VIDEO: „ის არის საუკეთესო ბიჭი“ - ბერა ივანიშვილი ჯონი დეპს ექსმეუღლესთან სასამართლო დავაში გამარჯვებას ულოცავს

„ჯონი დეპს 10 წლის შევხვდი და ის არის საუკეთესო ბიჭი, ვისთანაც კი, ოდესმე მისაუბრია, “- ასე ულოცავს ბერა ივანიშვილი სოციალურ ქსელში ჯონი დეპს ყოფილ მეუღლესთან სასამართლო დაპირისპირებაში გამარჯვებას.

„Congratulations @johnnydepp!“ („გილოცავ“) - წერს ბერა.

შეგახსენებთ, ჯონი დეპმა ყოფილი ცოლის, ემბერ ჰერდის წინააღმდეგ ძალადობის შესახებ ცილისწამების საქმე მოიგო. მსახიობმა დაამტკიცა რომ მას ემბერ ჰარდზე არასდროს უძალადია და რომ თავადაა დაზარალებული.

ნაფიც მსაჯულთა სასამართლომ დაამტკიცა ჯონი დეპის პოზიცია, რომ მისმა ყოფილმა ცოლმა, ემბერ ჰერდმა შეთხზა ბრალდებები დეპის მხრიდან ძალადობის შესახებ ქორწინებამდე და ხანმოკლე ქორწინების პერიოდში.

სასამართლომ ემბერ ჰერდს ჯონი დეპისთვის  15 მილიონი დოლარის გადახდა დააკისრა.

ნახეთ ვიდეო