„70 წლის ასაკში ტატუ გავიკეთე, ყოველთვის მინდოდა...“ - მაკა მახარაძე

70 წლის ასაკში ტატუ გავიკეთე, ყოველთვის მინდოდა, მაგრამ მრცხვენოდა, - ამის შესახებ ცნობილი ბალერინა და მოცეკვავე, მაკა მახარაძე აცხადებს.

„38 წლის ასაკში დავანებე თავი ბალეტს. გავედი პენსიაზე. გააზრებული მქონდა, რომ ასე იქნებოდა. ძალიან იღლები... სადღაც 34-35 წლისთვის უკვე ძალა არ გაქვს... ძალიან დიდი დატვირთვა და იზოლაცია გარე სამყაროსგან. ბევრ ფილმში მითამაშია, მაგრამ ბალეტს მსახიობობას ვერ შევადარებ...

რაც შეეხება რჩევებს, მე გიჩვენებთ, 70 წელს ზემოთ რა ხდება, 70 წლის ასაკში ტატუ გავიკეთე.

ყოველთვის მინდოდა, მაგრამ თავიდან ჩვენი თაობა მაინც მიჩვეული იყო იმ აზრს, რომ ეს ციხიდან გამოსულ ადამიანს ჰქონდა, ახლაც არ მომწონს მთელ სხეულსა და სახეზე რომ აქვთ... ასეთი რამ სულ მინდოდა, მაგრამ მრცხვენოდა. და ერთ დღესაც მივხვდი, რომ არ მრცხვენოდა“, – თქვა მაკა მახარაძემ.