მაშველებმა ადიდებული მდინარის სანაპიროზე ჩარჩენილი პირი გადაარჩინეს

„მაშველებმა მდინარე ბურსას ნაპირზე ჩარჩენილი მოქალაქე უსაფრთხო ადგილზე გამოიყვანეს“, - ამის შესახებ ინფორმაციას საგანგებო სიტუაციების მართვის სამსახური არცელებ.

უწყების ცნობით, შინაგან საქმეთა სამინისტროს საზოგადოებრივი უსაფრთხოების მართვის ცენტრ "112" - ში შესული ინფორმაციით, ყვარლის მუნიციპალიტეტში, სოფელ ბურსაში, მდინარის ნაპირზე იმყოფებოდა მამაკაცი, რომელიც მდინარის ადიდების გამო ვერ ახერხებდა მეორე ნაპირზე გადასვლას და ესაჭიროებოდა მაშველების დახმარება.

„საგანგებო სიტუაციების მართვის სამსახურის თანამშრომლები შემთხვევის ადგილზე შეტყობინების მიღებიდან უმოკლეს დროში გამოცხადდნენ და მოქალაქე უსაფრთხო ადგილზე, თოკების საშუალებით, უვნებლად გამოიყვანეს. ამ დროისთვის, მამაკაცი თავს კარგად გრძნობს. მის სიცოცხლეს და ჯანმრთელობას საფრთხე აღარ ემუქრება,- აცხადებენ უწყებაში/