მძიმე მოსასმენია, როცა რუსეთს ვიღაც წმინდას და მართლმადიდებელს უწოდებს, მაგრამ ასე მოქცევა მაინც არ არის ქრისტიანული - რას წერს პეტრე კოლხი

„ქალაქ სტარი ლვოვსკში აქტივისტებმა მოსკოვის საპატრიარქოს ლუბიანსკის სასულიერო პირს ბრილიანტის მწვანე შეასხეს“ - ამის შესახებ სოციალურ ქსელში მამა პეტრე კოლხი წერს და მომხდარს ეხმაურება.

„არავინ ამართლებს ძალადობას, არავინ არის ამ საშინელი საქციელის მომხრე…არ არის ეს ფოტო და ქმედება მოსაწონი…

ჩვენ ყველა ვგმობთ რუსეთისგან უკრაინელების წამების ფაქტს და ჩვენც იგივე ძალადობით არ უნდა ვუპასუხოთ რუსეთს…

მაშინ არც ჩვენ ვიქნებით უკეთესი ქრისტიანები!…

გავიგე, რომ მძიმე მოსასმენია, როცა რუსეთს ვიღაც წმინდას და მართლმადიდებელს უწოდებს, მაგრამ ასე მოქცევა მაინც არ არის ქრისტიანული…

ძველი აღთქმის მიდგომაა, ,,კბილი კბილისა წილ, თვალი თვალისა წილ“… ახალ აღთქმაში კი ქრისტემ გვასწავლა „მიუტევე, რამეთუ მოგეტევოს“…

დიახ, ჩვენ არ მოგვწონს რუსეთის აგრესიული რელიგია და მათი ქრისტიანული მიდგომები, მაგრამ ჩვენ უარესად არ უნდა მოვიქცეთ…

ბოროტებას მხოლოდ სიკეთით, რწმენით, ლოცვით და უფალზე მინდობით მოვერევით!..“