დღეიდან, ნიკო კვარაცხელიას სახელობის ფონდი ოფიციალურად იფუნქციონირებს

19 დეკემბრიდან ნიკო კვარაცხელიას სახელობის ფონდი ოფიციალურად იფუნქციონირებს. ინფორმაციას ამის შესახებ მოკლული ახალგარზრდის დედა, იზა ომაძე ავრცელებს.

„ცასაც და მიწასაც ემძიმება ადამიანი, რომელიც მოწოდებულია, არასდროს არაფერი გაუხარდეს.“ მასწავლებელთა შორის უდიდესმა მასწავლებელმა, ბატონმა გია მურღულიამ დაწერა დილით. ხოდა, ცოტა დამაფიქრა, გამამხნევა და შემომიძახა ამ სიტყვებმა, დიახ, არ მინდა ვიყო მსგავსი გაუსაძლისი ტკივილისა და მიუხედავად 
მიყვარს ეს დღე, მეიმედება უდიდესი წმინდა ნ ი კ ო ლ ო ზ ი, რომელსაც დარწმუნებული ვარ, ჩემი ბიჭი გვერდით ჰყავს.

პირველ რიგში, ჩვენს ნიკოს ვულოცავ, რომელიც ტკივილამდე გვენატრება. მერე, გილოცავთ თითოეულ თქვენგანს, ჩვენი ოჯახის, ჩვენი ნიკოს სახელით, უფალმა ბედნიერი დღეები გიმრავლოთ და წმინდა ნიკოლოზის შემწეობა არ მოგაკლოთ. ყოველგვარი კანონზომიერება დაირღვა, რთულია, მაგრამ ნიკოს საქმიანობა უნდა გავაგრძელოთ.

19 დეკემბრიდან ნიკო კვარაცხელიას სახელობის ფონდი ოფიციალურად იფუნქციონირებს.“ - წერს სოციალრუ ქსელში იზა ომაძე.