შსს

ვინ არის მამაკაცი, რომელმაც საბავშვო ბაღთან ცოლი დაჭრა და საზოგადოებრივი ტრანსპორტით მიმალვა სცადა

მამაკაცი, რომელმაც ბათუმში საბავშვო ბაღთან ცოლი დაჭრა და საზოგადოებრივი ტრანსპორტით მიმალვა სცადა რომან ბერიძეა.

ცოლ-ქმარს შორის კამათი რამდენიმე დღის წინ მოხდა, რის შემდეგაც ქალი ბავშვთან ერთად სახლიდან წავიდა.

დღეს კი, როცა მან მცირეწლოვანი შვილი საბავშვო ბაღში დატოვა, ქმარი მიმდებარე ტერიტორიაზე დახვდა და დანით ჭრილობა მიაყენა. 

თვითმხილველებმა ადგილზე სასწრაფო გამოიძახეს, რომელმაც დაჭრილი საავადმყოფოში გადაიყვანა, მის სიცოცხლეს საფრთხე არ ემუქრება.

ბრალდებულმა დანაშაულის ადგილიდან მიმალვა საზოგადოებრივი ტრანსპორტით სცადა, თუმცა რომან ბერიძე პოლიციამ მალევე დააკავა.