ქართველი მოსწავლე სწავლას აშშ-ს საუკეთესო სკოლაში გააგრძელებს - მან 75 ათას დოლარიანი დაფინანსება მოიპოვა

XI კლასის მოსწავლემ, ლიზი დარჩიამ კონკურსის გზით, HMC (ბრიტანეთი) და ASSIST (აშშ) სასტიპენდიო პროგრამებში დაფინანსება მოიპოვა. 

ილია ვეკუას სახელობის ფიზიკა-მათემატიკის სკოლის ცნობით, ლიზიმ უპირატესობა ASSIST-ს მიანიჭა და სექტემბრიდან, სრული დაფინანსებით (75 000 აშშ დოლარი) გააგრძელებს სწავლას ამერიკის კერძო სკოლაში, რომელიც ქვეყნის მასშტაბით 50 საუკეთესო სკოლაში შედის.

„აღსანიშნავია, რომ ორივე პროექტში კონკურენცია იყო ძალიან მაღალი. ბრიტანეთში სასწავლებლად შეარჩიეს 10 საუკეთესო მოსწავლე საქართველოდან, ხოლო აშშ-მ მხოლოდ ერთს - ლიზის მისცა სრული დაფინანსება.ვულოცავთ ლიზის ამ უდიდეს წარმატებას და ვიმედოვნებთ, იგი კვლავ გვასახელებს მომავალშიც,“ - აღნიშნულია ინფორმაციაში.