თაღლითური

გამოგონილი დაავადების გამო, ჩატარებული 34 ოპერაცია... - 42 წლის ექიმს 8 წლიანი პატიმრობა მიესაჯა

რუსეთში, სასამართლომ 42 წლის ტრავმატოლოგ-ორთოპედს სერგეი გლუშჩაკს 8 წლით თავისუფლების აღკვეთა მიუსაჯა თაღლითური გზით ოპერაციების ჩატარების გამო.ექიმმა, რომელიც ვლადივოსტოკის რკინიგზის კლინიკურ საავადმყოფოს ქირურგიულ განყოფილებაში მუშაობდა, 2015 წლიდან 2018 წლამდე 34 ფიქტიური ოპერაცია ჩაატარა.გამომძიებლების თქმით, გლუშჩაკი პაციენტებს არწმუნებდა, სასწრაფო, ფასიანი ქირურგიული ოპერაციის აუცილებლობაში. ის იგონებდა მათთვის დაავადებებს და თითქოსდა ოპერაციებს უტარებდა მუხლის, ბარძაყის და ტერფის არეში. სინამდვილეში კი პაციენტებს უბრალოდ ანესთეზიის შემდეგ, მცირე ჭრილობებს უკეთებდა და კერავდა, რითაც ქირურგიული ოპერაციის იმიტაციას ახდენდა. აღსანიშნავია რომ მოტყუებულმა პაციენტებმა არაკეთილსინდისიერ ექიმს სულ 5, 7 მილიონი რუბლი გადაუხადეს.რვა წლით თავისუფლების აღკვეთის გარდა, სასამართლომ სერგეი გლუშჩაკს 1, 2 მილიონი რუბლით ჯარიმა დააკისრა და გათავისუფლებიდან სამი წლის განმავლობაში სამედიცინო საქმიანობა აუკრძალა.მედიის ცნობით, თავდაპირველად გლუშჩაკს მხოლოდ 1, 2 მილიონი რუბლით ჯარიმა დაეკისრა, თუმცა პაციენტებმა და სახელმწიფო პროკურორმა საბოლოოდ უფრო მკაცრი სასჯელი გამოუტანეს.„პაციენტებმა სამედიცინო მომსახურებისთვის თანხის ნაწილი სამედიცინო დაწესებულების სალაროში გადაიხადეს, ნაწილი კი პირადად გადასცეს მსჯავრდებულს“, - განაცხადა ელენა კრასნოიაროვამ, შორეული აღმოსავლეთის სატრანსპორტო პროკურორის უფროსმა თანაშემწემ მედიასთან და საზოგადოებასთან ურთიერთობის საკითხებში.

პოლიტიკა • 1750171680

შალვა პაპუაშვილი იაგო კაჭკაჭიშვილზე: ვფიქრობ, რომ ეს ადამიანი, მისი ორგანიზაცია მაგალითია თაღლითური სოციოლოგიური კვლევის კომპანიისა

ვფიქრობ, რომ ეს ადამიანი, მისი ორგანიზაცია მაგალითია თაღლითური სოციოლოგიური კვლევის კომპანიისა,- განაცხადა პარლამენტის თავმჯდომარე შალვა პაპუაშვილმა გიორგი კაჭკაჭიშვილზე.მისივე თქმით, ამ ადამიანს ფასი არ აქვს, რადგან მას აქვს ჩვეულებრივი დღის წესრიგი და ამ პოლიტიკურ დღის წესრიგს არგებს არითმეტიკას და რიცხვებს.„ვფიქრობ, რომ ეს ადამიანი, მისი ორგანიზაცია მაგალითია თაღლითური სოციოლოგიური კვლევის კომპანიისა. პირდაპირ აცხადებს, რომ აქვს პოლიტიკური დღის წესრიგი, მიზანი. მათ შორის აცხადებს თავისი მხრიდან როგორ უნდა მოხდეს ამ საკითხის პიარ-ტექნოლოგიური უზრუნველყოფა. შემდეგ ჰქონდეს პრეტენზია, რომ ობიექტურ კვლევას ატარებს, ეს უკვე არის უტიფარი თაღლითობა. ასე რომ არ მგონია რამე ფასი ჰქონდეს ადამიანს, რომელსაც აქვს ჩვეულებრივი დღის წესრიგი და ამ პოლიტიკურ დღის წესრიგს არგებს არითმეტიკას და რიცხვებს“,- განაცხადა პაპუაშვილმა. იაგო კაჭკაჭიშვილის კვლევამ „ნაციონალურ მოძრაობასა“ და მის დანაყოფებში დაპირისპირება გამოიწვია. ამომრჩევლის 54% მიიიჩნევს, რომ ოპოზიციამ თვითმმართველობის არჩევნებში მონაწილეობა უნდა მიიღოს.კვლევა სოციალური კვლევისა და ანალიზის ინსტიტუტმა ჩაატარა. პირისპირ ინტერვიუს მეთოდით ხალხი გამოიკითხა 5-20 მაისის შუალედში. საუბარია 2 ათას რესპონდენტზე.

პოლიტიკა • 1750149223

დავით ჩიხელიძე: შაჰინის პოზიციით, დამნაშავის დაკავება დემოკრატიაზე დარტყმა ყოფილა, დანაშაულის ჩადენა, პარტნიორის მოტყუება და თანხის დაუფლების თაღლითური მცდელობა კი დემოკრატის უტყუარი გამოვლინება

ბაჩაშვილის საქმესთან დაკავშირებით, ყავლგასული სენატორის ჯინ შაჰინის განცხადება ადასტურებს, რომ დასავლეთში რაღაც ყარს! სენატორის პოზიციით, დამნაშავის დაკავება დემოკრატიაზე დარტყმა ყოფილა, დანაშაულის ჩადენა, პარტნიორის მოტყუება და თანხის დაუფლების თაღლითური მცდელობა კი დემოკრატის უტყუარი გამოვლინება, - წერს ექსპერტი დავით ჩიხელიძე სოციალურ ქსელში.მისი განცხადებით, სენატორი შაჰინი, ქართული დამოუკიდებელი სასამართლოს საქმიანობაში ჩარევას და საქართველოს დამოუკიდებლობისთვის დარტყმის მიყენებას რიგითი აგენტის, ბაჩიაშვილის გადასარჩენად ცდილობს, ვინაიდან, გიორგი ბაჩიაშვილი კოლექტიური დასავლეთის აგენტია და ამიტომ მოინათლა მისი დაკავება დემოკრატიაზე თავდასხმად.„ბაჩაშვილის საქმესთან დაკავშირებით, ყავლგასული სენატორის ჯინ შაჰინის განცხადება ადასტურებს, რომ დასავლეთში რაღაც ყარს! სენატორის პოზიციით, დამნაშავის დაკავება დემოკრატიაზე დარტყმა ყოფილა, დანაშაულის ჩადენა, პარტნიორის მოტყუება და თანხის დაუფლების თაღლითური მცდელობა კი დემოკრატის უტყუარი გამოვლინება.გახსოვთ რამდენიმე თვის უკან, ერთ ერთ საქმესთან დაკავშირებით, ამერიკის საელჩოს წარმომადგენელმა ქართველ მოსამართლეს ახსნა-განმარტება რომ მოსთხოვა? რაც რა თქმა უნდა ქართულ მართლმსაჯულებაში პირდაპირი ჩარევა იყო, ახლა შაჰინი ცდილობს ჩაერიოს ქართული დამოუკიდებელი სასამართლოს საქმიანობაში და დარტყმა მიაყენოს საქართველოს დამოუკიდებლობას, ის უმაღლეს დონზე ჩატარებული სპეცოპერაციის დაკნინებას ახდენს. რატომ? პასუხი მარტივია, რიგითი აგენტის ბაჩიაშვილის გადასარჩენად! დიახ ბაჩიაშვილი კოლექტიური დასავლეთის აგენტია, სწორედ ამიტომ მოინათლა მისი დაკავება დემოკრატიაზე თავდასხმად.რეალობა შაჰინის განცხადებისგან, რადიკალურად განსხვავებულია, რეალურად ბაჩიაშვილი არის სტატისტიკური კრიმინალი, რომლის ადგილი ციხეში არის, ბაჩიაშვილის საქმე, საქართველოს და ქართული ძალოვანი უწყებების შეფასების კარგი ინდიკატორია. საქართველო არის ძლიერი დამოუკიდებელი ქვეყანა, სტრუქტურულად გამართული ძალოვანი უწყებებით, რომელთაც მათ წინაშე არსებული ამოცანის წარმატებით შესრულება შეუძლიათ!" - წერს დავით ჩიხელიძე.

პოლიტიკა • 1750082820

არჩილ გორდულაძე სისხლის სამართლის კოდექსში შესატან ცვლილებებზე: შეგვიძლია თამამად დავადასტუროთ, რომ წარმოდგენილი ცვლილებები მათ შორის გიორგი ბაჩიაშვილზეც გავრცელდება

არ აქვს კონკრეტული ადამიანის სახელ-გვარს მნიშვნელობა, მთავარია ის, ჩაიდინა თუ არა ადამიანმა დანაშაული და სხვა ადამიანს მიაყენა თუ არა ზიანი, - განაცხადა იურიდიულ საკითხთა კომიტეტის თავმჯდომარემ არჩილ გორდულაძემ ახალ საკანონმდებლო ინიციატივაზე საუბრისას, რომლითაც მოპარული, ან მითვისებული ქონების უკან დაბრუნების მექანიზმი მკაცრდება.კითხვაზე - როგორ შეაფასებს ოპოზიციის წარმომადგენელთა განცხადებებს, რომლებიც გიორგი ბაჩიაშვილზე აკეთებენ აქცენტს და ამბობენ, რომ ამ საკანონმდებლო ცვლილებებს აქვს კონკრეტული პოლიტიკური მდგენელი - გორდულაძე აცხადებს, რომ ეს კანონი შეეხება ნებისმიერ დამზარალებელს. ამის მაგალითად მან მოიყვანა თბილისში დაუსრულებელი მშენებლობების საკითხი. ამასთან, მისივე თქმით, ცხადია, წარმოდგენილი ცვლილებები გიორგი ბაჩიაშვილზეც გავრცელდება.„განსაკუთრებით მტკივნეულად დგას თბილისში დაუმთავრებელი მშენებლობების საკითხი, როდესაც ადამიანებმა სხვადასხვა თაღლითური მექანიზმების გამოყენებით სხვა ადამიანებს ზიანი მიაყენეს და ახლა უკვე სახელმწიფოს უწევს რომ დაზარალებულ ადამიანებს ზიანი აუნაზღაუროს. ათიათასობით არის ამ ოჯახების რაოდენობა. ამავდროულად, ნებისმიერ პირზე, მათ შორის გიორგი ბაჩიაშვილზეც გავრცელდება წარმოდგენილი ცვლილებები. არ აქვს კონკრეტული ადამიანის სახელ-გვარს მნიშვნელობა, მთავარია ის, ჩაიდინა თუ არა ადამიანმა დანაშაული და სხვა ადამიანს მიაყენა თუ არა ზიანი. კონკრეტული სახელის და გვარის ქონა, რა თქმა უნდა, ადამიანს ვერ გაათავისუფლებს პასუხისმგებლობისგან, რომ დაზარალებულს ზიანი აუნაზღაუროს. ეს არის მარტივი ლოგიკა, მაგრამ, დიახ შეგვიძლია თამამად დავადასტუროთ, რომ წარმოდგენილი ცვლილებები მათ შორის გიორგი ბაჩიაშვილზეც გავრცელდება. ანუ იმ ადამიანზე, რომელმაც კონკრეტულ ადამიანს მიაყენა კოლოსალური ზიანი და ახლა აქვს სურვილი, რომ უბრალოდ ჩაჯდეს სასჯელაღსრულების დაწესებულებაში, შემდეგ გამოვიდეს და ეს მიყენებული ზიანის სახით თანხები, რომელიც მან მიითვისა, გამოიყენოს თავისი პირადი კეთილდღეობისთვის. როგორც მას, ასევე ნებისმიერ დამნაშავეს, ამ კანონის ამოქმედების შემდეგ ექნება ერთადერთი მოლოდინი, რომ ვერანაირად მოახერხებს გაექცეს პასუხისმგებლობას და იძულებული იქნება, რომ ყველა ფორმით ზიანი აანაზღაუროს“, - აცხადებს გორდულაძე.

პოლიტიკა • 1749893202

New York Post: USAID-ის ოფიციალურმა პირმა 550 მილიონი დოლარის ქრთამის სქემაში მონაწილეობა აღიარა: „საზოგადოების ნდობა შელახულია“

ფედერალური სამსახურის კონტრაქტორმა და სამმა ბიზნესმენმა აღიარეს, რომ მძიმე მდგომარეობაში მყოფ USAID-თან ერთად 550 მილიონი დოლარის ქრთამის სქემაში მონაწილეობდნენ. სტატიას ამ შინაარსით New York Post-ი ავრცელებს.სტატიის თანახმად, მერილენდის მკვიდრმა, როდერიკ უოტსონმა USAID-ში მუშაობის დროს 1 მილიონ დოლარზე მეტი ქრთამი აიღო იმისათვის, რათა ორ კომპანიას, Apprio-ს და Vistan-ს, 14 მსხვილი ფედერალური კონტრაქტი გაეფორმებინა. ამით, როგორც გამოცემა წერს, უოტსონმა საკუთარი თანამდებობა ბოროტად გამოიყენა.57 წლის უოტსონმა თანამდებობის პირის მოსყიდვის ფაქტი აღიარა. მას 15 წლით თავისუფლების აღკვეთა ემუქრება. სასამართლომ განაჩენი მიმდინარე წლის ოქტომბერში უნდა გამოიტანოს.აშშ-ის იუსტიციის დეპარტამენტის მიერ წარმოდგენილი მასალებიდან ირკვევა, რომ კომპანია Vistan-ის მფლობელი უოლტერ ბარნსი და Apprio-ს ხელმძღვანელი დარილ ბრიტი ქვეკონტრაქტორს, პოლ იანგს იყენებდნენ, როგორც შუამავალს. სამივე მათგანმა თანამდებობის პირის მოსყიდვის ფაქტი აღიარა. ბარნსმა ფასიან ქაღალდებთან დაკავშირებული თაღლითობაც აღიარა.როგორც გამოცემა წერს, ბოროტმოქმედები თაღლითური სქემით 2013 წლიდან მუშაობდნენ.

პოლიტიკა • 1749649064

არჩილ გორდულაძე - წარმოდგენილი საკანონმდებლო ცვლილებებით, დაზარალებულების უფლებების დაცვის უფრო გაუმჯობესებული მექანიზმებია შემოღებული, რაც გულისხმობს გამარტივებულ მექანიზმს

სახელმწიფოს პოზიტიური ვალდებულება გააჩნია, მექანიზმები დახვეწოს, რითაც ადამიანის უფლებები უფრო მაღალ დონეზე იქნება უზრუნველყოფილი, წარმოდგენილი ცვლილებებით, დაზარალებულების უფლებების დაცვის უფრო გაუმჯობესებული მექანიზმებია შემოღებული, რაც გულისხმობს არა წლების განმავლობაში სამოქალაქო წესით დავას, არამედ გამარტივებულ მექანიზმს, – ამის შესახებ „ქართული ოცნების“ წევრმა, არჩილ გორდულაძემ განაცხადა.მისი თქმით, თუ პირები მიზნად დაისახავენ, რომ თაღლითური ან თვალთმაქცური გარიგების შედეგად დანაშაულებრივი გზით მოიპოვონ ქონება და ზიანს მიაყენებენ სხვა ადამიანებს, შემდეგ კი ამ ქონების გადამალვას შეეცდებიან, ამ ქონების მოძიება გამარტივდება და ამონაღები თანხები დაზარალებულებისთვის ზიანის ასანაზღაურებლად გაიცემა.„ასევე ვინც ადამიანებს ზიანს აყენებს, სხვის ქონების უფლებას ლახავს და ფიქრობს, რომ საპატიმრო დაწესებულებაში დაჯდება და ქონებას ისე განკარგავს, როგორც მოესურვება. ეს ყველაფერი აღარ იქნება შესაძლებელი და პროკურორის მოთხოვნის შემთხვევაში და სასამართლოს თანხმობით საქართველოს დატოვება აეკრძალებათ და მათზე ელექტრონული სისტემის მეთყვალყურეობა, ე.წ. სამაჯურის გამოყენება მოხდება, რაც ხელს შეუწყობს დაზარალებულის ზიანის აღდგენას. წარმოდგენილი ცვლილებები ნებისმიერ ადამიანს შეეხება, მათ შორის გიორგი ბაჩიაშვილზეც გავრცელდება, რომელიც მსჯავრდებული და ბრალდებულია. ყველაზე გავრცელდება, ვინც მიზნად დაისახავს, რომ სხვას ზიანი მიაყენოს და შემდეგ მიღებული ქონება ისე განკარგოს, როგორც მოეპრიანება. თუ ვინმეს მოლოდინი აქვს, რომ ქონებას ისე მიიღებს, რომ სხვას დააზიანებს, ისე, რომ ჩაჯდება და შემდეგ გამოვა და ქონებას ისე შეირგებს, როგორც მისი სურვილი იქნება, ეს სურვილი ძირშივე აღკვეთილი იქნება“, – განაცხადა გორდულაძემ.ახალ საკანონმდებლო ინიციატივის მიხედვით, სასჯელის მოხდის შემდეგ ითვლება ის ვადა, რომლის გასვლამდეც დამნაშავე ქვეყანასაც ვერ დატოვებს, ვიდრე ზიანს არ აანაზღაურებს.

პოლიტიკა • 1749648985

ვოლსკი - დაზარალებული ადამიანების მიმართ სამართლიანობა უნდა აღდგეს, ბევრი ქეისია, სადაც სასჯელმოხდილი ადამიანები ციხიდან გამოდიან და მოპოვებული ქონებით სარგებლობენ

ბევრი ქეისია, სადაც არიან დაზარალებული ადამიანები, სასჯელმოხდილი ადამიანები კი, ციხიდან გამოდიან და ამ მოპოვებული ქონებით სარგებლობენ, – ამის შესახებ საქართველოს პარლამენტის პირველმა ვიცე-სპიკერმა გია ვოლსკიმ განაცხადა.ვოლსკიმ კომენტარი გააკეთა ახალ საკანონმდებლო ინიციატივასთან დაკავშირებით, რომლის მიხედვით, სასჯელის მოხდის შემდეგ ითვლება ის ვადა, რომლის გასვლამდეც დამნაშავე ქვეყანასაც ვერ დატოვებს, ვიდრე ზიანს არ აანაზღაურებს.„წლების გადის და დაგროვდა რაოდენობა ადამიანების, რომელთაც ცხოვრება იმის გამო მოესპოთ, რომ მათზე ვიღაცამ იძალადა და ქონება წაართვეს. არიან ადამიანები, რომელთაც თაღლითური გზით ქონება ხელში ჩაიგდეს და სხვა ადამიანებიც დააზარალეს, მაგრამ ამის ამოღება ვერ ხდება და მხოლოდ სასჯელის მოხდა არ კმარა. ამ საკითხზე რაღაც გადაწყვეტილებები უნდა იყოს მიღებული, ისეთი მექანიზმები, რომ დაზარალებული ადამიანის მიმართ სამართლიანობა აღდგეს. მხოლოდ გიორგი ბაჩიაშვილი არ არის ინსპირაცია, მაგრამ ესეც კარგი მაგალითია. ბევრი ქეისია, სადაც ადამიანები დაზარალებული არიან, ხოლო სასჯელმოხდილი ადამიანები ციხიდან გამოდიან, სასჯელს იხდიან და ამ მოპოვებული ქონებით სარგებლობენ“, – განაცხადა გია ვოლსკიმ.

პოლიტიკა • 1747829339

პაატა ბურჭულაძის მონაწილეობით საოპერო დადგმა „აიდა“ მაქვს ნანახი, მანდ კარგი იყო და მერე ფლუგერივით ტრიალი დაიწყო, ხან პუტინს უმღერა, ხან რევოლუციურ გეგმას ჩაუდგა სათავეში - გია ვოლსკი

პაატა ბურჭულაძის მონაწილეობით საოპერო დადგმა „აიდა“ მაქვს ნანახი, მანდ კარგი იყო და მერე სიმღერები, ფლუგერივით ტრიალი დაიწყო, ხან პუტინს უმღერა, ხან რევოლუციურ გეგმას ჩაუდგა სათავეში, – ამის შესახებ პარლამენტის პირველმა ვიცე-სპიკერმა, გია ვოლსკიმ განაცხადა.ვოლსკის თქმით, პაატა ბურჭულაძის პლატფორმაზე სერიოზულად ვერ ილაპარაკებს.„არ ვიცი, ერთმანეთთან ბრძოლაში რომელი უფრო წარმატებული იქნება, პაატა ბურჭულაძის პლატფორმა, თუ სალომე ზურაბიშვილის, მაგრამ საქართველოში ვერ იქნებიან წარმატებული. პაატა ბურჭულაძე წარმატებული იყო, როცა მსოფლიოს სცენაზე მღეროდა. შემდეგ უკვე პუტინს უმღეროდა და რუსეთში იყო თანამდებობებზე დანიშნული. ამას ვერანაირად ვერ ჩავუთვლით იმ წარმატებაში, რომელსაც დღეს იჩემებს, რომ ევროპისკენ სვლის მედროშეა. პაატა ბურჭულაძის ფიგურა რაიმე პლატფორმაზე საუბარს არ შეესაბამება, მით უმეტეს, სერიოზულ საუბარს. სალომე ზურაბიშვილი ერთ-ერთი შემადგენელი ნაწილია კოლექტიური „ნაცმოძრაობის“, განსხვავება ის არის, რომ სალომე ზურაბიშვილს თავისი ქარტიით უნდა „ნაცმოძრაობის“ ლიდერიც გახდეს. პაატა ბურჭულაძეს მიაჩნია, რომ თვითონ ერთადერთი და განუმეორებელია. აი, გედი ფოფხაძის როლი და პლატფორმა ჯერ ვერ გამოვიცანით, ალბათ, უახლოეს პერიოდში ესეც ცნობილი გახდება. პაატა ბურჭულაძის პოლიტიკური კონტექსტი არ არსებობს. პაატა ბურჭულაძე ხშირად გვთავაზობს სისულელეს, რათა მისი სახელი ხშირად იყოს განმეორებული. სისულელეს სულელი ამბობს. პაატა ბურჭულაძე გამოჩენილი იყო და მეტროპოლიტენ ოპერაში მღეროდა. მისი მონაწილეობით საოპერო დადგმა – „აიდა“ მაქვს ნანახი. მანდ კარგი იყო და მერე სიმღერები და ფლუგერივით ტრიალი დაიწყო. ხან პუტინს უმღერა, ხან რევოლუციურ გეგმას ჩაუდგა სათავეში. რასაკვირველია, მასზე ვერ ვილაპარაკებთ, როგორც სერიოზულ ადამიანზე. ერთი კი შეგვიძლია ვთქვათ, რომ შესანიშნავი სქემით ჩაატარა თაღლითობა, რასაც ვითომდა, უსახლკაროთა და ბავშვთა დახმარება ჰქვია. შესანიშნავი, კარგად გათვლილი თაღლითური სქემა ჩამოაყალიბა მაშინ და დღეს ვუყურებთ, როგორც რაღაც პოლიტიკურ ლიდერს და პლატფორმებზე ვლაპარაკობთ. სიტყვა პლატფორმა პოლიტიკურ თემაშია, პაატა ბურჭულაძესთან მიმართებით ძალიან შორს არის“, – განაცხადა გია ვოლსკიმ.

პოლიტიკა • 1747046580

საფრანგეთის საელჩომ „ნაციონალური მოძრაობის“ ლიდერებს მისცა ფული და ქართველ ხალხს გვეუბნებიან, რომ უნდა დახაზონ ტურისტული მარშრუტები, თვალებში ნაცარს გვაყრიან - შალვა პაპუაშვილი

რაც არ უნდა დამალო ჭირი, ის თავს არ დამალავს და ეს გამოავლინა აშშ-ის ახალმა ადმინისტრაციამ, როცა ამხილა USAID-ის და სხვათა თაღლითური სქემები, რომლითაც ფინანსდებოდა პროპაგანდა, დეზინფორმაცია, დემოკრატიისთვის ძირის გამოთხრა, თუ ამერიკული დაფინანსება იყო ამ სენით შეპყრობილი, აქ თავისთავად იგულისხმება, რომ ევროპული დაფინასებაც ზუსტად ამ სენით იქნებოდა შეპყრობილი, – ამის შესახებ პარლამენტის თავმჯდომარემ, შალვა პაპუაშვილმა განაცხადა.პაპუაშვილის თქმით, სამწუხაროდ, საქართველოში ევროკავშირის საელჩო, ნაცვლად იმისა, რომ დასკვნები გამოიტანოს და გახდეს გამჭვირვალე ქართველი ხალხის მიმართ, აიგნორებს აღნიშნულ საკითხს.„ვნახეთ, საფრანგეთის საელჩომ „ნაციონალური მოძრაობის“ ლიდერებს მისცა ფული და ქართველ ხალხს გვეუბნებიან, რომ უნდა დახაზონ ტურისტული მარშრუტები. ასეთ რამეს ვინ დაიჯერებს? როცა კითხვები იყო საელჩოს მიმართ, ვნახეთ, რომ დაემალნენ პასუხებს. აქეთ რომ გვასწავლიან გამჭვირვალობას და გახსნილობას, თვითონ ჩაიკეტნენ, ჩაირაზნენ, სიტყვა არ გასცეს ქართველ ხალხს, არ ჩააგდეს არაფრად, რომ ეპასუხათ იმ ლეგიტიმური კითხვებისთვის, რომელიც არსებობს თუნდაც ამ კონკრეტული დაფინანსების მიმართ, როცა ექსპრემისტული პოლიტიკური ჯგუფის წევრებს მისცა საფრანგეთის საელჩომ ფული და ამით რეალურად არაპირდაპირ აფინანსებს მათ რადიკალურ ქმედებებს. ჩვენ თვალში ნაცარს გვაყრის, თითქოს ტურისტული მარშრუტები უნდა ხაზონ ადამიანებმა, რომლებიც იმით არიან დაკავებულები, როგორ დაამხონ საქართველოში ხელისუფლება“, – განაცხადა პაპუაშვილმა.

პოლიტიკა • 1744715574

კონგრესმენი ტიმ ბერშეტი: არასამთავრობო ორგანიზაციების მეშვეობით დაჯგუფება „თალიბანი“ ყოველკვირეულად 40 მილიონ დოლარს იღებდა, ჯამში კი აშშ-გან 5 მილიარდი დოლარი მიიღო

კონგრესმენ ტიმ ბერშეტის განცხადებით, არასამთავრობო ორგანიზაციების მეშვეობით დაჯგუფება „თალიბანი“ ყოველკვირეულად 40 მილიონ დოლარს იღებდა, ჯამში კი ამერიკის შეერთებული შტატებისგან ამ გზით 5 მილიარდი დოლარი მიიღო.კონგრესმენი ასევე განმარტავს, რომ არასამთავრობოების ხელთ არსებული მილიონობით დოლარი, ხშირად პროექტების განხორციელების ნაცვლად მემარცხენე პოლიტიკოსების გამდიდრებას ხმარდება.„გამოვააშკარავეთ, რომ არასამთავრობო ორგანიზაციების მეშვეობით „თალიბანი“ ყოველ კვირა 40 მილიონს იღებდა. გვაქვს დოკუმენტები, საიდანაც ჩანს, რომ „თალიბანმა“ ამერიკელი გადასახადების გადამხდელებისგან სწორედ ამ NGO-ების დახმარებით ჯამში ხუთი მილიარდი დოლარი მიიღო. ამ თანხის მონიტორინგი არ ხდება და ასევე იფლანგება. მილიონობით დოლარის დიდი ნაწილი უკან ვაშინგტონში თაღლითური სქემით საარჩევნო კამპანიების და პოლიტიკოსების ჯიბეში ბრუნდება“, - თქვა პოლიტიკოსმა.

სამართალი • 1744704383

ბარის მფლობელმა პერსონალთან ერთად ფულის გამოძალვის თაღლითური სქემა შეიმუშავა - დააკავეს 6 პირი

შინაგან საქმეთა სამინისტროს ცენტრალური კრიმინალური პოლიციის დეპარტამენტის ორგანიზებულ დანაშაულთან ბრძოლის მთავარი სამმართველოს ტრეფიკინგის და უკანონო მიგრაციის წინააღმდეგ ბრძოლის სამმართველოს თანამშრომლებმა, გენერალურ პროკურატურასთან ერთად ჩატარებული ოპერატიული ღონისძიებებისა და საგამოძიებო მოქმედებების შედეგად, მოსამართლის განჩინების საფუძველზე, 6 პირი დააკავეს. ინფორმაციას შსს ავრცელებს. უწყების ცნობით, გამოძიება საქართველოს სისხლის სამართლის კოდექსის 19-180-ე მუხლით მიმდინარეობს„ორგანიზებული ჯგუფის მიერ თაღლითობის მცდელობის ფაქტზე დაკავებული არიან: სომხეთის მოქალაქე 2005 წელს დაბადებული გ.ჰ., უკრაინის მოქალაქე 1986 წელს დაბადებული ტ.კ., წარსულში ნასამართლევი რუსეთის მოქალაქე 1994 წელს დაბადებული თ.ა., 2004 წელს დაბადებული კ.კ., 1996 წელს დაბადებული ა.ტ. და წარსულში ნასამართლევი 1992 წელს დაბადებული გ.ა. დანაშაული 10 წლამდე ვადით თავისუფლების აღკვეთას ითვალისწინებს.ინტენსიურ რეჟიმში ჩატარებული გამოძიებით დადგინდა, რომ თბილისში მდებარე ერთ-ერთი ბარის მფლობელს ბრალდებულ თ.ა.-ს დასაქმებულ პერსონალთან ერთად შემუშავებული ჰქონდა თაღლითობის გეგმა, გადანაწილებული ჰქონდათ როლები და მათ დაწესებულებაში შესულ მოქალაქეებს თაღლითურად აკისრებდნენ სხვადასხვა ოდენობის თანხას. იმ შემთხვევაში თუ სტუმარი უარს აცხადებდა თანხის გადახდაზე, თანამშრომლები მათზე ფსიქოლოგიური ზეწოლას ახორციელებდნენ და ამ გზით ცდილობდნენ მოთხოვნილი თანხის მიღებას.გამოძიება საქართველოს სისხლის სამართლის კოდექსის 19-180-ე მუხლით მიმდინარეობს“, - ნათქვამია ინფორმაციაში.

პოლიტიკა • 1744097034

ზოგს ამის დაჯერება არ უნდოდა, ზოგს აღიარება და ზოგს პასუხისმგებლობა, თუმცა მოუწიათ მას შემდეგ, რაც ამერიკაში ხელისუფლება შეიცვალა, ახლა ევროპის აუდიტორთა სასამართლომ დაადასტურა, რომ 7 მილიარდიანი ბიუჯეტი გაუმჭვირვალედ იხარჯება - შალვა პაპუაშვილი

"ზოგს ამის დაჯერება არ უნდოდა, ზოგს აღიარება და ზოგს პასუხისმგებლობა, თუმცა მოუწიათ მას შემდეგ, რაც ამერიკაში ხელისუფლება შეიცვალა - ახლა ევროპის აუდიტორთა სასამართლომ დაადასტურა, რომ 7 მილიარდიანი ბიუჯეტი გაუმჭვირვალედ იხარჯება", - ამის შესახებ საქართველოს პარლამენტის თავმჯდომარეm, შალვა პაპუაშვილმა განაცხადა.როგორც მან აღნიშნა, როცა 7 მილიარდი ევრო ტრიალებს გაუმჭვირვალედ, რა თქმა უნდა, იქ ზოგიერთი ხელს ითბობს. სამწუხაროდ, საქართველოშიც გრანტებთან დაკავშირებით ეს ეჭვი არსებობს და ამაზე საუბრობს ზოგიერთი არასამთავრობო ორგანიზაცია."ეს კიდევ ერთი დასტურია იმის, თუ რაზეც ვსაუბრობდით - ზოგს ამის დაჯერება არ უნდოდა, ზოგს აღიარება და ზოგს ამაზე პასუხისმგებლობის აღიარება, თუმცა მოუწიათ მას შემდეგ, რაც ამერიკაში ხელისუფლება შეიცვალა და ამხილა "ისფედი"-ს, "ნედი"-ს, სხვათათაღლითური სქემები და პოლიტიკურად მოტივირებული ქცევა აღიარა. იგივეს ვსაუბრობდით ევროპულ ფონდებზე, ევროპის დემოკრატიის ფონზე და ახლა ევროპის აუდიტორთა სასამართლომ დაადასტურა, რომ 7 მილიარდიანი ბიუჯეტი გაუმჭვირვალედ იხარჯება. მათ შორის, ამ დასკვნის მიხედვით, ამ თანხების გამოყენება ხდებოდა ძალადობრივი, საპროტესტო აქციების განსახორციელებლად. მგონი, ბევრი რაღაც გვეცნობა, პარალელები საქართველოსთან დაკავშირებით რაც ხდება, რომ ეს თანხები გაუმჭვირვალედ იხარჯებოდა. შესაბამისად, აქ არის, რომ როცა ერთის მხრივ ეჭვია, რომ ქვეყნის პოლიტიკურ ცხოვრებაში ჩარევისთვის ფულის გამოყენება ხდება, მეორეს მხრივ კი, კორუფციის ეჭვი ავტომატურად წარმოიშვება. როცა 7 მილიარდი ევრო ტრიალებს და გაუმჭვირვალედ, რა თქმა უნდა, იქ ზოგიერთი ხელს ითბობს. სამწუხაროდ, საქართველოშიც გრანტებთან დაკავშირებით ეს ეჭვი არსებობს და ამაზე საუბრობს ზოგიერთი არასამთავრობო ორგანიზაცია, ზოგიერთი ჯერ ჩუმად, კერძო საუბრებში ან ირიბად, მაგრამ უკვე ბევრი საუბრობს იმაზე, რომ გრანტების სისტემაში კორუფციაა, როცა ერთი და იმავე "ენჯეო" იღებს ფულს, ერთი და იმავე ადამიანები არიან ექსპერტების სახით, რომლებიც ტრიალებენ სხვადასხვა "ენჯეოში" და იღებენ სხვადასხვა დაფინანსებას", - განაცხადა შალვა პაპუაშვილმა.