ვის (არ) გაუმართლებს ნოემბერში - პროგნოზი ზოდიაქოს ყველა ნიშნისთვის

ნოემბერი ზოდიაქოს ნიშნებისთვის ცვლილებების, ურთიერთობების გადაფასებისა და ახალი შესაძლებლობების თვე იქნება - ასეთია უცხოურ ასტროლოგიურ გამოცემებში გამოქვეყნებული პროგნოზების საერთო გზავნილი.

თვის პირველ ნახევარში ყურადღება გამახვილებულია კომუნიკაციასა და პირად ურთიერთობებზე, მეორე ნახევარში კი - გეგმების განხორციელებასა და პრაქტიკულ საკითხებზე.

გამოცემა The Old Farmer’s Almanac ნოემბრის პროგნოზში აღნიშნავს, რომ მერკურისა და ვენერას უკუსვლის დასრულება თვის შუა რიცხვებში კომუნიკაციისა და ურთიერთობების დალაგებას შეუწყობს ხელს, ხოლო 22 ნოემბრიდან მშვილდოსნის სეზონი ახალ ენერგიასა და თავგადასავლების სურვილს გააძლიერებს.  

ვის გაუმართლებს ნოემბერში?

მორიელი - შანსი კარიერასა და ფინანსებში

ნოემბერი მორიელებისთვის აქტიურ პერიოდად არის წარმოდგენილი. თვის 16 რიცხვი განსაკუთრებით ხელსაყრელად არის მიჩნეული გაბედული ნაბიჯების გადასადგმელად, ახალი სამსახურის მოსაძებნად ან პირად ურთიერთობაში ინიციატივის გამოსაჩენად. თვის მეორე ნახევარში ყურადღება ფინანსურ გეგმებსაც დაეთმობა.

მშვილდოსანი - ახალი შესაძლებლობები და სიყვარული

22 ნოემბრიდან მშვილდოსნებისთვის ახალი ეტაპი იწყება. ასტროლოგიური პროგნოზის მიხედვით, წინა პლანზე წამოვა პირადი ინიციატივა, მოგზაურობა, მეგობრები და რომანტიკული ურთიერთობები. თვის ბოლოს კარიერული მიზნებისთვის მეტი ენერგიის დახარჯვაც მოუწევთ.

თხის რქა - კარიერული წინსვლის მოლოდინი

თხის რქებისთვის ნოემბერი სასარგებლო კონტაქტებისა და პროფესიული გეგმების გადახედვის პერიოდად შეიძლება იქცეს. თვის ბოლოს ახალი პოზიციის ან დაწინაურების შესაძლებლობის განხილვა აქტუალური იქნება. მთავარი ამოცანა შანსების დროულად შემჩნევაა.

კურო - ურთიერთობებში სასიკეთო ცვლილებები

თვის პირველ ნახევარში გაუგებრობები მოსალოდნელია, თუმცა 13 ნოემბრის შემდეგ ურთიერთობების დალაგების შესაძლებლობა გაიზრდება. თვის ბოლოს რომანტიკული ცხოვრება უფრო აქტიური გახდება. ფინანსურ საკითხებში კი კუროებს ხარჯების კონტროლი მართებთ.

ვის მართებს მეტი სიფრთხილე?

ვერძი - ფრთხილად ფინანსებსა და კამათთან

თვის დასაწყისში ვერძებს შესაძლოა ფინანსური გაურკვევლობა და კომუნიკაციის პრობლემები შეხვდეთ. 19 ნოემბერი განსაკუთრებით საყურადღებოდ არის გამოყოფილი კონფლიქტების რისკის გამო. ამავე დროს, ახალი შემოსავლის შესაძლებლობაც არ გამოირიცხება.

ტყუპები - სამუშაოსა და კომუნიკაციის სირთულეები

ნოემბრის პირველ ნახევარში ტყუპებს შესაძლოა სამუშაო საკითხებში შეფერხებები და გაუგებრობები შეექმნათ. ახალი სამსახურის ან პროფესიული მიმართულების შეცვლის შესაძლებლობა გამოჩნდება, თუმცა მნიშვნელოვანი გადაწყვეტილების მიღებამდე გარემოებების გადამოწმება იქნება საჭირო.

 ლომი - ოჯახური დაძაბულობის ალბათობა

ლომებს ენერგია და მიზნების განხორციელების სურვილი არ მოაკლდებათ, თუმცა თვის შუა რიცხვებში ოჯახურ საკითხებზე უთანხმოების რისკი იზრდება. განსაკუთრებით მნიშვნელოვანია ემოციების კონტროლი და ნაჩქარევი რეაქციების თავიდან აცილება.

ქალწული - შეფერხებები გეგმებსა და მგზავრობაში

თვის პირველ ნახევარში ქალწულებს შესაძლოა გეგმების შეცვლა და მგზავრობის შეფერხება მოუწიოთ. თვის მეორე ნახევარში კი პროფესიული ცვლილებების შესაძლებლობა გამოჩნდება. მნიშვნელოვანია, ყველა დეტალი წინასწარ გადაამოწმონ და ზედმეტმა პერფექციონიზმმა მოქმედებაში ხელი არ შეუშალოს.

თევზები - მოულოდნელი ხარჯები და პასუხისმგებლობები

ნოემბრის დასაწყისში თევზებისთვის მოგზაურობასთან დაკავშირებული შეფერხებები და დამატებითი ხარჯებია შესაძლებელი. თვის მეორე ნახევარში კი სამუშაო გარემოში მეტი პასუხისმგებლობის აღება მოუწევთ. მნიშვნელოვანია, პირადი გეგმები და პროფესიული ვალდებულებები ერთმანეთს შეუთავსონ.

კირჩხიბი - სიყვარული და კარიერული შანსები

თვის დასაწყისში პირად ურთიერთობებში გაუგებრობები შეიძლება წარმოიშვას, თუმცა ახალი რომანტიკული დასაწყისისთვის შესაძლებლობებიც გამოჩნდება. 22 ნოემბრიდან ყურადღება კარიერაზე გადაინაცვლებს და შესაძლოა დამატებითი პასუხისმგებლობების აღება გახდეს საჭირო.

სასწორი - ფინანსური სიფრთხილე და რომანტიკული სიახლეები

ნოემბრის პირველ ნახევარში სასწორებმა ბიუჯეტს განსაკუთრებული ყურადღება უნდა მიაქციონ. თვის შუა რიცხვების შემდეგ ფინანსური საკითხების დალაგება უფრო მარტივი გახდება, ხოლო 28 ნოემბერი ასტროლოგიურ პროგნოზში სიყვარულისთვის ხელსაყრელ დღედ არის გამოყოფილი.

მერწყული - ახალი შესაძლებლობა, მაგრამ გააზრებული ნაბიჯებით

ნოემბრის დასაწყისში მერწყულებისთვის კარიერული შესაძლებლობები შეიძლება გამოჩნდეს, თუმცა არასწორმა კომუნიკაციამ ან ნაჩქარევმა განცხადებებმა საქმე გაართულოს. თვის მეორე ნახევარი ხელსაყრელი იქნება სამომავლო გეგმების გადახედვისა და ფინანსური სტრატეგიის დასახვისთვის.

რას უნდა მიაქციოთ ყურადღება ნოემბერში?

უცხოური ასტროლოგიური წყაროების მიხედვით, თვის მთავარი თარიღები ასეთია:

9 ნოემბერი - ახალმთვარეობა მორიელში; ფინანსური გეგმებისა და ახალი მიზნების გადახედვა.

13–14 ნოემბერი - მერკურისა და ვენერას უკუსვლის დასრულება; ასტროლოგიური ინტერპრეტაციით, კომუნიკაციისა და ურთიერთობების დალაგების პერიოდი.

22 ნოემბერი - მზე მშვილდოსანში გადადის, რაც ასტროლოგიურ ტრადიციაში მოგზაურობას, ოპტიმიზმსა და სიახლეებს უკავშირდება.

24 ნოემბერი - სავსემთვარეობა ტყუპებში; გეგმებისა და კომუნიკაციის საკითხები ყურადღების ცენტრში ექცევა.