1725743393
წყალი 6 საათით შეწყდება - ნახეთ ქუჩების ჩამონათვალი
![wyali wyali](https://primetime.ge/uploads/files/2022/08/02/21169/tsyali_w_h.jpeg)
,,ჯორჯიან უოთერ ენდ ფაუერი" განცხადებას ავრცელებს და მოსახლეობას წყალმომარაგების შეზღუდვის შესახებ აფრთხილებს:
,,ხვალ, 10 იანვარს, ჯორჯიან უოთერ ენდ ფაუერი ვაკის რაიონში, ნუცუბიძის IV მიკრორაიონის N7 კორპუსთან, წყალმომარაგების სტაბილურობისთვის აუცილებელ ტექნიკურ სამუშაოებს ჩაატარებს.
კომპანიის ტექნიკური ჯგუფები გადაუდებელ სამუშაოებს ინტენსიურ რეჟიმში შეასრულებენ. აღნიშნულთან დაკავშირებით აუცილებელია მაგისტრალური ქსელის წყლისგან დაცლა, რის გამოც ხვალ, 10 იანვარს 11:00 საათიდან 17:00 საათამდე წყალმომარაგება შეეზღუდება:
ნუცუბიძის IV მიკრორაიონს, სოფელი თხინვალას, თხინვალას აგარაკებს, ჟღენტის ქუჩა N5ა-ს, ავთო ვარაზის, ქანთრიას, ლეო და ნოდარ გაბუნიების, კაპანელის, ფერმწერთა, აფხაიძის, კეჭაყმაძის, წმინდა წყლის, დანელიას და ვირსალაძის ქუჩებს.
ჯორჯიან უოთერ ენდ ფაუერი ბოდიშს უხდის მომხმარებლებს დისკომფორტისთვის", - აღნიშნულია განცხადებაში.