„გილოცავ შენს 21-ე დაბადების დღეს... მთელი გულით უყვარხარ დაიკოს“ - გიორგი შაქარაშვილის და

ფეხბურთელი გიორგი შაქარაშვილი 21 წლის გახდებოდა.

„რამდენი წელიც არ უნდა გავიდეს ჩემს მეხსიერებაში ყოველთვის 19 წლის გიო დარჩები ... გილოცავ შენს 21-ე დაბადების დღეს იმიერ საქართველოში, მთელი გულით უყვარხარ დაიკოს, “- წერს გიორგის და, ანი შაქარაშვილი სოციალურ ქსელში.

2020 წლის 19 ივნისს, გიორგი შაქარაშვილის დაკარგვის შესახებ ოჯახმა შინაგან საქმეთა სამინისტროს მიმართა. პოლიციამ, სამაშველო სამსახურთან ერთად, შეტყობინების მიღებისთანავე დაიწყო სამძებრო სამუშაოები.

4-დღიანი უწყვეტი საძიებო სამუშაოების შედეგად მყვინთავებმა ფეხბურთელ გიორგი შაქარაშვილის ცხედარი წყალში იპოვეს.