,,არ მჯერა მეგი და არც არასდროს დავიჯერებ, მოუშუშებელო ტკივილო..." - საბერძნეთში ქართველი ქალი გარდაიცვალა

საბერძნეთში, 30 წლის მეგი შელია გარდაიცვალა.

ის მეუღლესთან და 5 თვის შვილთან ერთად საზღვარგარეთ, სტუმრად იმყოფებოდა.

"მამიდებმა დაპატიჟეს, ისინი იქ ცხოვრობენ 40 წელია", - გვითხრა ოჯახის ახლობელმა.

მათივე ინფორმაციით, ახალგაზრდა ქალს, სავარაუდოდ, ფილტვები გაეთიშა.

"არ მჯერა მეგი მე ეს და არც არასდროს დავიჯერებ... უბრალოდ წახვედი სამოგზაუროდ... სხვა სამყაროში... უფალს ვთხოვ, მშვიდობით, ნათელში იმოგზაურო. ნახვამდის ჩემო მონატრებულო, უსაყვარლესო, მოუშუშებელო სულის ტკივილო, მეგი, ოდეს შევხვდებით", - წერენ ახლობლები სოციალურ ქსელში.

ახალგაზრდა ქალის ცხედარს თბილისში ხვალ ჩამოასვენებენ.