აღდგომის მარხვა იწყება - რა უნდა იცოდეთ თუკი გადაწყვეტთ იმარხულოთ

აღდგომის მარხვა ყველაზე მნიშვნელოვან და მკაცრ მარხვად ითვლება, როგორც მართლმადიდებელ ქრისტიანებს, ასევე კათოლიკეებს შორის. მომარხულე ერთ–ერთი უმთავრესი ქრისტიანული დღესასწაულისთვის, აღდგომისთვის ემზადება.

დაწყების და დასრულების თარიღები

დიდმარხვა იწყება ორშაბათს, 27 თებერვალს, (ყველიერის კვირის შემდეგ) და 7 კვირა გრძელდება, 15 აპრილამდე. წელს კათოლიკეები აღდგომას ერთი კვირით ადრე აღნიშნავენ. მარხვას ერთი კვირით ადრე იწყებენ. 22 თებერვლიდან 6 აპრილამდე გაგრძელდება.

რა უნდა გააკეთოთ და რა არის აკრძალული აღდგომის მარხვის დროს

აღსარება ჩააბარეთ და ეზიარეთ მარხვის დაწყებამდე.არ მიიღოთ ცხოველური პროდუქტები: ხორცი, თევზი, ზღვის პროდუქტები, კვერცხი, რძის და რძემჟავა პროდუქტები.სხვებს დაეხმარეთ, განსაკუთრებით მათ, ვისაც სჭირდება.არ მოაწყოთ და არ მიიღოთ მონაწილეობა ხმაურიან წვეულებებში. მეგობრებთან ერთად მშვიდი შეხვედრა დასაშვებია.არ მოწიოთ და არ მიიღოთ ალკოჰოლი.ყოველდღე ილოცეთ, კვირაობით ეკლესიაში წადით.ხორციელი სიამოვნებისგან თავი შეიკავეთ.არ მოიტყუოთ, არ შეგშურდეთ, არ იკამათოთ.საკუთარ თავთან და სხვებთან გულწრფელი იყავით.