„სახლიდან არ გავდივარ, სანამ პირჯვარს არ გადამწერს... ოღონდ ეგ ქალი იყოს. მინდა დიდხანს იცოცხლოს“ - გიორგი დიასამიძე

„პრაიმ ჰაუსის“ მონაწილეს, გიორგი დიასამიძეს ბებიასთან განსაკუთრებული ურთიერთობა აქვს. „დიასა“ „პრაიმტაიმთან“ ინტერვიუში ამბობს, რომ უნდა, ხნიერ ხალხს მეტი შემოსავალი ჰქონდეს... 

ცხოვრებაში ყველაზე რთულ მომენტად ბებიის ცუდ ყოფნას ასახელებს, მასვე უკავშირდება ყველაზე მნიშვნელოვანი ცხოვრებისეული მოგონებები.

„არასდროს დამავიწყდება - მეშვიდე კლასამდე ბებიაჩემი დილით სკოლაში მაცილებდა და უკან ჩუმად მომყვებოდა... მე კი ვხედავდი, მაგრამ ყურადღებას არ ვაქცევდი. მხედავდა, შევდიოდი თუ არა, ეს სულ მახსენდება.

მინდა, რომ ბებიაჩემმა ძალიან დიდხანს იცოცხლოს, ძალიან დიდხანს.... 100, 150, 200 წლამდე. ოღონდ ეგ ქალი იყოს, მაგის გარეშე სახლიდან არ გამოვდივარ, სანამ პირჯვარს არ გადამწერს. 

ბოლოს ვიტირე როცა ბებიაჩემი ცუდად იყო, ყველაზე რთული მომენტი ესაა... ბებიაჩემი ჩემს ცხოვრებაში ძალიან მნიშვნელოვანია... 83 წლისაა.“ - ამბობს გიორგი დიასამიძე.

ასევე წაიკითხეთ - „მუშაობა 13 წლისამ დავიწყე, დიდ ტრაილერებს ვცლიდი...“ - ბლიც ინტერვიუ გიორგი დიასამიძესთან