"ჩემი ყოველი დღე და ყოველი წელი, ერთმანეთს ჰგავს და სრული უაზრობაა..." - რამაზ დავლაძე

შვილის თოჯინით მოსიარულე გიორგი დაუშვილის შემყურეს, ყველას რამაზ დავლაძე გაახსენდა, კაცი, რომელმაც ბათუმში კორპუსის ჩამონგრევის დროს (2021 წლის 8 ოქტომბერს) ოჯახის ოთხი წევრი დაკარგა. ნანგრევებმა მისი ორი შვილი, მეუღლე და ძმა მოიყოლა... რამაზს ვაჟი დარჩა, რომელიც ტრაგედიის დატრიალების დროს, ბაღში იყო.

ის "პრაიმტაიმთან" კომენტარს აკეთებს;

რამაზ დავლაძე: ძალიან ვწუხვარ და განვიცდი! მაგრამ ამდენი წუხილი და ტრაგედია არსად აღარ მეტევა!

ეეჰ, როგორ მესმის იმ მშობლის, რომელიც ასე უგზო-უკვლოდ დადის და იმედს არ კარგავს!

ასეთ დროს ძალიან რთულია ადამიანი რამეთი ანუგეშოთ. სიცოცხლე და არსებობა, რომ საერთოდ არ გინდა, ეს ის მომენტია. ამ დროს დიდია ჭკუიდან შეშლის, სიცოცხლის თვითმკვლელობით დასრულების შანსი.

ამ ბიჭისგან განსხვავებით, ჩემი ბნელი გვირაბის ბოლოს, პატარა სინათლის ნაპერწკალი ჩანს, ვისთვისაც მიღირს სიცოცხლე და არსებობა; დანარჩენი, ჩემი ყოველი დღე და ყოველი წელი, ერთმანეთს ჰგავს და სრული უაზრობაა;

ღმერთმა გაანათლოს დაღუპულთა სულები;

უფალმა დაიფაროს ჩვენი ლამაზი სამშობლო...

ასევე ნახეთ:

შოვში კიდევ ერთი ცხედარი და სხეულის ფრაგმენტი იპოვეს

"ზაზას ერთი შვილი შოვში არ გაჰყვა, გოგონა თბილისში დარჩა...“ - რას წერს მესხის მეგობარი

„ყველაფერი იმიტომ კი არ ხდება, რომ ღმერთს უნდა...“ - მამა ბენიამინი შოვის ტრაგედიას გამოეხმაურა

„მარხვის დროს ჩვენი ჯანმრთელობა და მენტალობა უმჯობესდება; ნებისყოფა ძლიერდება, სინდისი სუფთავდება" - მარიამობის მარხვა დაიწყო