ისრაელში შესასვლელად უცხოელებისთვის ახალი რეგულაციები ამოქმედდა - ნახეთ წესები

ისრაელში შესასვლელად  უცხოელებისთვის ახალი რეგულაციები ამოქმედდა. ინფორმაციას ქართული ავიაკომპანია „ჯორჯიან ეირვეისი“ ავრცელებს.

„ძვირფასო მგზავრებო, გთხოვთ გაეცნოთ ისრაელში უცხოელი მგზავრების შესვლის ახალ რეგულაციებს: ისრაელში შესვლა დაიშვება უცხო ქვეყნის მოქალაქეებისთვის, რომლებსაც არ მოეთხოვებათ ისრაელში შესვლის ვიზა – სანამ ისინი სრულად არიან ვაქცინირებული და ჩამოდიან არა წითელი/მაღალი რისკის ზონის ქვეყნებიდან.

✅ ყველა მგზავრმა – ისრაელის მოქალაქეებმაც და უცხოელებმაც, რომლებიც მიემგზავრებიან ისრაელში, უნდა შეავსონ და წარადგინონ ისრაელში შესვლის ონლაინ ფორმა, ისრაელის ჯანდაცვის სამინისტროს ვებსაიტზე, გამგზავრებამდე 48 საათის განმავლობაში.

✅ ისრაელში შესულმა ყველა მგზავრმა (თუ ისინი იმყოფებოდნენ ისრაელის გარეთ 72 საათზე მეტი ხნის განმავლობაში) უნდა წარმოადგინოს სამედიცინო ცნობა, რომელიც მიუთითებს COVID19-ის ტესტის უარყოფით შედეგზე.

✅ ისრაელში შესვლისას, ყველა მგზავრმა უნდა გაიკეთოს PCR ტესტი. ეს მოთხოვნა ვრცელდება ყველა მგზავრზე, მათ შორის ვაქცინირებულ და გამოჯანმრთელებულ პირებზეც.

✅ უცხო ქვეყნის მოქალაქეებმა, რომლებიც აცრილნი არიან Sputnik-ის ვაქცინით, ასევე უნდა გაიარონ სეროლოგიური ტესტი აეროპორტში, PCR ტესტის გარდა.

✅ საზღვარგარეთიდან ისრაელში შესულმა ყველა მგზავრმა უნდა გაიაროს თვითიზოლაცია. იზოლაციის ხანგრძლივობა დამოკიდებულია იმ ქვეყანაზე, სადაც იმოგზაურა მგზავრმა, ასევე ვაქცინაციასა და გამოჯანმრთელების სტატუსზე“, – ნათქვამია განცხადებაში.

დაწვრილებითი ინფორმაცია შეგიძლიათ იხილოთ ისრაელის ჯანდაცვის სამინისტროს ვებსაიტზე: https://corona.health.gov.il/en/