„ნელი გახლავთ ის ადამიანი, რომელმაც თავის დაბადების დღეზე, საკუთარ თავს აჩუქა ოსკარი... - ირმა ჭკადუა

საქალაქო სასამართლოში ნიკოლოზ ბასილაშვილის საქმის განხილვა დასრულდა. ნიკოლოზ ბასილაშვილის ადვოკატი, ირმა ჭკადუა მისი დაცვის ქვეშ მყოფის მხრიდან რაიმე სახის ძალადობას კატეგორიულად უარყოფს.

„ქალბატონი ნელი გახლავთ ის ადამიანი, რომელმაც თავის დაბადების დღეზე, შარშან საკუთარ თავს აჩუქა ოსკარი, მას ეს ნამდვილად ეკუთვნის. თუმცა, დაჯილდოებას დაველოდოთ, როდის იქნება გადაწყვეტილება გამომდინარე იქიდან, რომ დაცვის მიერ წარმოდგენილი ყველა მტკიცებულება დაადასტურებს იმას, რომ ქალბატონი ნელი დოროყაშვილი ცრუობს, ქალბატონი ნელი დოროყაშვილის ერთადერთი ინტერესი გახლავთ ის, რომ რეპუტაციულად გაანადგუროს ბატონი ნიკოლოზ ბასილაშვილი, რასაც ის ნამდვილად ვერ მიაღწევს.

არასოდეს, ბატონ ნიკოლოზ ბასილაშვილს ნელი დოროყაშვილზე არ უძალადია, რასაც კიდევ ერთხელ მოწმობს შემდეგი გარემოება, რომ ამდენი წლის განმავლობაში ქალბატონ ნელის არასოდეს არ განუცხადებია ამის თაობაზე და ქალბატონი ნეკა დოროყაშვილი არ იყო თანახმა განქორწინებაზე," - აცხადებს ირმა ჭკადუა.

ასევე ნახეთ: „ამ ყველაფერს ნახავს ბასილაშვილის ბავშვი, ის დადის სკოლაში, ეზოში...“ - ირმა ჭკადუა განმარტავს, რატომ არ წარმოადგინა ნიკოლოზ ბასილაშვილმა მტკიცებულებები