არასდროს დავბრუნდებით საბჭოთა კავშირში - სოლიდარობის აქცია უკრაინის საელჩოსთან

,,უკრაინა და საქართველო რუსეთის გარეშე”,  ,,არასდროს დავბრუნდებით საბჭოთა კავშირში” - ამ ლოზუნგით უკრაინის საელჩოსთან მოძრაობა “სირცხვილიას” ორგანიზებით, უკრაინის მხარდასაჭერი აქცია მიმდინარეობს.

აქციაში მონაწილეობას სხვადასხვა ორგანიზაციები, საჯარო პირები და პოლიტიკური პარტიები იღებენ.

აქტივისტებმა საელჩოსთან  უკრაინისა და საქართველოს ჰიმნები გააჟღერეს და ორივე ქვეყნის დროშები გაშალეს.