გამოსძალეს

„ბრალდებულებმა პირი ერთ-ერთ ბინაში მოტყუებით აიყვანეს და სიკვდილის მუქარით 6 000 ლარი გამოსძალეს...“ - პროკურატურის განცხადება

საქართველოს პროკურატურამ დამამძიმებელ გარემოებებში ჩადენილი განზრახ მკვლელობის, ჯგუფურად ცემის და ძალადობის ფაქტებზე ორ პირს ბრალდება წარუდგინა. ინფორმაციას პროკურატურა ავრცელებს.შინაგან საქმეთა სამინისტროს მიერ ჩატარებული გამოძიებით დადგინდა, რომ 2026 წლის 6 იანვარს, გარდაბნის მუნიციპალიტეტის სოფელ ყარაჯალაში, მამის ცემის გამო გაბრაზებული ბრალდებულები, დაზარალებულების საცხოვრებელ სახლში შეიჭრნენ და მამა-შვილს სცემეს. შემდეგ კი ერთ-ერთმა ბრალდებულმა, დაზარალებულებს რამდენჯერმე განზრახ დააჯახა ავტომობილი. მიღებული დაზიანებებით ერთი დაზარალებული საავადმყოფოში მიყვანამდე გარდაიცვალა, ხოლო მეორეს გადარჩენა მოხერხდა.ბრალდებულებს ბრალდება საქართველოს სისხლის სამართლის კოდექსის 126-ე მუხლის პირველი პრიმა ნაწილის „ბ“, „გ“ ქვეპუნქტებით (ცემა, რამაც დაზარალებულის ფიზიკური ტკივილი გამოიწვია ჩადენილი ჯგუფურად ონი ან მეტი პირის მიმართ), 160-ე მუხლის მე-2 ნაწილის „ა“, მე-3 ნაწილის „ა“ ქვეპუნქტებით (ბინაში ან სხვა მფლობელობაში მფლობელის ნების საწინააღმდეგოდ შესვლა, რომელიც არღვევს ბინის ან სხვა მფლობელობის ხელშეუხებლობას, ჩადენილი ძალადობით და ჯგუფურად) წარედგინათ, რაც სასჯელის სახედ და ზომად 2-5 წლამდე თავისუფლების აღკვეთას ითვალისწინებს. ერთ-ერთ ბრალდებულს ასევე ბრალდება 19,109-ე მუხლის „ლ“, „მ“ ქვეპუნქტებით (ორი ან მეტი პირის განზრახ მკვლელობის მცდელობა ჩადენილი განსაკუთრებული სისასტიკით) წარედგინა, რაც სასჯელის სახედ და ზომად 20 წლამდე ან უვადო თავისუფლების აღკვეთას ითვალისწინებს.პროკურატურამ ბრალდებულისთვის აღკვეთის ღონისძიების სახით პატიმრობის შეფარდების შუამდგომლობით, სასამართლოს უკვე მიმართა.შინაგან საქმეთა სამინისტროში გამოძიება გრძელდება, დანაშაულში შესაძლო მონაწილე სხვა პირთა მხილების მიზნით.

სამართალი • 1767854360

სიცოცხლის მოსპობის მუქარით 6 000 ლარი გამოსძალეს... - რა ინფორმაციას ავრცელებს შსს ჯგუფურად ჩადენილ დანაშაულზე

შინაგან საქმეთა სამინისტროს შიდა ქართლის პოლიციის დეპარტამენტის თანამშრომლებმა, ჯგუფურად ჩადენილი გამოძალვის ბრალდებით ორი პირი - წარსულში მკვლელობისთვის ნასამართლევი, 1987 წელს დაბადებული, გ.ბ. და 1977 წელს დაბადებული მ.შ. დააკავეს. - ამის შესახებ ინფორმაციას თავად უწყება ავრცელებს.შსს-ს ცნობით, გამოძიებით დადგინდა, რომ ბრალდებულებმა, წარსულში არსებული ფინანსური დავის გადაწყვეტის მიზეზით, 1979 წელს დაბადებული მ.წ. თბილისში მდებარე ერთ-ერთ საცხოვრებელ ბინაში მოტყუებით აიყვანეს, სადაც სიცოცხლის მოსპობისა და ძალადობის მუქარით 6 000 ლარი გამოსძალეს. მ.წ-ს ბრალდებულებმა ასევე მოსთხოვეს მათ სახელზე არსებული ფინანსური დავალიანების დაფარვა, რაც 32 000 ლარს შეადგენდა."ჩატარებული ოპერატიული ღონისძიებებისა და საგამოძიებო მოქმედებების შედეგად სამართალდამცველებმა გ.ბ. და მ.შ. ბრალდებულების სახით დააკავეს.მომხდარზე გამოძიება სისხლის სამართლის კოდექსის 181-ე მუხლის მეორე ნაწილის "ა“ ქვეპუნქტით მიმდინარეობს, რაც 9 წლამდე ვადით თავისუფლების აღკვეთას ითვალისწინებს", - აღნიშნულია შინაგან საქმეთა სამინისტროს მიერ გავრცელებულ ინფორმაციაში.

სამართალი • 1766002433

თაღლითობის ქართული კვალი - რუსი კრიპტოს გურუს მრავალმილიონიანი აფიორა, რომელშიც ჰოლივუდის ცნობილი ვარსკვლავი კევინ სპეისი და ილონ მასკის დედა ფიგურირებენ

ვინ არის ლადო ოხოტნიკოვი? ვლადიმერ ოხოტნიკოვი, ცნობილი მეტსახელად „ლადო“, დაიბადა საბჭოთა ყაზახეთში და ბავშვობა რუსეთში გაატარა. მისი ვებგვერდის თანახმად, მამამისი, მოჭიდავეთა მწვრთნელი იყო, მას ჭიდაობას ასწავლიდა, რასაც თავად ოხოტნიკოვი მისი სიძლიერისა და გამძლეობის წყაროდ მიიჩნევს.2000-იანი წლების დასაწყისში, მოსკოვში კინოგადაღების სწავლების დასრულების შემდეგ, ოხოტნიკოვმა ვერ შეძლო კინოინდუსტრიაში მოხვედრა და კარიერა მარკეტინგში გააგრძელა. როგორც თავად ამბობს, რუსეთიდან საქართველოში გადასახადებისგან თავის ასარიდებლად გადავიდა. ფოტო 2024 წელს Meta Force-ის ღონისძიებაზეა გადაღებული, სადაც ოხოტნიკოვი ინვესტორებთან ერთად იწონებს თავს. სასამართლო განაჩენი თბილისში: 10 წლიანი პატიმრობა და ჩამორთმეული ქონებამაშინ, როცა ოხოტნიკოვი დუბაიდან ახალ სქემებს აორგანიზებს, საქართველოში მის წინააღმდეგ მკაცრი სამართლებრივი ზომები გატარდა.2024 წლის მარტში, თბილისის საქალაქო სასამართლომ ვლადიმერ ოხოტნიკოვს დაუსწრებლად 10 წლით თავისუფლების აღკვეთა მიუსაჯა.გამოძიებამ დაადგინა, რომ ის Forsage-დან მოპარულ ფულს საქართველოში ათეთრებდა. თანხები ირიცხებოდა მინიმუმ 53 სხვადასხვა ანგარიშზე, რომლებიც მას და მის გარემოცვას ეკუთვნოდა. საქართველოს პროკურატურამ ოხოტნიკოვზე საერთაშორისო ორდერი გასცა.სასამართლო მასალების მიხედვით, საქართველოს ხელისუფლებამ ოხოტნიკოვის კუთვნილი დაახლოებით 1 მილიონი დოლარის ღირებულების ქონება დააყადაღა და ჩამოართვა, მათ შორის: Lexus-ის მარკის ჯიპი, ხუთი საპარკინგე ადგილი და ორი ბინა თბილისში, რომელთაგან ერთ-ერთს 28 კვ მეტრის აუზი აქვს.თაღლითობის მასშტაბები და ქართული კვალიგამოძიების თანახმად, ოხოტნიკოვი არის მასშტაბური კრიპტო-პირამიდების ავტორი, რომლებმაც ოთხ კონტინენტზე მილიონობით ინვესტორს 1 მილიარდ დოლარამდე გამოსძალეს.აშშ-ს პროკურატურა მას კრიპტო-პირამიდა Forsage-ის შექმნაში ადანაშაულებს, რომლის მეშვეობითაც 2020-2022 წლებში მინიმუმ $340 მილიონი მოიპარეს.თაღლითობის საქმეს ქართული კვალიც აქვს. გასულ წელს თბილისის საქალაქო სასამართლომ ოხოტნიკოვი დამნაშავედ ცნო 1.1 მილიონი დოლარის გათეთრებაში, თანხა, რომელიც სწორედ Forsage-ის თაღლითური სქემიდან იყო მიღებული.კევინ სპეისი და რუსი კრიპტოს გურუს ჰოლივუდური გამბიტიაგვისტოს ერთ წყნარ საღამოს, როდესაც ვენეციის კინოფესტივალზე ვარსკვლავები წითელ ხალიჩაზე პოზირებდნენ, ლეგენდარულ სასტუმრო „ჩიპრიანიში“ დახურული წვეულება იმართებოდა. ყურადღების ცენტრში კევინ სპეისი იყო ოსკაროსანი მსახიობი, რომლის კარიერაც სექსუალურ სკანდალებს ემსხვერპლა.თუმცა, ამ საღამოს მთავარი გმირი კადრს მიღმა დარჩა. საუბარია შემქმნელზე 47 წლის ვლადიმერ ოხოტნიკოვზე (მეტსახელად „ლადო“), რომელიც აშშ-ის მიერ ძებნილი კრიპტო-თაღლითია.რუსი თაღლითის ახალი გეგმებიმართლმსაჯულებას გაქცეული ოხოტნიკოვი ამჟამად დუბაიში იმალება, სადაც ახალ პროექტზე მუშაობს. სწორედ აქ წამოიწყო რუსმა თაღლითმა ახალი პროექტი, ფილმი სახელწოდებით - „Holiguards Saga The Portal of Force“, სადაც მთავარ როლს კევინ სპეისი ასრულებს.ექსპერტები ამბობენ, რომ ოხოტნიკოვის გათვლით, სპეისის მონაწილეობა ფილმს საერთაშორისო ყურადღებას მოუტანს და მას ახალი ინვესტორების მოზიდვაში დაეხმარება. და სანამ მსოფლიო კევინ სპეისის ეკრანზე დაბრუნებას აკვირდება, კადრს მიღმა ახალი, საეჭვო კრიპტო-პროექტი ფორმირდება. Here’s the trailer shown in Venice for Kevin Spacey’s Holiguards Saga - The Portal of Force starring him with Dolph Lundgren, Eric Roberts and Tyrese, all seen in this 2-minute clip. pic.twitter.com/5pXXkjMyWe — Chris Gardner (@chrissgardner) August 31, 2025 ჰოლივუდის მსახიობი კევინ სპეისი საგამოძიებო ჟურნალისტთა საერთაშორისო კონსორციუმის (ICIJ) კითხვებს არ პასუხობს. თუმცა, მისი მონაწილეობა ფილმს სანდოობის იერსახეს სძენს.ცნობილი ადამიანების გამოყენება ოხოტნიკოვის ბიზნესმოდელის მხოლოდ ერთი ნაწილია. ბლოკჩეინ ტექნოლოგიების განვითარებამ კრიპტოტრანზაქციების სისწრაფემ და ანონიმურობამ მას საშუალება მისცა, ინვესტორები „სანდო საინვესტიციო შესაძლებლობების“ დაპირებებითა მოეზიდა და მოეტყუებინა.ჟურნალისტებმა აშშ-დან, გერმანიიდან, პორტუგალიიდან, უკრაინიდან და საქართველოდან ოხოტნიკოვის ბიზნესგარიგებების ახალი დეტალები გამოააშკარავეს. გამოძიება ჩატარდა პროექტის „The Coin Laundry“ ფარგლებში, რომელსაც საგამოძიებო ჟურნალისტთა საერთაშორისო კონსორციუმი (ICIJ) 37 მედიაპარტნიორთან ერთად აწარმოებს. გამოძიება აჩვენებს, თუ როგორ მდიდრდება კრიპტო-ინდუსტრია უკანონო ფინანსური ნაკადებით, მაშინ როდესაც ამ პროცესში დაზარალებულთა უმეტესობა სამართლებრივი შესაძლებლობის გარეშე დარჩა.ოხოტნიკოვის უახლესი სტარტაპი Meta Whale მაისში ჩაეშვა და 40 000 მომხმარებელი უკვე მიიზიდა. ექსპერტები ვარაუდობენ, რომ ეს პლატფორმაც ფინანსურ პირამიდას ჰგავს. მიუხედავად უამრავი სისხლის სამართლებრივი ბრალდებისა, ოხოტნიკოვმა ინტერნეტ სამყაროში „ტექნოლოგიური გურუს“, „ბიზნესმენისა“ და „ბლოკჩეინის მქადაგებლის“ იმიჯი მოირგო, რომელიც ინვესტორებს მთავრობის ზედამხედველობის ბორკილებისგან გაათავისუფლებს ჰპირდება.ამჟამად, ოხოტნიკოვი მის მიმართ დაწყებული გამოძიების გამო მოგზაურობას ვერ ახერხებს. თავისი ბრენდების პოპულარიზაციაში კი მას 36 წლის უკრაინელი მარკეტოლოგის ელვირა გავრილოვას პიარ სააგენტო, Elledgy Media- ეხმარება. ბოლო ორი წლის განმავლობაში გავრილოვამ მდიდრული ღონისძიებები მოაწყო აშშ-ში, საფრანგეთში, იტალიაში, ინდოეთსა და არაბთა გაერთიანებულ საამიროებში რუსი კრიპტო თაღლითს პროექტების წინ წამოსაწევად. ოხოტნიკოვმა და გავრილოვამ თავიანთი პიარ კამპანიისთვის, მსოფლიოს უმდიდრესი ადამიანის, ილონ მასკის დედა, მეი მასკიც კი გამოიყენეს. ირკვევა, რომ პიარ-კომანიამ მეი მასკს $350,000 გადაუხადა, იმისათვის, რომ დასწრებოდა მათ მიერ დაგეგმილ ღონისძიებებს და წვეულებაზე ფოტოები გადაეღო.ამ ეტაპზე არ არსებობს არანაირი მტკიცებულება, რომ მეი მასკმა იცოდა, რომ ოხოტნიკოვის ხელში მხოლოდ პიარ კამპანიის იარაღი იყო. სავარაუდოდ ის დაიქირავეს, როგორც ცნობილი მოდელი, რომლის გამოჩენაც ღონისძიებაზე თაღლითური სქემის გაპიარებას შეუწყობდა ხელს.მოგვიანებით მასკის დედა, სპეციალურად ოხოტნიკოვისთვის პროექტებისთვის შექმნილი ჟურნალის გარეკანზეც კი გამოჩნდა.

სამართალი • 1765131625

საკუთარი სახლიდან გატაცებული 23 წლის ბიჭი - ფულის გამო სცემეს, აწამეს, გააშიშვლეს და ვიდეო გადაუღეს - რას ჰყვებიან მარნეულში გამომძალველთა დაჯგუფებაზე

ჩანაწერი, რომელსაც "კურიერი P.S." სრულად არ ასაჯაროებს, 23 წლის მამაკაცის მიმართ არაადამიანურ მოპყრობას ასახავს. მარნეულის რაიონის სოფელ სადახლოში, მას ბანქოში წაგებული ფულის, 20 000 ლარის მიტანას სთხოვდნენ. თანხის ნაწილი - 6 500 დოლარი და 2 800 ლარი მუქარითა და ფიზიკური ძალადობით გამოსძალეს, თუმცა სამმა თანასოფლელმა მას დამატებით კიდევ 10 000 ლარი დააკისრა, უარის შემდეგ კი სახლიდან ავტომობილით გაიტაცეს, დაუსახლებელ ადგილას მიიყვანეს და არაადამიანურად გაუსწორდნენ. გამომძალველებმა მამაკაცი გააშიშვლეს, დააჩოქეს და ვიდეო გადაუღეს.ალი მამედოვი, ნურლან აბდულაევი და ეშგან გოროდალოვი - სამივე გამომძალველი პოლიციამ უკვე დააკავა. ბრალდებულების ახლობლები კამერებთან არ ჩნდებიან. საუბარზე მხოლოდ ეშგან გოროდალოვის დედა დაგვთანხმდა, რომელიც საკუთარ შვილს უდანაშაულოდ მიიჩნევს და დაზარალებულის პასუხისმგებლობაზე საუბრობს.23 წლის მამაკაცის მიმართ ჩადენილ დანაშაულს თვითმხილველებიც ჰყავს. ადგილობრივებმა ნახეს, თუ როგორ გაიტაცეს სახლიდან დაზარალებული. პირად საუბრებში ამბობენ იმასაც, რომ სამივე ბრალდებული წარსულში სხვადასხვა ძალადობრივი დანაშაულისთვის სასჯელს უკვე იხდიდა.სამივე დაკავებული ახლა დუმილის უფლებას იყენებს. საქმეში არსებული მტკიცებულებების, მათ შორის არაადამიანური მოპყრობის ამსახველი კადრების მიუხედავად, ბრალს არცერთი არ აღიარებს. საქმის დეტალებზე არ საუბრობს ადვოკატიც.პროკურორი "კურიერი P.S.-თან" განმარტავს, თუ როგორ მიიყვანეს თვითმკვლელობამდე თანასოფლელებმა 23 წლის მამაკაცი. რომ არა დედის დროული ჩარევა, ყველაფერი შესაძლოა ფატალურად დასრულებულიყო. ახლა დაზარალებული გამოძიებასთანაც თანამშრომლობს და დამნაშავეების უმკაცრესად დასჯას ითხოვს. გამოძიების პროცესში გაირკვა, რომ ბრალდებულების მხრიდან ეს ფულის გამოძალვის პირველი შემთხვევა არ ყოფილა.გამოძალვა, თავისუფლების უკანონო აღკვეთა, დამამცირებელი და არაადამიანური მოპყრობა, პირადი ცხოვრების ამსახველი კადრების შექმნა და შენახვა - ამ ბრალდებებით, სოფელ სადახლოში მცხოვრებ სამ მამაკაცს ციხეში მრავალი წლის გატარება მოუწევს. მარნეულის სასამართლომ მათ წინასწარი პატიმრობა უკვე შეუფარდა.

სამართალი • 1764659022

„გააშიშვლეს, გადაუღეს ფოტო და ვიდეო კადრები და გასაჯაროებით დაემუქრნენ...“ - მარნეულში მომხდარი დანაშაულის დეტალები, რომლის შედეგად სამი პირი დააკავეს

შინაგან საქმეთა სამინისტროს ქვემო ქართლის პოლიციის დეპარტამენტის მარნეულის რაიონული სამმართველოს თანამშრომლებმა, ჯგუფურად ჩადენილი გამოძალვის, თავისუფლების უკანონო აღკვეთის, პირადი ცხოვრების ამსახველი ინფორმაციის უკანონოდ გამოყენების, არაადამიანური მოპყრობისა და თვითმკვლელობამდე მიყვანის ბრალდებით, წარსულში სხვადასხვა დანაშაულისთვის ნასამართლევი სამი პირი: 2001 წელს დაბადებული ე.გ., 2002 წელს დაბადებული ნ.ა. და 2000 წელს დაბადებული ა.მ. დააკავეს. ინფორმაციას ამის შესახებ შსს ავრცელებს.უწყების ცნობით, დანაშაულები 10 წლამდე ვადით თავისუფლების აღკვეთას ითვალისწინებს.„გამოძიებით დადგინდა, რომ 2003 წელს დაბადებულმა რ.ბ.-მ, გასული წლის ზაფხულში, თანასოფლელებთან ა.მ.-სთან და ნ.ა.-სთან ითამაშა ბანქო, ხოლო თამაშის დასრულების შემდეგ აღნიშნულმა პირებმა რ.ბ.-ს განუცხადეს, რომ მას წაგებული ჰქონდა 20 000 ლარი და უნდა გადაეხადა.მოგვიანებით, ა.მ.-მ და ნ.ა.-მ მეგობართან – ე.გ.-სთან ერთად, რ.ბ.-ს 6 500 აშშ დოლარი და 2 800 ლარი მუქარითა და ფიზიკური ძალადობით გამოსძალეს.ბრალდებულები გარკვეული პერიოდის გასვლის შემდეგ რ.ბ-ს კვლავ დაუკავშირდნენ და მოსთხოვეს 10 000 ლარის გადახდა, ხოლო 28 ნოემბერს თავისუფლება უკანონოდ აღუკვეთეს, წაიყვანეს მარნეულის მუნიციპალიტეტში დაუსახლებელ ადგილას, სადაც მიაყენეს ფიზიკური შეურაცხყოფა, გააშიშვლეს, გადაუღეს ფოტო და ვიდეო კადრები, დღის ბოლომდე გადაუხდელობის შემთხვევაში კი არსებული ფოტო-ვიდეო მასალის გასაჯაროვებით დაემუქრნენ, რის შემდეგაც რ.ბ.-მ თვითმკვლელობა სცადა.ჩატარებული ოპერატიული ღონისძიებებისა და საგამოძიებო მოქმედებების შედეგად სამართალდამცველებმა ე.გ., ნ.ა. და ა.მ. ბრალდებულების სახით დააკავეს. გამოძიება სისხლის სამართლის კოდექსის 144-ე ტერცია, 115-ე, 143-ე, 157-ე პრიმა და 181-ე მუხლებით მიმდინარეობს“, – ნათქვამია შსს-ს გავრცელებულ ინფორმაციაში.

სამართალი • 1764658337

ქვემო ქართლის პოლიციამ მძიმე დანაშაულის ბრალდებით სამი პირი დააკავა

სამართალი • 1762933375

Exclusive: ქოლ-ცენტრების საქმეზე დაკავებული გერმანელი მამაკაცის ვინაობა ცნობილია

„პრაიმტაიმისთვის“ ექსკლუზიურად გახდა ცნობილი გერმანიის მოქალაქის ვინაობა, რომელიც ქართველმა სამართალდამცველებმა 2025 წლის 12 ოქტომბერს თაღლითური ქოლ-ცენტრების საქმეზე დააკავეს. 53 წლის მანუელ რაინე 18 ივნისიდან ინტერპოლის არხებით იძებნებოდა. „პრაიმტაიმის“ ინფორმაციით, მანუელ რაინე, ქავთარაძის ქუჩაზე მდებარე იმ თაღლითური ქოლ-ცენტრის წარმომადგენელი იყო, რომელიც სამართალდამცველებმა რამდენიმე თვის წინ დახურეს.საუბარია “A.K. Group“-ის სახელით მოქმედ კომპანიაზე, რომლის არაერთი თანამშრომლის მიმართ სისხლის სამართლებრივი დევნა მიმდინარეობს. ამ დროისთვის მიმალვაში იმყოფება კომპანიის დამფუძნებელი აკაკი ქევხიშვილი, რომლის სრული ქონება გამოძიების მოთხოვნით დაყადაღდა. გავარკვიეთ, რომ გერმანიის მოქალაქე მანუელ რაინე ამ ქოლცენტრში დაზარალებული კლიენტების შენარჩუნების განყოფილებას ხელმძღვანელობდა და “მარსელ ვან დე ვიინ“-ის გამოგონილი სახელით სარგებლობდა. სატელეფონო კომუნიკაციის გზით ევროპის, აშშ-ს და კანადის მოქალაქეებს, თაღლითების დაჯგუფებამ მინიმუმ, 35 მილიონი დოლარი გამოსძალეს.საქართველოში დაკავებული გერმანიის მოქალაქის მიმართ სისხლის სამართლის საქმეა აღძრული ბავარიის მხარეში.გერმანიის პროკურატურის წარმომადგენლებმა ქართველ კოლეგებს ბრალდებულის ექსტრადაციის მოთხოვნით მიმართეს.

სამართალი • 1754858301

„ურეკავდნენ და ეუბნებოდნენ, რომ შვილი ავტოკატასტროფაში მოყვა....“ - პენსიონერთა ძარცვის სკანდალური საქმის დეტალები

77 წლის ვენერა მარტიროსიანი ერთ-ერთია იმ 60-მდე დაზარალებულს შორის, რომელსაც თაღლითებმა დიდი ოდენობით თანხა გამოსძალეს. ხანდაზმულ ქალს დანაშაულებრივი ჯგუფის წევრებმა ტელეფონით დაურეკეს და შეატყობინეს, თითქოს მისი შვილი ავტოკატასტროფაში მოჰყვა, პრობლემების მოსაგვარებლად კი კონკრეტული თანხა იყო საჭირო. შოკში მყოფი ვენერა მარტიროსიანი შეთავაზებას დათანხმდა და რამდენიმე წუთში, მის სახლთან ფულის წასაღებად ე.წ. კურიერიც გამოჩნდა. მანამდე ქალს მათთან სატელეფონო კავშირის გაწყვეტისა და სხვასთან კომუნიკაციის საშუალებას არ აძლევდნენ.ანალოგიური სქემით თაღლითებმა კიდევ ათობით პენსიონერი მოატყუეს. ზარალი მილიონ 300 ათას ლარს აღემატება. ბრალდებულების სახით დაკავებულ რუსეთის ოთხ მოქალაქეს მოსამართლემ 8 წლით თავისუფლების აღკვეთა მიუსაჯა.დაზარალებულების უმეტესობამ დამნაშავეები სასამართლო დარბაზში ამოიცნო. პირველი ინსტანციის განაჩენს ბრალდებულების ადვოკატები არ ეთანხმებიან. დაცვის მხარე ვერდიქტის გასაჩივრებას სააპელაციო სასამართლოში გეგმავენ.თაღლითობა და მორალური ტერორი - არაერთმა დაზარალებულმა, ფულთან ერთად, ჯანმრთელობაც დაკარგა. თაღლითების მსხვერპლი პენსიონერების ნაწილი, სტრესის შედეგად, სამედიცინო დაწესებულებაშიც მოხვდა.ოთხი ბრალდებული პენიტენციურ დაწესებულებაში უკვე 8-წლიან სასჯელს იხდის. დანაშაულის სხვა ორგანიზატორების გამოვლენის მიზნით, გამოძიება გრძელდება.ვრცლად ↓

სამართალი • 1742803089

„ტირილის ხმა ისმოდა... მითხრეს კურიერი მოვა და გადაეცი თანხაო" - რა დეტალები ხდება ცნობილი თაღლითური სქემის შესახებ

სატელეფონო ზარით თაღლითებმა საკუთარ მახეში ათობით ადამიანი გააბეს, თუმცა სქემა უკვე გაშიფრულია: ორგანიზებული ჯგუფის წევრები მოქალაქეებს ტელეფონზე ურეკავენ და ატყობინებენ, რომ მისი ოჯახის წევრი ავარიაში მოყვა. ე.წ. გამომძიებელი პრობლემის მოგვარების სანაცვლოდ დიდ თანხას ითხოვს.შოკისმომგვრელი ინფორმაციის მოსმენის შემდეგ სატელეფონო ზარის ადრესატი შეთავაზებას თანხმდება. რამდენიმე წუთში კი მის კარზე ე.წ. კურიერი ფულის წასაღებად აკაკუნებს. მოგვიანებით ირკვევა, რომ ახლობელი, რომელიც ვითომ ავარიაში მოყვა, სინამდვილეში საკუთარ სახლში, სრულიად ჯანმრთელი იმყოფება, სატელეფონო ზარის ავტორი კი გამომძიებლის ნაცვლად თაღლითი აღმოჩნდა.სატელეფონო თაღლითები მსხვერპლებს არწმუნებდნენ, რომ მათთან საუბრის მომენტში სხვასთან კომუნიკაცია არ ჰქონოდათ. ეს დრო საკმარისი იყო იმისთვის, რომ სამიზნე ობიექტთან ე.წ. კურიერი მისულიყო და დიდი ოდენობით ფული არარსებული პრობლემის მოგვარების მიზნით წაეღო.ე.წ. ფულის გადამტანები, ახლა განსასჯელის სკამზე სხედან. სასამართლო სხდომაზე დაზარალებულების პირისპირ მათ არაფერი უთქვამთ, თუმცა ბრალდებულები თავად მსხვერპლებმა ამოიცნეს და დეტალურად ისაუბრეს, თუ როგორ გამოსძალეს მოტყუებით დიდი ოდენობით თანხა.თაღლითური სქემა მას შემდეგ გამოაშკარავდა, რაც ერთ-ერთმა დაზარალებულმა შვილის ავარიის შესახებ ინფორმაცია საეჭვოდ მიიჩნია. თაღლითებთან სატელეფონო საუბრის პარალელურად, მეზობელს პოლიციის გამოძახება სთხოვა. რამდენიმე წუთში კი კორპუსთან სამართალდამცველებმა, ადგილზე ფულის წასაღებად მისულ ე.წ. კურიერს, ჩასაფრება მოუწყვეს.ოთხი ბრალდებულიდან სამი რუსეთის, ერთი კი საქართველოს მოქალაქეა. ადვოკატები ამბობენ, რომ მათ დანაშაულებრივი სქემის შესახებ ინფორმაცია არ ჰქონდათ და ადგილიდან მხოლოდ ფულის გადატანა ევალებოდათ. ვისთან მიჰქონდათ ამანათი? ამას უფლებადამცველები ვერ აკონკრეტებენ. ამბობენ, რომ დამკვეთს დიდი ოდენობით თანხას ჩასარიცხი აპარატების მეშვებით ურიცხავდნენ.ეს მხოლოდ ადვოკატების ვერსიაა. პროკურორი კი "კურიერი P.S.-თან" ამბობს, რომ ბრალდებულები თავად იყვნენ თაღლითური სქემის ორგანიზატორები და მსხვერპლების ოჯახებიდან თანხაც თავადვე გამოჰქონდათ. ბრალდების მხარე ირწმუნება, რომ საქმეში არსებული მტკიცებულებები ე.წ. კურიერების დანაშაულებრივ საქმიანობაში მონაწილეობას ადასტურებს.თაღლითური სქემით თბილისში 50-ზე მეტი დაზარალებულია. ზიანი კი 1 მილიონს აჭარბებს. თავად განსასჯელის სკამზე მჯდომი ბრალდებულები ახლა მოსამართლის განაჩენს ელოდებიან. მათ 10 წლამდე პატიმრობა ემუქრებათ.

საზოგადოება • 1742755299

თუ ვინმე დაგირეკათ და გეტყვით, რომ თქვენი ოჯახის წევრი დააკავეს, ან ავარიაში მოყვა და პრობლემის მოგვარების სანაცვლოდ თანხაა საჭირო, იცოდეთ, რომ გატყუებენ - სატელეფონო აფიორა

სატელეფონო ზარით თაღლითებმა საკუთარ მახეში ათობით ადამიანი გააბეს, თუმცა სქემა უკვე გაშიფრულია: ორგანიზებული ჯგუფის წევრები მოქალაქეებს ტელეფონზე ურეკავენ და ატყობინებენ, რომ მისი ოჯახის წევრი ავარიაში მოყვა. ე.წ. გამომძიებელი პრობლემის მოგვარების სანაცვლოდ დიდ თანხას ითხოვს. შოკისმომგვრელი ინფორმაციის მოსმენის შემდეგ სატელეფონო ზარის ადრესატი შეთავაზებას თანხმდება. რამდენიმე წუთში კი მის კარზე ე.წ. კურიერი ფულის წასაღებად აკაკუნებს. მოგვიანებით ირკვევა, რომ ახლობელი, რომელიც ვითომ ავარიაში მოყვა, სინამდვილეში საკუთარ სახლში, სრულიად ჯანმრთელი იმყოფება, სატელეფონო ზარის ავტორი კი გამომძიებლის ნაცვლად თაღლითი აღმოჩნდა.სატელეფონო თაღლითები მსხვერპლებს არწმუნებდნენ, რომ მათთან საუბრის მომენტში სხვასთან კომუნიკაცია არ ჰქონოდათ. ეს დრო საკმარისი იყო იმისთვის, რომ სამიზნე ობიექტთან ე.წ. კურიერი მისულიყო და დიდი ოდენობით ფული არარსებული პრობლემის მოგვარების მიზნით წაეღო.ე.წ. ფულის გადამტანები, ახლა განსასჯელის სკამზე სხედან. სასამართლო სხდომაზე დაზარალებულების პირისპირ მათ არაფერი უთქვამთ, თუმცა ბრალდებულები თავად მსხვერპლებმა ამოიცნეს და დეტალურად ისაუბრეს, თუ როგორ გამოსძალეს მოტყუებით დიდი ოდენობით თანხა.თაღლითური სქემა მას შემდეგ გამოაშკარავდა, რაც ერთ-ერთმა დაზარალებულმა შვილის ავარიის შესახებ ინფორმაცია საეჭვოდ მიიჩნია. თაღლითებთან სატელეფონო საუბრის პარალელურად, მეზობელს პოლიციის გამოძახება სთხოვა. რამდენიმე წუთში კი კორპუსთან სამართალდამცველებმა, ადგილზე ფულის წასაღებად მისულ ე.წ. კურიერს, ჩასაფრება მოუწყვეს.ოთხი ბრალდებულიდან სამი რუსეთის, ერთი კი საქართველოს მოქალაქეა. ადვოკატები ამბობენ, რომ მათ დანაშაულებრივი სქემის შესახებ ინფორმაცია არ ჰქონდათ და ადგილიდან მხოლოდ ფულის გადატანა ევალებოდათ. ვისთან მიჰქონდათ ამანათი? ამას უფლებადამცველები ვერ აკონკრეტებენ. ამბობენ, რომ დამკვეთს დიდი ოდენობით თანხას ჩასარიცხი აპარატების მეშვებით ურიცხავდნენ.ეს მხოლოდ ადვოკატების ვერსიაა. პროკურორი კი "კურიერი P.S.-თან" ამბობს, რომ ბრალდებულები თავად იყვნენ თაღლითური სქემის ორგანიზატორები და მსხვერპლების ოჯახებიდან თანხაც თავადვე გამოჰქონდათ. ბრალდების მხარე ირწმუნება, რომ საქმეში არსებული მტკიცებულებები ე.წ. კურიერების დანაშაულებრივ საქმიანობაში მონაწილეობას ადასტურებს.თაღლითური სქემით თბილისში 50-ზე მეტი დაზარალებულია. ზიანი კი 1 მილიონს აჭარბებს. თავად განსასჯელის სკამზე მჯდომი ბრალდებულები ახლა მოსამართლის განაჩენს ელოდებიან. მათ 10 წლამდე პატიმრობა ემუქრებათ.

საზოგადოება • 1741543793

გამდიდრების მარტივი გზა, რომელიც ციხის კარამდე მიდის - ქოლცენტრების საქმეზე საერთაშორისო ჟურნალისტური გამოძიება თბილისამდეც მოვიდა

თბილისის მდიდრულ უბანში ძვირადღირებული სახლი 33 წლის აკაკი ქევხიშვილის საკუთრებაა - კაცის, რომელიც, საერთაშორისო ჟურნალისტური გამოძიების მიხედვით, თაღლითური ქოლცენტრების ბოსია და 2022 წლიდან დისტანციურად ძარცვავდა ევროპის, კანადისა და ამერიკის შეერთებული შტატების მოქალაქეებს. ორ მილიონად შეფასებული ქონება დედის, მზევინარ კურტანიძის სახელზეა გაფორმებული. "კურიერი P.S.-ის" ინფორმაციით, თავად აკაკი ქევხიშვილმა, მასშტაბურ თაღლითობაზე ინფორმაციის გაჟონვის შემდეგ, ქვეყანა დატოვა.სახლში ამჟამად სარემონტო სამუშაოები მიმდინარეობს. გვითხრეს, რომ დამკვეთი უმაღლეს ხარისხს ითხოვს. დაგვიდასტურეს, რომ კომპანიამ დაკვეთა აკაკი ქევხიშვილისგან მიიღო, თუმცა ის ადგილზე უკვე რამდენიმე დღეა არ გამოჩენილა.აკაკი ქევხიშვილის საკუთრებაა აპარტამენტიც. შეტყობინების დატოვების მიუხედავად, მისმა ოჯახმა ჩვენთან საუბარი არ ისურვა.მდიდრული წვეულებები, ქოლცენტრის თანამშრომლების შიდა მიმოწერა, მსხვერპლებთან სატელეფონო საუბრები და მილიონობით უკანონო ტრანზაქცია - უცხოურ მედიაში დაახლოებით ორი ტერაბაიტის მოცულობით ჩანაწერებმა გაჟონა. კანადის, შვედეთის, გერმანიის, საქართველოსა და სხვა ქვეყნების ერთობლივმა ჟურნალისტურმა გამოძიებამ, მრავალმილიონიანი თაღლითური სქემა სააშკარაოზე გამოიტანა. დგინდება, რომ თაღლითები სხვადასხვა ქვეყნის მოქალაქეებს ფულის დაბანდებას, ყალბ საინვესტიციო პლატფორმებში აიძულებენ. როდესაც მსხვერპლი ხვდება, რომ მოატყუეს, საქმეში თაღლითების სხვა ჯგუფი ერთვება და დაზარალებულს არწმუნებენ, რომ დაკარგული თანხის დაბრუნებაში დაეხმარება, ამ მომსახურებისთვის კი დამატებით თანხებს არიცხვინებენ. საბოლოოდ, თაღლითები სამიზნე ობიექტებთან ან ყოველგვარ კავშირს წყვეტენ, ან მოტყუებულ პენსიონერებს დასცინიან და ამცირებენ.ქალი, რომელიც თაღლითური სატელეფონო ზარის მიღმა დგას, საქართველოს მოქალაქე 26 წლის მარიამ ჩარჩიანია, მისი თანამოსაუბრე კი 60 წლის კანადელი მამაკაცი, სახელად მარსელი.მარსელს თბილისში მოქმედი ქოლცენტრიდან თითქმის 75 ათასი კანადური დოლარი გამოსძალეს. მისი თანამოსაუბრე, ახალგაზრდა ქალი ყალბი პასპორტით და "მერი რობერტსის" გამოგონილი სახელით, სინამდვილეში, თაღლითური ქოლცენტრის ქართველი თანამშრომელი მარიამ ჩარჩიანი აღმოჩნდა. ის ერთ-ერთია იმ ათობით ადამიანს შორის, ვისი სახელიც საერთაშორისო მედიაში მოხვდა. მასალებში ნახსენებია მარიამ ჩარჩიანის დაც, ვერიკო ჩარჩიანი, გამოგონილი სახელით - ვერონიკა ნოვაკი. დგინდება, რომ დები ოზურგეთში, სკოლის დამთავრების შემდეგ თბილისში, სასწავლებლად ჩამოვიდნენ და საკმაოდ მოკრძალებული ბინაც იქირავეს, თუმცა მას შემდეგ, რაც საქმიანობა თაღლითურ ქოლცენტრში დაიწყეს, ჩარჩიანების შემოსავალი ელვის სისწრაფით გაიზარდა. სოციალურ ქსელებში მათი გვერდების შესწავლით დგინდება, რომ დები ხშირად მოგზაურობენ უცხოეთში, მათ შორის, მილანში, პარიზში, დუბაიში, მიკონოსსა და სანტორინზე. სისტემატურად, თაღლითურად ნაშოვნი ფულით, ისინი ყიდულობდნენ ცნობილი ბრენდების ნივთებს. მაგალითად: მხოლოდ "კარწიეს" სამაჯურში მარიამ ჩარჩიანმა 6000 ევრო გადაიხადა.ჩარჩიანებთან ერთად, თაღლითური ქოლცენტრების საქმიანობაში უცხო ენების მცოდნე სხვა ათობით ახალგაზრდაა ჩართული. უკანონო საქმიანობამ მათი ცხოვრება ყოველდღიურ ფუფუნებად აქცია. ერთ-ერთი მათგანია ე.წ. სკამერი ლანა ვახტანგაძეა, ყალბი სამუშაო სახელით - ლანა ლემანსი. სოციალურ ქსელებში იძებნება მისი მდიდრული ქორწილის ამსახველი კადრები. თაღლითობაში მხილებული პატარძალი კოჯორში მდებარე "ბიოლის" კომპლექსში პირდაპირ ვერტმფრენით მივიდა.თაღლითური ქოლცენტრები "ეიქეი ჯგუფის" საფარქვეშ მოქმედებდა. კომპანიის სახელწოდება, სავარაუდოდ, აკაკი ქევხიშვილის ინიციალებს აღნიშნავს, თუმცა თავად ქევხიშვილი საბუთებში არსად ჩანს. შპს მერი შოთაძის სახელზეა გაფორმებული. ეს ის პიროვნებაა, რომელიც დახურულ ჩათში თანამშრომლებს კონკრეტულ მითითებებს აძლევს და აკაკი ქევხიშვილის პარტნიორად განიხილება.თბილისში, ქავთარაძის ქუჩაზე მდებარე შენობაში, თაღლითები კონსპირაციის სრული დაცვით მუშაობდნენ. ოფისი მას შემდეგ დაიხურა, რაც შიდა ინფორმაციამ საერთაშორისო მედიაში გაჟონა. "კურიერი P.S.-სს" ამავე შენობაში სხვა კომპანიის წარმომადგენლებმა უთხრეს, რომ ოფისი დაიკეტა. ამბობენ, რომ არ იციან, თუ რა ხდებოდა ამ შენობის მეორე სართულზე მდებარე კონსპირაციულ ოფისში.კიდევ ერთი ოფისი, საიდანაც უცხოელებს დისტანციურად ძარცვავდნენ, შარტავას ქუჩაზეა განთავსებული. ჟურნალისტური გამოძიებით ირკვევა, რომ საოფისე ფართი რეგისტრირებულია შპს "დი 2-ზე", რომლის მეწილეც მიხეილ ბინიაშვილი, იგივე მიშა ბინიამინია. თავად ბინიაშვილი ქოლცენტრების საქმეზე გერმანიაშია დაკავებული. ის საქართველოს თავდაცვის ყოფილი მინისტრის, დავით კეზერაშვილის ახლო ნათესავია. ბინიაშვილის სახელი ფიგურირებს "მილტონ გრუპის" მრავალმილიონიანი თაღლითობის საქმეში. ამიტომაც, ახლა პროკურატურა სწავლობს მტკიცებულებებს, რომელიც ამ ორ ქსელს ერთმანეთსღა აკავშირებს. გამოძიების პროცესში აქტიურადაა ჩართული საერთაშორისო საგამოძიებო ჯგუფი.თბილისის ქოლცენტრებიდან გამოჟონილი ინფორმაციით დგინდება, რომ ზოგიერთი თაღლითის ანაზღაურება თვეში 20,000 დოლარსაც კი აღემატებოდა.

კრიმინალი • 1737124622

„ქართულ-ალბანური მაფია KFC-ის მიღმა იმალება“ - დავით კეზერაშვილის გარემოცვას, ამჯერად, ალბანეთის მედია ამხელს

ცოტა ხნის წინ ალბანეთში სკანდალის ცენტრში მოექცა KFC-ის ქსელი, სადაც სალმონელით დაინფიცირებული, ჯანმრთელობისთვის საშიში საკვები აღმოაჩინეს.ხმაური კიდევ უფრო გამძაფრდა მას შემდეგ, რაც ჟურნალისტები სწრაფი კვების ქსელის მიღმა ქართულ-ალბანური მაფიის კვალზე ალაპარაკდნენ. გამოცემა prapaskena წერს, რომ ეს ჯგუფი უკვე წლებია, ეწევა კრიმინალურ საქმიანობას ტირანაში, რაც მოიცავს ფულის გათეთრებას, ქოლ-ცენტრების ორგანიზებულ თაღლითობას, მოსახლეობის ჯანმრთელობის წინააღმდეგ მიმართულ ქმედებებს და ა.შ. აი, რას წერს ალბანური მედია: „ალბანეთში KFC-ის უკან, რომელიც სალმონელით ინფიცირებულ ქათმის პროდუქტებს ყიდის, ალბანელებისა და ქართველების მაფიოზური ქსელი დგას. იგივე ჯგუფი ასევე იდგა Gulf-ის პირამიდული სქემის უკან, რომელმაც თავისი საქმიანობა პროვოცირებული გაკოტრებით დახურა, 5 მილიონ ევროზე მეტი მიითვისა და სავარაუდოდ, ეს ფული KFC-ის ქსელის გაფართოებასა და უძრავ ქონებაში ინვესტირებისთვის გამოიყენა. საქმეში გამოჩნდნენ „ფულის გათეთრებისა“ და საგადასახადო თაღლითობის სქემის ხელმძღვანელი, ალბანო ალიკო, ქოლ-ცენტრების ალბანური ფილიალის უფროსი, ამანტ იოსიფი, 39 წლის ქართველი რევაზ სააკაძე, რომელსაც ბრალი ედება ქოლ-ცენტრის თაღლითობასა და ფულის გათეთრებაში და ასევე ალბანო ალიკოს თანამოაზრე, ოთარ ქათამაძე“.ვინ არიან ალბანურ მედიაში მაფიოზური დაჯგუფების წევრებად მოხსენიებული პირები? საჯარო წყაროებით დასტურდება, რომ ამანტ იოსიფი დაკავშირებულია ტრანსნაციონალურ დანაშაულთან, კერძოდ „მილტონ გრუპის“ საფარქვეშ მოქმედ ქოლ-ცენტრებთან, საიდანაც ევროპის სხვადასხვა ქვეყნის მოქალაქეებს სატელეფონო თაღლითობის გზით, ათობით მილიონი ევრო გამოსძალეს.ამანტ იოსიფის მიმართ ესპანეთის მოთხოვნით გამოცემულია დაპატიმრების ორდერი. ის დუბაიში გასულ წელს მართლაც დააკავეს, თუმცა გავრცელებული ინფორმაციით, ამჟამად დიდი რაოდენობით გირაოს სანაცვლოდ არის გათავისუფლებული. სხვადასხვა ჟურნალისტური გამოძიებითაც დასტურდება, რომ ამანტ იოსიფი არის „მილტონ გრუპის“ ალბანური ფილიალის მმართველი, თავად „მილტონ გრუპის“ უკან კი ასევე საერთაშორისო მედია, საქართველოს თავდაცვის ყოფილ მინისტრს, დავით კეზერაშვილს მოიაზრებს.ამანტ იოსიფი ჩანს „მილტონ გრუპის“ კორპორაციულ წვეულებებზე გადაღებულ ფოტოებშიც, სადაც ასევე ფიქსირდებიან დავით კეზერაშვილის უახლოესი გარემოცვის წევრები. როგორც მინიმუმ, ამანტ იოსიფის მეშვებით, დავით კეზერაშვილთან არის დაკავშირებული ალბანურ მედიაში ნახსენები ოთარ ქათამაძეც, რომელიც ფლობს KFC-ს ბიზნესს, როგორც ალბანეთში, ისე საქართველოში. წყარო ჰყვება, რომ ქათამაძეს თავდაცვის ყოფილ მინისტრთან მჭიდრო ფინანსური კავშირები აქვს, ისევე როგორც 39 წლის რევაზ სააკაძეს.ამავე ჯგუფთანაა დაკავშირბეული კომპანია Pay and Go, რომელიც ალბანეთში 2015 წელს დარეგისტრირდა. ეს კომპანია ბრიტანეთში რეგისტრირებული Untag-ის საკუთრებაშია, რომელსაც დავით კეზერაშვილის ცოლის ძმა, დიმიტრი ჩიქოვანი ფლობს. აღსანიშნავია, რომ ალბანური მედიის ცნობით, Pay and Go-ს, KFC Albania-ს და კეზერაშვილის გარემოცვასთან დაკავშირებული კომპანიების სხვა ოფისები ქალაქ ტირანაში, ერთ მისამართზეა რეგისტრირებული.