ზურიკო დავითაშვილი მეუღლესთან ერთად ბერი ანდრიას ფონდს ესტუმრა

საქართველოს ეროვნული ნაკრების ფეხბურთელი, ზურიკო დავითაშვილის თავის მეუღლესთან, მია გზირიშვილთან ერთად ბერი ანდრიას ფონდს ეწვია. ამის შესახებ სოციალურ ქსელში ბერი ანდრიას დედა, თინათინ ჩხვიმიანი წერს და სამახსოვრო კადრებს გვიზიარებს:

„დღეს მამა ანდრიას ვესტუმრეთ, მოვეფერეთ მის საფლავს… ზურიკო, მია, წმინდა ანტონ მარტყოფელის მადლი და ბერი ანდრიას ლოცვა გფარავდეთ… იხარე შენს ლამაზ ცოლ-შვილთან ერთად!“ – წერს სოციალურ ქსელში ბერი ანდრიას დედა.

სოციალურ ქსელში ინფორმაციას ავრცელებს ბერი ანდრიას ფონდიც და სტუმრობისთვის ფეხბურთელს მადლობას უხდის:

„ბერი ანდრიას ფონდის „ბედნიერ სახლში“, ფონდის კეთილი ნების ელჩი, საქართველოს ეროვნული ნაკრებისა და „სენტ-ეტიენის“ შემტევი ნახევარმცველი, ფეხბურთელი, ზურიკო დავითაშვილი გვეწვია. მისი მოსვლა განსაკუთრებულად სასიხარულო იყო ფონდის შვილობილებისათვის. მადლობას ვუხდით ზურიკოს სტუმრობისთვისა და საჩუქრებისთვის, უამრავ წარმატებას ვუსურვებთ მას“, – წერს ფონდი.