ყველაფერს გავაკეთებ იმისთვის, რომ ივანიშვილი სასტიკად დაემხოს - ბაჩო ახალაია

ბაჩო ახალაიას მორიგი მუქარა - თავდაცვის ყოფილმა მინისტრმა სასამართლო პროცესზე კიდევ ერთხელ განაცხადა, რომ ხელისუფლება უნდა დაემხოს, ქვეყნიდან გაქცეულ მაღალჩინოსნებს კი, ისევ საქართველოში ჩამოიყვანს.

კონსტიტუციური წყობილების ძალადობით შეცვლისაკენ და სახელმწიფო ხელისუფლების დამხობისაკენ მოწოდებების გამო ახალაიას ბრალი უკვე წარდგენილი აქვს. დანაშაული 3 წლამდე თავისუფლების აღკვეთას ითვალისწინებს.

"ჩემს თანამოაზრეებთან ერთად დავამხო ხელისუფლება, ზედმეტ ბრალს ვერავინ წამიყენებს, რადგან რაც სისხლის სამართლის კოდექსით აკრძალული არაა, ის ყველაფერი დაშვებულია. შესაბამისად, მე ვამბობ, ერთადერთი გზა ამ სიტუაციიდან გამოსვლის, რომელიც ჩვენს ერს აქვს, ხელისუფლების დამხობაა. ყველაფერს გავაკეთებ იმისთვის, რომ ივანიშვილი სასტიკად დაემხოს, ზუსტად იცის ივანიშვილმა, რომ ჩამოვიყვანთ და ამ სასამართლოში მოვიყვანთ," - აღნიშნა ბაჩო ახალაიამ სასამართლო პროცესზე.