მასშტაბური სპეცოპერაციის დეტალები - რა ხდება ადგილზე

ამ წუთებში, საქართველოს მასშტაბით, სხვადასხვა ლოკაციაზე სპეცოპერაცია მიმდინარეობს.

საქმე ეხება ნარკოტიკების რეალიზაციას. სავარაუდოდ, სამართალდამცველები, რამდენიმე სახლს ჩხრეკენ. ამ ეტაპზე 10-ზე მეტი ნარკორეალიზატორია დაკავებული.

ამ დროისთვის, თბილისში ფონიჭალაში მიმდინარეობს სპეცოპერაცია და ნარკორეალიზატორების დაკავება მთელი დღის მანძილზე გაგრძელდება.

ცენტრალური კრიმინალური პოლიციის უფროსის თეიმურაზ კუპატაძის თქმით, მოსამართლის განჩინების საფუძველზე დაკავებულია რამდენიმე პირი. 

დღეს მთელი ქვეყნის მასშტაბით, მოსამართლის განჩინების საფუძველზე, დაკავებულია 10-ზე მეტი ნარკორეალიზატორი, რომლებთანაც წინასწარ განხორციელდა საკონტროლო შესყიდვა, რაც ასახულია აუდიო-ვიდეო ჩანაწერებით და გამოყენებული იქნება მტკიცებულების სახით.

ღონისძიება გრძელდება დღის განმავლობაში სხვადასხვა ქალაქში და დაკავებულების რაოდენობა კიდევ გაიზრდება," - თქვა კუპატაძემ.

„პრაიმტაიმი“ დამატებით დეტალებს უახლოეს დროში შემოგთავაზებთ.