რა წერია დასკვნაში, რომელიც სააკაშვილის ჯანმრთელობაზე „ემპათიამ“ მოამზადა

„ემპათიამ“ დასკვნაზე მუშაობა დაასრულა – დიაგნოზები მძიმეა, ესადაგება პატიმრობიდან გათავისუფლების კრიტერიუმებს“, – ამის შესახებ ცენტრ „ემპათიას“ ხელმძღვანელი მარიამ ჯიშკარიანი სოციალურ ქსელში წერს.

მისი განმარტებით, მიხეილ სააკაშვილი სასწრაფოდ საჭიროებს სრულყოფილ დიაგნოსტიკას და მკურნალობას.​

„ცენტრმა „ემპათიამ“ დაასრულა მიხეილ სააკაშვილის ჯანმრთელობის მდგომარეობის დასკვნაზე მუშაობა. დასკვნა ითარგმნება და გადაეცემა უცხოელ ექსპერტებს. დიაგნოზები მძიმეა, ესადაგება პატიმრობიდან გათავისუფლების კრიტერიუმებს. ექსპერტთა ჯგუფს მიაჩნია, რომ მისი დიაგნოზები, რომელიც ძირითადად პატიმრობაში განვითარდა შეუთავსებელია პატიმრობასთან. იგი სასწრაფოდ საჭიროებს სრულყოფილ დიაგნოსტიკას და მკურნალობას“, – წერს მარიამ ჯიშკარიანი.