„ეს მოძალადე საშიშია... ლიკა სახლიდან გაიტაცა და მუდმივ ტერორში ამყოფებდა... - მაკა ჩიჩუა ახალგაზრდა გოგოს მოულოდნელ გარდაცვალებაზე

სოციალურ ქსელში ახალგაზრდა ქალის მოულოდნელი გარდაცვალების შესახებ გავრცელდა ინფორმაცია.  ერთ-ერთი სამოგზაურო კომპანიის მფლობელისა და მხატვრის, 31 წლის ლიკა დილევსკაიას გარდაცვალების მიზეზად ახლობლები თრომბო ემბოლიას ასახელებდნენ.

მოგვიანებით კი ლიკას ახლობლებმა შოკისმომგვრელი ინფორმაცია გაავრცელეს. როგორც სოციალურ ქსელში გამოქვეყნებული კომენტარებიდან გაირკვა, ახალგაზრდა ქალი ყოფილი ქმრის ტერორის მსხვერპლი ყოფილა.

დასახელდა მამაკაცის ვინაობა, რომელიც ლიკას ყოფილი მეუღლე ყოფილა. გიორგი ახვლედიანი თურმე სისტემატურად ძალადობდა ყოფილ მეუღლეზე.

ასევე ცნობილი გახდა, რომ თურმე ახვლედიანი იმუქრებოდა, თუ ფაქტი გახომავნდებოდა...  ამ ინფორმაციას  გამოეხმაურა ყოფილი პირველი ლედი მაკა ჩიჩუა, რომლის მონათხრობი შეძრავთ:

მაკა ჩი­ჩუა:

„ეს მო­ძა­ლა­დე (გი­ორ­გი ახვლე­დი­ა­ნი ) რო­მელ­მაც ჩვე­ნი ახ­ლო­ბე­ლის, თა­ვი­სი ყო­ფი­ლი ცო­ლის ლიკა დი­ლევ­სკა­ი­ას მი­მართ არა­ერ­თხელ გა­ნა­ხორ­ცი­ე­ლა ფი­ზი­კუ­რი, მო­რა­ლუ­რი თუ ფსი­ქი­კუ­რი ძა­ლა­დო­ბა ვა­დას­ტუ­რებ, რომ მე­ტად სა­ში­შია სა­ზო­გა­დო­ე­ბის­თვის. ლიკა დი­ლევ­სკა­ია – გი­ორ­გის ყო­ფი­ლი მე­უღ­ლე რამ­დე­ნი­მე დღის წინ გარ­და­იც­ვა­ლა… მას ჯან­მრთე­ლო­ბის პრობ­ლე­მე­ბი ჰქონ­და, რაც ყო­ფილ ქმარ­თან ურ­თი­ერ­თო­ბი­სას ბევ­რად გა­უ­უ­ა­რეს­და. ლი­კამ რო­გორც კი გა­ბე­და და წნე­ხის მი­უ­ხე­და­ვად ქმრის­გან წა­მო­ვი­და, მას მე­რეც მისი უკვე ყო­ფი­ლი მე­უღ­ლე მუდ­მივ ტე­რორ­ში ამ­ყო­ფებ­და ..ერთხელ, ღა­მის სა­ა­თებ­ში, როცა ყვე­ლას ეძი­ნა, მა­ლუ­ლად შე­იჭ­რა ლი­კას მშობ­ლე­ბის სახ­ლში და ლი­კას უმ­ცრო­სი დის სი­ცო­ცხლის მოს­პო­ბით აშან­ტა­ჟებ­და თუ ის სახ­ლში არ დაბ­რუნ­დე­ბო­და მას­თან ერ­თად. ცივი ია­რა­ღის(და­ნის) სა­შუ­ა­ლე­ბით მო­ა­ხერ­ხა და ყო­ფი­ლი მე­უღ­ლე სახ­ლი­დან გა­ი­ტა­ცა. ის აუ­ცი­ლებ­ლად გა­აგ­რძე­ლებს და ვე­რა­ფე­რი შე­ა­ჩე­რებს თუ სა­მარ­თალ­დამ­ცა­ვე­ბის მხრი­დან არ მოჰ­ყვე­ბა შე­სა­ბა­მი­სი რე­ა­გი­რე­ბა..ასე­თი ადა­მი­ა­ნე­ბის სა­ზო­გა­დო­ე­ბის­გან იზო­ლი­რე­ბა აუ­ცი­ლე­ბე­ლია”, – წერს მაკა ჩი­ჩუა.

ამ კომენტარს გამოეხმაურა მსახიობი მარიშკა ჯავახაძე, რომელმაც დაწერა რომ ფაქტს ადასტურებს.

„ვა­დას­ტუ­რებ! მოწ­მე ვარ ამ უზარმაზარი უსამართლობის და ბრაზი მახრჩობს. სადღაც თუ არსებობს სამართალი, ამდენი ბოროტება არ შერჩება!“,- წერს მარიშკა.

არსებული ინფორმაციით, მეუღლეზე ძალადობის ბრალდებით, გიორგი ახვლედიანი ნასამართლევია. მან 3-წლიანი პატიმრობა მოიხადა.