ელექტრომობილების პირველი გამოფენა საქართველოში - შეეხე მომავალს!

5 აპრილს თბილისი ელექტრომობილების ცენტრი ხდება!

EV ინდუსტრიის მოყვარულებს და ყველა იმ ადამიანს, ვისაც თანამედროვე, ინოვაციური ტექნოლოგიები აინტერესებს, 5 აპრილს უნიკალური შესაძლებლობა ექნება - საქართველოში ელექტრომობილების პირველი მასშტაბური გამოფენა გაიმართება, რომელიც ქვეყნის მდგრადი, ეკოლოგიური და ბიზნესის განვითარებისთვის მნიშვნელოვანი პლატფორმა გახდება.

გამოფენა Expo Georgia-ს მე-11 პავილიონში გაიმართება. იქ მოსულ სტუმრებს დახვდებათ უახლესი მოდელების მრავალფეროვნება და სწრაფი დამტენების სადგურები, რომლებიც მოწინავე ტექნოლოგიებით, დახვეწილი დიზაინითა და საოცარი სიმძლავრით გამოირჩევიან.

და მხოლოდ ეს არ არის - სტუმრებს ექნებათ შესაძლებლობა, ტესტ-დრაივზე გამოსცადონ ახალი ელექტრომობილები და პირადად შეიგრძნონ მათი უპირატესობები და სიმძლავრე.

• · აქ ნახავთ მსოფლიოში ლიდერი მწარმოებელი კომპანიების ყველაზე პოპულარულ, მოთხოვნად და უახლეს მოდელებს.

გამოფენის ფარგლებში, EV ინდუსტრიის ლიდერი კომპანიები და პროფესიონალები წარადგენენ ინოვაციურ მოდელებს.  სტუმრებს, გარდა იმისა, რომ  მიიღებენ ამომწურავ ინფორმაციას ელექტრომობილებზე,  ექნებათ შესაძლებლობა არაერთი უახლესი მოდელის პრეზენტაციას დაესწრონ.

EV ინდუსტრიის ეკოსისტემის განუყოფელი ნაწილია ელექტრო დამტენები. კომპანიები დამუხტვის სისტემების მნიშვნელოვან მიღწევებს წარმოადგენენ. დაინტერესებულ სტუმრებს პროფესიონალები გაუზიარებენ ინფორმაციას  ენერგოეფექტურობასა და საქართველოში არსებული ინფრასტრუქტურის განვითარების გეგმებზე,  დამუხტვის სიჩქარეზე.

არც განტვირთვაზე ზრუნვას ვივივწყებთ - ღონისძიებაზე იქნება ლაუნჯ ზონა და ბარის სივრცე, სადაც სტუმრებს შეეძლებათ დაისვენონ, სასიამოვნო და საქმიან გარემოში ისაუბრონ ინდუსტრიის პროფესიონალებთან.

ეს იქნება ღონისძიება, რომელიც არ უნდა გამოტოვოთ.

ელექტრომობილების გამოფენა არის შესაძლებლობა, როგორც ავტომოყვარულებისთვის, ასევე ყველასთვის, ვისაც აინტერესებს სიახლეები, ფიქრობს გარემოზე და უკეთეს მომავალზე. აქ გაეცნობით თანამედროვე ტრენდებს, გამოცდით უახლეს მოდელებს და მიიღებთ პასუხებს ყველა მნიშვნელოვან კითხვაზე.

გამოფენა 5 აპრილს 10:00 საათზე დაიწყება და 20:00 საათამდე გაგრძელდება.

ელექტრომობილების გამოფენის ორგანიზატორია, Evnews.ge - საქართველოში პირველი პლატფორმა Ev ინდუსტრიასა და ინოვაციურ ტექნოლოგიებზე, რომელიც ხელს უწყობს ქვეყანაში ელექტრომობილების პოპულარიზაციასა და უფრო უსაფრთხო ტექნოლოგიების დანერგვას. 

დაჯავშნე სტუმრობა: https://evnews.ge/ev-expo
Email: t.khurtsidze@adgeeks.geTel: 598130913