„ხელი კი არ გამოიშვირა, წიხლი კი არ დამაჭირა, პირიქით, მოტივაცია მომცა" - რა ისტორიას იხსენებს თავისი წარსულიდან მამა თეიმურაზ ქორიძე

29 წლის მამა თეიმურაზ ქორიძემ ცოტა ხნის წინ, თავისი ავადმყოფობით ერი გააერთიანა. ახლა მისი ჯანმრთელობის მდგომარეობა სტაბილურია.

ის 2016 წლი­დან ნი­ნოწ­მინ­დი­სა და სა­გა­რე­ჯოს ეპარ­ქი­ის მღვდელმსა­ხუ­რია, დიდი წვლი­ლი შე­ი­ტა­ნა სო­ფელ ჩა­ი­ლუ­რის ტაძ­რის აღ­დგე­ნა­ში.

გთავაზობთ მამა თეიმურაზის მიერ მოთხრობილ ამბავს.

მამა თეიმურაზ ქორიძე: მყავდა საოცარი მასწავლებელი, ჟუჟუნა გოგოჭური. ლიტერატურ მან შემაყვარა. გაკვეთილად გვქონდა "მთაწმინდის მთვარე". რა თქმა უნდა, არ ვისწავლე. არ ვიყავი კარგი მოსწავლე. ვუსმენ, როგორ ჰყვებიან სხვები. მე ატუზული ვარ.

ახლა ჩემი ჯერია, მეც უნდა მოვყვე. მოვიდა, შემხედა, მე ავწითლდი, ავფორიაქდი. ის გამოცდილი მასწავლებელი იყო და შემატყო, რომ გაკვეთილი არ ვიცოდი. ადექიო. უფრო გავწითლდი, გავშავდი. ავდექი და მეუბნება, მე ვიცი, შენ ისეთი კარგი ბიჭი ხარ, ლექსი ზეპირად გეცოდინება და ათიანს გიწერ, დაჯექიო.

გავშრი... შემრცხვა. მივედი სახლში და ლექსი თხუთმეტ წუთში ვისწავლე. მას შემდეგ ლიტერატურა უზომოდ შემიყვარდა, არ დარჩენილა ლიტერატურული ნაწარმოები, რომ არ წამეკითხა.

ხელი კი არ გამოიშვირა, წიხლი კი არ დამაჭირა, პირიქით, მოტივაცია მომცა. მოტივაცია მნიშვნელოვანია...

ასევე დაგაინტერესებთ: 

"თუნდაც ახლოს ყუმბარა აფეთქდეს, ტყვია გავარდეს - ვერანაირი უბედურება შენ ვერ შეგეხება…" - მამა ვიტალის რჩევით, რა ლოცვები გვიცავს დილაობით

"ბოლო ჟამს უფალი თავის ხალხს ისეთ სასწაულებს გაუკეთებს, ერთი ფოთოლი ერთ თვეს გეყოფა; პროდუქტს ასხურეთ ნაკურთხი წყალი და განიწმინდება" - მამა გაბრიელის წინასწარმეტყველებანი

შეხედავ და თითქოს ჩვეულებრივი ტყავის ქამარია, მაგრამ... “ - ტაძარი, სადაც მამა გაბრიელის სარტყელი სასწაულებს ახდენს