“უსაფრთხოების მიზნით საჭირო გახდა გადაუდებელი სამუშაოების ჩატარება” - სად იზღუდება მოძრაობა

მტკვრის მარცხენა სანაპიროზე, რესტორან „გაგრის“ მიმდებარედ საავტომობილო მოძრაობა უკიდურეს მარჯვენა ზოლში შეიზღუდება.

უსაფრთხოების მიზნით საჭირო გახდა გადაუდებელი სამუშაოების ჩატარება, რადგან სანაპიროს ამ მონაკვეთზე, გზის სავალ ნაწილზე ბზარები შეინიშნება.

მერიის წარმომადგენლის განცხადებით, ამ დროისთვის ადგილზე ექსპერტთა ჯგუფი მუშაობს, რათა დადგინდეს ბზარების გამომწვევი მიზეზები.