1725743393
მწვანე პასპორტი ორი თვის განმავლობაში მხოლოდ ორ კატეგორიაზე უნდა გავრცელდეს - ბიძინა კულუმბეგოვი
![bidzina kulumbegovi bidzina kulumbegovi](https://primetime.ge/uploads/files/2022/01/03/170/bidzina-kulumbegovi_w_h.jpeg)
ალერგოლოგ-იმუნოლოგი ბიძინა კულუმბეგოვი მწვანე პასპორტისა და ომიკრონის შესახებ სოციალურ ქსელში პოსტს აქვეყნებს.
მისი თქმით, თუ გვინდა, რომ მწვანე პასპორტმა რეალურად შეასრულოს თვის ფუნქცია ომიკრონის შეკავებაში, მაშინ ის ორი თვის განმავლობაში მხოლოდ ორ კატეგორიაზე უნდა გავრცელდეს.
„თუ გვინდა მწვანე პასპორტმა რეალური როლი შეასრულოს ომიკრონის ტალღის შეკავებაში, მაშინ მისი მოქმედება შემდეგი 2 თვე უნდა გავრცელდეს მხოლოდ ორი კატეგორიის პირებზე: ბუსტერული დოზით ვაქცინირებულები (საქართველოში 90 ათასამდე ადამიანი) და ნეგატიური ტესტის მქონენი. სხვანაირად გაჭირდება ბევრი ადამიანის გადარჩენა და ჰოსპიტალური სექტორის გადატვირთვისგან დაცვა“, - წერს კულუმბეგოვი სოციალურ ქსელში.