პოლიციამ პეკინზე მდებარე „საქართველოს ბანკის“ ფილიალზე თავდასხმაში ბრალდებული დააკავა

პეკინის ქუჩაზე მდებარე "საქართველოს ბანკის"ფილიალზე თავდასხმაში ბრალდებული პირი დაკავებულია. ყაჩაღობა თბილისის ცენტრში გუშინ მოხდა. შემთხვევის ადგილზე საგამოძიებო მოქმედებები გვიანობამდე გაგრძელდა. ადგილზე მობილიზებული იყო საპატრულო პოლიცია, ასევე ექსპერტ-კრიმინალისტები. გამოიკითხნენ ბანკის თანამშრომლები.

წინასწარი ინფორმაციით, ბანკში ერთი ნიღბიანი შეიარაღებული პირი შეიჭრა და თანხა წაიღო. ფულის რაოდენობა არ კონკრეტდება. "კურიერის" ინფორმაციით, დაშავებულები არ არიან. გამოძიება ყაჩაღობის მუხლით მიმდინარეობს.