კაშია

საზოგადოება 1719300780

„ჩვენი ქვეყნის დროშა წარმატებასთან ასოცირდება... ძალიან ვამაყობთ, რომ ჩვენ ეს დროშა გავიტანეთ“ - გურამ კაშია

საქართველოს ნაკრები 26 ივნისს, ყველაზე მნიშვნელოვანი თამაშისთვის ემზადება. საქართველოს საფეხბურთო ეროვნული ნაკრები ევროპის ჩემპიონატზე მესამე, გადამწყვეტ თამაშს გამართავს და პორტუგალიის ნაკრებს დაუპირისპირდება.„ეროვნული ნაკრები“ ავრცელებს ვიდეოს, სადაც ნაკრების კაპიტანი, გურამ კაშია  და ხვიძა კვარაცხელია საუბრობენ.„ჩვენი ქვეყნის დროშა, ყოველთვის წარმატებასთან ასოცირდება. დროშა ჩვენთვის სპორტსმენებისთვის წარმატებისთვის ასოცირდება. ძალიან ვამაყობთ, რომ ჩვენ ეს დროშა გავიტანეთ. ძალიან გვეამაყება“, - ამბობს გურამ კაშია. 

კვარა

საზოგადოება 1719291841

ხვიჩა კვარაცხელია ახალ კადრებს გვიზიარებს

საქართველოს ეროვნული ნაკრების ოფიციალურ გვერდზე გუნდის ვარჯიშის და გოლის აღნიშვნის ემოციური კადრები ვრცელდება.ვიდეოს აზიარებს ნაკრების ფეხბურთელი ხვიჩა კვარაცხელიაც.კომენტარებში გულშემატკივრების საოცარ კომენტარებს იხილავთ:„გოლი და ასეთი აღნიშვნა გვინდა პორტუგალიასთან“…„გენაცვალეთ ლომებო! თქვენ უკვე გამარჯვებულები ხართ და გმირები ხართ! აჩვენეთ პორტუგალიასთან რა შეგიძლიათ, უფალი გფარავდეთ“, – წერენ გულშემატკივრები.ცნობისთვის, საქართველო-პორტუგალიის მატჩი ხვალ, 26 ივნისს გაიმართება.            View this post on Instagram                       A post shared by Georgian Football Team (@nakrebi)

კვარა

საზოგადოება 1719253436

„ვაიმე როგორ ჰგავს... კვარას ორეულია“ - ნახეთ, რა კადრები ვრცელდება

„ტიკოტკზე“ , ხვიჩა კვარაცხელიას ორეულის ვიდეო ვრცელდება. აღსანიშნავია, რომ ბიჭი ძალიან ჰგავს ფეხბურთელს. „ვაიმე, როგორ ჰგავს... კვარას ორეულია“ „აუ, თავიდან კვარა მეგონა“ნახეთ, ვიდეო: @lashulab7 #საქართველო🇬🇪 #kvaratskhelia #kvara #foruyou #euro2024 ♬ მე ვარ საქართველო • I am Georgia - Radio Edit - Achiko Guledani & Beqa Japaridze Shukvani

kvaradona

სპორტი 1719250475

მამუკა ჯუღელი ხვიჩასთვის ხელფასის სახით 8 მილიონს ითხოვს - CalcioNapoli24

ხვიჩა კვარაცხელიას მომავალი ჯერ კიდევ ბუნდოვანია. ქართველი ფეხბურთელის გარემოცვას კლუბის შეცვლა სურს, ხოლო ნაპოლიში ამბობენ, რომ მას არსად გაუშვებენ. ამ საკითხთან დაკავშირებით, CalcioNapoli24 ახალ ინფორმაციას ავრცელებს.ვიგებთ, რომ მამუკა ჯუღელმა და ხვიჩა კვარაცხელიას მამამ ბადრიმ ნაპოლის კიდევ უფრო მეტად გაზრდილი ხელფასი მოსთხოვეს.აქამდე ცნობილი იყო, რომ ქართული მხარე 4.5, ხუთ მილიონ ევროს ითხოვდა. დღეს კი CalcioNapoli24 წერს, რომ საუბარი 8 მილიონ ევროზეა.ამას კი ორი მიზეზი აქვს. პირველი ვიქტორ ოსიმენი გახლავთ, რომელსაც კონტრაქტი გაუხანგრძლივეს და ანაზღაურება 10 მილიონამდე გაუზარდეს. მეორე მიზეზი კი პარი სენ ჟერმენია.ფრანგული გუნდი კვარაცხელიას წელიწადში 10 მილიონ ევროს სთავაზობს. წინ ცხელი ზაფხული გველის, რადგან აშკარაა, რომ ჯერჯერობით მხარეები ვერაფერზე თანხმდებიან.ამ მომენტისთვის კი ხვიჩა კვარაცხელია გერმანიაში ევრო 2024-ზე საქართველოს ნაკრებთან ერთად იმყოფება და პორტუგალიასთან მატჩისთვის ემზადება

ბკ

სპორტი 1719204023

"რონალდოსთან შიშის გარეშე" - კვარაცხელიამ და დავითაშვილმა კომენტარი გააკეთეს

საქართველოს ეროვნული ნაკრების ფეხბურთელები, ხვიჩა კვარაცხელია და ზურიკო დავითაშვილი Goal-თან პორტუგალიასთან მომავალ მატჩზე საუბრობენ.როგორც ხვიჩა აღნიშნავს, რონალდო მისთვის კერპი იყო და მასთან შეხვედრაზე ოცნებობდა.„ის ჩემი კერპი იყო. მიხარია, რომ მოედანზე შევხვდები. მასთან პირისპირ შეხვედრაზე ვოცნებობდი. ვნახოთ, რა გამოვა”, – ამბობს ხვიჩა.ზურიკო დავითაშვილის თქმით, რონალდოსთან შეხვედრა სასიამოვნო იქნება.„მასთან შეხვედრა სასიამოვნო იქნება, მაგრამ არ მეშინია. ამას მოუთმენლად ველი და გვინდა ვაჩვენოთ, რომ ასეთ გუნდებთან კარგად თამაში შეგვიძლია”, – საუბრობს დავითაშვილი.შეგახსენებთ, 26 ივნისს, საქართველოს ნაკრები გელზენკირხენში, პორტუგალიის ეროვნულ ნაკრებს ჯგუფური ეტაპის ბოლო, გადამწყვეტ მატჩში შეხვდება.

khvicha kvaracxelia

სპორტი 1719173502

მასთან პირისპირ შეხვედრაზე ვოცნებობდი... - კვარაცხელია რონალდოსთან შეხვედრაზე

26 ივნისს, ევროპის ჩემპიონატის ჯგუფური ეტაპის ბოლო ტურში, საქართველოს ნაკრები პორტუგალიას დაუპირისპირდება. მომავალი მატჩის წინ Goal-თან კომენტარი "ჯვაროსნების" შემტევებმა ხვიჩა კვარაცხელიამ და ზურიკო დავითაშვილმა გააკეთეს.კვარაცხელია: "ის ჩემი კერპი იყო. მიხარია, რომ მოედანზე შევხვდები. მასთან პირისპირ შეხვედრაზე ვოცნებობდი. ვნახოთ, რა გამოვა".დავითაშვილი: "მასთან შეხვედრა სასიამოვნო იქნება, მაგრამ არ მეშინია. ამას მოუთმენლად ველი და გვინდა ვაჩვენოთ, რომ ასეთ გუნდებთან კარგად თამაში შეგვიძლია".წყარო:

კვარა

სპორტი 1719158687

„გჯეროდეს...“ - ხვიჩა კვარაცხელიას გზავნილი გულშემატკივრებს

ეროვნული ნაკრების ფეხბურთელი, ხვიჩა კვარაცხელია „ინსტაგრამზე“ ახალ ფოტოებს აქვეყნებს. „გჯეროდეს“ - ეს არის მისი მთავარი გზავნილი ჩეხეთთან თამაშის შემდეგ და პორტუგალიის ნაკრებთან შეხვედრამდე.

nitsa tavadze

ტაბლოიდი 1719148189

რა კადრებს აქვეყნებს ნიცა თავაძე ჰამბურგიდან

ევრო 2024-ის ჯგუფური ეტაპის მეორე ტურში საქართველო ჩეხეთს დაუპირისპირდა. მატჩი ფრედ 1:1 დასრულდა.უამრავ ქართველ გულშემატკივართან ერთად ჰამბურგში იმყოფებოდა ფეხბურთელების მეორე ნახევრები, მათ შორის ერთ-ერთი იყო ხვიჩა კვარაცხელიას მეორე ნახევარი, ნიცა თავაძე, რომელიც სულ მალე დედა გახდება. ნიცა ჰამბურგიდან კადრებს აქვეყნებს.

საბა ლობჟანიძე

სპორტი 1719146779

„მსგავსი რამ რონალდოსაც მოსვლია..." - რა თქვა ხვიჩა კვარაცხელიამ საბა ლობჟანიძეზე

ევროპის ჩემპიონატის ჯგუფური ეტაპის მეორე ტურში საქართველოს ნაკრები ჩეხეთს დაუპირისპირდა, მატჩი ფრედ 1:1 დასრულდა. შეხვედრის შემდეგ ჟურნალისტებთან ხვიჩა კვარაცხელიამ ისაუბრა."ისე ვგრძნობდი თავს, თითქოს საქართველოში ვთამაშობდი და ძალიან დიდი მადლობა გულშემატკივრებს. რაც შეეხება თამაშს, მოგებასთან ძალიან ახლოს ვიყავით. ჩეხებს ბევრი მომენტი ჰქონდათ, მაგრამ მამარდაშვილმა გადაგვარჩინა, ალბათ ამიტომაც არის საუკეთესო მეკარე.რაც შეეხება დანარჩენს, ვფიქრობ, ჩვენც გვქონდა მომენტი და ბოლოს, საერთოდ მოგება შეგვეძლო. სანამ შანსი 1% მაინც გვაქვს, ყველა გუნდთან ვიბრძოლებთ ბოლომდე და გავაკეთებთ ყველაფერს, რაც შეგვიძლია.ოპტიმალურ ფორმაში არ ვიცი ვარ თუ არა, ნაკრებისთვის ყველაფერს ვაკეთებ, რასაც მავალებენ, იმის მიუხედავად, რომ ჩემ პოზიციაზე არ მიწევს თამაში. მე ვფიქრობ, რომ უკეთესადაც შემიძლია, საკუთარი თავით კმაყოფილი არასდროს არ ვარ.რაც შეეხება საბას მომენტს, მსგავსი რამ რონალდოსაც მოსვლია, არაფერი ისეთი არ ყოფილა, რაც აქამდე არ გვინახავს, დარწმუნებული ვარ, შემდეგ ჯერზე გაიტანს", - განაცხადა კვარაცხელიამ.

ნიცა ხვიჩა

ტაბლოიდი 1719085287

VIDEO: რა კადრებს აქვეყნებს ნიცა თავაძე ჰამბურგიდან

ევრო 2024-ის ჯგუფური ეტაპის მეორე ტურში საქართველო ჩეხეთს დაუპირისპირდა. მატჩი ფრედ 1:1 დასრულდა და გუნდებმა ქულები გაიყვეს. უამრავ ქართველ გულშემატკივართან ერთად, ცხადია, ტრიბუნიდან ეროვნული ნაკრების წევრებს მათი ოჯახის წევრებიც ამხნევებდნენ. ერთ-ერთი იყო ხვიჩა კვარაცხელიას მეორე ნახევარი, ნიცა თავაძე, რომელიც სულ მალე დედა გახდება.ნახეთ კადრები ↓

სა

სპორტი 1719077177

პორტუგალიასთან ეგებ უკეთაც ვითამაშოთ - სანიოლი

ჩეხეთთან ევროპირველობის მეორე ტურში ჩატარებული მატჩის შემდეგ პრესკონფერენციაზე საქართველოს ნაკრების მწვრთნელმა ვილი სანიოლმა ისაუბრა:"გაორებული გრძნობა დამრჩა - შეგვეძლო მოგვეგო, მაგრამ ევროპირველობაზე პირველი ქულა მოვიპოვეთ. ეს სიამაყის გრძნობას გძენს. ამისათვის 3.5 წელი ვიშრომეთ.კონკრეტულ ფეხბურთელებზე ლაპარაკი არ მიყვარს. კვარაცხელიას თამაშზე გაანალიზების შემდეგ შეიძლება გავაკეთო კომენტარი. კიტეიშვილის შესახებ უფრო კონკრეტული ინფორმაცია ხვალ გვექნება. იმედია, მწყობრში ჩადგება. კვირკველია ინფექციის გამო ათი დღე საავადმყოფოში იყო. დაღლილობის გამო შევცვალე. გველესიანი კარგად ჩაერთო თამაშში.ლობჟანიძეს მხარდაჭერა სჭირდება. გავამხნევე, ვინაიდან ვიცოდი, რასაც გრძნობდა. ვიცოდით, რთული შეხვედრა გველოდა. მეტოქემ ჩვენზე დიდი ზეწოლა განახორციელა. ბევრი მომენტი ვერ გამოიყენეს, თუმცა ჩვენ ფანტასტიკური მეკარე გვყავს.მიყვარს საქართველო, მაგრამ ევროპის ჩემპიონატის მოგების იმედი ნამდვილად არ მქონდა. დასაკარგი არაფერი გვაქვს, მთავარი გამოცდილების მიღებაა. ეს მომავალში გამოგვადგება. პორტუგალია ძალიან ძლიერია. ვეცდებით ძალები აღვიდგინოთ და დადებით შედეგს მივაღწიოთ. ეგებ უკეთაც ვითამაშოთ".

ჰაშეკი

სპორტი 1719073408

„მადლობა მეტოქეს... ბოლო წამებზე ლამის გული გამიჩერდა“ - ჩეხეთის ნაკრების მთავარი მწვრთნელი

ევროპის ჩემპიონატზე, F ჯგუფის მეორე მატჩში საქართველოს ნაკრებმა ჩეხეთთან ფრედ, 1:1 ითამაშა და ისტორიაში პირველად შეძლო ევროტურნირებზე ქულის აღება.შეხვედრის დასრულების შემდეგ ჩეხეთის ნაკრების მთავარმა მწვრთნელმა, ივან ჰაშეკმა გავლილი მატჩი შეაჯამა.„ბოლო წამებზე კინაღამ გული გამიჩერდა. გადავრჩით. იმის მიუხედავად, რომ ბიჭებმა ამ თამაშში მთელი ენერგია ჩადეს, სამწუხაროდ, ვერ მოვიგეთ. სახლში ადრე წასვლა არ გვინდა, ამიტომ ვეცდებით, რომ მომდევნო შეხვედრა მოვიგოთ. ჩვენი მეტოქე კონტრშეტევებზე სახიფათოდ გადმოდიოდა და ცოტა შეგვაშინეს კიდეც. თამაშით ვაჯობეთ, მაგრამ მაინც სახიფათოდ გვიტევდნენ. მინდა, ასეთი თამაშისთვის მადლობაც გადავუხადო. ასევე მადლობა გულშემატკივრებს, რომლებმაც საოცარი ატმოსფერო შექმნეს. ჯერ არაფერი დასრულებულა. დღეს უიღბლობამ იჩინა თავი, მაგრამ იმედი მაქვს, რომ შემდეგ შეხვედრაში იღბალი ჩვენს მხარეს იქნება. ცოუფალმა ნამდვილად კარგად ითამაშა. ის ისეთი იყო, როგორიც ვესტ-ჰემშია. შეტევაში კარგად გადადიოდა და დაცვაშიც საიმედოდ იდგა.კვარაცხელია ყველაზე სახიფათო მოთამაშე იყო. როდესაც ბურთს იღებდა, მაშინვე კარისკენ იღებდა სირბილს. დაცვაში კარგად ვითამაშეთ, მაგრამ ეს ბევრი ყვითელი ბარათის ხარჯზეც მოგვიწია. ამის გამო გვმართებს, რომ უფრო უკეთ მოვემზადოთ. ატმოსფერო ნამდვილად კარგი იყო და მადლობა ამისთვის გულშემატკივარს. ქართველ ფანებსაც დიდ მადლობას ვუხდი, რადგან ბრწყინვალე ატმოსფერო გვაჩუქეს“, - განაცხადა მთავარმა მწვრთნელმა.საქართველოს ნაკრები ჯგუფური ეტაპის დასკვნით ტურში პორტუგალიის ნაკრებს შეხვდება, ჩეხეთი კი თურქეთის ნაკრებს დაუპირისპირდება.