„ემპათიის“ დასკვნებში წერია ბოდვა - ვახტანგ მეგრელიშვილი

პარტია „გირჩის“ წევრის, ვახტანგ მეგრელიშვილის განაცხადებით, სააკაშვილის ჯანმრთელობის მდგომარეობასთან დაკავშირებით ცენტრ „ემპათიის“ დასკვნაში რაც წერია, არის ბოდვა.

მისი თქმით, არ შეიძლება 3 000 გვერდიანი დასკვნის დაწერა.

„ეს ყველაფერი არის სასაცილო და ამის გამო გვაქვს ეს მდგომარეობა. ზოგადად, ამ დასკვნებში წერია ბოდვა. არ შეიძლება ასეთი დასკვნების წერა. მითუმეტეს, არ შეიძლება 3 000 გვერდიანი დასკვნის წერა. საზოგადოებისთვის ამის წარდგენა. თან რომელშიც ვერაფერს ვერ გაიგებ. ამის გამოა ეს მდგომარეობა. ჩემი აზრით, ეტყობა ძალიან არაკომპეტენტურები არიან“,- თქვა მეგრელიშვილმა.

ექსპრეზიდენტ მიხეილ სააკაშვილის ადვოკატის, შალვა ხაჭაპურიძის თქმით, ცენტრ „ემპათიის“ მიერ მომზადებულ დასკვნაში ამერიკელი ტოქსიკოლოგების მიერ ჩატარებული კვლევის შედეგები არ არის, რადგან ჯერ არ ჩამოსულა.