თბილისში მაშველებმა ფისო გადაარჩინეს

მაშველებმა კატა გადაარჩინეს, რომელიც ხიდან ჩამოსვლას ვერ ახერხებდა. ამის შესახებ ინფორმაციას ცხოველთა მონიტორინგის სააგენტო ავრცლებს.

მათივე ცნობით  ძაღლისგან გაქცეული ფისო ხშირად თავის გადარჩენის მიზნით ხეს მიაშურებს, მოგვიანებით კი სიმაღლიდან ჩამოსვლას ვეღარ ახერხებს.

„ცხოველთა მონიტორინგის სააგენტოს მაშველებმა ჟიული შარტავას N38-ში 9-10 მეტრის სიმაღლის ხიდან კატა ამწე-კალათის მეშვეობით ჩამოიყვანეს.

ხშირად ძაღლებისგან შეშინებული კატები, თავის გადარჩენის მიზნით, ხეებზე აცოცდებიან ხოლმე და საფრთხე რომ გადაივლის, ჩამოსვლას რამდენიმე დღის განმავლობაში უშედეგოდ ცდილობენ.

ცხოველთა მონიტორინგის სააგენტო მადლობას უხდის მოქალაქეებს, რომელთა მომართვის საფუძველზე, სააგენტოს მაშველები დედაქალაქის ბინადარ ცხოველებს ყოველდღიურ რეჟიმში ეხმარებიან“, - აღნიშნავენ ცხოველთა მონიტორინგის სააგენტოში.