვს, რომ დიალოგი გახშირდება ჩვენს ქვეყანაში და შესაბამისად, ოპტიმისტურად ვუყურებ ამ ყველაფერს, იმიტომ, რომ მგონია, დებატი, დისკუსია, ნამდვილად კარგი გამოსავალია პოლარიზაციის, რომელიც არის ხელოვნურად შექმნილი," - განაცხადა ცოტნე ივანიშვილმა შეკვეთილში მიმდინარე კონფერენციაზე.

პოლიტიკა • 1776426809

სვიმონ ჯანგულაშვილი: 40-მდე ვერ მოიცადეს ნაცისტებმა, ლორწოვანი იუდა გამოაჭენეს „ბრძოლის ველზე“. თქვენ მოკალით პატრიარქი, ასე ეთერებში გეჯდათ ცაავა და მისი სექტანტები და პატრიარქს ცილს სწამებდით

ყველა, ვინც მუშაობთ „მთავარ“, „ტვ-პირველ“ და „ფორმულა“ კანალიზაციებში, მორალურად დამნაშავენი ხართ ჩვენი პატრიარქის წინაშე, - წერს სამების საკათედრო ტაძრის მგალობელთა გუნდის რეგენტი სვიმონ ჯანგულაშვილი სოციალურ ქსელში.„40-მდე ვერ მოიცადეს ნაცისტებმა, მათმა სიბინძურის ღამის ქოთანმა „მედია-ვარსკვლავებმა“ და კვლავ ეს ლორწოვანი იუდა გამოაჭენეს „ბრძოლის ველზე“… ნანუკა ჟორჟოლიანი - ოლეებისა და აკაცუკების ბინძური, პერვერტი დედა აპიარებს ამ საზიზღარს.ყველა, ვინც მუშაობთ „მთავარ“, „ტვ-პირველ“ და „ფორმულა“ კანალიზაციებში, მორალურად დამნაშავენი ხართ ჩვენი პატრიარქის წინაშე! თქვენ გატეხეთ მისი ჯანმრთელობა! თქვენ მოკალით პატრიარქი სწორედ იმით, რომ 9 წლის მანძილზე, ასე ეთერებში გეჯდათ ცაავა და მისი სექტანტები და პატრიარქს ცილს სწამებდით. არაფერს ამბობდა, მაგრამ, მოტყდა და დაუძლურდა. მკვლელები ხართ, ნაცებო! მკვლელები და პატრიარქისა და ეკლესიის მტრები! ქართველმა ერმა არ მიიღო თქვენი ცილისწამება და პროპაგანდა და დაკრძალვის დღეებში გაჩუმდით შეშინებულები. და ეხლა ისევ დაიწყეთ!იფიქრეთ, რამხელა წყევლისა და ბოროტების ქვეშ აყენებთ თქვენს დამპალ სულებს და საბრალო შთამომავლობას! ღმერთი არსებობს!P.s. გაგიჟდები კაცი. ჭეშმარიტად, ბოროტება საკუთარ თავს ანადგურებს და „მით ოხერია“. ასე რომ აფურთხებენ ქართველ ერს სულში, ამის გამო აგებენ მუდამ და მაინც არ ეშვებიან ერთი და იგივე ბოროტების კეთებას - პატრიარქის, ეკლესიის მტრობას. და ერის დიდი შვილების მტრობას - თამარიდან დღემდე, რობერტ სტურუამდე, ყველას ლანძღავენ, ღვინოში აფსამენ, ათას სიგიჟეს აკეთებენ და მერე - არჩევნები გაყალბდაო…ბოროტები“, - წერს ჯანგულაშვილი.

პოლიტიკა • 1776415336

შალვა პაპუაშვილი: სამწუხაროა, რომ პატრიარქის მაგინებლებს აძლევენ პლატფორმას, ვერაფერს სწავლობს „ნაცმოძრაობა“, ისევ ისეთ ბოროტ ძალად რჩება, რომელიც ებრძვის ყველაფერს ქართულს

ძალიან სამწუხაროა, რომ პატრიარქის მაგინებლებს აძლევენ პლატფორმას, რათა გავრცელდეს მათი მოსაზრებები, – ამის შესახებ საქართველოს პარლამენტის თავმჯდომარემ, შალვა პაპუაშვილმა განაცხადა.პაპუაშვილს კითხვა დაუსვეს ჭყონდიდის ყოფილ მიტროპოლიტ პეტრე ცაავას მიერ საქართველოს კათოლიკოს-პატრიარქის, ილია მეორის კრიტიკის შესახებ.როგორც პაპუაშვილმა აღნიშნა, ის, ვინც ამ სამარცხვინო საქციელში იყო ჩართული, ვინც ასეთ ადამიანებს აძლევს ტრიბუნას, ორივე თანაბრად არიან არა მხოლოდ ქართული ეკლესიის მტრები, არამედ ქართული საზოგადოების მტრები.„სამწუხაროა, რომ ჩვენ ვხედავთ ზუსტად იგივე ხალხს, არაფერი ახალი არ არის, პეტრე ცაავა ნანუკა ჟორჟოლიანთან იყო ხომ, ერთიც და მეორეც იყვნენ „ნაციონალური მოძრაობის“ ტელევიზიის ჟურნალისტი თუ რესპონდენტი. ტელევიზიაში რაც მაშინ ხდებოდა, ახლა გადაიტანეს სოცმედიის არხებზე. არაფერი შეცვლილა, ვერაფერს სწავლობს „ნაცმოძრაობა“, რა ბოროტი ძალაც იყო ხელისუფლებაში და ოპოზიციაში, ისევ ისეთ ბოროტ ძალად რჩება, რომელიც ებრძვის ყველაფერს ქართულს, ყველანაირ ღირებულებას, რომელსაც ჩვენი, ქართული ღირებულება ჰქვია. ევროპული ღირებულებების დროშით, რომელსაც თვითონაც ვერ ხსნიან, რას გულისხმობენ ამ ევროპულ ღირებულებებში, ცდილობენ, ჩაანაცვლონ ქართული ღირებულებები. არადა, საქმე პირიქით არის, სწორედ ქართული ღირებულებაა ჭეშმარიტად ევროპული ღირებულება. ვინც ქართულ ღირებულებებს სცდება, ის სცდება ევროპულ ღირებულებებსაც. ეს კიდევ ერთი ლუსტრაციაა, რომ ნირს არ შეიცვლის „ნაცმოძრაობის“ არცერთი წევრი თუ აპოლოგეტი“, – განაცხადა პაპუაშვილმა.

ტაბლოიდი • 1776361571

„არაამქვეყნიური და რაღაცნაირი მარიტასეული სილამაზის გოგო იყო…“ – ილიკო სუხიშვილის მეუღლეს 46 წელი შეუსრულდებოდა

იტალიაში მცხოვრები ქართველი ჟურნალისტი, ნინა მამუკაზე-სორდინი ილიკო სუხიშვილისა და მისი მეუღლის, გვანცა შერგელაშვილის შესახებ ვრცელ სტატუსს აქვეყნებს. გვანცა, სამწუხაროდ, ვენესუელაში მოკლეს, სადაც სუხიშვილების ანსამბლი გასტროლებზე იმყოფებოდა…„უნივერსიტეტის ანსამბლში ვცეკვავდი, ნელი ხაჟომიასთან, 1998/2000 წლები იქნებოდა, გვანცა სოლისტი იყო. თითქოს არაამქვეყნიური და რაღაცნაირი მარიტასეული სილამაზის გოგო იყო. რეპეტიციებზე, თუ არ ვცეკვავდი, თვალმოუშორებლად ვუყურებდი. სილამაზის გარდა, საოცრადაც ცეკვავდა.მისაღები გამოცდების გამო, დრო აღარ მქონდა და ცეკვას თავი დავანებე. რაღაც პერიოდის მერე გავიგე ეს ტრაგიკული და დაუჯერებელი ამბავი.რატომ გამახსენდა გვანცა ახლა და ეს ტექსტი ვნახე ფეიჯზე “სიმართლე”:“რამდენიმე დღის წინ, ანსამბლ „სუხიშვილების“ მოცეკვავეს, ანსამბლის სამხატვრო ხელმძღვანელის, ილიკო სუხიშვილის მეუღლეს, გვანცა შერგელაშვილს, რომელიც 2001 წელს, ვენესუელაში, ბრმა ტყვიას ემსხვერპლა, 46 წელი შეუსრულდებოდა.გვანცა შერგელაშვილის დაბადების დღის თარიღს მისი მეგობრები და ოჯახის წევრები გამოეხმაურნენ და გვანცას საჯაროდ, სოციალურ ქსელში არაერთი პოსტი მიუძღვნეს.აღნიშნულ თარიღთან დაკავშირებით, გვანცას მეგობარმა, ანი მერკვილაძემ სოციალურ ქსელში გამოაქვეყნა გარდაცვლილი მეგობრის ფოტო ტექსტით: „ჩემი გვანცა. ძალიან გვენატრები“.ცნობისათვის, ტრაგიკული შემთხვევა 2001 წლის აგვისტოში მოხდა – ანსამბლი „სუხიშვილები“ გასტროლზე ვენესუელაში იმყოფებოდა.შემთხვევა მაშინ მოხდა, როდესაც გვანცა, ილიკო და მათი ორი მეგობარი კონცერტიდან სასტუმროში დაბრუნდნენ, მოგვიანებით კი სასტუმროდან თამბაქოს საყიდლად ახლომდებარე კაფეში წავიდნენ.მათ გზად თავს სამი მძარცველი დაესხათ. მძარცველებმა სამჯერ ისროლეს. ტყვია გვანცას მოხვდა, ის საავადმყოფოში გადაიყვანეს, თუმცა, კლინიკაში მიყვანიდან რამდენიმე წუთში გვანცა გარდაიცვალა.”,- წერს ჟურნალისტი.