დაღლილობა, მადის დაკარგვა, ტკივილი მუცლის არეში... - რა უნდა იცოდნენ მშობლებმა მწვავე ჰეპატიტზე

ჯანდაცვის სფეროს ექსპერტი, გიორგი ფხაკაძე ბავშვებში ჰეპატიტის შესახებ წერს.

მისივე თქმით, ბოლო მონაცემებით, ინფიცირებულია 500 ბავშვი და გარდაცვლილია 11. 

„ჰეპატიტი ბავშვებში - ბოლო მონაცემები (17/05/2022). სავარაუდოდ, ამ ჰეპატიტის გამომწვევი მიზეზი შეიძლება იყოს პოსტკოვიდი (იხილეთ სტატიები პოსტის ბოლოს). პირველმა ამ ჰეპატიტის შესახებ განაცხადა დიდმა ბრიტანეთმა 2022 წლის 5 აპრილს. პირველად მე მოგახსენეთ ამ ჰეპატიტის შესახებ 2022 წლის 19 აპრილს. ძირითადად ინფიცირდებიან 11 თვიდან 5 წლამდე ბავშვები. 500-ზე მეტი ბავშვი დაინფიცირდა 30-მდე ქვეყნიდან და დადასტურდა 11 გარდაცვალება. სამწუხაროდ, დაინფიცირებული ბავშვების: 90%-ს ესაჭიროება ჰოსპიტალიზაცია. 10%-14%-ს ესაჭიროება ღვიძლის გადანერგვა. ბრიტანეთში უკვე 11 ბავშვს წარმატებით გადაუნერგეს ღვიძლი. ეს არ არის A, B, C, D და E ტიპის ვირუსული ჰეპატიტი.

პრაქტიკული რჩევები მშობლებს:

არავითარი პანიკა;

დააკვირდით ბავშვს, სიყვითლე ხომ არ აღენიშნება კანზე ან თვალებში;

მუქი შარდი;

ნაცრისფერი განავალი;

კანის ქავილი;

კუნთების და სახსრების ტკივილი;

მაღალი სიცხე;

ბავშვი გრძნობს თავს შეუძლოდ.

ბავშვი გრძნობს დაღლილობას;

მადის დაკარგვა;

ტკივილი მუცლის არეში.

გირჩევთ, გქონდეთ მუდმივი კავშირი თქვენს პედიატრთან. ხელების ხშირად დაბანა საკმაოდ კარგი პრევენციული მექანიზმია გამოიყენეთ სამედიცინო პირბადეები და აიცერით პროტოკოლის მიხედვით,“ - წერს გიორგი ფხაკაძე.