სავარაუდო ძალადობა მე-7 კლასელზე - რა ემუქრება სკოლიდან გათავისუფლებულ მასწავლებელს

გორის მუნიციპალიტეტის ერთ-ერთი საჯარო სკოლიდან გაათავისუფლეს მასწავლებელი, რომელმაც მე-7 კლასის მოსწავლეზე, სავარაუდოდ, იძალადა.

ვიდეოში ჩანს, როგორ ურტყამს პედაგოგი მოსწავლეს თავსა და ხელზე.

ვიდეო გეოგრაფიის გაკვეთილზეა გადაღებული.

„პრაიმტაიმს“ შინაგან საქმეთა სამინისტროში განუცხადეს, ფაქტზე გამოძიება სსკ-ის 126-ე მუხლის პირველი პრიმა ნაწილით დაიწყო. 

ბრალის დამტკიცების შემთხვევაში, მასწავლებელს საზოგადოებისათვის სასარგებლო შრომის შესრულება, ან პატიმრობა ემუქრება.