დასახელდა დიეტა, რომელიც კიბოს რისკს ზრდის - Dailymail

ახალი კვლევის მიხედვით, მაღალი ცხიმის და დაბალი ნახშირწყლების შემცველმა დიეტამ შესაძლოა სულ რაღაც ოც წელიწადში გაზარდოს ღვიძლის კიბოს განვითარების რისკი.

„კეტო დიეტის“ მიმდევრები ამტკიცებენ, რომ მას შეუძლია შიმშილის გრძნობის გარეშე წონის სწრაფად დაკლებაში დახმარება, თუმცა ექსპერტები ახლა ამბობენ, რომ ცხიმიან დიეტას შეუძლია ღვიძლის უჯრედების ფუნდამენტურად შეცვლა, რაც კიბოს განვითარების რისკს ზრდის.

ამერიკელმა მეცნიერებმა აღმოაჩინეს, რომ როდესაც ღვიძლი პერიოდულად ექვემდებარება ცხიმიან დიეტას, მისი უჯრედები პრიმიტიულ მდგომარეობაში გადადიან.

მიუხედავად იმისა, რომ ეს ცვლილება უჯრედებს ეხმარება გაუძლონ ჭარბი ცხიმით გამოწვეულ სტრესს, ის ასევე მათ უფრო დაუცველს ხდის დაავადებების მიმართ.

 „თუ უჯრედებს უწევთ რამდენჯერმე გამკლავება სტრესთან, როგორიცაა მაღალცხიმიანი დიეტა, ისინი შეასრულებენ იმ პროცესებს, რომლებიც დაეხმარება მათ გადარჩენაში, თუმცა ამავე დროს გაიზრდება სიმსივნის განვითარების რისკი“, - განმარტა პროფესორმა ალექს შალეკმა, სამედიცინო ინჟინერიისა და მეცნიერების ინსტიტუტის დირექტორმა და კვლევის თანაავტორმა.